久両菜：同區鮮有潮州菜

8 February 2026, Sunday

篇Blog拖咁耐都無Mood寫就Sense到我有幾鍾意食啦……（我都係想清咗電話入面嘅相簿，唔想成日食到呢堆相，先屎屎地氣寫埋去）

佢真係唔難食嘅，人夾人緣啫……

裝修又有特色，呢區又好似無其他潮州菜同佢競爭，見佢都多人食架～

金興潮洲飯店：打冷

13 April 2024, Saturday

台山三寶喪食之旅……今日殺到中西區！

第4餐……Dinner！好癲！😂😂😂

門口擺滿晒各式各樣嘅餸菜，童年回憶返晒黎～

中學畢業後都好似無再食過咁地道嘅「打冷」！（裝修得靚靚要落單廚房先開始煮嘅潮州菜係有間唔中食吓嘅）

路過時龍媽不斷強調「好出名架」！搞到我心郁郁飽到上心口都決定一試！

百樂潮州酒樓：坐幾粒鐘都唔會趕人走

5 May 2022, Thursday

農曆新年疫情大爆發，近日稍為舒緩，先敢約2位阿姐出黎食飯～

已經唔記得食過乜，好唔好味，只記得無乜人，坐幾粒鐘都唔會趕我地走～（吹水緊要呀）

裡面環境都唔錯架，枱同枱之間嘅距離都幾遠～

我地DNA真係好強勁架，4個人不斷強調而家無以前咁擦得，但都全部食晒！😂😂😂

呢篇唔係食評，純粹係記錄吓同2位阿姐嘅回憶～今日WORK FROM HOME嘅姨甥女都有出席～

疫情都已經2年多，見面次數5隻手指數得晒～

之前幾次飲茶都無乜點影相，又或者求其HEA影幾張唔足以寫BLOG，家常便飯，都無上心話要寫篇BLOG記低去～

今餐都唔例外～不過呢幾日見得閒咪貼吓相記錄吓囉～

翡翠潮人潮食 Crystal Jade Chao Zhou Kitchen : 秋冬三寶平廿蚊

27 December 2013, Friday

今日返工真係超辛苦, 無論精神上及肉體上均有點超負荷!!! 連續幾晚都磨到夜麻麻先瞓, 對超級熊貓眼今日仲要睇住朋友們係度鬥Upload放假相上Facebook, 置身辦公室內的我好難唔精神崩潰...

放工去到吉豬島搵食, 遇著超級減價日吸引咗勁多人去購物兼食埋飯, 間間餐廳都大排長龍... 噢撈!!! 我好肚餓呀!!! 我要食o野呀!!!

阿鴻小吃 Hung's Delicacies : 12 12 12 星夜重臨

12 December 2012, Wednesday

特別日子, 想搵d特別o野食...

2年前復活節食過1次, 當時未有分店, 大量市民出外旅遊, 等咗10分鐘就已經有位... 今日未到6時來到, 不用等位, 直入... 門外等候的原來係外賣的客人...

店內環境沒變, 但多咗好多老闆同名人影的合照...


家庭式老火湯 (不加味精) $20
-- 的確係冇加味精, 薯仔同蕃茄都煲得好蓉, 好好味...

南乳粗齋 $55
-- 南乳味香濃惹味, 配料豐富, 紹菜、枝竹、豆卜、雲耳、冬菇, 全部大大件, 口感爽脆... 質數不錯...

鹵水鵝片 (起片) $150
-- 吃一口, 鵝肉涼的, 心也隨即涼了一截... 肉質偏韌, 不夠柔軟, 而且很乾掙掙... 鹵水入味, 花椒八角味頗重...

蔡瀾撈麵 $40
-- 材料豐富, 有豬油、豉油皇、薑、蔥、京蔥、火腿茸上湯... 麵身幼細煙韌, 撈咗豬油同豉油皇令麵身油潤香甜, 配上大量香蔥及京蔥, 香味非常濃郁...

開放式廚房, 廚師忙得不可開交...

店內擺放了各式獎牌...

今天不見老闆芳蹤, 可能去了其他分店巡視業務...

衛生環境比2年前改善了, 地板再冇油淋淋...

食物好像比2年前遜色了, 未知是否心理作用... 因為上次見到老闆係廚房坐鎮, 點都會好味D啩, 心理上, 哈哈...

