Dirty Skillet：打卡聖地！無旋轉無木馬嘅旋轉木馬餐廳

8 January 2022, Saturday

2位黏土同學仔咁啱都係1月生日，剛爆出200幾人生日會爆疫，但2個唔怕死2年黎日日出街食嘅壽星堅持要繼續出黎慶生，宅咗2年嘅我唯有硬住頭皮頂硬上啦，好Scary呀！

珍意泰國菜館：個個都叫海南雞飯

5 July 2021, Monday

上次去養和東區打完針，坐UBER返屋企條路勁唔順～

後尾聽見其他人打完針行去東大街食野……行？

問問Google大神……黐線咩……真係咁近嘅！

好，有咗上次嘅經驗，我今次決定打完針行去東大街食完野先坐UBER返屋企！

近近地，食泰菜！

低調高手大街小食：發哥早幾日先幫襯過

16 October 2017, Monday

力仔仲要2日就要離港，要把握時間回味老香港！

重點行程：格仔餅！

我從小對格仔餅無咩興趣，只愛雞蛋仔！

對上一次為力仔引路「全港最好味」雞蛋仔，格仔餅只係順便食埋，卻驚為天人！

今日重遊舊地只為格仔餅（棄雞蛋仔），曾經覺得「全港最好味」格仔餅，今日。。。非常失望！！！

福臨門 X 東大街 : 一定要幸福

27 January 2015, Tusday

今日係力仔臨回老家前, 我地最後1次行孖咇喪食... 心情好複雜, 難捨難離, 希望我地好快可以再一齊喪食啦~~~

其實4間有3間都寫過Blog, 我唔想重複, 但又想留低同力仔的回憶, 所以決定寫篇綜合Blog...

今日我地會好忙, 去完尖沙咀飲茶又要轉場去筲箕灣東大街掃街...

@福臨門

金東大小廚 Kam Tung Kitchen : 點解會咁多人幫襯

3 January 2014, Friday

星期日就開學喇, 今晚放工要去筲箕灣報名, 坐巴士過去, 報完名, 再坐叮叮去東大街搵食...

之前次次路過金東大都見佢座無虛席, 想試佢的煲仔飯好耐, 但每次天氣都唔凍, 唯有打消念頭... 今日攝氏十幾度, 啱食啦~~~

東后齋 Queen of the East : 荷塘之花 迷倒眾生

28 December 2012, Friday

個人2012年最大的突破係... 出席試食活動!!!

今年開始打出少少少少少少名堂, 久唔久都收到試食邀請, 10月份係最誇張, 幾乎每個星期都要出席試食活動, 其實都幾攰, 自己比錢食可以慢慢寫BLOG, 寫唔寫, 幾時寫, 都係自己話事... 試食的食店一般都好心急, 希望係試食之後1-2日就出文, 基本上係唔可能, 第一, 我要揀相, 揀完相又要執相, 第二, 我要有靈感, 主題同內文有時要隔幾日, 甚至十幾日, 先至會靈光一閃, 一兩日內迫文出o黎, 只會係冇靈魂, 死實實的文...

初時收到邀請都有少少誠惶誠恐, 幸好一直都很順利, 直到今天, 試食終於碰壁!!! 出發前致電店舖確認, 對方竟然話唔識得邀請我的人, OMG!!! 點會咁o架?!! 自己一個人遇到咁嘅事, 本來冇咩所謂, 但我仲約咗另一位食家一齊去, 佢仲帶埋單反相機返工, 而家撲空了, 害佢空歡喜一場, 真係有d內疚...

為咗消減怨氣, 我決定要去筲箕灣東大街品嘗「荷塘之花」!!!
係筲箕灣東大街的食店已經嘗試得七七八八, 日前終於留意到呢間唔係太起眼嘅東后齋... 店外店內的裝潢都係一切從簡...

牆上有荷花掛畫, 亦有對聯及觀音像, 氣氛很祥和...

