網頁清單

2012年9月28日 星期五

半島精品店 Peninsula Boutique : 無料迷你奶黃月餅

21 September 2012, Friday

無料... 免費也!!!

偶然機會下, 見到同事有個半島酒店紙袋, 好奇心驅使之下, 伸咗個頭入去望吓... 嘩!!! 半島酒店迷你奶黃月餅呀!!!

同事話請我食... 真的嗎?!!

我唔敢貪心呀, 拎咗1個咋... 獨立包裝, 食幾多開幾多, 夠晒衛生...

月餅細細, 餅面留咗半島酒店個P字...

切開有點失望, 奶黃餡好似乾咗少少... 味道都唔錯, 惜奶皇味未有破餅而出, 為何會引起搶購的騷動?!!
 
上網調查了一會, 原來這款迷你奶黃月餅, 雖然同是半島酒店出品, 但並非引起騷動的嘉麟樓迷你奶黃月餅...

免費有得食就邊間出品都冇咩所謂, 要我排隊買就咪搞啦...

贈嘉麟樓迷你奶黃月餅2句... 此餅只應天上有, 人間那得幾回嚐!!! 哈哈...

是次每人消費約 N/A 元
味道: 3 環境: 3 服務: 3 衛生: 3 抵食: 2
###

地址 : 尖沙咀彌敦道19-21號半島酒店7-9號舖
電話 : 2920 2888



2012年9月27日 星期四

Cova Pasticceria & Confetteria : 芒果巨蛋 一試傾心

21 September 2012, Friday
同事生日, 用Coupon去Cova換咗個生日蛋糕同佢慶生...


有咗上次嘅經驗, 我今日醒咗啦, 未食Lunch就去換咗蛋糕先, 以免d蛋糕比人賣晒冇得揀...

Mango Cream Dome -- 經典中的經典, 見d朋友買親Cova蛋糕都一定係買呢一款, 我自己係第一次食, 上次換唔到... 只係咬一啖, 瞳孔放大, 明白晒點解咁多人對佢傾心... 海綿蛋糕鬆軟無比, 忌廉滑不留口, 芒果香甜味美, 實在太完美喇!!! 平時呢, 只肯食一個角仔嘅同事, 居然自己走去Refill, 我同生日同事都不甘後人, Refill埋一份... 餓鬼搶o野食就見得多, 成班嘴刁飽鬼一齊搶o野食, 都真係第一次見...

同事問咗好多次, 面頭黃色果d係咩o黎... 我直覺認為係海綿蛋糕碎, 佢問完又問, 即係唔信我啦... 好, 等我上網調查吓先...
我果然冇估計錯... 面頭黃色果d係將混入咗芒果醬嘅海綿蛋糕焗好後磨成粒粒狀, 再放入焗爐焗至乾身... Yeah!!!
唔記得買碟, 唯有用杯頂住先... 同事話似雪糕... 其實比我地咁樣搞一搞, 正常人如果見到一杯咁嘅o野, 又唔知係Cova嘅蛋糕, 應該都未必敢食, 呀哈哈哈...

裝住個咁名貴嘅蛋糕嘅紙盒都寧捨靚過人... 條絲帶我留起咗, 睇吓我d公仔屋用唔用得著...


仲有個Fit Size嘅手抽膠袋裝住個蛋糕盒, 減低運動途中反盒機會, 真係好細心... 個膠袋都靚過人, 磨沙白襯金色, 好Elegant...

是次每人消費約 N/A 元
味道: 5 環境: 4 服務: 3 衛生: 4 抵食: 4
###
地址 : 鰂魚涌德宏大廈1樓F舖
電話 : 2811 9877

2012年9月26日 星期三

Pret A Manger : 什莓火山爆發維他命

21 September 2012, Friday

今天要吃個早飯, 真的不知吃什麼好了, 路經Pret A Manger, 內裡只有數枱客, 看到他們舒適自在的樣子, 不禁想加入他們的行列...

