網頁清單

2015年12月31日 星期四

【台北】smith&hsu:慢活。茗茶。英倫午後時光

28 December 2015, Monday

天氣反覆無常, 加上舟車勞頓+體力勞動, 近兩星期病咗好多日, 聖誕節仲要去睇專科醫生慶祝一番, 這兩個星期食咗好多日Sogo Food Court的韓國人參雞粥... 我知... 中醫係話感冒唔可以食雞, 會補咗落D菌度, 但係我真係無得揀, 都未見過有食店賣綿綿白粥, 而且睇韓國旅遊節目, 佢地國家的中醫係話病緊要食人參雞粥先有元氣對付病菌... 眾說紛紜...

今天突然胃口來了, 病好了嘛?!!

其實呢幾日都係1餐當3餐, 今日都唔例外...

3:30PM係下午茶時間, 亦係我地食早午晚餐嘅時候...

【台北】海餃七號:店名引人竊笑, 出品認真敢於創新

29 December 2015, Tuesday

每次路過海餃七號, 都忍唔住笑佢係海角七號個Friend... 今天匆匆忙忙想吃點輕食, 即管試下囉...

門外放了海角七號「經典台詞」"X你媽的台北"結他...


2015年12月30日 星期三

【台北】忠誠牛肉麵:為碗麵,險送命

29 December 2015, Tuesday

夕陽無限好, 只是近晚餐...

體力勞動了一整個下午, 天色開始昏暗, 是時間放下工作... (耕田嗎?!!)

去邊度食晚飯好呢?!! 用下個腦先~~~ (好耐無啟動過)

呀!!! 醒起朋友推薦過忠誠牛肉麵, 近近地, 就去試試...

來到台灣, 最令人不適應的... 是交通!!! 行人路不是給人行的, 電單車可以隨時殺埋身, 仲要佢當自己係優先使用者... 以為綠公仔可以過馬路就真係死得, 左軚車綠公仔無行人的時候車可以照過呢樣我知, 日本同加拿大都係咁, 但係人地有人行緊時真係會係白線停車, 台灣呢度人已經過咗一半行到路中心, 私家車電單車照飆埋來, 身前身後都有車高速駛過, 總之要快過你, 人肉三文治隨時變肉醬...

On the way去忠誠牛肉麵, 行到警局過咗半條馬路, 就有架TAXI+電單車+一堆車勁快剷埋來, 我當時有不停左右望所以人無死... (未到戲肉)

搵到忠誠牛肉麵, 影完呢張相準備過班馬線... 係... 係班馬線, 無紅綠燈果種!!! 差D係人生最後1張相!!!



2015年12月29日 星期二

【台北】阿美飯店:異鄉做冬, 錯入團餐店

22 December 2015, Tuesday


新聞一則 : 台北氣象站22日冬至來到30.5度高溫,創下67年來冬至最高紀錄,中午時分走在街頭一點也不冷,彷彿又回到夏天。

今朝朋友著短袖衫來接我地, 搞到我地著抓毛好似發冷咁, 後來先發現, 我地真係發冷, 中午時熱到脫剩長袖薄T都好似中暑咁...

今日除咗特別熱, 仲有更特別的... 首次唔係香港做冬+首次同朋友做冬!!!

朋友話原本唔係訂阿美飯店, 搵咗2間餐廳都Full咗, 搵到第3間(阿美飯店)先有位... 懷著興奮的心情去... 

阿美飯店旁有一家好記擔仔麵, 大排檔的格局, 門外放了幾十碗小炒SAMPLE, 裡面超級熱鬧的... 看到阿美飯店的餐牌才知道是姊妹店, 日賣2000碗擔仔麵...

阿美飯店內放置了大量古畫飾品與古董傢俱, 古色古香的懷舊飯店...

2015年12月28日 星期一

【台北】Dazzling Cafe Pink:做冬飯後甜品

22 December 2015, Tuesday

新聞一則 : 台北氣象站22日冬至來到30.5度高溫,創下67年來冬至最高紀錄,中午時分走在街頭一點也不冷,彷彿又回到夏天。

同Honey的朋友做完冬, 佢地提議轉場食甜品, 呵呵呵, 我實贊成o架... 跟住朋友話去Dazzling... WoW... 好呀!!! 我去我去我去!!!

朋友用App Call Uber去, 又快又方便... 佢話上車唔使同司機講去邊, 一定唔會去錯地方喎... 哈哈, 又係喎, 點解我之前諗唔到嘅呢... (我仲以為得我一個有雞同鴨講嘅問題)

話咁快就到Dazzling Cafe!!! 呢間係第1間開業的Dazzling Cafe總店呀!!!


