海圖白舍：Pet友露天小花園

9 May 2026, Saturday

嘆完泰國菜，太飽，要週圍逛吓先可以再飲咖啡……

逛完晒返轉頭，龍媽推介嘅Good Day Coffee都仲係Full House，咁不如試吓對面馬路嘅Heato……

KOK KOK：錦田泰抵食

9 May 2026, Saturday

龍媽發現新大陸，召喚大家9衝入錦田食泰國菜同飲咖啡……😎😎😎

12點正錦上路站集合……12點15分去到餐廳，已經Full House，要輪候入座……😱😱😱

眼見店員都忙到甩碌……乖乖係門口企咗一陣，睇落係泰國人嘅女店員終於得閒比張飛我地，仲叫我地去行吓街先啦，起碼要等30分鐘……

Accro Coffee：元朗人龍咖啡

1 February 2023, Wednesday

正月十一，宜會友！😂😂😂

台山三寶新春團拜，當然要擇個好日啦～😂😂😂

係呀！我好迷信架！我每年都要擇個開市吉日先返工架～😂😂😂

千山萬水咁黎到元朗，又點會話食完個LUNCH就返歸呀～

緊隨其後來個下午啡是常識吧～

Next Station：懶係正宗的卡邦尼意粉

1 February 2023, Wednesday

正月十一，宜會友！😂😂😂

台山三寶新春團拜，當然要擇個好日啦～😂😂😂

係呀！我好迷信架！我每年都要擇個開市吉日先返工架～😂😂😂

千山萬水咁黎到朗屏站，個電話先黎無反應，勁驚，個腦已經諗定點請路人幫我Google Map，好彩Boot完機又郁得返～

有Google Map嘅情況下，都係行唔到去餐廳囉～（係天橋上面已經望到間餐廳係正下面，但我唔係復仇者聯盟，唔可能就咁由天橋跳落去）

向右走完，又向返左走～

老夫子餐館：童年時話過

23 December 2018, Sunday

做冬做到4個人去攞1個盤菜，應真大陣仗！

三軍未動，糧草先行！

勞動前，ＨＩ個ＴＥＡ先！(近近地，元朗站ＹＯＨＯ搵食)

♫童年時話過 一生到盡頭 也願意 拖著你的手
從來無後悔 不管笑或愁 也沒有 考慮分開走
情...從幼開始滲透♫

咳……歌詞與老夫子無關，wakakaka))))))

南山軒：明目張膽私房菜

3 September 2016, Saturday

３日２夜香港自由行。

哈哈哈。。。

呢個標題幾好！

土生土長扮遊客，都幾好玩吖～

行程：公司匯報⇒家人晚餐⇒小學同學聚餐

我起飛啦～

[試食邀請] 美心西餅 Maxim's Cake Shop : 擁吻熊貓

28 June 2014, Saturday

美心西餅推出可愛「Kiss Kiss熊貓蛋糕」系列，宣掦「愛保育 ‧ 與大自然和諧共存」訊息，每售出一個「kiss kiss熊貓」蛋糕或一隻「熊貓仔仔」、「熊貓女女」甜品杯，美心西餅將會分別捐出港幣5元及港幣1元給世界自然基金會香港分會(WWF)以推動保育熊貓 計劃及其他保育及教育工作!!! (以捐款額港幣7萬元正為最高上限)

「kiss kiss熊貓」蛋糕 Kiss Panda Cake $168
-- 3D「kiss kiss熊貓」石板街蛋糕, 可愛得讓人不忍心吃, 雲呢拿慕絲包著香濃朱古力慕絲、榛子果仁與棉花糖, 多重口感, 甜甜蜜蜜... 值得一提, 熊貓蛋糕盒都好可愛!!!


「熊貓仔仔」、「熊貓女女」甜品杯 Panda Girl / Panda Boy Dessert Cup $26/杯
-- 小巧趣緻的「熊貓仔仔」、「熊貓女女」甜品杯, 與「kiss kiss熊貓」組成熊貓家族, 俘虜一家大小的心, 「熊貓女女」士多啤梨慕絲啫喱杯, 絕對係為士多啤梨x熊貓控姪女而設, 「熊貓仔仔」朱古力慕絲啫喱則是為我這名朱古力控而設...

