20 December 2022, Tuesday
過完海嘆咖啡，順便去埋銅鑼灣買口罩同快測包（新冠病毒快速抗原檢測試劑盒）補充一下存貨，補完貨求其係附近搵食～
網民留言話佢係糧尾佳品，又話佢要裝修吓～😂😂😂
係銅鑼灣咁食法先$151真係糧尾救世主啦～😂😂😂
裝修咗就唔係呢個價錢啦喂～😂😂😂
同埋D餐廳裝修完，連浸味都會變埋架，佢呢度個咖喱牛腩飯同香茅豬扒雞翼撈檬真係我廿幾年前食過嘅味道，而家外面果D唔得架唔係呢浸味～我食得好開心囉，當我掛念果浸味嘅時候我會再黎囉～但係我唔會再去頭先間豪裝COFFEE SHOP囉試過就算啦～😂😂😂
08 December 2022, Thursday
派台灣手信派到12月？
無計啦，原本我地11月頭就黎刷餐勁架啦，奈何黃毛中完1次「癈嫌」無耐又再中，隔離完再約就已經約到12月喇……
有別於以往，我會揀D食過好食嘅餐廳先同佢去……
今次呢間餐廳我都係第1次食，上網搵架咋，都唔知好唔好食，大家一齊Take Risk啦～
去到餐廳門口呢，係真係唔想行入去嘅……
因為太多公仔要影相喇～🤣🤣🤣
14 November 2022. Monday
又係出城順便搵食系列～
原本靠GOGGLE MAP係搵唔到嘅～（唔知幾時開始㩒錯咗）
迷失咗一輪，想放棄，又唔知點樣行咗入後巷，打算行返去地鐵站走架啦，居然又路經喎～
10 November 2022, Thursday
食完杉玉（壽司郎居酒屋）行去TIMES SQUARE搭地鐵走，見到我最愛嘅鮮芋仙～
（我未係香港食過囉，閉關3年，佢黎香港開咗我都唔記得）
好LUCKY，排1張飛，仲要咁啱有全店最舒服嘅轉彎梳化位～
8 November 2022, Tuesday
對Kubrick嘅認識，緣於油麻地分店～
習書籍﹑電影﹑咖啡﹑小型聚餐﹑精品美食﹑文化藝術﹑出版﹑發行﹑展覽講座﹑迷你音樂會於一身，係香港屬於少數～
難得佢開到黎太古，點都要去泡吓沾染吓真文青嘅氣息～
3 November 2022, Thursday
今日又要做送貨工人（台灣手信）……
原本呢餐飯要取消架啦，天文台尋日下晝1點幾掛8號波，今朝5點幾先落波，我仲以為會取消架啦，2位阿姐居然咁有雅興話繼續出黎飲茶……
唔知係咪受颱風影響，今日唔係好多食客囉，正當我為餐廳嘅存亡擔心緊，大姐話平時有時都坐滿人架～
例牌去太子啦～
今次試新野～（不過原來大姐已經食過好多次）
31 October 2022, Monday
唔記得咩事要出城～
今日係萬聖節，市面同餐廳居然零氣氛，係香港重回正軌嘅鐵證！
我地嘅大坑新歡執咗笠都DOWN咗一排，估唔到佢咁快係銅鑼灣重開，一於去撐吓場先～
27 October 2022, Thursday
前文提要……
今日LUNCH同龍媽係大坑炳記飲咗奶茶食咗多士豬扒雞翼，係HEY DAY飲咗咖啡食咗CAKE……
跟住飽住入屯門會合貓兄去頂立又再飲咗咖啡又再食咗CAKE……
我真係飽到隨時嘔得出囉～
我地又行緊去食第4餐啦～
我已經講明你地食啦我每樣咬1啖試吓味架咋～
龍媽真犀利，為咗食，瓹窿瓹罅都搵到～
20 October 2022, Thursday
真係要飛返康港啦～😭😭😭
離家60日，算係刷新人生最長記錄～
我明明係BOOK夜機，頂，長榮係我係英國玩緊期間取消班機，全日得返1班早機！！！
0945要登機！！！