供應的食物大部份是凍著吃的, 放在雪櫃內, 讓食客自由挑選...

選好後便可以前往收銀處付款...


今天給我發現了一款新的Hot Toastie, 秋意漸濃, 不太想吃冰凍的三文治, 這款即買即烘的Toastie出現得很合時...

付款時職員開我是堂吃還是外賣, 我答是堂吃的, 職員說我可以先坐下, Toastie烘好後便會拿給我... 沒想到在這種自助形式的餐廳也會有這樣服務, 太好了...

給我找到了梳化, 太棒了!!! 看, 餐廳內的顧客真的不多, 主要以外籍人士為主...


鮮莓果汁 Vitamin VOLCANO ($24) -- 我被它的英文名字吸引了... 維他命火山?!! 真的這麼利害嗎?!! 不加思索便買了... 飲用前先搖勻... 呷一口... 熔岩要從我的眼睛爆發出來了... 很好喝呀!!! 集合了藍莓、
黑莓、木莓  、草莓、蜜糖及蘋果於一身, 可謂莓力四射, 喝下的每一口都充滿了鮮莓肉, 蜜糖香中和了鮮莓的酸味, 味道酸中帶甜, 再加上蘋果的果香, 我已愛上它了, 往後的日子裡, 恐怕要經常來朝聖了...

雞肉芝士烤茄子 Chicken Parimigana ($29) -- 烘好後的樣子有點嚇人, 味道還不錯... 暖烘烘的多士, 口感比三文治好多了... 雞肉選取雞胸部位, 一點脂肪也沒有, 很健康... 芝士烤過後與烤茄子溶為一體, 味道比較清淡... 吸收了雞肉的蛋白質, 芝士的鈣質, 茄子的纖維, 足夠今天所需營養, 向健康的明天又邁進一大步...
 
健康是需要代價的... 就是價錢不便宜, 份量比較少, 下午時段肚皮很快便會作怪呢... 哈哈

是次每人消費約 $53 元
味道: 4 環境: 4 服務: 4 衛生: 4 抵食: 3
###

地址 : 鰂魚涌太古坊德宏大廈1樓C舖
電話 : 2562 4331

2012年9月25日 星期二

UCC Cafe Collection : 係夾餅? 定係三文治?


18 September 2012, Tuesday

位於APITA(UNY)內的UCC, 十多年來只幫襯了數次, 已經忘記了原因為何... 今天再臨, 恍然大悟...

打開餐牌才發現... 沒有意粉/飯類, 只供應飲品, 雪糕, 窩夫及三文治...


午餐是有腸仔意粉, 但主菜牌沒有意粉, 午市套餐的意粉會好吃嗎?!! 還要是腸仔意粉!!! 只有腸仔和意粉, 我個人認為, 應該不會有很好吃的可能吧... 腸仔意粉午市套餐要七十多元還要加一呢...

火腿芝士夾餅三文治(配什果乳酪) ($56) -- 這個廚師推介以夾餅來代替三文治的麵包, 好像很特別, 儘管一試吧... 縱然原定計劃是吃意粉/飯...

食物上桌時有點眼前一亮... 窩夫烘焗得頗挺身, 但又不會硬, 時間拿捏得恰到好處, 唯窩夫的牛油味被奶味蓋過了... 火腿略煎, 滲出肉香, 與芝士的鹹香及青瓜的清新很搭配... 配上厚身的窩夫, 口感非常之好, 比配麵包更好吃... 只要略施小計, 平凡的芝腿治也可以來個大變身...

什果乳酪內的什果選用新鮮奇異果, 柑橘, 香蕉, 及蘋果, 有點意想不到, 還以為會奉上罐頭雜果呢... 酸澀的乳酪沒有太大問題, 最敗筆是那鮮紅色的糖漿, 很葯水味...
 
餐廳的水吧...