2015年12月27日 星期日

【台北】StayReal Café by Gabee:誤闖五月天潮流品牌店

24 December 2015, Thursday

千里迢迢來到東區, 只吃過手工/無味精/非基改/零反式脂肪的歐式健康料理, 真的沒理由就此打道回府...

人人都話來台北一定要搵間特色咖啡店Hea住嘆先叫不枉此行, 我地決定係東區賴死不走, 搵間型格咖啡店Hea下先...

行咗幾條街, 由街頭行到街尾, 再由街尾行到街頭, 呢間StayReal Cafe比較多客人... 真係咁正?!!


【台北】àlohas 野草餐廳:手工/無味精/非基改/零反式脂肪的歐式健康料理

24 December 2015, Thursday

前2日同Honey的朋友一起做冬, 晚餐後朋友建議去Dazzling Cafe食甜品... WoW... 好呀好呀... 10萬個贊成!!!

獲朋友教路, 得知台北都有個東區, 集潮流品牌及美食於一身!!! 美... 食... 聽到都興奮!!! 日後一定要多點來東區朝聖... 呵呵呵...

做完冬之後, 唔知係食滯咗定凍親, 尋日沾寒沾凍+關節痠軟, 歇咗1日, 今天雖然頭好痛, 但平安夜嘛, 點都要同Honey出外慶一慶...

上網Hea找東區美食餐廳, 火鍋燒烤煎烤生冷全部要迴避, 又無理由食港式點心/茶餐廳, 都無咩選擇, 揀了標榜「手工/無味精/非基改/零反式脂肪/不收服務費/無頂新產品」的àlohas 野草餐廳...

2015年12月26日 星期六

【新北】淡水古蹟半天遊

14 December 2015, Monday

天氣預佈話今晚9PM會落「短暫陣雨」...

各位香港同胞千祈咪比呢個4字詞彙呃到, 上次我地去「九份+十分+東北角的落9C一日遊」出發前都係話「短暫陣雨」, 中伏後回到酒店再睇佢可以變咗「大雨特報」, 變得快過香港天文台...

是日行程... 淡水捷運+公車半日遊!!!

要趕係5:05PM去到淡水漁人王碼頭睇日落, 又要趕係9PM前離開淡水, 唔敢嘆慢板, 約咗朋友中午12點一齊食Lunch, 飽餐後隨即乘坐捷運淡水線到總站下車...

2015年12月20日 星期日

【台北】Pizzeria Oggi:全台第一家AVPN認證的手工窯烤拿坡里披薩專賣店

14 December 2015, Monday

尋晚行緊去搵朋友推薦的一品巧廚時, 路經此店, 比佢門口個大石窯吸引住, 好想入去試下, 奈何5:30PM未夠已經全院滿座, 門口仲有人等位, 無緣, 下次請早...

今日約咗Honey的朋友一齊去淡水遊覽, 嘻嘻, 搵埋佢陪我地做白老鼠先...

2015年12月18日 星期五

【台北】度小月:10年前過門而不入是正確的決定

15 December 2015, Tuesday

仲記得10年前來台北睇展覽的時候, 出發前睇旅遊書有考慮過度小月, 路過時見到好多人排緊隊, 就放棄了...

10年後的今天, 碰巧Honey的朋友也在台北, 便相約一起吃晚飯... (係, 又係佢的朋友, Honey真是相識滿天下)

大家都無Idea去邊度食, Honey見到另一個朋友PO了度小月的相片上FB, OK, 不如就去度小月延續10年前的未了緣吧...

做人真係唔好太感情用事, 去度小月這個決定絕對是錯的...

2015年12月14日 星期一

【台北】天鍋宴:超值優質火鍋+任飲任食甜品, 推薦!!!

12 December 2015, Saturday

有天母幫推薦我地試天鍋宴, 自己的胃不好經常胃炎, 甚少食火鍋, 同佢店面幾企理又係一人火鍋, 應該無咁高危, 打算搵日先去試...

剛巧Honey的朋友又從香港過來Join我地玩, 膽粗粗拉埋佢一齊去冒險...

係捷運芝山站等齊行去餐廳都唔使10分鐘, 一路上見到好多餐廳門口出現人龍, 開始擔心, 結果... 而家只係6:30PM, 天鍋宴已經爆滿, 我地又無訂位, 好彩職員話30分鐘後有枱, 問我地等唔等... 等, 緊係等啦, 再搵第2度咪都係無位...

2015年12月3日 星期四

10周年‬「A Happily Ever After Christmas」慶典 @ 香港迪士尼樂園 Hong Kong Disneyland

16 November 2015, Monday

唔經唔覺, 原來香港迪士尼樂園已經10歳喇!!!

