【英國】Cafe Sen：對板越南滴漏咖啡

20 September 2025, Saturday 

今日約咗朋友食Lunch……不如去試吓新野啦……呢間越南河大家都未食過……

【台北】玫卿越南料理：街坊越南河

16 November 2024, Saturday

純粹記錄吓自己嘅行程，唔係推薦大家去食～

主理人嘅國語用字好特別，估計係過埠新娘，正宗越南人煮越南河～

撞啱FULL HOUSE，1個人被迫坐係面壁枱係好迫好辛苦成個人屈埋對腳伸唔直，之後客人散咁D，有女仔都係1個人已經坐返正常2人枱～😑

個椰菜甜到呢，真係懷疑佢落咗糖炒～

個越南河……試1次就夠～就連我，都食得出D牛肉係用最CHEAP嘅，咁你話幾大鑊吖～

但係佢真係好平，做吓街坊小生意啫，你想點啫，都唔係預我地呢D遊客去嘅～

【英國】MK Viet Kitchen：地道越南牛肉湯河

2 August 2024, Friday

朋友極力推薦嘅越南菜，佢地話都係佢地嘅朋友帶佢地去嘅……

朋友本身無食過市中心間越南菜，話佢地朋友極力勸阻佢地去嘗試……（我都勸佢唔好🤣🤣🤣）

越發地道河內料理：長龍越南PHO

14 December 2023, Thursday

貓兄餐生日飯～

香港人想開開心心同朋友食餐飯都好難……約日子！

餐廳12點正開門，12點半去到已經排成咁～我地差不多1點入席～

【英國】Pho：無牛味嘅越式牛肉湯河

24 August 2023, Thursday 

今日走馬看花，短短幾粒鐘，食咗好多餐～

間餐廳標榜個湯河每日係餐廳整？（係咪想講唔係中央工場煮好翻熱？）

新巴黎越南餐廳：銅鑼灣糧尾佳品

20 December 2022, Tuesday

過完海嘆咖啡，順便去埋銅鑼灣買口罩同快測包（新冠病毒快速抗原檢測試劑盒）補充一下存貨，補完貨求其係附近搵食～

網民留言話佢係糧尾佳品，又話佢要裝修吓～😂😂😂

係銅鑼灣咁食法先$151真係糧尾救世主啦～😂😂😂

裝修咗就唔係呢個價錢啦喂～😂😂😂

同埋D餐廳裝修完，連浸味都會變埋架，佢呢度個咖喱牛腩飯同香茅豬扒雞翼撈檬真係我廿幾年前食過嘅味道，而家外面果D唔得架唔係呢浸味～我食得好開心囉，當我掛念果浸味嘅時候我會再黎囉～但係我唔會再去頭先間豪裝COFFEE SHOP囉試過就算啦～😂😂😂

【台北】小樹台越餐館：1個人的午餐。越慢越想食

11 April 2019, Thursday

9:00AM起身開洗衣機……11點幾進入騙人6分鐘模式……(6分鐘足1個鐘)

Google Map吓邊樹有好野食……

今日勁想食越南菜，揀咗要行10分鐘老遠的小樹台越餐廳。網上評論是好吃的，但上菜堅慢……果然名不虛傳！

12:20PM，全場得門口2個阿姨有野食緊！

其他12人呆等中……

台面1個工作人員都無，坐咗一陣先有個男人走出黎派點菜紙……

講嘢Lur埋一嚿都唔知佢講乜……

最後落咗餐，比埋錢，佢叫我自己攞餐具……頂……吉嘅D膠箱全部！

同佢講完先係廚房捧2盤筷子匙羹出來……攞完即拎張餐紙墊一墊……嘩！！！張餐紙好多黑色1點點嘅，好恐怖呀！

佢堅係倒瀉籮蟹……再有客人入黎佢帶位搬開枱面D野都可以將筷子倒晒落地嘅。

麵包鬆軟暖暖
咖喱稀如湯水，卻出奇地好味！香甜微辣，混雜了香茅、椰奶、檸檬的香氣，超讚！

【台北】越香蘭越式料理：惱春風，我心因何惱春風

13 January 2016, Wednesday

貴為遊客區的士林區, 中伏的機會率幾乎等於我地成日講嘅「碩士畢業?!! 係香港一個招牌跌落o黎責死幾廿個啦」... 或然率係幾多?!! 自己段估吓啦~~~

我地又唔識路, 又未知當地餐廳的一般開放時間, 亂咁行, 亂行亂無餐廳營業, 突然... 見到對面馬路有間港式茶餐廳咁款, 門口放咗好多豬仔包喎... 過去八吓先...

