日本梅酒實驗@HKU SPACE

10 June 2020, Wednesday

HONEY的澳門朋友較早前報咗名浸梅酒，卻因肺炎疫情關係黎唔到香港，唔想白蝕學費，唯有搵我地頂咗佢個位～

唔飲酒嘅人，居然學浸梅酒……（係香港沒有最荒謬只有更荒謬）😂😂😂

黎個制成品大特寫鏡頭先～💖💖💖

中秋DIY酥皮奶皇月餅 @ I 💝 CAKE studio

7 September 2018, Friday

每逢中秋倍整餅～

（嘩！好詞好詞！２次創作萬歲）

多謝貓兄，帶我去外面嘅世界走走看，見識見識～

烹飪教室門口簡單得黎又幾有心思。。。

難展歡顏的COOKING班

11 July 2018, Wednesday

好耐無上過COOKING班...

朋友吹雞想4人包堂, 咪應酬吓囉...

咁都可以出事嘅……

我今年犯太太太歲咩？1月行衰運+病到7月！快D過埋下半年啦，唔該！我想轉平平安安運呀！

整個過程都唔開心!!!

WWF 熊貓廚藝學堂 – 環保海鮮盛宴

9 December 2017, Saturday

早幾日貓兄問大家有無興趣去跟ＷＷＦ學煮海鮮，免費！！！

嘩！！！免費咁筍？！去！！！

行緊去學車，唯有麻煩貓兄幫我報埋名～

到咗上堂果日，本來想食好Ｄ先上堂，點知集合後都好似無咩時間剩，最後急急食個麥記算啦～

第１次黎呢個新嘅煤氣烹飪中心（香港銅鑼灣利舞臺9樓），靚到呢～

Twinkle Baker Decor : 開心制作得意聖誕老人Cupcakes

20 December 2013, Friday

多謝老友食家的邀請, 一齊出席Twinkle Baker Decor舉辦的「聖誕雪人Cupcakes工作坊」(Happy Snowman Cupcakes Decorating Workshop), 渡過一個愉快學習的晚上之餘, 仲可以帶埋我的制成品去開聖誕Party, 2個姨甥女唔知係咪肚餓, 9秒9食咗, 仲話好好味, 見到佢地咁欣賞, 我無份食都甜到入心... 2個姪仔姪女就因為驚食咗食唔落飯, 所以帶返屋企慢慢嘆...

甜品裝飾工作坊係尖沙咀K11上課, 包咗4件蛋糕、裝飾材料及工具、包裝盒、食譜, 連圍裙都唔使帶, 好齊全!!!

工作坊時間表及詳情可瀏覽http://www.twinkle-bd.com/hk

[拜師學藝] DIY全城熱搶「元祖」酥皮奶皇月餅 @ 望月

20 July 2013, Saturday 

去年半島酒店嘉麟樓迷你奶黃月餅「瘋搶」事件, 400人一早在店外排隊輪購月餅券, 一小時內售罄, 只有數十人成功購買, 要出動到警方到場調解, 擾攘七小時才告平息... 相信各位香港人應該仲記得啩...

當時同事買咗一盒半島酒店的迷你奶黃月餅請大家食... 嘩!!! 咁都買到, 咁勁?!! 後來上網做吓Research, 原來有d叫做半島酒店「非嘉麟樓」的奶黃月餅, 係半島精品店 (Peninsula Boutique) 出品, 其實我覺得有混淆視聽之嫌囉, 不過唔使錢有人請, 當然唔可以有咩投訴... 講真, 味道真係唔得, 奶黃味無咩之餘, 仲要乾掙掙, 要錢買的話唔好預我...

就係呢個時候... 竟然... 比我發現有朋友去咗長沙灣學整酥皮奶黃月餅, 由葉潤發師傅親自教授... 又上網做吓功課先... 嘩嘩嘩!!! 不得之了!!! 原來葉潤發師傅於1986年加入半島, 係前半島酒店嘉麟樓中式點心顧問, 亦係酥皮奶皇月餅始創人, 可謂「元祖」級人馬, 去年更以自家品牌「望月」www.wangyue.com.hk, 推出手造奶黃月餅, 全城熱搶!!!