吃罷「kiss kiss熊貓」, 數日後便帶同姪女去看佢最愛的熊貓, 有1600隻之多, 展開Very Panda暑期!!!

鳴謝姪女借出佢心愛的大熊貓同熊貓蛋糕拍合照!!!

是次每人消費約 N/A 元
味道： 4 環境： 3 服務： 3 衛生： 3 抵食： 4
###
地址 : 元朗港鐵西鐵線 元朗站入閘區 13-14 號舖 【近A出口】
電話 : 2473 5013

[試食邀請] 美心西餅 Maxim's Cake Shop : 萬人迷Hello Kitty誓言幻作摩天輪

10 November 2013, Sunday

風靡萬千女性的萬人迷, 化名Hello Kitty, "被公開"的私人檔案近日再度登上搜尋榜...

姓名：Kitty White
生日：1974年11月1日
星座：天蠍座
血型：A型
出生地：倫敦
身高：5個蘋果高
體重：3個蘋果重

年齡係女性的秘密, 特別係公眾人物, 但Hello Kitty從不介意, 更在自己39歲生日當天, 夥拍美心西餅, 送上窩心的禮物給她的忠實粉絲--我!!! 哈哈... 多謝!!! 真係超超超開心!!! 勁鐘意呢份禮物呀!!!

大力齋廚 Mighty Vegetarian : 抵食素菜

25 November 2012, Saturday
集5月、8月、9月、10月、11月之星於一身的生日飯局, 現今的家長都很繁忙, 想和他們吃一頓安樂茶飯, 排期居然要排半年以上...

選址元朗區, 菜色要素菜, 位置要近朋友新居, 非大力齋廚莫屬...
食店位於商場內, 入口燈火通明... 茶具很雅致, 高傲的梅花圖案...

店內環境不錯, 整潔衛生, 富中國味道...

由於8時正便要還枱, 所以未齊人便要落單... 沒有什麼心水, 都是隨便亂點...

秘制椒鹽脆豆腐 $55
-- 椒鹽味不重, 皮炸得不太脆, 豆腐滑溜, 蘸點醋吃會好味一點...

欖角蜜糖烤叉燒 $60
-- 有朋友稱讚它比真叉燒還好吃, 外皮烤得焦香, 叉燒汁香甜惹味, 口感軟中帶韌, 接近7成肥肉的口感...

南瓜魚翅羹 (蛋) $68
-- 很甜美的南瓜呀, 湯底很稠, 我喝了3大碗!!! 魚翅方面, 倒是沒有留意到... 含蛋, 若要走蛋, 可在落單時說明...

欖菜肉鬆四季豆 $55
-- 質數平平, 欖菜肉鬆很鹹, 四季豆偏硬...

鮮百合炒什菜 $50
-- 清淡之最, 健康之選, 倒是油好像多了少許... 西蘭花和百合都是很有益的...

南乳蓮藕羅漢齋煲 $58
-- 南乳味濃, Yummy!!! 蓮藕爽口, 手快有手慢冇...

梅菜扣肉煲 $58
-- 神乎其技的扣肉, 白色肥豬肉位置應該是蒟蒻做的, 口感及外表很像真, 大家都嘖嘖稱奇... 啡色的位置, 比真扣肉還真, 味道極像火腿, 帶鹹香, 很神奇呀!!!

白芋素仙班 [芋頭魚] $55
-- 朋友說很久沒吃, So do I... 造型10年如1日, 味道也是... 香軟的芋蓉配酸甜咕嚕汁, 百吃不厭...

咕嚕魚柳 (蛋) $55
-- 咕嚕汁酸甜適中, 魚柳口感像真, 鹹中帶香, 頗美味... 配菜就不太出色...

福建炒飯 (蛋) $50
-- 與真的福建炒飯無異, 味道偏向清淡, 飯身濕濕潤潤的, 頗易入口...