餐廳內只有2排4人枱, 白色的牆紙上掛了3幅畫... 可能是太久沒有裝修的關係, 牆紙的腰線全破碎了...

餐廳內很寧靜, 如是來吃下午茶的話, 應該是一個不錯的選擇... 可惜我今天想吃的是豐富的午餐, 所以有點來錯了的感覺... 


是次每人消費約 $62 元
味道: 4 環境: 3 服務: 3 衛生: 3 抵食: 2
###

地址 : 太古太古城道18號太古城中心二期地庫Apita 2樓
電話 : 2539 7169

2012年9月24日 星期一

[試食邀請] Arome Bakery Room 東海堂 : 買回家的High Tea


17 September 2012, Monday

獲邀前往Arome Bakery Room位於金鐘的全新旗艦店, 第一次到來金鐘Lab Concept, 與之前的金鐘廊完全是兩碼子的事, 風格完全不同, 充滿新鮮感...

Arome Bakery Room是東海堂的新Line, 內置廚房, 現場即制法式拿破崙, 人手新鮮打造吉士忌廉, 及即席烘焙牛角酥... 暫時只有5間分店, 除金鐘外, 還有北角、九龍灣、將軍澳及青衣...

2012年9月20日 星期四

明園 Ming Yuen : 純粹吃環境

16 September 2012, Sunday
今天專程跑到陽明山莊來喝茶, 真的很專程, 因為要乘坐Taxi... 如坐6號巴士, 從黃泥涌峽道下車後要步行900公尺的山路, 地圖說10分鐘, 但在未吃午餐前, 攝氏30多度的高溫之下, 再加上正午猛烈的太陽照射之下, 恐怕10分鐘是不可能, 亦不想行到身水身汗...

輕鬆到達Clubhouse, 乘升降機往Level 2, 甫步出升降機已被數十件藝術擺設吸引著... 還向著餐廳相反的方向不斷拍照, 哈哈... 結果越走越遠...
 

餐廳門外的裝潢很富中國特式...



步入餐廳內, 隨即被這件攝人氣魄的藝術品阻路, 考慮了一會, 向左走...


繼而見到這件更攝人的藝術品, 向右走...


餐廳極富中國味道, 滲透著優雅的氣息... 環境很寧靜, 空間很寬敞... 儘管後來坐滿了客人, 大家都刻意壓低聲線來交談, 我很享受這一份難得的寧靜...


就連餐具也有一種高潔傲的氣質, 以「四君子之首」梅花來作點綴...


我們先點了4個點心, 現場只有4枱客人左右, 大部分人已經在進食, 不明白為何部長也會弄錯, 胡亂奉上一碟春卷... 我奇怪之際, 問Honey為何會有春卷, Honey也表示奇怪, 部長未能成功放下那碟春卷, 唯有把它退回廚房...

菠蘿蜜汁叉燒酥 ($40) -- 怎樣也看不出它是一個叉燒酥, 外型是百分百的老婆餅... 菠蘿皮不太鬆化, 咬開水油皮, 內裡是豐富的叉燒餡料,可惜 味道偏鹹了少許...


翡翠玉帶豆苗餃 ($45) -- 綠色的餃皮, 有點嚇人... 豆苗像小麥草, 味道清新... 吃不到有帶子, 反而有蝦肉, 蝦肉爽口, 味道偏淡...


椒鹽脆豆腐 ($68) -- 滑嫩的豆腐切成粒粒狀, 炸得金黃香脆, 熱騰騰, 蘸醋吃特別滋味...


特色雜錦蒸腸粉 ($60) -- 鮮蝦腸、牛肉腸及叉燒腸各1條, 一次過滿足你3個願望, 絕對是為我這類貪心的人而設, 很貼心... 腸粉皮比較厚, 叉燒很足料, 牛肉腸與鮮蝦腸味道只是一般...