但係... 當時的酥皮奶黃月餅課程竟然已經全部Full晒, 激死!!! 唯有係Calendar入定Schedule, 今年6月響Alarm提醒自己報名啦... 哈哈... 真係好鬼誇張嘅啫... 最後呢招成功咗, 比我報到, Yeah~~~

[拜師學藝] 鬆弛熊馬卡龍 Rilakkuma Macaroon @ 循道衛理教育中心

6 July 2013, Saturday


之前同學仔去循道衛理學包稯, 佢之後又報咗鬆弛熊馬卡龍 (Rilakkuma Macaroon), 問我一唔一齊去, 我見$140就有得玩, 好抵喎, 緊係要預埋我啦!!!

去到先知, 原來都係中式廚房入面學, 係雜物房搬咗4個焗爐出來... 仲要4人1組, 有點失望...

先將材料混和及打勻... 然後放入唧咀...

可以用曲奇模畫係牛油紙上...

又或者用矽膠模... 個個見到咁得意的矽膠模都爭住用, 不過得2片, 每組只可以輪流用1次... 矽膠模對新手會好D, 唧得唔好都唔易變形...

唧好第1轉, 由於趕時間, 要用風桶吹一陣...

焗好了, 好成功!!!

撇出來放涼備用... 就係呢個步驟, 令「不法之徒」之後有機會落手...

轉眼第2轉都唧好啦... 我自創的米奇頭(左上)之後亦被「不法之徒」拐帶...

第2轉都焗好啦... 要開始裝飾啦~~~ 「不法之徒」係此時落手...


導師Winnie為大家準備了野莓餡及朱古力餡, 裝飾用的朱古力就有黑白2色...


將餡料唧入Macaroon內再貼埋就可以啦~~~


「不法之徒」不停強調好趕時間, 想大家比佢裝飾先, 連老公同手抱囝囝都放埋入課室, 令人相信佢真係好趕... 之後, 佢竟然唔理d Macaroon係咪佢的出品, 揀晒d最靚嘅, 包括我的米奇、心心、傳統圓形, 全部入晒落佢的飯盒, 填滿晒都仲想塞, 仲走去塞入佢老公同囝囝個嘴, 飽餐一頓, 就氣急敗壞地溜走了...

到我地發現時, 只剩下一堆拼貼唔埋的Macaroon!!! 可惡呀!!!

我竟然只得5粒Macaroon, 粉紅色係問朋友施捨的, 佢都得2粒粉紅色, 仲要底面的形狀不一... 大家去學時要提防「不法之徒」扮趕時間呀!!!

[拜師學藝] [附食譜] 端午DIY!!! 潮包美味健康粽101 Step-by-Step @ 循道衛理教育中心

1 June 2013, Saturday話說... 舊年... 由於微型黏土食品嘅新同學極力推介灣 仔「循道衛理教育中心」嘅美味廚房, 導師Winnie姐廚藝好了得, 仲話自己會報6月份嘅包粽班, 微型黏土食品嘅老師又話一齊學, 加上識咗1年嘅微型黏土食品嘅舊同學又話想一齊去, 所以我又趁熱鬧, 親身走去灣仔報名... 最後... 極力推介果位同學仔, 又話報咗名, 但係又唔見咗人... 好彩仲有個舊同學一齊去...

[著數活動] Cooking in Korean Style! 韓國菜烹飪班 @ Towngas Cooking Centre

6 January 2013, Sunday

廚盲好耐冇出動啦啦啦~ 今日又走出o黎四圍嚇人啦啦啦~

第一次去Towngas Cooking Centre ( 煤氣烹飪中心), 嘩, 真係好High Class喎, 又乾淨, 又光猛, 地方寬敞, 難怪咁多濶太鐘意去啦~


今日的老師... 狎鷗亭老闆兼大廚Chef Lee!!! 旁邊的是翻譯小姐...

時間緊迫, 一講完開場白, 【Cooking in Korean Style! 韓國菜烹飪班】正式開始!!! Chef Lee即刻就以超高速示範宮廷炒年糕...

三兩下手腳就搞掂...


到我地實習啦...

今日係我有生之年, 第一次用中式菜刀同生鐵鑊, 起初都有d唔適應, 用落又幾好用喎...

先切好所有材料, 醃一陣... 逐一落鑊炒吓炒吓, 原來好易做...

DaDa... Kenmerry x Karriech 宮廷炒年糕!!! 點啫?!! 係咪有板有眼先?!! 真係食得落肚o架, 我晚餐都係靠佢...

好, 跟住又到大廚示範海鮮煎餅, 佢初時想一次過示範2個菜色先比大家實習, 所有人都嚇到V嘩鬼叫, 佢先無奈示範完1個, 比大家實習完1個, 先再示範第2個...