越式?!! 都殺啦... 就快餓C啦~~~ 再考慮多一陣嘅, 就連呢間都落埋場無得食嘅啦~~~


常言道：睇人唔好剩係睇外表... 原來睇餐廳都一樣... 間餐廳入面都企理o架!!!

台北「尋找他鄉」2015の越廚：誤打誤撞, 為旅程添上美味驚喜

2 September 2015, Wednesday

連續2晚失眠, 昨晚終於可以進入夢鄉, 雖然喉嚨依然好痛要經常起身飲水...

今早在下榻的酒店 -- 臺北商旅官邸別館吃過早餐Buffet後, 便展開途中下車之旅...

事前沒有做功課, 今天邊走邊吃, 走運地遇上2間不錯的餐廳...

好, 去片...

老趙越南餐廳 Lo Chiu Vietnamese Restaurant : 友情歲月

20 March 2014, Thursday

貓兄尋日吹雞約食飯, 估唔到一吹即響, 無他嘅, 鑽媽係唔係都唔出嘅, 今次理由係囝要考試, 剩返台山四寶就易辦事...

初時貓兄提議去排隊食韓菜, 龍媽唔想排隊反建議食老趙, 勾起我模糊的記憶, 剛出來社會打工時, 唔知邊個生日, 好似係拉大隊去文苑街老趙食晚飯, 當時覺得位置非常偏僻, 走咁遠水路, 食物又唔係話好好食, 仲要衛生同服務都極有待改善, 印象很差... 後來... 好似過多2年無敵生日又提議去山林道老趙食晚飯, 記憶中地點就腳得多, 衛生好一點, 但食物味道未至好到要專程坐車去食...

今日, 無人生日, 只係純友誼飯局, 台山四寶的友誼始於台山, 好, 大家一齊用台山話唱返支「友誼之光」先!!!

♫ 人生於世上有幾個知己
多少友誼能長存 ♫

青悅 Lime Garden : 未有徹底翻熱食物

19 April 2013, Friday
係青衣城睇完「祝節盛會 微型藝術展」, 係時候搵食喇...

上網睇睇, 嘩!!! 冇乜邊一間餐廳的評分係好好笑容... 冇選擇之下, 路過呢間新餐廳, 入面都有d人食緊, 應該OK啩... 我估... (又衰咗)

間餐廳裝修都幾OK... 就係比佢糖衣外表呃咗...

黑涼粉紅豆冰 $24 / 鹹檸七 $22
-- 黑涼粉唔係立方體, 蟲蟲狀, 都幾易啜, 味道冇特別... 鹹檸七有鹹檸七味...

椰青海鮮焗飯 $78
-- 唔難食, 但冇味... 椰青內一d椰青肉都冇, 開始好擔心, 唔通佢係菠蘿炒飯個菠蘿d friend?!!

鮮蕃茄牛腩煲 (跟法包) $68
-- 法包個樣真係幾吸引, 可惜... 到等到食牛腩煲時, 已冰凍僵硬...

鮮蕃茄牛腩煲個樣好唔得, 而且只用小小的酒精啫喱翻熱, 翻熱咗10分鐘以上都毫無動靜... 初時諗住係酒精啫喱太小, 但發現後面枱的牛腩煲燒得火熱, 應該係我地坐係風口位, d火吹到東歪西倒, 並冇正常地向上燒...

想搵人幫手?!! 都好難!!! 冇人願意停低望你一眼, 就算搵到, 都覺得冇問題走咗去...

最後終於搵到疑似經理物體, 佢換咗1個更小的酒精啫喱, 最後都係冇料到...

等了又等... 我地要求疑似經理物體拎翻入廚房翻熱, 佢拎走咗, 但係冇拎入廚房, 只係放係廚房出口繼續用酒精啫喱翻熱,

繼續等等等, 仲耐過Order 1盤新的, 冇人理過我地... 職員再搬出來時, 酒精啫喱都唔見埋, 問我地O唔OK... 嘿... 乜佢認為人類可以單憑肉眼就睇到食物的溫度咩?!!

食咗1啖... 嘩!!! 超特鹹!!! 冇蕃茄味!!! 稀Nel Nel... 牛腩少之又少... 冇牛味... 最慘嘅係, 食完個胃好痛, 好似有舊石係入面咁... 職員Dee Dee, 我而家可以答你, 唔OK!!!

食物唔好味都已經唔Alright, 唔徹底翻熱絕對係BIG PROBLEM!!!