想當年, 成班老友一齊入o黎為2粒11月之星賀壽, 連世伯伯母都來玩埋一份, 陣容如此盛大的大合照可謂經典中的經典...


2015年11月19日 星期四

The Captain's House : Shake Shake 海鮮

10 November 2015, Tuesday

今晚約咗好耐無見的朋友出來食飯... 食好少少是常識吧...

朋友發板去尖沙咀食海鮮... 嗯... 好吖!!! (嘻嘻, 唔洗我諗, 實好o架)


香港美酒佳餚巡禮 Hong Kong Wine & Dine Festival 2015

22 October 2015, Thursday

返咗香港幾日咋, 離開咗2星期, 返到來忙到九彩, 相信只有佢可以令我地提得起興趣同時間去... 講緊嘅係由香港旅遊發展局舉辦, 一年一度嘅「香港美酒佳餚巡禮」...


2015年11月18日 星期三

台北「尋找他鄉」2015の謙匯國際酒店式公寓:初試Service Apartment

October 2015, Thursday

第一次出門租Service Apartment...

今次住得比較耐, 唔想對腳比地氈上的塵蟎搞到過敏起水泡, 又唔想帶咁多衫, 個旅行喼都無位放, 所以主力搵無地氈+有洗衣機的酒店式公寓... (交通要便利+治安要好+價錢要便宜+間房要夠大呢D就必然啦)

要求多多, 錢比少少... 咁都比我搵到?!!

多謝「光纖之父」高錕!!!

捷運民權西路站出, 行幾分鐘就到... 附近有晴光市場+雙城美食街, 屈臣氏+頂好(台灣惠康), FamilyMart + 7-11, 應有盡有, 不能盡錄...

Lobby 有中英日秘書候命... 保安員長期駐守...


2015年11月16日 星期一

台北「尋找他鄉」2015の長榮航空Hello Kitty彩繪機

16 October 2015, Friday

今朝要好早起身, 離開台北前Honey開3個Meeting... 開完會返酒店拎行李Check-out就趕去機場...

人生第1次坐長榮, 我肯坐的原因, 除了機票比國泰平好多, 仲因為佢...

中女殺手... Hello Kitty!!!

好緊張!!! 好興奮!!! 有無見過人玩完晒臨返屋企果陣先來興奮咁奇特呢?!!

一切... 由Self Check-in Counter開始...

台北「尋找他鄉」2015の金月娘x沙諾歐法西餐xNina's Kitchen

15 October 2015, Thursday

今日都瞓得好飽... 呢幾晚都按捺不住臨瞓前啪鼻敏感藥, 瞓到豬咁...

今日Honey約咗台灣朋友Lunch Meeting, 再訪沙諾歐法西餐 Sara House Restaurant 1986, 個胃好滯, 唔想食咁飽, 點了大蝦餐, 份量剛剛好... 掛住傾計, 無影相, 大家可重溫5月份的遊記...
http://www.kenmerry.com/2015/06/ete-cafe.html

好多謝台灣朋友送贈的金月娘, 好鬆化, 好好味, 影低個盒認住佢個嘜頭, 下次再來台灣一定要再買來食...

2015年11月15日 星期日

台北「尋找他鄉」2015のHea遊Syntrend三創生活園區x晴光市場+雙城美食街

14 October 2015, Wednesday

今日都係Free Free Free...

Honey開埋聽日同後日嘅會我地就可以返香港啦...

瞓到飽自然醒, 去邊度好呢...

Honey提議去光華商場隔離新開的電子產品商場... 又唔知叫咩名, 叫人點Search Google Map呀... 咁唯有Search光華商場啦...

2015年11月14日 星期六

台北「尋找他鄉」2015のHea遊誠品旗艦店+西門町

13 October 2015, Tuesday

今日好幸福地瞓到黃朝百晏, 食埋個美味的早午餐... 跟住去邊好呢?!! Honey建議去誠品旗艦店朝聖...

咁多間誠品, 邊間先係旗艦店呀?!! 上網Search下先... 原來係誠品信義旗艦店!!!


台北「尋找他鄉」2015の圈子:服務好到想搵店員做新抱仔

13 October 2015, Tuesday

今日無約人!!! 今日無約人!!! 今日無約人!!!

終於可以瞓飽飽仲要唔使睇鐘做人喇... Hea住Travel才是真正的享受人生嘛...

將「食飽就瞓, 瞓飽就食」視為人生的座右銘... 咁... Lunch食咩好呢?!!