是次每人消費約 $130 元
味道： 3 環境： 3 服務： 3 衛生： 3 抵食： 3
###
地址 : 北角和富道84-94號銀輝大廈地下4號舖
電話 : 2570 1108

百樂潮州鮑魚飯店 Pak Loh Chiu Chow Restaurant : 貴得有質數

9 December 2012, Sunday
完成Openrice食家PK賽後的第一篇BLOG, 我決定重用多年來的寫作風格, 文章中夾雜少少粵語、少少英語、少少俚語、少少助語詞、少少同音字!!! 當然, 我好想自己寫的食評被列為推介食評或者星級食評之類, 但係因為咁樣而要寫到文謅謅, Blog友睇到眉頭縐, 我唔想囉!!! 我想自己寫得開心, Blog友又睇得開心, 我要向文謅謅說不!!! 

事隔20日, d味道都唔係記得太清楚lu, 盡寫啦, 哈哈... (懶惰後遺症)

餐廳環境非常好, 我地冇Book位, 冇得坐圓形梳化... 嗚嗚...




功夫茶, 酸菜 -- 功夫茶好熱, 酸菜爽脆, 味道適中, 唔會太鹹又唔會太酸, 好好味... 好味的代價... 4碟前菜承為$60... 5位茗茶承為$75... (未見官先打80)

骨香鵝肉片 $168
-- 肉質極度柔軟, 鹵水香濃入味, 甘香豐腴, 眾人讚不絕口~

椒鹽魚片頭 $68
-- Well... Actually... 唔係魚片頭囉~ 只係一條正方面魚片切成三角形囉, 欠缺片頭的爽彈口感, 魚香欠奉, 好彩椒鹽都幾惹味~

方魚肉碎粥 $174
-- 全餐最美味, 最備受讚賞, 皆因第一次食到粥內的方魚係脆嘅, 而且甘香可口... 粥的調味亦恰到好處, Yummy~

潮州蒸粉粿 $38
-- 嘿, 沒有印象, 即係味道唔突出啦... 個皮真係超晶瑩剔透...


木魚鮮蝦燒賣 $48
-- 味道不錯...

蜜汁叉燒包 $38
-- 味道平平, Size好細...

潮式糯米卷 $28
-- 幾好味, 皮薄餡靚...

古法千層糕 $38
-- OK濕軟, 味道冇特別...

雪影叉燒焗餐包 $38
-- 外表迷死人, 味道都係傳統叉燒包好d...

春風得意腸 $48
-- 真係幾得意, 餡料係腐皮卷, 咬落仲脆o架, Yummy~

惠顧滿$500可以免費泊車3小時...

價錢一d都唔平, 但幾好味, 枱雖然滿, 但唔嘈, 咁嘅環境嘆茶一流, 可以再吃...
是次每人消費約 $180 元
味道： 4 環境： 5 服務： 4 衛生： 4 抵食： 2
###
地址 :尖沙咀河內道18號K11購物藝術館313舖
電話 : 2723 6828

潮廷匯 Chao Dynasty : 初嚐團購之味

20 July 2012, Friday

團購經驗以往都有少少嘅, 主要係Art Jam同埋甜品教室之類... 食落肚嘅團購, 今次係第一次...

團購詳情: -

$139一位享用「美麗華潮廷滙8道菜」私房晚餐，舞茸燒汁煮鮑魚、山葵沙律汁焗鮮元貝、蟲草花螺頭花膠湯、金沙脆脆焗大蝦等等，6位以上惠顧更可享芝士焗太平洋龍蝦煎麵，數量有限，把握機會 (原價$278)!
*星期一至五，四位或以上，每位加送奶皇壽包壹隻
*星期一至日，六位或以上，送芝士焗太平洋龍蝦煎麵
每位茶芥及加一$25

潮廷滙分咗2個時段, 6:00-8:00pm, 或8:00-10:00pm... 8點又太晚, 6點又太早... 唉... 點揀好呀?!! 最終... 唯有揀6點...

嘻... 各位E5嘅鄉親父老, 叔伯兄弟, 我第1個到呀))) 準時到呀)))

鑽媽就好啦, 有柴可夫車佢o黎...

係彌敦道入口, 升降機上5樓, 再上1層扶手電梯就到達... 都幾易搵...

餐廳裝修頗新淨, 餐廳2邊都係落地玻璃, 好光猛!!! 仲有天花嘅水晶燈好閃呀...

餐廳外面嘅露天花園經過粉飾, 好適合新人山盟海誓... 何等浪漫...

原來... 想食d咩係可以自選o架!!! 仲唔需要同d friend相同o架!!! 我之前仲以為Set咗係舞茸燒汁煮鮑魚、山葵沙律汁焗鮮元貝、蟲草花螺頭花膠湯、金沙脆脆焗大蝦... 攪錯晒, 哈哈... 因為個團購係貓兄做攪手, 我只係負責食同埋夾錢, 所以事前冇深究內容...