壽桃包 (1打) $72
-- 沒有鹹蛋黃的壽包, 在我來說, 總感覺像失去靈魂一樣... 蓮蓉香滑, 少甜, 包身較乾...

食物份量不少, 好幾道菜也做的不錯, 價錢很大眾化, 坐的也很舒適, 難怪要分2輪時間...

是次每人消費約 $100 元
味道： 3 環境： 3 服務： 3 衛生： 3 抵食： 5
###地址 : 元朗鳳翔路2-6號交通廣場地下38號
電話 : 2475 8928

大榮華酒樓 Tai Wing Wah Restaurant : 人、情、味

30 Sep 2012, Sunday

印象中, 對上一次幫襯元朗大榮華酒樓係小學四年班... 即係幾多年? 哈哈... 秘密!!!

到底大榮華酒樓在此鋪位屹立了多少年呢? 連長輩也答不出來!!! 上網搜集資料... 1975年於元朗安寧路開設大榮華酒樓, 即是... 37年!!! 嘩!!! 利害!!!

出發前致電家住元朗的朋友, 了解一下等位的情況... 朋友說很難搵位, 經常也很多人, 只會跟熟客去, 因為酒樓有位會先給熟客... 聽後有點擔心... 到達後, 原來是派籌的, 要等十數張枱... 最後等了半小時便有位了!!! 但是一定要搭枱!!!


酒樓內環境頗光潔, 與小四的記憶完全兩樣...


在點心紙「奶皇馬拉糕」上方畫了箭嘴, 寫道"要中間", 勤快有禮的服務員跟我說"要中間"3個字下單時入不到電腦, 還建議我到大排檔自取... 大排檔?!! 戰戰兢兢地走到入口旁邊, 收銀櫃再向前行... 不明白為何自己會向那個方向行, 但是真的找到了... 拿回座位後, 服務員又再奉上, 也是中間位置的, 明明已在點心紙上取消了的...

奶皇馬拉糕 (中) -- 三層高的馬拉糕, 每層之間夾著薄薄的奶皇, 頂層與中層有很多氣孔, 發酵得好, 非常鬆軟, 奶皇味道略淡... 底部有點濕...

豉汁蒸鳳爪 (中) -- 豉汁味道濃郁, 鳳爪入味得來很爽口, 比坊間的出色得多...

豉汁蒸排骨 (中) -- 份量十足, 豉汁味道濃淡適中, 排骨軟腍, 肉味重, 好味...

蒜蓉蒸鮮魷 (大) -- 蒜蓉超級多, 蒜味超級強勁, 強勁程度是第一口有點招架不住... 魷魚非常鮮味彈牙, 大大片的, 很好吃, 做的很出色!!!

點了榮華腊味煲仔飯接近1小時仍未奉上, 向服務員問個究竟, 她說一早便售罄, 一般會在出爐後半小時內售罄... 最後我們隨便點多一個點心...

紫薯沙水晶包 (小) -- 好像沒有人推介過, 但超級好味!!! 很有驚喜!!! 用澄麵和生粉搓成粉糰的水晶皮超薄, 包著的紫薯沙顏色很吸引, 而且這樣巨型的水晶包實在前所未見...

咬了一口, 看, 皮居然如此透薄... 紫薯沙更是填滿了整個水晶包, 紫芯番薯的香味濃郁, 清甜味百分百天然, 若不是比原個紫薯幼滑, 合上眼睛真的分不出是紫薯沙, 還以為是原個紫薯...

剛到來搭枱的女士一看到這個紫薯沙水晶包, 都不禁問我"是否甜的? 好不好吃?"... 我用閃閃眼睛猛點頭說"好味", 哈哈, 她點了的點心還未到已經心癢難耐說要點這個紫薯沙水晶包, 連與她一起前來的男士也好奇地探頭一看究竟... 我們離開時這位女士還主動和我說Bye Bye... 這就是老店的魔力, 完全不相識的人, 都可以消除隔膜, 傾談起來, 香港人, 就是需要增加多點人情味...