早幾日(飽受殘酷風雨虐待至不成人形1日遊果日)搵地方食晚餐時, 除咗對「紗汀娜好食 (Sabrina House)」比較有好感之外, 都留意到「圈子 Jessie wa」的評價不錯, 但見佢主打Brunch, 決定當日唔試住, 留作日後瞓到黃朝百晏先再去食早午餐...

命運中的邂逅... 就在今天...

2015年11月10日 星期二

台北「尋找他鄉」2015の鼎泰豐:微暖小籠包, 毫無鮮味, 十萬個失望!!!

12 October 2015, Monday

Lunch食完勝博殿, Honey開了一整個下午的會議, 到晚上我地再去天母Sogo行街街順道食晚飯... 原來Sogo地庫超市係Citysuper, 好正喎... 

咦... 仲有鼎泰豐... 我要食!!! 我要食!!! 


2015年11月9日 星期一

台北「尋找他鄉」2015の勝博殿日式炸豬排:黑芝麻,白芝麻,嘩嘩!

12 October 2015, Monday

Honey今朝一早就離開酒店出咗去開會啦~~~

我今日終於可以盡情瞓, 盡情瞓, 瞓到飽為止先起身, Yeah!!!

差不多到中午, Honey開完會回來酒店接我去食Lunch...

明明好塞車, 架Taxi起勢係度飄移... 除非你架車裝咗竹蜻蜓, 否則, 你原地踏步瘋狂飄移係無意義的!!! 未落車已經好想嘔, 一度好擔心會忍唔住嘔咗出來...

2015年11月8日 星期日

台北「尋找他鄉」2015の大台北華城俱樂部:台灣人的好客之道

11 October 2015, Sunday

與Honey的朋友吃過大安區的誇啦啦鐵板料理後, 朋友要忙著回天母Sogo血拼啦~~~ Sogo天母店週年慶大減價最後一天!!! (聽講佢地當日戰績相當彪炳, 刷卡刷過片甲不留, 哈哈)

我地亦到天母會合新相識的台灣朋友, 原來佢都係天母幫!!! 會合後, 佢車咗我地去世界某個角落去認識新的台灣朋友... (我話晒都係台灣Newbie, 唔係坐公車的話, 我真係唔知自己身在何方嘅呢)

我只知離開了台北市, 去了新店區, 然後綿延的山路, 要通過守衛室的封鎖線, 擺低証件, 才能繼續上山...

2015年11月6日 星期五

台北「尋找他鄉」2015の墨賞新鐵板料理:超值午餐!列入姊妹淘飯聚熱點

11 October 2015, Sunday

住在天母區的朋友這個星期到國外出差了, 一直好擔心我地係台北會無啖好食... 直至見到Honey的FB日日出食玩PO, 佢先放下心頭大石... 辛苦你了, 害你擔心, 不好意思哦 :p

等了又等... 朋友終於返到來台北喇!!! 又要帶我地出去食好o野啦~~~ Yo Ho~~~

今次終於衝出天母區, 出城搵食... 呵呵呵... 今日有得食鐵板料理...

2015年11月2日 星期一

台北「尋找他鄉」2015の秋吉串燒:串得喜

10 October 2015, Saturday

午餐仲係台北食緊林東芳牛肉麵,為咗一杯咖啡,即日來回宜蘭,晚餐又返翻台北食,有夠誇張...

台灣朋友真的很貼心,一盡地主之誼,悉心安排了一整天的行程,更當上柴可夫,晚上還帶我地到中山區品嚐有20年歷史的秋吉串燒...

全台串燒店的創始者,以木炭高溫燒烤(達攝氏六百度),配合鹽燒方式,烤出道地日式串燒的炭香風味...

2015年10月29日 星期四

台北「尋找他鄉」2015の宜蘭頭城城堡咖啡 : 睡公主來了也睡不了

10 October 2015, Saturday

為咗一杯咖啡, 你可以去到幾盡?!!

千里迢迢從台北來到宜蘭, 即日來回, 為的... 只是一杯咖啡!!!

咳... 正確D來講, 係半日來回... 午飯同晚飯都係台北食, 下午茶係宜蘭飲... 很瘋狂吧... 嘩咔咔咔...

好不容易找到入口(接天宮紅色牌樓), 面對崎嶇山路與迎面而來的對頭車, 數月前考車牌肥佬的我, 不敢想像自己能有成功駕車上此山的一天... 好恐怖呀!!!

♫ 又越過高山又越過谷 ♫

成功到達宜蘭頭城城堡咖啡館!!! Yo Ho!!!


