
食過一百幾十次,反而無寫過?!
佢同鼎泰豐,我真係答唔出食過幾多次。明明一星期食幾次(曾經), 卻偏偏因為食得太多, 變得好似老夫老妻,完全忘卻佢都曾經係新嘗試,冇意欲去寫食評。
2016年1月的食評,放到11月先寫Draft, 2017年2月先PO文,破紀錄。
而家食少咗嘅原因:一來食太多食厭咗,二來冇開頭咁好食,三來食太飽食到肥咗好多,唔想再肥落去。
客人每人都要叫一個套餐!最平250台幣有交易。
見過一家五口,有個後生女話好飽食唔落,問經理可唔可以就咁坐喺度,一家人已經叫咗四個套餐,都唔可以。
再者, 套餐本身份量已經好大,仲要白飯/燕麥飯任添、蔬菜/豬肉麵豉湯任飲、沙律菜任食!最肥係沙律嘅惡魔伴侶…芝麻醬!你唔屎呀?!
講返D炸豬排,外皮甘香酥脆,一滴多餘嘅油都無,肉質軟嫩細緻,真的太好吃。
從此踏上肥胖的不歸路!