與我們一同入座, 搭枱的嫲孫更是溫情洋溢, 令人羨慕不已, 事緣同枱少年與嫲嫲爭著找數, 最後還是嫲嫲勝出, 場面一度Sweet爆... 樹欲靜而風不息, 子欲養而親不在... 希望少年可以保持這份孝心一直落去...

雖然要搭枱, 但大家都很有修養, 很自律, 不會滋擾到同枱有緣人, 這一頓午餐吃得很自在, 這一點是有點始料不及...

每次去親大榮華(九龍灣 & 灣仔)都會遇到食神滔滔, 不過今日就見唔到, 有點失落, 我可是滔滔的"粉絲"哦...

冷氣有點不足, 比較焗...

連續3年獲選米豬蓮精選食肆, 必定有它的原因... 點心份量十足, 食物質數味道皆好, 價錢便宜, 服務不差, 環境比蓮香樓衛生, 若然你也想感受一下老店那一份情懷, 我強烈推介你來元朗大榮華!!!

是次每人消費約 $50 元
味道： 4 環境： 3 服務： 3 衛生： 3 抵食： 5
###
地址 : 元朗安寧路2-6號2樓
電話 : 2476 9888

彩晶軒 V Cuisine

21 August 2011, Sunday

今日為家人慶牛一, 因為下午要觀賞芭蕾舞表演嘅關係, 所以選址就近嘅新元朗中心... 呢間「彩晶軒」新開張冇耐o架咋...

餐廳嘅入口極之金碧輝煌, 富麗堂皇...

未齊人, 睇一睇餐牌先... 嘩!!!!!! 「九大簋」?!!! 聽落好豪咁喎!!! 部長, 全部同我拎晒出o黎!!! 嘩咔咔咔...

餐牌話... 九大簋係廣東一帶嘅傳統盛宴, 寓意「長長久久」喎... 至於呢個新界圍村九大簋就有茄汁大明蝦, 農家筍炆肉, 紅蔥頭南薑走地雞, 砂盆陳皮扣大鴨, 盆滿缽滿, 脆皮門鱔球, 圍村燒肉, 鹽燒烏頭魚, 蜆蚧鯪魚球...

後尾部長話, 鹽燒烏頭魚同脆皮門鱔球賣晒啦... 我唔制呀... 自從祖母金盤洗手退出廚房之後, 我都冇食過門鱔啦... 我估呢2樣應該係最抵食同埋最好食, 如果唔係, 點會7點幾就話賣晒吖...

圍村燒肉--嗯... 韌咗D啫... 同埋硬咗少少, 又鹹咗少少...

農家筍炆肉--嘩!!!!!! 好好味呀!!!!!! 好重南乳味呀!!! 同埋D豬肉炆得好淋... 同細個時祖母煮嘅味道一模一樣呀!!!!!! 一D都冇誇張, 唔係剩係我一個咁講o架, 幾個「客家食神」都一致認同o架!!! 仲要用蠟燭台暖住食, 唔怕凍咗D汁痴埋一PAT, GOOD!!!

茄汁大明蝦--嘩... 咁大隻嘅??? 比人夾2夾已經冇晒...

紅蔥頭南薑走地雞--呢味又係一絕!!! 又係好似食翻細個時祖母煮嘅雞咁... 好好味, 好香, 好彈牙... 咁快冇晒嘅??? 我仲想食呀...

蜆蚧鯪魚球--怕怕... 由細到大都唔食...

砂盆陳皮扣大鴨--全餐呢碟最唔掂!!! 好韌, 又冇鴨味... 食剩半隻, 服務員問咗幾次, 都冇人肯打包拎返屋企...

盆滿缽滿--嘩!!! 好足料呀!!! 勁多鴨腳同原條海參, 食極都有!!! 全餐最抵食!!! 清碟之後, 電視咁啱做緊賜哥洗新鮮海參, 見到D綠色內臟咇出o黎, 全枱V嘩鬼叫!!! Honey話如果電視早D播仲好, 益晒佢, 嘿嘿...

你睇... 隻鴨腳幾巨型... 唔講得笑o架...