是次每人消費約 $115 元
味道： 1 環境： 4 服務： 3 衛生： 1 抵食： 3
###
地址 : 青衣青敬路33號青衣城211號舖
電話 : 3426 4746

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

資料來源 : 食物安全中心

http://www.cfs.gov.hk/tc_chi/programme/programme_haccp/programme_haccp_tips05.html

要 消 滅 食 物 上 的 細 菌 ， 最 有 效 的 方 法 是 徹 底 烹 煮 和 翻 熱 食 物 。 以 適 當 的 高 溫 和 足 夠 時 間 把 食 物 徹 底 烹 煮 和 翻 熱 ， 可 以 殺 死 大 部 分 致 病 菌 和 病 毒 。 食 物 中 心 部 分 的 溫 度 須 至 少 達 到 攝 氏 75 度 。

你 烹 煮 和 翻 熱 食 物 的 方 法 正 確 嗎 ？ 讓 我 們 重 溫 各 個 要 點 ：

1. 所 有 食 物 必 須 徹 底 煮 熟 ， 中 心 部 分 的 溫 度 須 至 少 達 到 攝 氏 75 度 。 使 用 食 物 溫 度 計 來 量 度 食 物 中 心 部 分 的 溫 度 ， 是 判 斷 食 物 是 否 可 供 安 全 食 用 的 最 準 確 方 法 。 使 用 食 物 溫 度 計 之 前 或 之 後 ， 必 須 把 溫 度 計 妥 為 清 潔 和 消 毒 。 假 如 未 能 量 度 食 物 中 心 部 分 的 溫 度 ， 亦 可 用 肉 眼 以 以 下 準 則 來 判 斷 ：
   
   
   • 紅 肉 ： 肉 的 內 部 不 應 呈 紅 色 ， 肉 汁 須 清 澈 。
   • 家 禽 ： 肉 的 內 部 不 應 呈 粉 紅 色 ， 肉 汁 須 清 澈 。
   • 海 鮮 ： 魚 類 須 煮 至 肉 色 變 為 不 透 明 ， 容 易 去 肉 和 去 骨 ； 介 貝 類 水 產 則 須 煮 至 外 殼 自 行 張 開 。
   • 蛋 類 ： 蛋 黃 和 蛋 白 變 得 凝 固 ； 不 要 烹 煮 以 生 蛋 或 半 生 熟 蛋 做 的 菜 餚 ， 除 非 是 選 用 經 巴 士 德 方 法 消 毒 的 蛋 。
2. 翻 熱 吃 剩 的 食 物 時 ， 食 物 中 心 部 分 的 溫 度 須 至 少 達 到 攝 氏 75 度 。 使 用 食 物 溫 度 計 來 量 度 食 物 中 心 部 分 的 溫 度 ， 是 判 斷 食 物 是 否 已 徹 底 翻 熱 的 最 準 確 方 法 。 使 用 食 物 溫 度 計 之 前 或 之 後 ， 都 要 把 溫 度 計 妥 為 清 潔 和 消 毒 。 假 如 沒 有 食 物 溫 度 計 ， 把 食 物 翻 熱 至 煮 沸 ， 才 可 食 用 。
3. 存 食 物 方 面 ， 應 保 持 食 物 的 溫 度 在 攝 氏 60 度 以 上 ， 以 防 細 菌 滋 長 。

芽莊越式料理 Nha Trang Vietnamese Cuisine : 午市沒有Set Lunch, 隨意限時結帳

12 October 2012, Friday

開張了不久的芽莊, 經常都有很多人在門外排隊, 今天終有機會一試... 話說回來, 這個舖位十多年來已經換過幾次不同的食肆了, 但奇怪的是, 十多年來都是越南菜館, 只是裝修一間比一間重本, 價錢一間比一間貴, 味道一間比一間美味...

店內裝修以白色及柚木為主, 很優雅, 很有法國餐廳的影子... 也難怪, 越南曾經是法國的殖民地... 牆上掛滿了不同顏色的百葉窗, 極具懷舊越南味道...

早上11時30分開始營業, 未有太多人客到來, 到12時正已座無虛席...

甫坐下, 年輕男服務員跟我說"我們這裡是全日限時1小時30分鐘, 坐下時計算, 即是你12點3要埋單"... 我"哦"了一聲, 他便走開了, 我定一定神, 回想一下, 這間店是11:30才開門, 加上1小時30分鐘, 不是12時45分嗎?!! 如12時15分便要離開, 不是限時45分鐘嗎?!! 暫時不理會他的數學能力了, 待會他真的在12:15趕我走時, 才跟他理論吧...