晨晨晨咁早就要Check-out去機場，酒店早餐都食唔切！！！嬲呀！！！
今日破天荒唔CALL機場車，朝早係酒店門口先用APP CALL可以放大型行李嘅的士去台北機捷站～成件事都幾順利～
順利到達機場～
順利寄完行李～
順利出境～
以往都係免費去PLAZA PREMIUM LOUNGE，可惜HONEY張卡過咗期（新卡應該已經係屋企信箱），我地只好去美食廣場HEA吓～
點知……
19 October 2022, Wednesday
聽日就要飛返康港啦～😭😭😭
LUNCH同台灣朋友去咗食米芝蓮海鰻料理，食飽飽就趕返酒店執行李～
執完行李，近近地係酒店附近搵食……
見滯滯地，今次返到黎台灣都無食過百元熱炒，酒店背脊咁啱就有一間，試吓都好喎～
曾經有台灣朋友講過，無1間百元熱炒會難食……妖！！！邊個話無架，同我食咗隻碗去！！！
19 October 2022, Wednesday
聽日就要飛返康港啦～😭😭😭
最後衝刺！！！
一起身就衝去天母SOGO買象象暖水壺～衝到去天母SOGO都未夠鐘開門，過隔離家樂福幫貓兄同龍媽掃吓咖啡掛耳包先～
（今日天母SOGO買滿唔記得NT$500定NT$1000就有手袋送，但3年無返台灣，出晒事，原來而家一定要用APP做會員先有禮物，我地用舊實體會員卡係無禮物，結果要當場開MEMBER，再去返唔同COUNTER退錢再重新打單，好麻煩）
SHOPPING完衝返酒店放低戰利品，再衝出去同朋友食LUNCH～
原本就係約咗今日呢個台灣朋友去少帥禪園，奈何佢中咗COVID-19，1星期唔可以出街，今日終於放監，趕得切一齊食餐飯！！！
我地其實幾少黎松山一帶，原來都好多正野食～早幾日去完GABEE.嘆下午啡，轉個彎就見到呢間米芝蓮海鰻料理，勁吸引～
食得多台北4大鰻魚飯之首都會悶架，不如試吓新野啦今次～話晒人地係日本攞到米芝蓮，黎台灣開分店都攞埋米芝蓮，質數有一定保證～（其實都唔一定，香港都好多米芝蓮中晒大伏😂😂😂）
18 October 2022, Tuesday
星期日夜晚返到酒店睇新聞D雨勢係誇張到……台灣北部受尼莎颱風影響加上東北季風共伴效應，迎來大雨多地遇山泥傾瀉……因豪雨導致水位上漲，市政府關閉水門，防止河水沖入市區。惟士林區百齡橋附近停車場水浸情況嚴重下變成「大型泡水場」，50輛私家車泡水中，車主轟通知太慢！台北市的大同、中山、士林區大範圍水浸，水利署通報多個地區淹水一級戒備。
都係留係台北算啦～
天氣涼涼地，同朋友去少帥禪園食吓龍蝦浸吓腳都好吖～
（原本係約咗另1個朋友去嘅早幾日，位都BOOK埋，可惜佢中咗COVID-19，唔出得街食飯，我仲以為今次台灣之旅無機會黎食架啦，誰知計劃總趕不上變化）
回憶總是美好的？NO NO！！！
食過好幾次少帥禪園，每次總是開心滿意，可惜今次賣相同味道都大大跌WATT！！！仲要瘋狂加價，我地食到唔敢出聲，唉，咁鬼貴，又咁鬼偏僻，又落雨路又窄行上行落鬼咁呢HEA，朋友2公婆第1次黎食到粒聲都唔出，我地真係勁唔好意思囉！！！
無！下！次！
17 October 2022, Monday
Jack & NaNa嘆完下午啡，見HONEY朋友尋日先係澳洲飛過黎就即刻衝出黎飲野，無理由即刻返去架，一於轉場再食過～
行十幾分鐘就去到我最愛嘅平安京茶事嘆Second下午茶！！！
17 October 2022, Monday