睇完示範, 到我地開工啦... 又係先切好晒所有材料先...

落鑊煎好一面先... 但我地個餅太厚, 反唔到, 結果要走去搵大廚救命... 到佢來拯救時, 我地已經跌跌踫踫地反好了...

DaDa... Kenmerry x Karriech 海鮮煎餅!!! 大家都係第一次煎餅, Not Bad啦!!!

最後, 大廚要用好短時間示範涼拌豆芽, 因為已經Overrun晒...


雖然言語不通, 而且食譜的份量同步驟與示範有出入, 依然玩得好開心... 原來亂咁煮都煮到o架, 做人即時信心大增...

多謝有關單位餽贈的韓國食品書, 令我可以更深入了解韓國美食文化~

Yahoo! Blog 人氣精選「又到聖誕」again

26 December 2012, Wednesday

HeHe... 又再上到Yahoo! Blog 「今日人氣話題 : 又到聖誕」, 真係超級幸運... 我首先要多謝家人、老師、同學、朋友、喜歡睇我的Blog的Blog友、路人甲乙丙... (近日好多豬肉獎頒獎典禮都係以此為謝詞, 哈哈)

http://blog.yahoo.com/explorer

原文分享 : 彩繪瑞士卷 の 聖誕雪花 http://blog.yahoo.com/ken-merry/articles/1139913/index

[著數活動] 彩繪瑞士卷 の 聖誕雪花 @ by Joanne stylish baking

15 December 2012, Saturday

同學仔買牛油, 居然買到... 抽中咗彩繪瑞士卷班!!! 又會咁好運嘅?!! 嘻嘻... 帶挈埋我... 又有得玩, 又有得食...

我第一次學做彩繪蛋卷咋, 心情好興奮呀!!!

未上堂前發生咗d小插曲...

事緣... 我地早咗少少去到「by Joanne stylish baking」, 係大廈入口, 被2名正在工作的電力維修員攔阻, 理論咗一陣, 上到Lift口又被保安攔截, 又理論咗一陣, 我地就搭Lift上蛋糕教室... 相信是牛油公司派來的PR, 解釋佢都係1.5小時前先被蛋糕教室知會全座大廈會停電2小時!!! 已經同大廈商討好要盡快完成...

唔係呀嘛?!! 天呀!!! 點解我會咁黑仔o架?!! 其實我今晚有生日會要去o架, 已經夾硬推遲晚飯的出席時間, 叫大家開餐先, 食住等... 佢而家咁樣搞一搞, 我仲使去生日會嘅?!!

說時遲, 那時快, 全間教室變得一片漆黑!!! 好彩, 日本311大地震後, 我的走難意識非常之高, Any Time都可以走難... 等我開番個iPhone嘅電筒Apps先... 我地用iPhone照明, 行咗幾層漆黑嘅樓梯, 順利離開大廈...

無奈下, 好飽地, 去咗Apple Green食陣Tea吹陣水... 5時許左右, 終於有工作人員Call同學仔返去... 

回到教室時, 老師已在示範唧雪花中... 幸好我地Miss咗的教學部分唔影響成個制作... 正常彩繪應該有張圖案紙, 放係牛油紙下面, 等同學跟住畫... 不過... 老師話... 雪花圖案好簡單, 跟住仲難畫喎... 唧好後就放入焗爐焗1分鐘定形... 工作人員開始派發藍色的粉漿給大家回自己的位慢慢唧...

到我出手啦!!! 唧得都幾肉酸, 不過我有得抵賴, 因為老師唔知點解要我地用超粗的唧咀, 所以畫到咁粗, d雪花黐埋一堆...


跟住就準備蛋卷... 材料有...... 步驟有...... (教室冇提供食譜, 只靠老師口述步驟, 佢話... 部電腦中咗毒喎)

倒好蛋漿就可以入焗爐...

哈哈, 張圖上下次序有少少撈亂, 因為12月係每年出外應酬的高峰期, 以至睡眠不足, 請見諒!!!

好, 蛋卷焗好啦!!! 攤涼一陣先...

什果Cream由老師準備... 均勻塗係蛋卷上, 再係蛋卷中心位置加一排士多啤梨... 由下向上捲...

入盒, 大功告成!!! 前面是我的作品, 後面是朋友的...


Goodbye Class...

故事仲未完...