豈料... 11點45分進來的顧客, 女服務員竟跟他說"限時1小時, 12點45分需還枱"... 吓?!! 剛才不是說"全日限時1小時30分鐘"的嗎?!! 為何相隔短短12分鐘, 便變成"限時1小時"?!! 到底有沒有限時標準?!! 還是隨店員的喜好, 每一張枱的限時也不同?!!

接下來第2個問題是... 這裡是沒有Set Lunch的... 吓?!! 沒有Set Lunch?!! 這裡的食物價錢一點也不便宜呀, 還要限時交枱, 我真的很想拂袖而去!!!

冷靜下來, 心想反正只是吃一次, 硬著頭皮繼續點菜吧...

見到網上很多人推介河內蕃茄蟹檬, 決定一試, 還點了河內牛爽腩粉及香茅串燒蝦...

服務員先附上越南菜的靈魂--「碌冧 (nuocmam)」, 混合了魚露、白醋、白糖、蒜蓉、辣椒、青檸及水, 味道鹹中帶香甜, 能夠提升越南菜的鮮味, 吃春卷時蘸點同吃, 份外滋味... 同時還附上青檸、青椒絲及紅椒絲, 客人可按自己的喜好而添加到食物中...

河內牛爽腩粉 ($52) -- 湯底很清淡, 牛爽腩切得很薄, 肥膏偏多, 牛味不太濃郁, 肉質有點硬, 越南湯粉很滑溜... 後來加點香茅串燒蝦伴碟的金不換入湯內, 香味開始滲透出來, 比較好吃一點...

河內蕃茄蟹檬 ($52) -- 湯底有蟹的鮮味加上蕃茄的酸味, 鮮蕃茄清新, 很醒胃... 扎肉爽口彈牙, 肉味鮮美... 蟹丸蛋味香濃, 蟹味不重, 口感柔軟像日式玉子燒, 一咬即散, 沒有加入太多麵粉, 不錯... 半透明的檬粉很幼身, 過度軟腍, 沒有咬口...

香茅串燒蝦 ($68) -- 虎蝦以香茅醃制再燒, 面層燒得金黃香脆, 香味四溢, 蝦肉爽口彈牙, 蝦頭的蝦膏差點爆滿, 端上枱時熱呼呼的, 不用蘸魚露已很美味...

食物味道方面的確不錯, 但接近200大元的2人午餐, 才吃到2碗湯粉及4串串燒, 未必太貴... 還是留待遲些, 如果有套餐供應時再來試試看吧...

請注意 : 要200元以上才可以使用信用卡!!!

是次每人消費約 $95 元
味道： 4 環境： 4 服務： 3 衛生： 3 抵食： 2
###
地址 : 太古太裕路3號太古城安盛台順安閣G512-513鋪
電話 : 2907 8033

PHO 24

15 July 2010, Thursday

今日放假去咗尖沙咀iSquare, 懶得行, 所以係iSquare搵地方食下午茶... 嘩... 全部都勁貴+個樣唔吸引... 得呢一間越南河價錢相宜D... 但不代表便宜...

雜菜紙米卷--冇咩味...

牛"月展"雞絲河--又一冇味之作...

雞扒煎蛋飯--唔知點解我會聯想到食神叉燒飯, 呵呵... 見Honey食唔晒, 估計到好味程度...

越式雞翼--等咗廿幾分鐘先到, 咩都食完... 但呢個係今餐最好味的...

是次每人消費約$47元
味道： 2 環境： 3 服務： 2 衛生： 3 抵食： 1
###
地址 : 尖沙咀彌敦道63號國際廣場(iSquare)3樓303號舖
電話 : 2327 0077

嚐越 Deli Viet

15 March 2010, Monday

上星期五先同貓兄見完, 今日又再見啦!!! 我地一齊嘆完咖啡, 然後就去IKEA行街街, 多謝貓兄杯咖啡先...

行到8點就去餐廳同KaKaMa會合... 印象中... 已經好耐冇一齊食飯...

我地Order咗1個2人餐, 再散叫小小野, 已經放到張枱爆晒... 睇到坐係附近嘅幾對小情侶眼突突...

(餐)串燒沙嗲豬牛伴水晶粉沙律--唔好食!!! 冇肉味, 亦冇燒味!!! 水晶粉個樣勁唔吸引, 冇嘗試去食...

(餐)法國牛油焗大頭蝦伴濱海--個蝦都OK!!! 嘩... 個濱海... 冇味嘅...

(餐)馬拉盞炒海鮮--呢味出奇地美味...

(餐)嫩湯野菜鍋--貓兄話好正喎, 我就覺得同清水冇分別...

(餐)嫩菜湯粉--完全冇味!!!