2015年10月28日 星期三

台北「尋找他鄉」2015の宜蘭縣立蘭陽博物館 : 見證《宜蘭的誕生》

10 October 2015, Saturday

早上窩在酒店的梳化看電視播放國慶大典Live...

正午12點吃過林東芳牛肉麵, 隨即驅車前往宜蘭縣...

國慶3天連假的第2天, 交通部實施「高承載管制疏導措施」, 3人以上小客車才能上高速公路... 咁特別的安排, 都係第1次見...

提議取消中環電車果位黑心人, 學下o野啦...

從台北去宜蘭, 最快的行車路線, 非雪山隧道莫屬...

~ 雪山隧道小檔案 ~
全長約12.9公里, 1991年7月施工, 2006年6月16日啟用通車, 位於國道五號(蔣渭水高速公路)之間, 貫穿新北市坪林區與宜蘭縣頭城鎮, 是台灣最長、亞洲第6長、全世界第9長的公路隧道...

2015年10月27日 星期二

台北「尋找他鄉」2015の林東芳牛肉麵:食完碗麵仲不停飲湯

10 October 2015, Saturday

遊台短短數天, 驚覺原來好多香港朋友來台北遊玩或工作的, 今天已是與第3組朋友會合... (都是Honey的朋友, 我的朋友都在香港家中湊仔, 哈哈)

Honey的朋友今早才落機, 開完會就與當地朋友來酒店接我地去食Lunch... 由於去宜蘭車程較遠又驚塞車, 所以要省時間, 食得地道少少... 唔使急但係要快!!!

台灣朋友車咗我地來佢經常幫襯的林東芳牛肉麵... 

台北「尋找他鄉」2015の紗汀娜好食:店內環境+近住酒店=KM來了

9 October 2015, Friday

前文提要 : 飽受殘酷風雨虐待至不成人形的港人1天遊(十分天燈+瀑布、九份老街、金瓜石、東北角海岸、基隆廟口食街)
http://www.kenmerry.com/2015/10/storm-rain-taipei.html

4:30PM 返到酒店沖完個熱水涼, 成個人精神返晒!!! Reborn!!!

不過淋咗成日雨, 都唔好太搏命, 始終年紀大機械壞, 明天可能會發燒的憂慮仍然未除... 今晚想早點休息, 所以約Honey的朋友5:30PM一齊食晚飯, 勁早...

Honey的朋友住捷運雙連站附近, 我地住捷運民權西路站附近, 1站之隔, 最理想緊係一人行一步, 係中間位置食...

Honey的朋友次次來都會去附近一間質數唔錯的日式火鍋「吃到飽」(任點任食)... 其實我都想試, 可惜我咳緊, 火鍋咁熱氣, 又驚腸胃炎, 今日仲淋埋雨, 唔好啦啩, 下次先啦~~~

上網搜尋到幾間唔錯的餐廳, 紗汀娜好食 (Sabrina House) 評價好壞參半, 店內環境係附近一帶屬於中上, 係正大家住嘅酒店之間, 就佢啦, 我都唔想再用腦喇...

2015年10月26日 星期一

台北「尋找他鄉」2015の十分天燈+瀑布 x 九份老街 x 金瓜石 x 東北角海岸 x 基隆廟口食街:飽受殘酷風雨虐待的極速1日遊

9 October 2015, Friday

♫ 落雨不怕
落雪也不怕
就算寒冷大風雪落下
能夠見到它
可以日日見到佢面
如何大風雪也不怕
我要我要找... ♫

咳咳咳咳... 來台灣5天了, 咳嗽還沒有好, 抗生素都食完了...

來台北12天了, 有11天的天氣都係好到不得之了, 大多是藍天白雲的...

為什麼?????? 偏偏... 偏偏... 偏偏今天我們租了10小時的包車出城遊玩, 狂風, 暴雨, 全都來熱烈歡迎!!! 天呀!!! 你到底要玩我玩到幾時?!! 之前東歐300年1遇的暴雨同日本311大地震你仲玩唔夠咩?!!

2015年10月14日 星期三

台北「尋找他鄉」2015の參觀總統府 x topo+ cafe' x 阿良車輪餅 x 女娘的店:除咗食,都係食

8 October 2015, Thursday

昨天連續開了十幾個會, 倦到半死, 今天理應留在酒店休息休息, 但是... 我們今天... 約了... 台灣的大人物!!!

起身啦!!! 懶鬼!!! 不要再賴床啦!!!

上次來台北的時候, 司機哥哥車咗我地去總統府, 話可以入去參觀, 結果摸門釘...

今次, 出發前上網預約定, 真真正正可以大搖大擺地行入去啦!!! Yo Ho!!! 好興奮呀!!!