~ 時尚飲品4選1 ~

法國紅酒 / 凍薑蜜可樂 / 美國橙汁 / 柑桔蜜凍雪碧

凍薑蜜可樂 -- 4樣我都唔好... 揀咗凍薑蜜可樂... OK啦, 有薑味嘅可樂汽水, 如果加多片檸檬可能會更好味...

~ 鮑魚前菜2選1 ~

磯煮鮑魚伴海蜇 / 舞茸燒汁煮鮑魚

磯煮鮑魚伴海蜇 -- 嘩!!! 凍嘅!!! 嘩!!! 唔係, 係冰嘅!!! 中招, 餐牌度都冇顯示係涼菜o黎!!! 隻鮑魚仔味道還可以, 淡淡地, 有少少彈牙... 外表唔吸引嘅配菜有海蜇、青瓜、紅蘿蔔, 冇咩味嘅...


舞茸燒汁煮鮑魚 -- 貓兄英明, 揀咗舞茸燒汁煮鮑魚, 係熱嘅!!!

~ 開胃頭盤2選1 ~

山葵沙律汁焗鮮元貝 / 法式果醋鴨胸沙律

山葵沙律汁焗鮮元貝 -- 5個人不約而同選擇咗山葵沙律汁焗鮮元貝, 雖然有原個貝殼上枱, 又有炸米粉墊底, 可惜沙律汁過多過厚, 導致個賣相唔係太吸引... 貓兄試食後提醒我撥走d山葵沙律汁先好食粒帶子, 我用筷子蘸少少試下味, 果然... 中度嘅Wasabi味唔係太嗆鼻, 但個沙律汁酸得o黎同wasabi做唔到朋友... 鮮元貝唔係太鮮, 少少爽口, 走汁後味道尚可, 每位有2粒...


~ 精美湯羹3選1 ~

蟲草花螺頭花膠湯 / 白菌龍皇燴燕窩羹 / 海參竹笙燴素翅

只有龍媽1個食海參竹笙燴素翅, 貓兄笑佢平日已經係屋企煮翅, 出到o黎又食翅, 唔悶嘅咩?!! 龍媽話鐘意食係唔會悶o架!!!

蟲草花螺頭花膠湯 -- 相當足料, 花膠大大片!!! 湯料有蟲草花、螺頭、花膠、廋肉、雞腳... 湯底都幾鮮甜, 廋肉同雞腳都好軟腍, 係芸芸菜色中比較好味...

 

~ 主打熱葷4選1 ~

香草薄荷汁牛粒 / 金沙脆脆焗中蝦 / 京燒蒜香小黃魚 / 山楂咕嚕黑豚肉

香草薄荷汁牛粒 -- 4樣都想試, 難以決定, 最後跟鑽媽落注, 好彩冇押錯注啫, 哈哈... 牛柳粒軟腍冇根, 薯仔粒好粉好腍, 配埋酸酸甜甜嘅香草薄荷汁, 出奇地好味... 可能係2個頭盤太唔掂, 食到心都寒埋, 打定輸數, 所以佢只係OK好味, 已經覺得好彩幾好味, 哈哈...


金沙脆脆焗中蝦 -- 個樣... 都幾嚇人...

(後) 京燒蒜香小黃魚 -- 都有半條喎...
(前) 山楂咕嚕黑豚肉 -- 試咗1粒, 都OK嘅, 牛粒最抵食...

 

~ 健貽時蔬3選1 ~

鮮枝竹浸時蔬 / 海皇鮮蝦什菜煲 / 野菌金菰灼菜苗

海皇鮮蝦什菜煲 -- 初時見都OK多海鮮, 好似唔錯咁... 一夾起... 嘩!!! 好大團鼻涕(獻)呀!!! 好嘔心呀!!! 係碗中狂洗, 洗極都洗唔甩呀!!! d獻杰到可以夾起一大團固體狀o架, 好恐怖呀!!! 救命呀!!! 處於歇斯底里嘅狀態下食咗呢碗菜, 食而不知其味... (印象中唔難食, 應該係冇咩味)


野菌金菰灼菜苗 -- 一上枱, 鑽媽已經好不肖咁話"呢d邊係菜苗, 明明係白菜"... 見佢只係食咗10分1, 有幾好味, 略知一二...


~ 精選米麵3選1 ~

西都魚蛋新竹米 / 勝瓜什錦泡飯 / 金菰蝦籽炆伊麵

勝瓜什錦泡飯 -- 好大碗喎!!! 配料有勝瓜、魚蛋片切絲、肉鬆、方魚, 湯底清甜, 食完飽晒...

 

金菰蝦籽炆伊麵...

西都魚蛋新竹米...