菠蘿咕嚕魔芋 [東后推介] $88
-- 見到個芋字, 就傻更更以為係芋頭, 上菜見到個款已經打個突, 一食... 咩o黎o架?!! 搵店員問清楚, 原來係台灣魔芋, 係植物, 口感好似麵筋, QQ彈牙, 真係誤會晒... 咕嚕汁味道剛好, 可惜菠蘿酸到震~

香樁野菌炒飯 [東后推介] $72
-- 見網民強烈推介, 一試底蘊, 果然又真係炒得好香口, 米飯粒粒分明, 材料豐富口感有層次, 好味道~

荷塘之花 [廚師推介] $158
-- 好戲當然要壓軸... 將冬瓜切至超薄身, 將粉嫩的蓮子捲起, 然後堆砌成蓮蓬狀, 蒸熟, 簡直巧奪天工!!! 連伴菜的紅蘿蔔都切成心型, 一絲不拘... 味道清香, 好好味~
食物質數高, 賣相及味道都相當好, 服務員亦很友善, 人客絡繹不絕, 夜d去都冇位...

是次每人消費約 $180 元
味道： 4 環境： 3 服務： 3 衛生： 3 抵食： 2
###地址 : 筲箕灣筲箕灣東大街51號東灣閣地下A2鋪
電話 : 2567 9999

民聲冰室 : 溜油鹹蛋黃火山

21 November 2012, Wednesday

再戰筲箕灣東大街!!! 今日的目標... 民聲冰室!!!

戶外位置設有枱椅, 適合吸煙人士...


還貼滿了各大報章雜誌的報導...


店內有卡位, 坐得幾舒服...

橙色與白色, 很醒神的配搭... 行到餐廳尾部有條樓梯, 可通往閣樓...

午市中式套餐有12款, 包白飯及飲品...

鹹蛋蒸肉餅 $38
-- 迷你版火山, 鹹蛋黃色澤金黃, 油光氾濫, 味道甘香甜美, 肉餅厚如一座山, 初時還擔心會不熟, 出奇地全熟, 又柔軟又多汁, 利害!!! 肉味濃, 好味!!!

瑞士汁炆雞 $42
-- 份量很大, 超值... 瑞士汁香甜惹味, 炆雞入味, 甜中帶鹹, 伴白飯吃最匹配不過... 雞髀位置肉質尚有彈性, 雞胸位置肉質太腍...

熱檸檬茶
-- 沒有苦澀味, 茶色通透, 茶味適中, 檸檬新鮮, 最佳配搭...

熱阿華田
-- 足味, 又甜又香, 飲完全身暖烘烘...

 

味道不錯, 份量足, 價錢不貴, 抵食!!!

是次每人消費約 $40 元
味道： 4 環境： 3 服務： 3 衛生： 3 抵食： 5
###
地址 : 筲箕灣筲箕灣東大街135號地下
電話 : 2881 6331

囍館 Cheers Dinning Restaurant : 五代同堂集於一飯

18 November 2012, Sunday

這個星期天, 繼續徘徊於筲箕灣東大街...

囍館以小菜為主打, 店外張貼了在各大雜誌中的報導, 為食的我又豈可錯過...

店外還擺放了各款鎮店菜式的照片, 惹人垂涎...


午市套餐只是$40-$50左右, 便包括燉湯, 不計成本嗎?!!


店內的裝潢走中式簡約格調... 內有樓梯上一層, 可惜今次無緣上樓...

鹹蛋蒸肉餅 (午市套餐 配 燉湯) $40
-- 鹹蛋味淡, 沒有蛋香, 亦沒有鹹味, 被壓得扁扁的, 口感較硬... 相反肉餅口感柔軟多汁, 滲出淡淡的蛋黃香, 肉味香濃, 實為肉餅中的佳品...


燉湯非常熱, 看碗中的燙字, 及小心2字, 便略知一二...

燉湯的材料豐富到不得了... 雞腳、淮山、螺頭、杞子、廋肉... 湯底味道清香甘甜, 充滿濃郁螺頭鮮甜味, 加上廋肉與雞腳的肉味, 淮山及杞子的甘味, 味道複雜, 相輔相成, 單是這碗燉湯, 便值$40...

五代同堂炒飯 $60
-- 很多網民推介, 縱然沒有套餐價錢, 仍決定一試, 果然... 真的沒有介紹錯... 蝦醬的味道濃郁, 蝦香徘徊於口中歷久不散, 鹹度適中, 飯粒炒得乾身, 味道均勻, 上枱熱辣辣, 吃了一半還在出煙... 真的太美味...

炒飯以五代同堂命名, 不知是否因為用了5種體型的蝦?!! 巨型的玻璃蝦, 大型中型及中小型的蝦乾, 微型的櫻花蝦... 多種鮮味香味口感集於一身, 複雜的食物鏈構成複雜的口感與層次, 吃了會否更上五層樓?!! 哈哈...