Honey的另一位朋友昨天過來台北Join我們... 今早11點一起出發去與馬總統(紙牌)合照... 坐捷運在淡水信義線的臺大醫院站1號出口出, 穿過二二八和平公園便到...

2天後是「雙十節」, 總統府前廣場會舉行國慶典禮, 附近的行車路已經封鎖了... 朋友說10月10日再來時已經進入唔到我們現在影相的位置...


台北「尋找他鄉」2015の武吉屋台:佐酒輕食合格,飯麵可免則免

7 October 2015, Wednesday

忙了一整天, 剩下半條人命, 回到酒店稍作梳洗, 近近地, 就到酒店附近的居酒屋吃晚飯...

店外放了一輛關東煮木頭車, 掛著紅燈籠, 濃濃的日本Feel...


2015年10月12日 星期一

台北「尋找他鄉」2015の春水堂 X 君悅排骨 X 華山1914文化創意產業園區 X 鬍鬚張魯肉飯:好樣思維

6 October 2015, Tuesday

今天的行程... 食!!! 食!!! 食!!! 食!!! 好難得加插1個藝術節目...

來到台北第2天, Honey的朋友剛好來台北開會, 約都無咁橋, 今天當然要出來飯聚...

想不到之後幾天各方好友都不約而同蜂擁到台北, 每一天都有朋友聚會, 比在香港更忙...

2015年10月6日 星期二

台北「尋找他鄉」2015の老董牛肉麵 X 欣葉台菜雙城會館:驚喜前,中伏後

5 October 2015, Monday

再度向台北進發...

上星期二開始咳咗3日, 咳到痰都有血絲, 3晚都無瞓過, 早餐咬2啖麵包想嘔... 今日出發去台北, 上星期五仲唔急急腳去睇醫生咩... 要食5日抗生素, 醫生話驚唔食2日後會發燒... 咁... 即係係台北頭2日都要食藥?!! 唉... 我仲有得揀咩?!! 

第1次出發前2天先開始執行李, 食藥食到迷迷濛濛, 都唔知有無執溜...

喜來稀肉 Seorae : 中伏中到心服口服!!! 排長龍+有口碑絕不代表美味

23 September 2015, Wednesday

一間餐廳, 夠膽唔比客人訂位, 要客人係門口排隊Walk-in, 唔齊人唔比入座, 仲要限時90分鐘... 對自己咁有信心, 出品一定好掂啦... 如果你咁諗就錯喇!!!

一間餐廳, 好多人食過都話好食, 包括你朋友的親戚朋友, Viral Marketing喎, 無理由唔掂啦... 如果你咁諗就錯喇!!!

2個小錯加埋, 等於1個大錯... 今晚... 我地就4個人1條心齊齊錯啦~~~

2015年10月1日 星期四

台北「尋找他鄉」2015の小樽手作珈琲:開業不足2個月的新店,推薦「季節水果茶」

2 September 2015, Wednesday

午餐吃過明星開嘅越廚越南菜... 格都未落... 又食?!!

下午出城探訪過「歪腰郵筒」及「袖珍博物館」, 回到酒店附近仲有1個鐘頭剩, 我又點可以輕易放過呀?!!

係香港引起一陣哄動的咖啡弄同Dazzling Cafe, 大家都係為水果茶同窩夫而瘋狂...

上次來台北都無機會去試, 我今日一定要食到...

中午出城前留意到酒店附近好似有間Coffee Shop... 等我行去了解下先...

2015年9月29日 星期二

台北「尋找他鄉」2015の歪腰郵筒 x 袖珍博物館 (Miniatures Museum Of Taiwan)

2 September 2015, Wednesday

前文提要 : 朝早係下榻的酒店--臺北商旅官邸別館吃過早餐Buffet後, 坐捷運去市中心行個圈又再打道回府, 誤打誤撞去咗明星開嘅越廚食咗餐美味越南菜...

都仲未夠鐘去機場, 咁之後又可以有咩做呢?!!

我地今日真係勁即興, 見出市區咁快捷方便, Honey話不如去探吓堪稱史上最Cutie的「歪腰郵筒」...

嘩!!! 乜咁有雅興呀?!! 好, 反正唔出城都無事做, 去就去啦~ 

2015年9月26日 星期六

台北「尋找他鄉」2015の越廚:誤打誤撞, 為旅程添上美味驚喜

2 September 2015, Wednesday

連續2晚失眠, 昨晚終於可以進入夢鄉, 雖然喉嚨依然好痛要經常起身飲水...

今早在下榻的酒店 -- 臺北商旅官邸別館吃過早餐Buffet後, 便展開途中下車之旅...