台式肉躁蘿蔔糕 ($40) -- 幹掉第一輪點心後, 雖然食物味道一般, 但仍想多試一點心... 在餐牌上發現這個台式肉躁蘿蔔糕, 居然還抱一絲期望... 賣相已不討好, 味道鹹得有點苦, 吃不出半絲蘿蔔... 可謂失望中的失望...


更甚的是, 明明是蘿蔔糕, 為什麼會有類似蟹拑的東西出現?!! 咬蘿蔔糕的時候, 還有點硬硬的物體, 吐出來是白色的蟹殼, 有3片之多...

吃了一小時左右, 部長已經問我們是否所有食物已到齊, 善解人意的我們決定埋單... 離開時原來已經全場滿座...

洗手間比美5星級酒店, 垃圾桶是紅外線自動開關的, 利害呀...

總結 : 環境一流, 味道平平, 價錢偏高, 服務一般...

離開前還到處參觀了一會...


連街站也古典過人人...

徒步下山, 途經衛奕信徑/港島徑, 下次如果再來的話, 可考慮步行回家, 哈哈...


繼續下山, 途經黃泥涌水塘公園, 赫然發現很多家庭在玩水上單車, 雖然水塘面積不大, 但對小朋友來說, 已經是香港難得一見的湖光山色, 置身其中, 仿如世外桃園... 晚上一定可以做一個好夢...


是次每人消費約$150元
味道: 3 環境: 5 服務: 3 衛生: 3 抵食: 2
###
地址 : 淺水灣大潭水塘道88號陽明山莊會所L2
電話 : 2812 3908

2012年9月18日 星期二

龍皇酒家 Dragon King Restaurant : 茶杯裡的嘈音

15 September 2012, Saturday

與朋友吃過數次位於銅鑼灣的龍皇酒家, 印象中是價格高昂但味道只是中規中矩...

今天破格來到觀塘覓食, 龍皇酒家算是頗接近地鐵站出口, 雖然網上的評價不太好, 也想一試...

店內陳設頗有中國味道, 只係沒有食客的只剩這一角最沒有中國味道的... 枱與枱之間極之擠迫, 坐下後是椅背貼椅背, 甚至沒有足夠空間坐下...


樓底低, 加上大部分食客都係與長者嘆茶, 大家都提高音量與長者對話, 導致現場環境非常嘈吵, 我們坐6人枱, 只見到坐對面的親友嘴郁郁, 完全聽不到對方說什麼!!! 吃完即走, 完全不想「再坐一會」, 失去了飲茶的意義...


安蝦鹹水角--好像深色了一點, 餡料出奇地多, 填滿了整個鹹水角, 而且豬肉並不是碎濕濕的, 味道不錯, 入口也不會滿口油..

 

蜜汁叉燒腸--外表相當吸引, 腸粉皮晶瑩剔透, 叉燒餡大大片的, 切成一口一件的大少, 好適合Share食...


香煎臘味蘿蔔糕--蘿蔔糕口感太粉, 不是我杯茶, 我喜歡特多蘿蔔的... 臘味炒的很香, 不錯...


沙巴海蝦餃--薄薄的澄麵皮, 包著2粒海蝦, 蝦肉頗彈牙, 味道也不俗...


店員推介至尊孖寶組合, 我地見有湯又有飯, 要了1客...

粉葛赤小豆鯪魚--魚湯煲得不錯, 材料很足, 味道濃郁... 可以分到8碗左右... 秋風剛起, 是時候滋潤一下...


飄香荷葉飯--口感好差, 飯粒不完整而且濕淋淋的... 味道卻不太差...


全餐最有驚喜的是茶!!! 龍井不是間間酒樓都有, 當然比較高級的都會有, 但即使5星級的酒店, 龍井的味道也不及這裡!!! 居然比我在家中泡的西湖龍井還要香濃上好幾倍, 忍不住打開壺蓋窺探究竟... 嘩!!! 有2個很巨型的茶包, 難怪茶味如此強勁!!! 多年前也曾購買這種茶葉包裝袋泡茶, 貪其茶葉不會走到杯子中, 洗茶壺時倒出茶葉時也很方便呢...


