網頁清單

2010年8月25日 星期三

沖繩2010の日圓再創15年高位

25 August 2010, Wednesday

尋晚睇到呢單新聞都暈一暈...


星期日出發, 今朝先去兌換日元... 職員第一句就話"今日幾貴喎", 我答"都冇辦法"... 我嘅兌換率係... DaDaDaDa... 9.259!!!!!!

去過日本冇10次都有8次, 今次真係最
貴(兌換率)嘅一次, 亦係兌得小嘅一次... 兌得5萬Yen!!!

2010年8月18日 星期三

君頤上海小廚 Grand Cuisine Shanghai Kitchen

17 August 2010, Tuesday


放工後行到太古坊時, 突然勁大雨, 倒水咁, 有2把遮都攪唔掂... 原定去王家沙嘅計劃要取消, 轉移去最近而又唔使淋雨嘅餐廳...


自從翡翠拉麵小籠包執咗之後, 新開呢間上海菜只食過一次, 原因係價錢貴咗+坐位迫咗+味道差咗...


今日太早入去, 6點鬆D, 所以仲有卡位, 原先被安排坐果D迫過快餐店嘅枱, 係我堅持要坐卡位嘅情況下, 竟然真係比我成功咗...


而家仲推出咗$148二人餐, 有頭盆(6選1), 有靚湯(2選1), 有點心(6選1), 有小菜(16選1)...


雞絲粉皮--味道OK!!!


雲吞雞湯--味道OK!!!


鮮肉鍋貼--又得喎...


糖醋雞球--都得啫...


另加擔擔麵--又話小辣, 我覺得好辣囉, 同埋點解酸酸地嘅???


今日可能太大雨, 客人唔多, 經理的服務相當好, 走果時仲叫我地以後記得多D再o黎幫襯...


食完呢餐, 令我改觀, 價錢&坐位&味道都好轉咗... 可以再吃!!!


是次每人消費約$105元
味道: 3 環境: 3 服務: 3 衛生: 3 抵食: 4
###
地址 :   太古太古城寶安閣地下G510-511舖
電話 : 2568 9989


2010年8月15日 星期日

迷迷糊糊看Inception


12 August 2010, Thursday


因為有Coupon的關係, 所以去咗UA睇人人讚好嘅Inception...


Honey身體不適要服藥, 我笑佢係夢中睇Inception, 哈哈哈...


不過佢竟然冇瞓著, 証明套戲真係好好睇吖!!!




2010年8月14日 星期六

美食博覽 Food Expo 2010

13 August 2010, Friday


今日再度與2位展覽戰友出擊, 可惜又有人放飛機... 我估佢地2個D時辰八字唔多夾, 總有1個到1個唔到...


今次因為有VIP飛, 所以好快可以入到場...


場內慣例人山人海...


呢隻韓國雪條係報紙推介嘅, 用7蚊買士多啤梨雪條, 送芋頭雪條...


士多啤梨雪條似雪凍咗嘅士多啤梨瑞士糖...


30蚊2隻鮑魚...


15蚊1個雪葩... 好可愛呀... (最後一刻貓兄都係轉番要蜜瓜)


超清甜的西瓜味...


不知那裡來的裝飾, 貓兄話好恐怖...


今次買得有D瘋狂... 腳板底行到好痛... 3個小時的戰鬥... 冇食過晚飯(入場前食咗北角雞蛋仔)...


蔡San推介的中式糕點... 20蚊6件...


超超超超超好味的Freeze-dried士多啤梨乾, 50蚊6包... 口感獨特兼很美味的西蘭花脆片及Wasabi脆米, 60蚊4盒... 紅梅乾, 10蚊1包...


60蚊3包果仁, 28蚊1包果仁棒, 8蚊1包金鷹朱古力, 73蚊4包鳥結糖...


3個半1包餅, 10蚊1包咖哩鎛...


55蚊4包湯包...


總共用咗不多於400蚊... 下次再去, 都係要記低得用咗幾多錢先得, 好亂呀個人買到, 上面列嘅價錢可能都唔多正確, 哈哈哈哈...


2010年8月12日 星期四

楊枝甘露慕士蛋糕 @ COUP KITCHEN


11 August 2010, Wednesday


為Honey炮製的生日蛋糕, 外表算不錯吧!!! 想Say No? No Way!!! 哈哈哈哈...


第一次到Coup Kitchen上課, 很多原因令我選擇它...