台北咖啡之旅又點少得Jack & NaNa～
係東門站出，沿永康街行過黎，唔難搵嘅，最難係企係門口Google Map同你講到咗而你懷疑Google Map係咪錯架邊有舖頭啫附近～😂😂😂
16 October 2022, Sunday
同朋友係天母食完豐盛LUNCH，就開始落狗屎～冒雨衝上巴士趕下一場……（係，咁啱有架巴士停咗係餐廳門口嘅又會）
去到芝山捷運站，係月台同朋友會合……（佢遊完淡水全身濕到滴晒水）
暴雨-ing，最安全就去大商場啦～
淡水線，直達101，唔駛轉車，唔駛諗啦～
有幾大雨？落到我地唔敢離開A13，係鼎泰豐排緊隊果陣，D雨係落到澎澎聲！！！
（夜晚返到酒店睇新聞D雨勢係誇張到……因豪雨導致水位上漲，市政府關閉水門，防止河水沖入市區。惟百齡橋附近停車場水浸情況嚴重，50輛私家車泡水中，車主轟通知太慢！台北市的大同、中山、士林區大範圍水浸，水利署通報多個地區淹水一級戒備。）
食完晚飯食埋甜品走人，個101清新到……
16 October 2022, Sunday
有1日……居台多年嘅朋友Whatsapp我，話返咗香港，搵我地出黎食飯……吓？我地唔係香港喎！！！我地準備返台灣搵你地食飯喎！！！😱😱😱
緣份真係識折騰人……😂😂😂
到大家都返到台灣，因為仲要3+4隔離，要等到今日先可以疫後重逢～（好險架都，我地仲有4日就要飛返香港啦，差D就見唔到面）
15 October 2022, Saturday
最新鮮滾熱辣嘅世界冠軍，2022世界咖啡沖煮大賽冠軍（World Brewers Cup Championship）--徐詩媛！
去到門口見到UCC堅想轉身走，好彩無走到先試到正野咋～
14 October 2022, Friday
溫故知新……
太耐無黎台灣，今次除咗要重溫我地最愛嘅咖啡店，當然要發掘吓D未嘗試過嘅咖啡店啦～
上網搵台北最佳咖啡店……Simple Kaffa、Fika Fika Cafe當然榜上有名，未試過嘅都好多，時間同肚皮有限，今次台灣之行可以試嘅咖啡店就只有GaBee.同Coffee Lover's Planet～
12 October 2022, Wednesday
今日開始落雨……係連續落十幾日！！！😱😱😱
同朋友食完Lunch飲埋Afternoon Tea，Say Bye後去台北車站食Dinner+Shopping算啦（落緊雨去果度係相對輕鬆方便）～
大家都係咁諗，所以成個台北車站2樓都好多人！
無理由又食大戶屋架，咁就試吓新野啦～
11 October 2022, Tuesday
前文提要，漁人碼頭今日得1間餐廳有開門……
試咗坐輕軋入去，就慢慢用腳行返出市區當消化，順便搵吓地方食晚餐啦～（又食😂😂😂）
見Google Map幾推薦呢間淡水紅樓咖啡館，就冒險試吓佢啦～
我同你地講，千祈千祈千祈唔好跟Google Map指示行，條奪命斜（三民街）又斜又多車又無行人路D車又開得快（可能你會話佢有幾CM行人路BUT泊晒電單車係等於無），我行上去果陣仲2部垃圾車泊路邊倒緊垃圾，我要行出雙黃線，隨時比2邊來回線嘅高速行駛車輛撞死！！！
好唔容易行到去金福宮位置，由於天開始黑，橫街窄巷又污糟又人影都無隻好恐怖，HONEY發難渣，唔肯向前行，話食完飯個天黑晒點走呀……就係咁，我地又要冒生命危險落返中正路～（2部垃圾車仲係度，仲呠我地）
