網頁清單

2013年11月27日 星期三

澳洲「野生探索」の 愛回家?!! No!!!!!!

25 March 2013, Monday

Min 14oC, Max 27oC, Morning Clouds, Warm

昨夜觀賞「神仙企鵝回巢」時, 大呼"I don't wanna go home!!!"... 可惜事與願違, 今天一覺醒來, 就要面對最殘酷的現實... 回家鳥!!!



昨夜2:00AM才睡, 今早9:15AM醒來, 11:00AM check-out...

11:35AM SkyBus Hotel Transfer來了, Yeah!!! 我倆是包車的哦!!! 呀... 不是, 是車上只有我倆才真, 嘿嘿... 想享用此服務需預約...


11:45AM 10分鐘左右便到達SkyBus Terminal... 排隊買車飛唔使好耐...


買了車飛便可抬行李上車... 2人的SkyBus車費是AU$34 (約HK$270), 比Taxi平AU$20, 我地已好好彩有位坐, 後期上車的要企足全程兼好迫下... 始終坐Taxi較為舒適, Honey話體驗過便是, 下次都係坐返Taxi喎...

11:45AM上車, 12:20到達機場... 車程很暢順, 約35分鐘左右...


仲有2小時才登機(Delay後變成4小時), 在機場隨便找個地方食Lunch... 不想吃在香港常見的餐廳, 走到商場的末段, 見到這間不認識的hightide, 冒險王出竅...
 

店內環境時尚簡約... 餐廳供應多國菜... 顧客中很多都是機場職員, 態度不是太Nice, 1個大男人霸張4人枱, 2人情侶亦如是, 眼神兇狠, 問親個吉位有冇人坐, 答案都係有, 但到佢地離開時都唔見有人來Join佢地!!! 想搵個吉位絕不容易, 最後用咗十幾分鐘, 搵咗張絕不好坐的Cafe Round Low Table...


又凍又唔好味的炒飯, 承為AU$6.5 (約HK$50)... 選定食品及付款後會比部Beep Beep機你, 帶埋去座位度靜候, 聽到佢發出Beep Beep響聲就要走返Counter取食物...


Roasted Mediterranean Vegetable Focaccia AU$7.5 (約HK$60)
-- 付款後職員幫忙放入Heater翻熱, Beep Beep機就係要提示我去Counter取食物... 烤地中海蔬菜夾在意大利香草軟包中, 加入黑陳醋及橄欖油, 好好味!!!


懷著不太順暢的心情過海關... 又抽查我有無帶爆炸品!!! 已經係第3次!!! Sydney機場1次, Adelaide機場1次, 而家Melbourne機場又再查多1次, 但3次都係捉我, 無捉過Honey, 我真係好想好想問佢"Am I looks exposive?!!", 我明明唔係Deep V+熱褲喎!!!

抽查時海關又同我傾下閒計, 哈哈, 算係問話啩... 因為前面過X-Ray條隊唔郁, 所以都傾咗幾耐下...

海關哥哥問我玩咗幾多日, 邊幾個地方, 我答完佢, 佢好肉緊咁話"起碼要玩1個月先夠啦", 我更肉緊咁話"1個月邊夠, 起碼要玩2個月先夠啦", 佢好似比我大到, 有少少驚訝, 嘩咔咔咔...

過完 X-Ray, 見排前面嘅人全部都要再排果部3D透視機, 咁我以為人人都要, 又走去排, 海關姐姐居然打發我走, 咁奇?!! 爆炸品都查我3次, 呢部機又會無我份嘅?!!

去到登機閘口, 安頓好後, 顯示板突然出現Flight Delay!!!

原定Flight Schedule係14:10 Boarding, 15:00 Depart...

Delay Flight Schedule係16:00 Boarding, 16:10 Depart...

點解... Boarding到起飛的時間可以由50分鐘縮短做10分鐘?!! 真利害!!!

Flight Delay唔係最慘, 最慘嘅係Melbourne Airport的Free WiFi是癈的!!! 之前係Adelaide Airport的Free WiFi不知用得幾暢順... 呢度要填問卷, 填完又填, 點都Connect唔到, 上唔到Internet, 你仲Flight Delay 2個鐘咁多, 想悶死人咩!!!

一上機都未起飛, 坐附近的Baby已開始喪Cry... 唉...

我又Ear Block, o趙咗幾盒香口膠, 對耳都係痛到爆, 痛到我都好想Cry埋一份...

回程的電影欣賞會 : Anna Karenina (賣點係由Keira Knightley主演) + Mr. Popper's Penguins (賣點係由Jim Carrey主演加上昨夜剛觀賞了「神仙企鵝回巢」...

晚餐好難食, 食完想反胃!!! (羅馬牛肉醬配馬鈴薯泥、烤意大利青瓜和胡蘿蔔)


早餐更難食!!! 難食到放棄!!! (烤雜蔬比薩)


我知咩叫"珍惜食物", 我有做!!! 遇到難食的食物時, 我會同自己講世上好多小朋友捱餓, 唔可以浪費食物, 然後會照"吞"落肚!!! (不經咀嚼, 因為咀嚼越耐味蕾反抗越大)

呢個發水Pizza似浸飽水先比你食, 我只係咬到一半, 都未咬開, 已經Feel到個胃反芻, Sorry, 我吞唔落, 我知我錯...

10天的澳洲之旅, 「新奇、剌激又好玩。 」, 直情好似出奇蛋廣告Slogan咁, 以往的旅程, 從未有今次「野生探索」的興奮體驗, 好開心, 我一定要再來, I will be back!!!

回顧過去的旅程, 2009年去德瑞玩10日, 回來後1個月便寫起所有遊記... 今次澳洲之旅竟然事隔9個月先完成, 實在差天共地, 我也未免太太太太懶喇!!! Anyway, 今日終於可以放下心頭大石#1, 之但係, 仲有心頭大石#2... 係咩?!! 咪就係我的微型黏土食品功課囉, 堆積咗3個學期的功課未起貨呢... (苦惱-ing)


澳洲「野生探索」2013 の 總匯 http://www.kenmerry.com/2014/07/2013.html

10 則留言:

  1. °享受天天美好的時刻•*✿最緊要呀✿

    回覆刪除
    回覆
    1. 每天醒來無病無痛, 便是最大的幸福 :)

      刪除
  2. 陰功, check 3次又真係好嬲.

    My blog: http://flywithteatea.blogspot.com/

    回覆刪除
    回覆
    1. 嬲又唔係話好嬲, 我反而勁好奇抽查的criteria, 我一定係hit中紅心, 否則無理由響澳洲坐3次飛機3次都抽查我 =___=

      刪除
  3. 如果搭車要企35分鐘都幾係嘢!!~

    回覆刪除
    回覆
    1. 就要迫到沙甸魚咁, 好彩我係總站上有位坐 :)

      刪除
  4. 澳洲的航班食物看來真的吃不下去......
    下次的目的地是哪? :)

    回覆刪除
    回覆
    1. 大家如有機會坐澳洲, 一定要自備大量食物 T.T

      下次的目的地... BBQ棉花糖的故鄉... 估唔估到?!! 嘻嘻...

      刪除
    2. 考起我..... BBQ棉花糖的故鄉...... 完全想不到...... ><

      刪除
    3. 嘻嘻... 欲知後事如何,請看下回分解 XD

      刪除