事前沒有做功課, 今天邊走邊吃, 走運地遇上2間不錯的餐廳...

好, 去片...

台北「尋找他鄉」2015の忠烈祠 X 天母會 X 方家小館:必吃絲瓜小籠包

1 September 2015, Tuesday

在酒店吃過早餐, 就跟著Honey出城去...

Honey的朋友推介我地去馬總統辦公室觀光觀光... 去到大門守衛話而家要3天前上網預約, 司機話以前可以直接Walk-in的... 噢... 白走一趟... 下次有機會先再來吧...

想不到朋友之後會帶我地去... 忠烈祠!!!

忠烈祠位在圓山飯店旁,建於西元1969年,祠內供奉從中華民國成立前的革命烈士,到在抗日戰爭及國共戰爭中犧牲的33萬將士官兵,全都被供奉於此。歷年忠勇犧牲的烈士牌位,在大殿四面牆上,展示著英勇烈士的遺照及事蹟。

作為中華民國最高位階的「國殤聖域」,每年3月29日舉行春祭國殤大典,紀念1911年殉難的黃花崗72烈士;9月3日辦理秋祭國殤大典,紀念八年抗戰期捐軀的軍人。由總統親臨主祭。

2015年9月15日 星期二

台北「尋找他鄉」2015の臺北商旅官邸別館 Les Suites Grandee

31 August 2015, Monday

前文提要:住係士林夜市入口3日2夜, 竟然無入過去, 讓人匪夷所思...

起飛前一晚失眠無瞓過, 第一日好辛苦, 所以第一晚決定唔行士林夜市, 諗住返酒店瞓夠第二晚先行士林夜市... (好好彩, 都叫做係條路度影咗幾張相咋!!! 第2晚一落車頭也不回就直衝入酒店喇)

2015年9月13日 星期日

台北「尋找他鄉」2015の老地方牛肉麵 X 隱世鼬鼠咖啡 X 沃田辦桌:挑選全台灣新鮮食材, 產地直送餐桌的合菜料理

31 August 2015, Monday


隔咗唔夠3個月, 又再次到訪台北...

3日2夜的行程, 離不開係天母區食食食... 呵呵呵呵~~~

我地幾勁呀, 住係士林夜市門口3日2夜, 都竟然無入過去, 連我自己都O咀...

起飛前一晚失眠無瞓過, 第一日好辛苦, 所以第一晚無行士林夜市, 諗住返酒店瞓夠第二晚先行士林夜市... 點知... 係酒店第一晚又係失眠, 第二日更加辛苦!!! 第二晚仲落雨!!! 唉... 返到酒店門口諗都唔諗就返酒店休息, 諗住第三日大把時間行, 點知原來士林夜市係5PM先開o架!!! 日間水靜鵝飛!!! 全部店都拉晒閘, OH NO... 我覺得自己好白癡呀!!!

到底呢幾日我地去過咩地方又食過咩呢? (著實不多)

好, 去片!!!

2015年8月29日 星期六

Ocean Park Summer Fever : 久別重臨, 全新體驗

24 August 2015, Monday

下星期就要飛啦, 行李都未執, 好多事情都未準備好, 忙到有氣無掟抖...

明明連好好休息的時間都無, 我呢個暑假好似中咗魔咒咁, 唔辛苦嘅都唔做...

今日應該都係Happy Summer最後一擊啦啩, 我身心都就快支持唔住啦~ 我好需要一個悠長假期...

「阿四」姑媽o黎啦~~~ 我唔係排第四, 我今日係o黎做阿四, 哈哈...

早上遲到咗少少, Sorry... 要你地去排隊先, 辛苦晒啦... 一去到巴士站就有得上車, 呵呵~


季季紅風味酒家 : 行衰運!!! 爸爸的生日飯敗興而回

21 August 2015, Friday

學咗車2個月, 今日終於到咗考試日...

爸爸的生日飯原本唔係今日食, 不過暑假大家都太太太忙喇, 講緊D細路, 冒住肥佬情緒低落的風險, 死就死喇...

肥就95%都會肥嘅喇...

阿Sir送我上路前補句, 加D LUCK就會成功... 噢... LUCK... 我從來都無... 聽罷自知死神來了...

只係勢估唔到, 霉運竟然強大到會影響埋晚上的壽宴!!! 我呢粒禍國殃民的黑氣石在古代應該已經拎咗去祭天...

2015年8月26日 星期三

caffè HABITŪ the table : 掃走7月的緊張與不安

30 July 2015, Thursday

今年7月係「爆忙月」!