咁仲可以去邊度食呀……
唉，見步行步啦唯有……
正所謂：窮途未必係末路，絕境也可以逢生！！！
11 October 2022, Tuesday
以前人山人海嘅漁人碼頭，今日得1間餐廳有開門……
心裡暗暗抹一額汗……好彩都仲有得食……
11 October 2022, Tuesday
我地對上1次去漁人碼頭已經係好耐好耐之前嘅事！
去過1次都怕怕啦，無論坐巴士又好坐私家車又好，出返淡水站都起碼塞車塞1個鐘，行都快過佢～
巴士果次先恐怖，災難片咁，過千人係巴士總站等1架只可以載到幾十人嘅單層短身巴士，30分鐘1班車……咁嘅體驗，1次就夠！
淡水輕軌通車之後，都未有機會試吓，接近3年無黎過台灣，一於去八卦吓～
10 October 2022, Monday
胡同燒肉1號店一直係我心水店之一～（一早食齊12346號店）
有朋友問我到咗台灣最想食嘅係乜？緊係一定有佢份啦～
前1日都仲Book到位，以前係要2星期前都難Book～
仲要做得1輪客，夠鐘都無立即趕我地走，仲可以再加單！
唔知係疫情影響，定日本開關嘅關係……因為我都有朋友第1時間掉低對仔女同老公係香港狗衝咗去日本嘆香檳開生蠔～
埋單NT$4800，係香港食都應該係呢個價，不過係港幣～
10 October 2022, Monday
剛嘆完奎士咖啡，約咗朋友去胡同燒肉食晚飯又未夠鐘，就近行吓松菸誠品HEA時間，都會出事嘅！！！😭😭😭
極速行完，買咗2把遮（台灣出名好用D遮，佢地D橫風橫雨唔係人咁品嘅），想搵個地方坐低飲杯野等夠鐘，B1 Food Court去開嘅靚靚餐廳都執晒，見到有間新開嘅茶餐廳……都知係台灣食港式茶餐廳10室9伏架喇……唉……諗住飲杯野啫……無事嘅……點知……
每位低銷NT$200！！！
都算喇，低銷唔係問題，問題係叫乜無乜！
我地本身未飲咖啡前已經飽到上心口，只係想搵個地方坐低飲杯野HEA時間，等陣仲要去胡同燒肉刷餐勁架嘛～
好喇，唔想叫但被迫叫嘅都話呢樣無果樣無賣晒，無選擇下，問吓鳳爪用咩醬整個店員都唔知，走咗去廚房好耐先問到出黎～
9-20 October 2022
Honey話：住過真係返唔到轉頭🤣🤣🤣
主要同住開晴光夜市附近果間Service Apartment比較～
原本都想住返晴光夜市果間嘅，懶得再搵過吖嘛，但係我7月尾聯絡Service Apartment職員想話Book 10月頭，佢居然話：「距離10月還很久，房間尚未開放到那時，麻煩9月初～中旬再跟我們確認」……
大佬呀，我8月尾已經飛咗去歐洲血拼啦，仲邊得閒上網（龜速）搞酒店Booking呀～😱😱😱
等都唔係辦法，上Expedia摷吓先……又好好彩比我搵到呢間新酒店，有蒸氣洗衣乾衣機，又有微波爐，無得頂！
係價錢貴1倍囉，無辦法啦，都要Book架～（貴住11晚呀😱😱😱）
9 October 2022, Sunday
唔知點解個個都約我地飲茶……
雖然我地真係好鍾意飲茶……
我地係台灣飲茶嘅經驗係又貴又唔係果浸香港味囉……
估唔到今次朋友介紹呢間港式飲茶又幾神似喎……
夜晚都有得食點心，感覺好奇怪！
夜麻麻都有人排隊等位，好犀利呀……
電影「五億探長雷洛」中的真實人物前香港總華探長呂樂和曾志偉的父親曾啟榮，都係雅苑常客。（官網自己講架……仲有相添呀……正所謂有圖有真相）
有思鄉病嘅香港同胞絕對可以考慮試吓呢間～
9 October 2022, Sunday