 

味道如此好, 又真材實料, 這個價錢實屬便宜!!! 比它貴又比它難吃的食店, 實在多如天上繁星...

 

是次每人消費約 $50 元
味道： 4 環境： 3 服務： 3 衛生： 3 抵食： 5
###
地址 : 筲箕灣筲箕灣東大街59-99號東威大廈地下9號
電話 : 2111 0177

甜品老媽 Dessert Loma : 是誤會或是彼此欠缺默契

16 November 2012, Thursday

看過電視的介紹, 也看過網民的食評, 很久以前已經想來一試, 今天雖然已經食得好飽, 但仍然為了朱古力心太軟那個美麗的裝飾「冒(肥)死而來」!!!


店內的環境不錯, 座位當然是超級Flexible, 可無限量加位, 又令你不想/能坐太耐的圓木椅...


牆上貼滿了食客給老媽的留言, 我覺得這一幅是畫得最好的...


影相時發現Facebook Check-in可減2元的宣傳單張(藍色的), 本想待會兒向老媽打探一下, 豈料...

說時遲, 那時快, 我剛落單, 老媽已著我立即付款!!! 是立即!!! 快得我來不及問是否Facebook Check-in可減2元!!! 單也印了, 我無奈下, 無癮下, 照付款可也!!!

我初時還在想, 老媽是怕我會等得不耐煩, 中途走人不吃了嗎?!! 但我真的想多了, 其實是老媽要去送外賣, 收了我的錢便走了, 留低我與廚房內的1位店員...

特濃朱古力心太軟 $42
-- Oh No!!! 那片網狀的糖膠裝飾不見了?!! 明明網民數月前拍的照片, 糖膠裝飾還在!!! 那我為何要「冒(肥)死而來」呀?!!

再者, 杯的形狀有點怪, 頭好像太窄了吧!!! 換了細一個尺碼的杯來焗嗎?!!

切開一看, 心倒是流的, 但流的很慢, 已開始凝固... 蛋糕朱古力味淡, 太薄身, 太軟淋, 口感不好... 流心朱古力味濃, 但太稠, 吃到一半已完全凝固... 雲呢拿雪糕只是一般貨色, 沒有雲呢拿籽的香味, 而且很多冰, 奶很少, 不幼滑... 倒是墊著雲呢拿雪糕那3片餅乾頗好吃, 鬆脆香口, 是杏仁味吧...

 

$42, 一點也不便宜, 不注重內涵, 至少也耍點花拳繡腿(糖膠裝飾), 連門面功夫也省了, 我也要省一省我的小錢包了...

是次每人消費約 $42 元
味道： 2 環境： 3 服務： 3 衛生： 3 抵食： 2
###
地址 : 筲箕灣筲箕灣東大街14-22號東旺樓地下B舖
電話 : 2886 1681

華星冰室 Capital Cafe : 懷愐過去常陶醉

15 November 2012, Thursday

上一次坐電車到筲箕灣電車總站, 途中被「華星冰室」佑大的招牌的光芒所吸引住, 店外還排了長長的人龍...

今天專程到來一試, 但下車後, 找不到那耀眼的招牌, 思考了一會, 向著印象中的方向行... 行了一會便到達!!! 原來大廈正在翻新, 架了起棚架, 把整間食店也遮蔽了...


餐廳入口擺放了大雪櫃, 展示了大量北海道特選3.6牛乳, 說明了店內是使用此品牌的牛奶...

還有這些七彩繽紛的膠蛋, 小時候吃到的大菜糕就是放在這種容器內, 打開蛋殼時總是興奮莫名, 那些年... 總教人回味...

不想排隊, 刻意避開繁忙時間, 想不到2時後仍座無虛席... 偶爾可以拍到一些沒有客人的情景, 很快便會有剛來客人坐下...

牆上掛起了眾明星的親筆簽名...


那把牛角扇, 那幅通風的灰色石牆, 都像回到小時候在公屋生活的日子...


枱椅也是很久不見的懷舊款色...


第一次幫襯, 不知吃什麼好, 記憶中, 很多人都是吃通粉及炒蛋的, 看到常餐頗豐富的, 就來一客吧...