人生第一次坐上司機位,雙手捉實軚盤,緊張過結婚果日。

有人唔知死,本身已要上太極班又有太極表演,而家學埋車,仲走去報埋微型黏土班,晚晚整花整到2點幾,仲邊有精神學車呀?咁都仲未夠,再去埋荔園,同阿姐ss飲茶,仲要天灸兼同friends去食buffet... (應該未數晒)

結果... 有人完全無時間去健身室,之前減落的15磅,回升得快過直昇機,報應呀!

香港島駕駛學院有穿梭巴士去CWB,所以呢個7月同8月,經常匆匆途經CWB。

2015年8月24日 星期一

品坊 the SQUARE : 適合重量不重質的朋友

23 July 2015, Thursday

貓兄使出召喚術, calling大家暴一暴肥... 一呼百應係平常事, 令大家驚訝的是... 失蹤人口--鑽媽竟然搭訕話會出席, 在場人士(whatsapp群組)無不O咀... anyway, E5終於齊人啦喂~~~ (對上一次都接近2年前)

睇完貓兄send來的資料... 咦... 有種似曾相識的感覺... 一問之下... 係, 就係佢!!!

話說... 2009年幫1月之星賀壽時去過呢間餐廳食Dinner Buffet, 酒店網站就講到天花龍鳳令人食指大動, 實情係食咗2個鐘先拎到4隻蟹腳, 1人分得1隻, 酒店一個鐘先Refill一次, 每次十幾隻, 每枱都分唔到半隻... 詳細情況可瀏覽 http://www.kenmerry.com/search?q=348

今次主題係:「法式鵝肝、阿拉斯加蟹爪、北海道扇貝」自助晚餐!!!
原價$378, 6折價$228(星期一至四), 無限添飲果汁、汽水、即磨咖啡或茶, 可以食足3粒鐘...

2015年8月17日 星期一

荔園 Super Summer 2015 : 同Right Persons去才是王道

*** 足足2個月無開屋企部Laptop, 爆忙... 次要係學車, 主要係學微型黏土花(晚晚做功課做到2點幾) ***

6 July 2015, Monday

Happy Summer Take 1~~~ 寫咗Take 2先寫Take 1, 呢個係咩世界呀? 因為Take 2少相d嘛, 嘩咔咔咔~~~

姪女參加暑假前課外活動, 坐唔到校巴返屋企... 大姑媽話可以由元朗出發去接佢, 佢話好遠驚大姑媽辛苦, 要求三姑媽由鰂魚涌出發去大圍接放學, hmm... 唔該你上吓通識科先講啦...

(咁啱接佢果日佢八達通漏咗係屋企, 我捉咗佢去買單程車飛, 叫佢逐個車站按下, 睇下由大圍去唔同車站要幾錢, 當然越貴越遠啦...)

姪女錄音whatsapp過來... "返少日工啦"... "我好鐘意XX姑媽"... okay okay, 我舉白旗投降!!!

大姑媽話搵日一家人一齊去荔園玩, 我話不如就我去接放學果日啦... 原本大家唔係好得閒, 唔知點解拖拖吓個個都出晒來...

2015年8月16日 星期日

GUDETAMA梳乎蛋食堂 X 長洲糯米糍 X Make/it玫瑰花雪糕

*** 足足2個月無開屋企部Laptop, 爆忙... 次要係學車, 主要係學微型黏土花(晚晚做功課做到2點幾) ***

28 July 2015, Tuesday


姨甥女ss放緊暑假, 都要同佢地聯誼吓... 今日出咗來太子飲茶, 原本唔係飲茶, 不過遇上令人火滾的不知所謂黑店紅X頭, 個經理浪費咗我地半個鐘仲出言挑釁, 仍然可以冷靜地離開, 睇來EQ又高咗幾mm...

飲完茶仲由大姊帶路, 去幾個月前已衝出長洲的長洲糯米糍朝聖... 芒果有4份1個, 好香好甜, 糯米QQ軟軟, 果然好味... (時隔7日再去, 竟然買4個都比我中咗個又硬又酸的, 好黑仔)


瘋狂者又點會就咁收手...

順道去埋朗豪坊試埋Make/it玫瑰花雪糕... 士多啤梨味重, 不是又甜又Creamy那種, 酸酸的, 充滿果香, 很醒神...



來旺角朗豪坊 (LANGHAM PLACE)的目的... 「GUDETAMA梳乎蛋食堂」!

「梳乎町」梳乎電車、梳乎壽司、「蛋香樓」中華料理、GUDETAMA Bakery!擺到9月6號咋, 上次來酒店Lunch Meeting都無機會影...