吃飽了, 想吃些甜品...

山水豆腐花--口感有點奇怪, 不滑溜, 但入口即化... 黃糖不太甜, 下多了也不用擔心...


生磨蛋白杏仁茶--大家好像很讚賞, 不停展示碗中的蛋白, 還研究如何烹調...

吃飽飽, 離開前當然要光顧一下洗手間... 通往洗手間的通道也很古色古香...

服務不錯, 價錢比銅鑼灣分店合理, 食物味道也比銅鑼灣分店好一點, 只是環境比銅鑼灣分店略遜一籌... 若不是環境太嘈的關係, 也許可以再來...

是次每人消費約$100元
味道: 3 環境: 3 服務: 3 衛生: 4 抵食: 4
###
地址 : 觀塘開源道64號源成中心2樓
電話 : 2955 0668

2012年9月17日 星期一

帕莎 Al Pasha : 一起新疆舞 讓痛快與困惱交換

14 September 2012, Friday

病咗幾星期, 我終於復活喇!!!

踏入生日月份, 第一餐生日飯我揀咗去帕莎食, 其實好耐之前已經想去, 不過次次都被選擇障礙症或者中人痴呆症所影響, 結果拖到今日...

星期五六日要分2個時段食, 第一段係6:00-8:45PM, 6:00PM實在太早啦, 最後我地Book咗7:00PM...

今晚Minimum Charge每人$250, 原來係計加一服務費之前, 即係加埋一每人Min Charge $275...

見有網民話間餐廳好難搵, 蕩失路, 所以我係MTR N4 出口一出, 就去CS問路... 原來好方便o架, CS直望Misocool側邊條路, 行到尾去霞飛, 側邊條巷盡頭搭Lift上4樓就係...

一出Lift門, WoW... 燈光好昏暗, 新疆菜嘅神秘面紗正在等你掀開... 接近入口的梳化位比較有特色, 我地被安排坐係大廳之中冇咩特色的圓枱...


進入餐廳前, 要洗3次手, 會為你帶來好運...


落單前, 大家都叫番杯特飲先, 我要芒果乳酪蘆薈梳打... 嘻嘻, 原來唔記得影相, 因為又要揀菜又要同迷路者講電話實在大忙啦... 外型似Smoothie, 飲唔到乳酪味, 又飲唔到梳打味, 食到有芒果粒粒同蘆薈粒粒, 味道係OK嘅, 甜甜地嘅芒果Milk Shake咁囉...

落單後, 有職員埋o黎Sell VIP Card, 原來係景樂集團(King Parrot)經營, 之前睇電視又話係新疆人開嘅?!!

小饟包配橄欖醬&雞肝醬(免費)--餐前奉上的麵包, 可以蘸橄欖醬或者雞肝醬一齊食, 麵包有點酥但又好紮實, 口感都幾特別, 鑽媽激讚雞肝醬好好味, 貓兄就話橄欖醬好好味... 我自己就2樣都鍾意, 雞肝醬味道似淡咗鴨肝醬, 橄欖醬嘅香草配搭得好香...
烤包配中東三重奏[雞心荳茸配菘子, 青爪乳酪, 茄子茸配杏仁]($88)--外型似沒有餡的Pizza, 熱辣辣的, 蘸青瓜乳酪很清新, 蘸雞心荳茸也不錯, 忘記了蘸茄子茸...


手撕香梨椒麻雞($78)--嘩!!! 好好好好好鹹呀!!! 打瀉鹽呀?!! 太鹹, 食唔出有香梨, 剩係食到好多青瓜...
烤鴨釀烤餅($85)--嘩!!! 過多甜麵醬, 只吃到滿口都係甜麵醬, 其他甚麼也吃不到...


酥皮特選[雞肉薄荷雪茄, 菠菜角, 牛尾乾果]($98)--雞肉薄荷雪茄說穿了即是春卷, 春卷皮很脆, 很香口... 酥皮菠菜角真的很酥, 菠菜餡填得滿滿, 很好吃...