(餐)蕉葉椰香甜米卷--都唔知自己食緊咩...

(1蚊小食)青瓜雞絲沙律--嘩!!! 好苦呀!!! 好難食!!!

嚐越脆春卷--OK!!!

翠苗酥炸軟殼蟹--OK!!! 好足料!!!

嚐越咖哩牛腩--好味!!!

煙肉蒜茸包--唔覺有煙肉, 蒜茸味好勁!!!

總括黎講, 散叫嘅食物OK, 但信用卡套餐同1蚊食物好唔掂!!!

是次每人消費約$180元
味道： 2 環境： 3 服務： 3 衛生： 3 抵食： 4
###
地址 : 九龍灣偉業街33號(港鐵九龍灣站上蓋)德福廣場第二期510-513舖
電話 : 3694 0329

老趙越南餐廳 Lo Chiu Vietnamese Restaurant

15 January 2009, Friday

今年龍媽壽宴選址位於渡船街的老趙總店, 位置極之偏遠(以佐敦地鐵站出閘計)... 行得咁辛苦去, 內心充滿期望...

渡船街有點麥兜舊區Feel... 店內無裝修可言, 我地被安排坐梳化位, 但只有靠牆的一邊, 我早到2分鐘的, 都只剩紅色Cushion圓櫈, 真係坐到Pat Pat痛...

我地初時想散叫, 但職員極力推銷我地叫2個4人餐(每個$598), 但有D食物實在唔吸引, 最後竟然樣樣都可以改, 勁... 我地另外仲叫咗15杯飲品...

串燒(一打豬肉, 一打牛肉)--唔掂!!! 好懷疑佢冇燒過, 一D香味都冇, 感覺似用微波爐叮熟後放係花生醬上面就上碟...

椒鹽軟殼蟹--好腥呀)))))) 浸咗咖哩汁食都好腥呀))))))

炸春卷--幾香脆...

咖哩大蝦粉絲煲(跟蒜蓉包)--D粉絲好辣呀)))))) 我冇食蝦, 因為見到D炸粉咁厚都唔想食...

咖哩牛腩(跟蒜蓉包)--除咗牛腩, 仲有牛根同豬紅, 味道都OK...

四葉炒蟹--呢味唔錯, 第一次食Basil蟹, 比用咖哩更好...

蒜茸炸大蝦--D蝦啖啖肉, 幾好...

炒芥蘭--Good Good...

炒什菜--No Good...

越式大蝦干炒粉--好惹味...

炒粉絲--No Good...

暈妮再次被感冒菌去到佢度作惡, o黎唔到... 希望佢早日康復啦...

另一小插曲... 勁好笑... Miss Chan Chan唔係好識行去, 就打電話去問點行, 個職員竟然答"你唔好o黎我地呢間啦, 有一間係邊度邊度, 都係同一個老細o架"... 激到佢嘔血...

是次每人消費約$160元
味道： 2 環境： 1 服務：2 衛生： 1 抵食： 1
###
地址 : 佐敦渡船角文苑街18-20號文苑樓地下
電話 : 2384 2143 / 2384 4029

赤柱西貢越南餐廳 Saigon at Stanley

6 September 2009, Sunday

難得有一個星期日係冇o野做, 好想Hea下... Honey提議去赤柱食, 有得食, 我實贊成o架, 嘻嘻...

12點入到赤柱, 週圍都冇咩人, 正!!! 行到去美利樓, 又唔想再食德國Buffet, 睇o黎睇去, 都係呢間越南o野吸引D...

我估太早, 所以餐廳內得幾枱客, 我地可以揀露台位或者室內(有冷氣)... 我見都有D風, 坐露台好似Relax D喎...

環境好正, 天花板上面仲有D葵扇, 不過似裝飾品多D...

Mango Tango--呢杯好似係菠蘿+芒果+蘋果冰冰... 冇記錯嘅話... 好好味, 透心涼...

Saigon Brew GLS--估唔到杯越南生啤咁大, 晨早流流, 點飲得晒...

Pomelo Salad 柚子乾蝦沙律--材料都幾新鮮, 魚露好似重手咗D, 都幾鹹...

Green Curry Chicken 青咖喱雞 & French Bread 法包--原來咖喱會跟白飯, 早知唔使叫法包啦... 不過都幾好味, 全部清晒...

食飽飽, 行去碼頭散下步, 順便試下隻Canon PowerShot SX200 IS...

是次每人消費約$165元
味道： 4 環境： 4 服務：4 衛生： 4 抵食： 3
###
地址 : 赤柱赤柱廣場美利樓1樓101舖
電話 : 2899 0999