 

~ 滋潤甜品3選1 ~

鮮椰大丸紫米露 / 鴛鴦凍軟糕 / 紅棗百合燉雪耳

紅棗百合燉雪耳 -- 滋潤之選, 清甜美味, 可惜... 我個碗冇紅棗同百合嘅?!!

六位或以上，送芝士焗太平洋龍蝦煎麵, 我地得5個人, 點解都有得送嘅?!!

芝士焗太平洋龍蝦煎麵 -- 個賣相已經夠差, 成碟都係獻, 好難食, d龍蝦肉邊緣位置發黑, 應該係來自隻龍蝦成長嘅水源, 不送也罷!!!


四位或以上，每位加送奶皇壽包壹隻

奶皇壽包 -- 如果係奶皇餡, 我都OK嘅, 但係佢混咗好多椰絲, d餡又乾又硬, 唔Like...

 
服務員上菜同收碟都好快手, 可能因為冇咩客啦, 又或者因為要趕住8點正埋單清場... 大部分位置圍咗板, 睇唔到實際餐廳有幾大, 而可見的位置只有10多張枱, 而客人只有4枱...

是次每人消費約$165元
味道： 2 環境： 3 服務： 3 衛生： 3 抵食： 4
###
地址 : 尖沙咀彌敦道132號美麗華商場6樓
電話 : 2625 1868

翡翠潮人潮食 Crystal Jade Chao Zhou Kitchen

2 July 2012, Monday

經過尋日嘅辛勞, 今日係攰到嘔!!! 唔想再出外搵食, 近近地去咗康怡廣場新開嘅「翡翠」... 隔離左右嘅餐廳半年前已經開業, 一直以為佢係開「翡翠拉麵小籠包」, 點知... 居然係開潮州菜... Honey好雀躍咁話要試... 唔通佢已經忘記咗上次玉桃軒嘅經歷?!!

門面唔稱得上係潮, 不過都幾Sharp幾簡約~

餐廳內嘅裝修都係行簡約風, 坐落舒適悠閒... 大量Sofa位, 仲有2人Sofa卡位, 枱與枱之間距離都幾遠, 空間感十足, 正!!!

[廚師推介] 正宗星州肉骨茶 -- 阿大廚, 借問聲, 你係咪真係推介呢一個肉骨茶呢?!! Honey好擔心你係咪冇咗味覺喎!!! d湯好好好好好鹹呀!!!!!! 我頂唔順, 叫服務員比杯熱水我, 我要1:1咁溝稀, 都仲係好鹹喎!!! Honey忍唔住, 同經理反映... 嘩!!! 個經理幾勁呀!!! 居然走入廚房拎碗味精水比我地, 話呢個係湯底, 叫我地自行調味, 我真係O晒咀囉!!! 係味應該個廚幫我地調味呀?!! 我點知你地個配方係幾比幾呀?!!

OK, 我Try Try... 基本上, 再將頭先已經用熱水1:1溝稀嘅肉骨茶, 再用湯底1:1咁溝稀, 都仲係好鹹囉!!! 但係都勉強飲得落肚, 之但係... 點解個湯底... 一d藥材味都冇嘅呢?!! 果2舊一字排都仲有藥材味o架喎, 碗湯除咗呢2舊骨, 居然完全冇其他湯料... 究竟邊Part可以稱得上正宗呢?!!

個人o黎講, 我比FAIL!!! 佢唔單止係唔好味咁簡單, 咁鬼鹹, 食咗都驚個腎會有事...


呢碗就係肉骨茶湯底...

芋頭鹹肉粒鮮蝦五穀炒飯 -- 呢個飯就幾美味, 炒得幾甘香, 芋頭又夠粉...

 

銀杏芋泥 -- 嘩!!! 稀到呢!!! 唔可以叫芋泥囉, 極其量係芋糊... 味道偏淡... Below Standard...

Honey話半年後先會再比多一次機會佢...

之後... 又過咗幾日... 有好耐冇見嘅朋友搵我食飯, 叫我發板搵地方... 見面時我同佢講"死喇, 而家d人個個當咗我係食家, 成日叫我搵地方, 其實我早幾日先瀨過o野, Honey仲話係成日都瀨o野", 朋友竟然好抵死咁話"咁咪啱囉, 你成日瀨o野, 咁同你食飯咪少d機會瀨o野囉, 你瀨過果d我咪唔會瀨囉"...

經常瀨o野

是次每人消費約$100元
味道： 1 環境： 4 服務： 3 衛生： 3 抵食： 1
###
地址 : 鰂魚涌康山道1號康怡廣場3樓T4號舖
電話 : 2554 6338