 

烤牛肉串(2串)($50)--全餐最好味!!! 火喉掌握得恰到好處, 肉質柔軟, 香料提升了牛肉的味道, 5個人Share 2串實在太少了, 到喉唔到肺...
烤乳羊(例)配薯菜($230)--有點失望, 羊肉猶如乾柴, 沒有半點羊味, 只吃到微微的膻味...



醬爆駝峰肉露荀($115)--好辣呀!!! 露荀好嫩, 駝峰肉口感似豬肉... 除咗好辣, 仲幾鹹, 食唔真駝峰係咩味...
馬腸抓飯($88)--抓飯甜甜的, 味道OK... 馬腸又係鹹的, 口感似潤腸, 與抓飯一同吃味道又OK喎...



原先我地想試孜然粉小黃牛, 可惜今晚暫定供應...


接近8點左右開始肚皮舞表演... 表演者頭上點著好多爉燭, 繞道跳咗一Round, 之後除下頭套再跳一Round, 第二Round比較勁歌熱舞d.... 之後又再出現, 播送生日音樂, 為一枱客人再跳一會... 原本以為跳完o架啦, 點知佢捉咗個女客人一齊跳, 嘩, 個女客人都跳得好投入喎... 之後捉完一個又一個, 越o黎越近我地張枱喇, 好驚呀!!! 我地全部人即時耷低頭扮晒狂食o野囉, 場面好攪笑, 嘩咔咔咔...





肚皮舞表演完畢, 當我地差不多食完, 店員通知我地未Meet到Min Charge, 仲差2百幾蚊... 吓?!! 仲未Meet到?!! 我地仲諗住今餐一人要$350喎...

原先打算轉陣再擦甜品, 咁而家唯有係度食埋啦...

拔絲士多啤梨($85)--好有驚喜!!! 我係第一次吃拔絲士多啤梨, 以前只吃過拔絲香蕉及拔絲蘋果, 男店員將士多啤梨逐一放入冰水內, 將所有士多啤梨拔絲後, 本以為已經完成, 誰知男店員繼續將餘下的糖漿繼續拔絲, 慢慢拉出一絲一絲的糖絲, 好有Heart!!! 第一次見到咁認真嘅拔絲!!! 論味道, 士多啤梨比香蕉及蘋果有過之而無不及, 因為士多啤梨的酸中和了糖漿的甜, 酸酸甜甜, 連唔多食甜品的讚媽都食到唔停得口...


桃仁蛋卷($55)--滿載合桃碎的蛋卷很鬆化, 充滿合桃的香味, 而且不太甜, 樣子也討人歡喜, 值得一試...
八達木紅棗糕配石榴雪糕($65)--石榴雪糕係今晚最具話題嘅菜式, 不但好味, 更勾起大家的童年回憶!!! 只要吃一小口, 就好似放咗熟透而甜美的新鮮番石榴入口, 整個口腔充滿果香, 我比10個讚!!! 但八達木紅棗糕只吃到很強勁的杏仁味, 很奇怪, 不是我杯茶...


紅豆綠茶桂花糕($50)--顏色漂亮, 味道很夾, 唯紅豆味不足...
杏甫蜜餞雙色糕($55)--天呀!!! 打瀉了超濃縮糖嗎?!! 喪甜味來自頂層的紅棗糕, 甜得太可怕, 比日本羊羹更甜得多... 號稱甜品怪的我, 認輸了!!! 吃1件已太難...


 

整體評價係氣氛好好, 味道一般...

服務亦很好, 吃完頭盤會換上比較大隻的主菜碟, 很細心...

是次每人消費約$280元
味道: 3 環境: 3 服務: 3 衛生: 3 抵食: 5
###

地址 : 尖沙咀河內道18號K11購物藝術館401舖
電話 : 3122 4444