放監第2餐……
係咖啡行者工作室嘆完個早啡，仲有少少時間先出城，係附近食埋個Lunch先好喎～
求其係附近搵一間啦～
誤打誤撞又入到間質數唔錯嘅餐廳……
星期日的午餐時間，全院滿座！應該都幾受當地居民歡迎～
9 October 2022, Sunday
我地終於完成咗3+4入境隔離啦啦啦！！！🎉🎉🎉
放監啦啦啦！！！🎉🎉🎉
放監第1餐一早Plan定晨咁早就衝出去Coffee Shop「堂食」！
食咗7日無乜好野揀嘅外賣，估唔到三峽原來係有好野嘅都……🤣🤣🤣
朋友屋企行幾分鐘就有1間世界冠軍！！！😱😱😱
咖啡行者工作室--2018世界咖啡聞香大賽冠軍
下晝就離開三峽出城喇，唔係唔趕去朝聖呀嘛！
店外疑似戴住防毒面具嘅Logo夠晒吸晴～
1 October 2022, Saturday
無咩嘅，純粹記錄吓唔出得街堂食嘅呢7日，我地可以點生存呢～
嗚嗚嗚嗚，台灣D外賣真係又好味又好平，好滾動呀！！！（英國D外賣又貴又垃圾）😭😭😭
⏰Day 0⏰
Flight Delay！好彩夜晚10點幾降落咋，如果再遲D過咗12點就嘔血，要坐多1日監！🤣🤣🤣
好Crazy，第2朝一早9點幾打電話黎Check我，我Jetlagged到下晝3點幾先醒起身囉，然後收到SMS，回覆1（正常），之後2日都好似係用SMS報告就完了……
⏰Day 1⏰Jetlagged
早餐：😴💤
午餐：花鵰雞麵
晚餐：叫Ubereats，鹹蛋苦瓜、招牌去骨油雞、塔香燒茄子、蒜泥白肉、白飯
@嚐嚐九九 NT$781👍🏻👍🏻👍🏻👍🏻
30 September 2022, Friday
貴人出門招風雨……機場接送司機一黎到就落雨……2把遮由英國濕到泰國再濕到台灣幾日後先醒起要攞出黎晾乾～😂😂😂
Heathrow 機場同香港一樣，Pirority Pass已經無得入Lounge……改為去餐廳叫餐，免你15磅……（間間餐廳都無乜人，得呢間排長龍）
25 September 2022, Sunday
朋友約Happy Hour，推薦誠哥收購咗嘅酒吧Hungry Horse……（黎到英國都逃唔出誠哥嘅魔掌，聽講誠哥睇中嘅係地，唔係酒吧業務）
酒吧係Furzton Lake嘅Premier Inn旁邊……泊車唔知點解要收錢……但又好似上網登記又可能免3小時……好迷惘……
16 September 2022, Friday
大家由金絲雀碼頭行去格林威治公園……
途中見有D渴又有D攰，就行入碼頭旁邊餐廳諗住飲杯野嘅啫……（千里迢迢黎到，122KM，無理由食旁邊間Nandos架）
結果……變咗輕晚餐……
16 September 2022, Friday
到達英國後第1餐正式食嘅正餐～（唔係得個包同薯條）
餐廳所在嘅建築物興建於19世紀初，由拿破崙戰俘建造，列為1級受保護的古蹟，以前係儲存糖嘅倉庫～裡裡外外都復修得好靚～
16 September 2022, Friday
今日氣溫急降得返8度咋！好凍呀！但係都冷卻唔到我地向英女皇告別嘅決心！希望唔好凍病啦～
第1次去倫敦，大鄉里出城！
第1次坐火車，大鄉里出城！
25 September 2022, Sunday
係英國嘅小鎮相約飲茶嘆一盅兩件，係香港人嘅小確幸～平凡生活中嘅奢侈～
從老MK（25年港僑）口中得知，以前MK有3間餐廳有得飲茶食點心，全球經濟遭肺炎蹂躪後……MK只剩下1間茶樓……