北京西紅柿豆腐煮蟹--咦咦... 乜... 柿同蟹... 唔係唔可以一齊食嘅咩??? 問清楚部長... 原本... 西紅柿係蕃茄... 冇事... 可以放心食... 嘩!!! 唔好講隻蟹, 剩係D蕃茄炒蛋炒豆腐已經好好送飯, 真係食到唔停得口!!! 隻蟹個夾多肉到呢... D肉都得呀....

蒜子火腩薑蔥煀蠔--嘩!!! 呢味得到呢... 雖然D蠔好細粒, 同埋望落去好似好細份量咁, 但係原來係夾極都仲有o架喎, D蠔收埋晒響D薑蔥下面...

小順子南瓜燜涼瓜--D南瓜好甜呀!!! D涼瓜都好得喎!!! 南瓜同涼瓜配豆豉汁真係一絕!!! 仲要份量都幾足喎...

竹笙銀杏雜箘時蔬--我都未夾已經冇晒, 好難會唔好食囉...

消暑原個冬瓜盅--我地已經食完晒D餸, 見到隔離枱飲緊, 又心郁郁叫一個... D湯好清甜呀!!! D冬瓜肉又多又甜... 同埋呢, 而家外面D特價冬瓜盅好多都係用燒鴨皮煮, 冇配料o架, 更唔好妄想會落夜香花... 呢個冬瓜盅簡直係最傳統嘅冬瓜盅, 我比100分呀!!!

壽桃--話明牛一宴喎, 又點小得拳頭咁大嘅壽包呢... 其實大家都已經飽到不得了, 都仲要以隊剩4個, 利害!!! 阿B食完1個仲唔夠喉(D餡當然係被爸爸食晒), 未識講o野已經手指指話要繼續食多1個... 之後大家仲搶住要打包走, 頭先隻鴨又唔見你地話包走...

生果拼盤(送)--嘩!!! 今時今日仲有得送生果拼盤嘅咩??? 仲要咁大碟咁靚仔??? 而且西瓜係天然微甜冇加糖水, 好得呀!!!

冰鎮龍鬚什果芒果布甸--嘩!!! 已經飽到暈o架啦, 見到隔離枱食, 個個對眼發晒光, 失晒常性, 都唔理自己食唔食得落, 就話要叫5個... 個餐牌呢, 下面個金魚缸係放住金魚, D細路問部長係咪係真係有金魚, 唔知部長講笑定講真, 話之前真係有, 而家因為衛生問題, 冇再拎D生AU AU嘅金魚出o黎... 部長... 你真定假呀??? 唔好呃細路喎... 個賣相吸引到咁, 好唔好食已經唔重要... 不過... 佢係好味道o架!!!

上年牛一宴係響尖東彩晶軒食套餐, 已經抵食到爆... 估唔到今次係元朗食仲平仲正...  讚!!!

之但係阿B得1歲, 都收佢茶錢, 好似有點兒那個喎... 唉... 不過算啦... 最緊要服務好味道好, 大家又食得開心就得啦!!! 除開14個大人小童, 都係$130蚊1個人啫...

拉姑誠意推介!!!

是次每人消費約$130元
味道： 4 環境： 4 服務：4 衛生： 4 抵食： 5
###
地址 : 元朗朗日路西鐵元朗站大堂26號舖
電話 : 2443 2677

泰屋 Sawadee Thai

6月24号同屋企人去泰屋食晚飯(補祝父親節)，Book咗都要排成粒鐘！

酷熱天氣警告下，仲要餵飽D蚊，之後仲要坐室外(冇冷氣)，食物味道同質素一般，又唔係平。真辛苦！

不過見到好多螢火蟲，幾開心！

(聽到隔籬個女仔尖叫:『我見到流星呀』。好心啦！比D常識啦！笑死人呀真係！)

Address:
元朗坳頭東成里1號 (即新港酒店後面)  

http://www.yl.hk/thai

上網揾到嘅資料:

泰屋(度假餐廳,酒吧) Sawadee Thai 【自助BBQ】即叫即燒-海鮮Bar,巨型鮮帶子,炭燒巨蟹腳

元朗總店設有露天雅座，且有炭爐燒烤，格局有點像清邁的海旁餐廳。