![](https://blogger.googleusercontent.com/img/b/R29vZ2xl/AVvXsEhz4y8JpU7Jm1VtnXQMgCJfOu1fTK6_ut8w0K7XibvmNf1U_W2fOiEliuay6r3OEs1RnhOqTlzxj7GkRVmrVGveAvmoq1fzTfB55cEKsgrbKFf8CxHQgPrnxQtGdMeE1Zq26UTHCxJZ4b2n/s200/DSC00369.jpg)
姓名:Kitty White
生日:1974年11月1日
星座:天蠍座
血型:A型
出生地:倫敦
身高:5個蘋果高
體重:3個蘋果重
年齡係女性的秘密, 特別係公眾人物, 但Hello Kitty從不介意, 更在自己39歲生日當天, 夥拍美心西餅, 送上窩心的禮物給她的忠實粉絲--我!!! 哈哈... 多謝!!! 真係超超超開心!!! 勁鐘意呢份禮物呀!!!
限量版Hello Kitty X Maxim's Cakes Tote Bag質地又滑又軟, 帶出街肯定可以引來不少吉蒂粉絲的艷羨目光... 各位姊妹唔好諗住打佢主意, 無論你個女有幾鐘意都好, 我都唔會割愛, 自己換購啦, 灰色的彩虹版 : 1/11~1/12, 紅色的聖誕版 : 2/12~31/12, 手快有手慢無, 呵呵...
![](https://blogger.googleusercontent.com/img/b/R29vZ2xl/AVvXsEipbs7ju_VevQ2MIbIO4IOwzFuTdt2qHv6goAJjYeK0jUtp_28kw5ZWDlKluyB2PHoveiyg9xygsh2KSKjNab_SlsjuT49wzs_pBHdlX3Kq761f21F6u3hKNRHautD1hU2mu5QONdACcOg6/s640/DSC00403.jpg)
Toto Bag入面都放到幾多o野吓喎... 你睇, 放咗Kitty & Daniel都仲有好多位剩...
![](https://blogger.googleusercontent.com/img/b/R29vZ2xl/AVvXsEiDlc8V22It9qdnkiqmlef36O1V7WdA1wZWOPlzDolnq_ggU6ura2ri-Ng_p7V9WxVt3uug45LW5rjmDSNV7NTTljkD5Trnhw2iChZvsg9ewpvlIMNbf8kQFlVie-tRzWHdzIIdUA5Gj1Cs/s640/DSC00404.jpg)
姪女今日開生日會, 我提早2日就去換領蛋糕了... 我地屋企人多, 所以自費再訂多1個Hello Kitty Rainbow蛋糕, 令吹襲生日會的吉蒂季候風強度升級...
拉姑媽 x 姪女親子摩天輪手作Playgroup開始!!!
![](https://blogger.googleusercontent.com/img/b/R29vZ2xl/AVvXsEiYkH_NuflTDGWccHN5VEwK54A-QZRuMl3lTyJDwAeAyPphhsA5D1FvSOHH8Wh5rJjLKJ6YYaaZaTKpUQ2wy7_hbm3ADuVUD1rZCeAUL-yCqN9oRpNNxV_qBmMCU8hf8tqM9sMwIr9tHCuV/s640/DSC00271.jpg)
姪女負責摺Cupcake座... 拉姑媽負責影相... 姪女表姐負責摺摩天輪, 一如以往, 摺唔夠3分鐘就閃人, 唉... 最後摩天輪由CQ爆燈的姪女媽媽埋尾...
![](https://blogger.googleusercontent.com/img/b/R29vZ2xl/AVvXsEifdOi3UMdukoUURV7RlA6xQHNb0cA4B0jgTcyvagopUshiTLfCYKWexW3qoZCziNOZeu-4y1i3_SefqHJuFPPPjrMsbyTyhwVzvQq4TIR1mZqKztXFLpR0Srs0nmHK-8CKxo041ZYexXkU/s640/DSC00293.jpg)
眾志成城為摩天輪... 大成功!!!
![](https://blogger.googleusercontent.com/img/b/R29vZ2xl/AVvXsEhmutC7Z_xruv9fiYRGQmLp4ecXs7NrQOlNMP5h7HQhkEmyEiibPTWXny12IuXKYM6huKAucOEX6O6si2OglO-E4qAHjT3HkIck-M7_BSVeoQzyCMIB-FD-InU_Cm46D_wcOvn_0kpC91Yw/s640/DSC00310.jpg)
最後步驟由姪女負責將Cupcake座逐一扣上摩天輪...