1) 位於天后, 算係好近我住的區域...
2) 有下午時段, 唔使放工去同人迫, 又唔使放學時都接近宵夜時段, 唔適合食用制成品...
3) 大量學員放上BLOG的制成品都係極之靚, 唔似某D教室嘅Website, 課程相片就好靚, 但制成品就不堪入目...
4) 明星效應... 大量娛樂圈嘅人上過Alfred Cheung嘅堂, 有郭富城、梁詠琪、吳日言... 仲有呢度係周麗淇MV〈可惜他有女朋友〉(男主角係鄭伊健)的拍攝場地...


上課後的感覺係...


課室設備很週到, 有Sofa, 有Locker, 所有用具都放齊係Drawer, 唔需要去某個位置輪米咁排隊拎...


服務亦很週到, 唔需要去某個位置輪米咁排隊拎材料, 每次Alfred示範時, 助手就會派好材料到各人的枱面... 制作時助手們亦不時會監察你的進度, 會不時提示, 有需要時更會出手救助...


今日Full House, 足足有16人一齊上課, 可能因為暑假啩... 不過都唔覺得迫夾, Good!!!


今日冇Cake供學員試食, 係眾人圍剿Alfred之下, 佢拎咗幾個剛焗好嘅Muffin分比大家試食... 我試咗Blue berry Muffin, 味道都唔錯...


因為呢個蛋糕都幾多步驟, 所以時間都有D緊迫, 加上尋晚瞓得唔好, 個人暈陀陀, 記唔掂D步驟, 攪到好緊張, 有D手忙腳亂, 連呼吸都停頓咁滯...


很開心兼緊張的一課... 我會再來的!!!


~~~~~~~~~~~~~~~~~~~~ 制作過程 ~~~~~~~~~~~~~~~~~~~~




~~~~~~~~~~~~~~~~~~~~ 導師 Alfred 的作品 ~~~~~~~~~~~~~~~~~~~~



2010年8月9日 星期一

冰鎮梅子涼瓜



8 August 2010, Sunday
 
上次跟Honey去數碼港食過, 今日膽粗粗試下整... 結果都有D苦, 下次會試做"煮熟版"...

2010年8月4日 星期三

浪茄灣 + 滘西 悠遊游

31 July 2010, Saturday


今年第一次去遊船河, 天氣極之一流...


出發時見到D奇景...


Zoom近D... 嘩... 點解有人坐係隻船後面架???


比日本的流星瀑布還要壯觀, 不過冇人幫佢做Marketing, 唯有繼續做佢嘅無名瀑布啦!!! XDDD


萬宜水庫東壩的防浪堤...


沙膽五小強正企圖登陸浪茄灣...


呵呵~ 到咗我Kuro貓嘅Show Time!!! 今日有超美味自家制Cookie, 超甜士多啤梨, 新鮮無花果, 意大利蕃茄羅勒薯片... 爽呀... 趁其他人落咗水, 我要食多D食多D...


週圍滕...


曬太陽...


中午時份就去糧船灣有利漁村醫肚...


如果可以日日望住咁靚嘅景開餐, 好難唔做百歲老人...


食飽飽再轉去滘西暢泳, 途中有大量風帆, 呢隻風帆離遠睇勁似熨斗, 哈哈~


2010年8月3日 星期二

西貢地質公園一日遊

31 July 2010, Saturday


去過幾次船河, 每次都係游水同食海鮮... 今次加小小啅頭, 遊覽埋地質公園, 即刻勁受歡迎...


海蝕柱 Sea Stack...


海蝕拱 Sea Arch...


海蝕洞 Sea Cave... 勁似豬鼻... 哈哈...


海蝕隙 Geo...


世界級六方柱石群 World Class Hexagonal Rock Columns...


香港國家地質公園的建議路線圖...


我們的GPS路線圖...


非常感謝船長的詳細講解, 感覺有如導賞員現場直播...


西貢地質公園小檔案: -


「西貢島嶼海路漫遊」的主題是世界級六方形火山岩柱景觀。在香港地質公園內,六方形火山岩柱景觀以西貢島嶼一帶最為壯觀。由於這些島嶼孤懸海上,要一睹其廬山真貌,若非乘船就不能如願。除了六方形岩柱,遊客沿途還可以欣賞到種種形態千變萬化的海蝕地貌(例如:海蝕洞、海岩柱、海蝕拱及海蝕隙等)和海積地貌(例如:海灘及連島沙洲等)。香港地質公園鼓勵不登岸的海上遊覽,除了顧及遊客安全,還有減少遊客對地質遺迹造成的壓力和破壞之考慮。


詳情可瀏覽 http://www.geopark.gov.hk/b5_geopark_routes1.html