常餐 $32
叉燒意粉
火腿煎蛋
牛油多士
咖啡或茶
(12:00pm-7:00pm供應)

 

叉燒意粉
-- 可轉通粉或其他的, 我見網民多數是吃通粉, 所以也轉了通粉... 但是... 叉燒是另上的嗎?!! 猶豫之際, 發現叉燒是墊底的!!!

好, 先將叉燒救上水面... 來, 叉燒們, 先跟各位網友說聲Hi吧~

叉燒香甜, 通粉軟韌, 奶黃色的湯底很香濃, 但又不會太鹹, 很不錯...

火腿煎蛋
-- 火腿鹹香, 煎蛋滑溜到不得了, 滑溜之餘, 又不至水汪汪, 火喉掌握得恰到好處, 加上蛋香滿溢, 太美味了, 難怪會客似雲來!!!

牛油多士
-- 多士厚身, 經烘焗後, 外脆內軟, 口感一流, 加上牛油的鹹香, 實是神來之筆, 簡簡單單的一片白麵包, 也可成為美味的餐餚...

熱谷咕
-- 小時候, 分不清谷咕與朱古力的分別, 只知道谷咕比朱古力好味, 每次到茶餐廳都必定要飲谷咕... 人大了, 很少到茶餐廳, 就算有, 都很少見到谷咕的踪影, 很懷念哦... 谷咕其實是用純正可可豆磨粉沖水而成, 相比起朱古力濃一點, 帶多點苦味... 這裡的谷咕, 正是小時候飲到的味道, 飲了一口, 即時心花怒放!!! 哈哈, 想不到, 原來我小時候已很會挑東西吃...

 

其實我一向不太喜歡這種早餐, 已經很多年沒吃, 可能因為以前吃到的都不好吃吧... 今天一試, 終於知道這種早餐的奧妙之處在何處, 以後會多作嘗試...

店員很有耐性, 可能知道我是新來的, 也沒有迫我秒速落單, 害他來回了好幾次, 我才決定好吃什麼... 真的不好意思哦...

店內的氣氛... 不知怎樣說... 就是不敢拿相機出來拍照... 最後只用手機拍好了...

是次每人消費約 $32 元
味道： 4 環境： 3 服務： 3 衛生： 3 抵食： 5
###
地址 : 筲箕灣筲箕灣東大街185-187號順景樓地下
電話 : 2677 6666

金城餐廳 Kam Shing Restaurant : 名氣過大

21 October 2012, Sunday

見朋友經常去筲箕灣東大街食焗豬扒飯, 好奇之下, 又去了解一下...

店外貼滿了媒體的報導...

時間尚早, 不用等候, 更有卡位, 但要搭枱... 在茶餐廳搭枱是必然的, 不明白同枱之女孩為何要報以憤怒的眼神, 帶了相機也不敢拿出來, 用電話影相算了...


老闆應該很滿意這裡的裝修吧, 連餐牌的封面也用上...


金城芝士焗豬扒飯 $50 -- 我是第一次食, 聽朋友說已經沒有以前那麼美味, 我單用眼睛也能感受到... 那片芝士, 真是少得可憐!!! 豬扒大大片, 很鬆軟, 茄汁只有色素, 沒有香味, 亦沒有茄味, 炒飯底雖加了蛋來炒, 飯很乾身, 但沒有半點香味, 與白飯無異... 我真心相信它曾經是很好吃的, 因為它不怕麻煩地用蛋來做炒飯底, 又很有心思地加了芝士來提升香味和口感, 只是現在可能為節省成本而節省了原有的美味...


蝦醬叉粒炒飯 $37 -- 快餐有3款, 包湯及飲品, 價錢頗相宜, 飯炒得很香, 有點始料不及, 蝦醬味特濃, 叉燒香甜有咬口, 飯粒乾身, 但多吃幾口後開始覺得好鹹...


餐湯 -- 味道偏淡, 應該沒有加味精, 能清楚啖出青紅蘿蔔的味道, 不錯...

 

阿華田味道濃郁, 熱檸茶茶味苦澀...

 

這裡的焗豬扒飯名氣是否過大, 就由大家自己去判斷吧...

環境還可以, 有卡位坐當然是舒適一點... 服務是一般茶餐廳的服務, 店員有點像打仗那種衝鋒陷陣的速度感...

是次每人消費約 $45 元
味道： 3 環境： 3 服務： 3 衛生： 3 抵食： 3
###
地址 : 筲箕灣筲箕灣東大街123號地舖
電話 : 2513-1936