![](https://blogger.googleusercontent.com/img/b/R29vZ2xl/AVvXsEhqEEXSs5SNZNFHnVRrzuIW8eYxnBcvtBAy-6XAX0kZFeqSyDjMXCD0cjDsP_-xqvu26bCNd6KpV50oFMPREEg60GJtf6KL8cj9G_Waw1CDQLrrDpMceac6v3QHwLnmW5Fk7LgpfPBQLW22/s640/DSC00313.jpg)
到香噴噴的Cupcakes出場啦~~~ 摩天輪Cupcake套裝包括4個粉紅色原味及4個深啡色朱古力味Hello KittyCupcakes, Kawaii)))
![](https://blogger.googleusercontent.com/img/b/R29vZ2xl/AVvXsEjhKlEhSXH9o8n3Fs7lYvESwHEljk5Z1dWh9-BzkAORCXknJjxz58NB20eZmvOFaOCThPvn6ZQuj01q8Hgw3Vp5TzskestD8B9rokB7fbsL5pZZ5Mh3fl2sfHpVYSD-DY5zxUTJ9S7pX-yC/s640/DSC00282.jpg)
終於可以將Cupcakes放上摩天輪的Cupcake座啦...
![](https://blogger.googleusercontent.com/img/b/R29vZ2xl/AVvXsEjl7oYCOhFKAcN0BoD-iIA7h0UevoHmemt_jrVscxIwH37xrlJAIWmtszdTFpscSO3tZ7wQ-5JsM9YC-Xb-M1q24pax_VA-eW8SZfE1lf-0AHzLNnoDBXMkuExMHXKuNYzaFFYuV_qkWOrl/s640/DSC00328.jpg)
轉... 轉... 轉... 轉... 轉... 轉... 唔知轉咗幾多個圈後, 又輪到剛瞓醒的Monster姪仔轉, 2個姪前前後後輪流轉咗幾百次, 最後個摩天輪依然屹立不倒, 果然夠穩陣...
![](https://blogger.googleusercontent.com/img/b/R29vZ2xl/AVvXsEjVmaSqDpvPKVvls60oDz_oOV3biWLHX4h4CpPs4k-t9_W09NhmBmeAyNfhdvTGa6kijaEH2_jimKVUS8zhJybfSKRtSNVlZ2pCUaIPs3cmB4LSxI50ct69_ILgjqmTm8xKbBc0EbWvlkQH/s640/DSC00340.jpg)
好啦好啦, 要收起Cupcakes入雪櫃啦, 今晚食完飯先再攞出來喇...
說時遲, 那時快, 姪女已經將佢的私人珍藏拿出來... 嘩!!! 乜已經咁多Hello Kitty & Friends排緊隊玩摩天輪啦... 姪女話要排隊先可以玩, 我差點笑了出來, 佢大個咗唔做訓導主任真係太浪費, 嘩咔咔咔...
![](https://blogger.googleusercontent.com/img/b/R29vZ2xl/AVvXsEgCSADCGA6YR8xP7X0f3LuOm6oR5r3CVC1MKi3tUpVsELK-QWuCT-UrF5_ohdNm6xyvcEqG-_N8XXbpC-Q4fY1esgkUmb1kN8f__bkquWLHapsHWyZid9Pheap4c5biyB4NG9E85izk5wsV/s640/DSC00354.jpg)
點解排第一的朋友可以包廂, 而Hello Kitty就要3隻貓迫埋1個廂咁辛苦?!! 姪女話 : "一家人要坐埋一齊"... 哦... 收到... 摩天輪管理員...
![](https://blogger.googleusercontent.com/img/b/R29vZ2xl/AVvXsEiapi9hSh0fObhUCpgE0Xx_itgoluh-OuQ7_Ud8PQos8M9Gw0vRN_s6FnbjOZyMc415tAuR1wkGLvHe8uTkeXa4RlAWZup_nbD-o3x6zMPyE0dFiKFHr0aoxgKb2mACPPFS7M7A6tDjtiXy/s640/DSC00351.jpg)
今晚的火鍋晚餐材料好豐富呀!!! 有廣島蠔、桂花蚌、珍寶帶子... 竟然仲有松葉蟹腳, 仲要開好晒殼, 放落鍋內烚一烚, 夾起輕輕一咬, 整條蟹腳肉話咁快就落入口中, 嘩!!! 好正呀!!!
![](https://blogger.googleusercontent.com/img/b/R29vZ2xl/AVvXsEhw69_LTv3eF2ax14QHlbVUV0GtPa9Yh_w9B8rnUWYFa3T6NddPoYV7qTIwKkEd9C2eGAHAODCnRNX4B8y8P7O3GR0I1V9sdVxfw35BvwTvCsESnE3LTg4x1_j7oUmnglAIYBdn8CK7uL_n/s640/crableg.jpg)
食到勁飽, 姪女媽媽打鐵趁熱, 開始裝飾"迷人Pink Kitty" Rainbow蛋糕... 只係將心心碎糖灑滿蛋糕面時, 我已經覺得好靚, 酷似春天櫻花散落地面的景象...