加上近2年香港人數目急劇增加……
惡果係……星期六日想飲茶要分2個時段，限時食90分鐘，更甚係只可以劃1次點心紙，份量好難預！（飲茶嘅精髓係邊食邊加單架嘛，D點心先唔會擺到凍晒，又可以食幾多點幾多）
提早係開門前15分鐘去排隊……你地睇，幾多人！
9 September 2022, Friday
出發前睇定Youtube，都知呢間日本餐廳伏伏地……
但係黎咗幾年嘅朋友話：你當佢係和民，你會Expect D乜野呀～
Me：噢？咁樣呀……咁都可以試吓吖……
如果你同我一樣咁容易就相信人，只可以講一句：少年，你實在太年輕了！
和民好食好多囉，唔該！同埋和民日式好多囉！
8 September 2022, Thursday
約咗新舊朋友食早餐……
餐廳食品飲品選擇不多，價格不便宜，無室內座位，位置偏僻，唔知點解都坐坐吓坐滿人……
5 September 2022, Monday
今日趁天氣好，約埋朋友去Campbell Wharf運河邊嘆午餐～
大家可以揸自己隻船沿Grand Union Canal過黎Campbell Wharf泊過夜～順便落船食個飯～
餐廳裡裡外外都勁靚，樓上女廁仲誇張！以咁嘅環境，佢價錢收得太合理～
4 September 2022, Sunday
黎咗英國2星期，去大班飲咗3次茶，今日第1次正式去餐廳用餐，但就搞錯時間……
12點半先有2 Courses Sunday Lunch，11點只可以食早餐……
用錯咗台灣搵Cafe Concept，係Google Map搵Cafe只係搵到簡餐，原來呢邊要搵酒吧先係靚裝修嘅Classic 餐廳～（之前仲避開晒D酒吧唔睇🤣）
餐廳座落係Retail Park嘅Morrisons超市旁邊，易搵嘅～
21 August 2022, Sunday
我飛啦～～～😎😎😎
23個月無離開過香港，人都癲！！！
呢2年零8個月…
零Staycation…我唔想去到酒店幫人免費徹底消毒全間房咁戇居囉！！！辛苦過係屋企SOFA瞓覺覺豬～～～
日日過住吸塵拖地消毒洗菜煮飯洗碗嘅日子，仲要為聽日買唔到餸而擔驚受怕嘅日子，我要同佢講BYEBYE！！！（2個月咁多啦）
經歷咗幾個月嘅航班溶斷，入境酒店隔離日數由21日變14日再變7日，仲唔狗衝出去咩～
（準備出發之際，又變3日酒店+4日家居隔離，慳咗果4日嘅隔離酒店錢，夠我係台灣住十幾日酒店，希望出發後唔好再有變數啦）
今時今日，訂機票前，係要訂到隔離酒店先～
我地要苦等到6月尾先可以訂10月尾嘅隔離酒店，攞到Booking Confirmation先可以開始訂機票～
到可以Book機票嘅時候，撞啱8月暑假黃金檔期，1票難求，CX經濟客位來回LONDON要2萬幾港幣！！！仲要有錢都未必有位…咁我地平平地坐星航去新加坡轉機吧喇～～～
執行李執到傻，到最後階段執HAND CARRY藥包時發現2大包香口膠，先心慌慌醒起新加坡唔食得香口膠（雖然我只係過境唔會入境，但係網上真係搵唔到過境得唔得囉），掙扎咗好耐，忍痛掉落垃圾桶！希望起飛同降落時唔好EAR BLOCK啦～～～（好彩最後單靠藥物都無痛，係有幾下POP POP聲）
出發前5日都仲未執衫，好SCARY囉！！！
到咗星期三終於TASK COMPLETED！！！4個紅白藍袋承為49.97KG，好CRAZY！！！😂😂😂