由於我超趕時間的關係, 滾水淥腳咁跑去巴士站, 目送巴士離開... 等到下一架, 在車上不敢瞓著, 驚蛋卷被壓至變形... 8點半先去到生日會, 人地已經食飽晒睇緊電視... 我匆忙地食完主人家預先留起的飯菜... 就開始切蛋糕...

一拎個蛋卷出來, 咦... 咦... 點解... 得2個雪花圖案?!! 定一定神... Oh No!!!!!! 拎錯咗朋友果件呀!!!!!!

今日都算經典!!!

第一次, 去學整蛋糕會停電...
第一次, 去學整蛋糕會冇食譜...
第一次, 去學整蛋糕會拎錯人地個制成品...

Anyway, 我都玩得好開心, 因為可以同最Friend的同學仔一齊Back to School, 實屬難能可貴, 以上的小插曲只係錦上添花, 係將來的日子可以用來當笑料懷愐一番...

預祝大家有個快樂聖誕!!!

Yahoo! Blog 人氣精選「識飲識食」&「又到聖誕」

5 December 2012, Wednesday

超級興奮!!! 我的BLOG同一時間出現係Yahoo Blog主頁嘅「今日人氣話題 : 識飲識食」同埋「今日人氣話題 : 又到聖誕」, 都算係我的經典~ Yeah, Yeah, Yeah!!!

http://blog.yahoo.com/explorer

原文分享 : DIY Angry Birds 造型飯盒 101 : Step-by-Step http://blog.yahoo.com/ken-merry/articles/1086249

原文分享 : DIY 微型聖誕蛋糕 101 : Step by Step http://blog.yahoo.com/ken-merry/articles/1094766

[拜師學藝] 梘水稯, 桂花紅豆稯 & 紫米甜薯稯 @ 循道衛理教育中心

16 June 2012, Saturday

上星期六係灣仔「循道衛理教育中心」嘅美味廚房跟導師Winnie學咗點包裹蒸稯同鹹肉稯, 今日再接再厲!!!

原本呢堂係10am-12pm, 不過報咗名之後, 職員通知我地要改做12pm-2pm, 上堂前食Lunch又太早, 落堂先食Lunch又驚餓暈, 都係帶定2塊曲奇去Standby先...

12:00pm 準時到達課室, 已經有同學係度抺緊竹葉, 等我地洗乾淨咗對手又o黎幫吓手先...

12:30pm 準備好晒d材料, 可以開工!!!

用咗半個鐘, 包好咗5隻梘水稯... 經過上星期嘅特訓, 我今日突然開竅, 包得好成功呀!!!

1:20pm 好, 第二場戰鬥開始...

今次仲快, 用咗20分鐘就包好咗6隻桂花紅豆稯, 簡直係越戰越勇!!! 包得實在太完美啦, 哦呵呵呵...

1:55pm 剩低5分鐘咋!!! 下一堂嘅同學仔已經陸續殺到!!! 我地要移埋角落頭度繼續包埋紫米甜薯稯...

今次開埋Turbo, 用咗15分鐘就包好5隻紫米甜薯稯!!! 如果唔係中途有2位同學叫我示範點包, 應該會仲快... (都有少少飄飄然o架, 竟然會有人向廚盲請教, 嘩咔咔咔)


上次有成廿幾人學裹蒸稯同鹹肉稯, 勁迫, 仲迫過鑵頭沙甸魚... 今次得幾個人, 舒服得多...

即刻趕返屋企, 烚90分鐘, 今次一隻都冇散開, 勁呀!!! ( 第一轉 : 桂花紅豆稯 + 紫米甜薯稯, 第2轉 : 梘水稯)

桂花紅豆稯食得啦!!! 外型簡直係完美!!! 味道仲好好味添呀!!!

梘水稯一向唔係我杯茶, 不過Honey鐘意食...


好搞笑地, 我分稯比人時撈亂咗d桂花紅豆稯同紫米甜薯稯, 結果自己原來1隻紫米甜薯稯都冇!!! 好彩後尾又被我亂打亂撞咁食番, 味道都OK, 好似食緊冇芒果同冇椰奶嘅芒果黑糯米咁囉~

今堂嘅制成品我好滿意呀!!!

循道衛理中心　延伸教育服務
聯絡電話 ：2527 2249
傳真號碼 ：2527 3065
地　　址 ︰香港灣仔軒尼詩道22號3樓
網　　址 ：www.methodist-centre.com/ces
電子郵件 ：ces_info@methodist-centre.com