![](https://blogger.googleusercontent.com/img/b/R29vZ2xl/AVvXsEhWJ0RcpZngpM8qxCXLxjs1vGFvJh0h4_tqZRKArqdgiDFsrEEQj7i71ds52PwyWvYScexB-95Ns5Fx2_2iGL6kNiF6bH2kOKxwx1rGPl4TWqvI-lWy6jckCpMWZaJWhimVFge1WjwCf2k4/s640/DSC00358.jpg)
姪仔幫手灑上彩色棉花糖, 姪女媽媽再放上Hello Kitty Macaron及彩虹朱古力牌, DIY Hello Kitty Rainbow完成了!!!
![](https://blogger.googleusercontent.com/img/b/R29vZ2xl/AVvXsEgxKCLPhSpMtYkg5tPBmrT82264jPcl6bFlwGmMU-AZLvNE7pOM9nOwSlIeadBOderQYqqrN2TcchWDm4pwFDOudJ4wPOyJZuH7sERvddor5TG1DqIT5mDItHr33tCr62QwEAVOQ64EJZ7C/s640/DSC00377.jpg)
好玩又好睇的摩天輪Cupcake蛋糕 (HK$298), 再配合美味的彩虹蛋糕 (HK$228), 為今日的生日會增添了不少歡樂呢...
![](https://blogger.googleusercontent.com/img/b/R29vZ2xl/AVvXsEhz4y8JpU7Jm1VtnXQMgCJfOu1fTK6_ut8w0K7XibvmNf1U_W2fOiEliuay6r3OEs1RnhOqTlzxj7GkRVmrVGveAvmoq1fzTfB55cEKsgrbKFf8CxHQgPrnxQtGdMeE1Zq26UTHCxJZ4b2n/s640/DSC00369.jpg)
既有外在美又有內在美的蛋糕不多, 請原諒我切出的橫切面美感欠奉, 皆因多隻餓狼已開始按捺不住了, 我已經再保護唔到個蛋糕啦... (習習... 習習...)
![](https://blogger.googleusercontent.com/img/b/R29vZ2xl/AVvXsEibZroFOEv2jWc6Jx-BzDTfKOwtREifTqD2QyIlaYkgGqP1Xczql15QqPmUCeTlk5BvonEkMLPt_OK35E93mgaXTpBQGzBqeCGvw4Rt9zPouYMzhaz3rG61GGtVDVJDBVSJgPMIBvLsfURH/s640/DSC00378.jpg)
看到一張張的笑臉, 感謝Hello Kitty, 妳果然是歡樂的泉源...
是次每人消費約 N/A 元
味道: 4 環境: 3 服務: 3 衛生: 3 抵食: 4
###
地址 : 元朗港鐵西鐵線 元朗站入閘區 13-14 號舖 【近A出口】
電話 : 2473 5013
個蛋糕好靚, 靚到唔捨得食呀!... 哈哈!~
回覆刪除正常人真係唔捨得食, 但果日面對嘅係一班打完邊爐嘅餓狼, wakakaka... XD
刪除我嗰日去美心買麵包都試玩過呢個摩天輪,真係好實淨,不過價錢貴咗啲呢。
回覆刪除都少少貴o架, 勝在有特色 :p
刪除真係好好玩喎,又有得食添.
回覆刪除小朋友玩得好開心 :)
刪除呢個蛋糕, 咩Kitty開心元素都齊晒, 正!
回覆刪除Yes!!! 下個月出埋聖誕特別版更吸引 :)
刪除Hello Kitty 都有 40 年了.
回覆刪除Hello Kitty 超合金
http://timelessdimension0.blogspot.ca/2013/10/toy-news-31-st-october-2013.html
Revoltech
http://timelessdimension0.blogspot.ca/2013/10/toy-news-2013-15-th-october-2013.html
Hello Kitty 超合金... 大愛!!! (好勁, 可以彈個拳頭出黎)
刪除Hello Kitty 真係迷到不少女孩子啊, 這個 collection 仲令一家人多了不才歡樂氣氛添 ^^
回覆刪除砌摩天輪都可以訓練下小朋友手仔的靈活性, 又可以親子同樂, 的確不錯...
刪除姪仔係男仔都好鐘意呢個摩天輪, 原本剛瞓醒扭喊, 一見到即刻雙眼發光"嘩"一聲, 掛住玩無再喊 XD
原來Hello Kitty 跟我同一日生日!!! :D
回覆刪除WoW... 芬妮好幸福呀!!!
刪除