倒模手工朱古力課程@創意西點教室

DD一月尾問我學唔學整朱古力, 話個course好出名好爆... 嗯... 我又未整過朱古力, 試下都好喎... 由於個course太爆嘅關係, 要當日即刻比咗錢報名先, 但就唔知會幾時有得上堂, 當時都有D驚, 心唸"如果有堂個日我唔得閒咪閉"... 之後等等等等... 情人節... 復活節... 等咗3個月.... 終於今日(2008年4月26日)可以上到堂喇, 好o野...

 

æ朱古力粒 callets chocolate

æ可可脂 cocoa butter

æ我用鑽石模, DD就用可可豆模

æ導師Johnny Chan 將朱古力粒同可可脂加熱至攝氏45度, 再慢慢加入朱古力粒調溫, 示範唔同溫度下, D朱古力定型嘅色澤同型態有咩分別... 攝氏32度係最理想...

æ倒D朱古力入個模度整咗個面先...

æ跟住唧D香檳酒心餡入個模度...

æ再倒D朱古力入個模度整埋個底... 我同DD好好彩, 其他人係冇"轉印紙"o架, 但係坐我隔離位小姐問阿Sir係咪有D咁嘅o野, 阿Sir幫佢整完又拎我個盤話示範多一次, DD即刻話要示範埋佢個個, 哈哈...

æ係室溫放一陣就可以放入雪櫃... 等待期間阿Sir講解朱古力的故事, 好詳細, 學識好多o野... (有同學自備朱唇模, 阿Sir講到咩係白朱古力個陣, 我就唸如果朱唇模+白朱古力... 咪面青唇白囉... 嘩哈哈哈... 當時已經忍唔住笑笑口咁, 好彩冇人知我笑緊咩啫...)

雪好咗就倒出o黎... DaDa... 幾靚... 閃閃發光o架... 呢個粉紅色心心底係坐我隔離位小姐嘅...

æ呢個黃色音符底係我嘅...

æ呢個黃色音符底係DD嘅...

æ再用毛筆加D粉紅色閃粉係面...

æ嘩... 好靚呀!!! 超完美!!!

æ用紙杯包住就可以入盒... (其他同學都準備晒超靚紙盒仔送禮用...)

æ你睇下我上完堂之後... 件叮噹戰衣變咗污糟貓喇... 醜死怪...

雅敍一堂 Lis Kitchen

上星期六晚食完味竹, 『志X飯局』主持話介紹我地去間新店試菜, 係味竹轉個彎位就係, 我地順便行去訂埋位, 唸住星期日(2008年4月20日)晚又有好o野食...

 

呢間新店大大個牌, 打住"五星級酒店出身大廚主理及管理"嘅旗號...

 

æ太爺雞--之前一日預訂, 煙燻嘅, 係有好濃烈嘅香味, 但食落口就冇咩味...

æ蜂巢酸甜脆豆腐--都幾香脆... 唔知點解要加個馬頭...

æ菜甫肉崧煎蛋餅--潮州家常菜, 鹹咗小小...

æ美極煎海蝦--Order龍虎榜第5位, 賣相唔掂, 食落好似唔多新鮮, 味道亦唔覺得5星級得去邊...

æ鮮枝竹魚湯浸時蔬--配咗娃娃菜, 都幾夾, 清清地, 家常菜首選...

æ燒汁什箘牛柳粒--呢味都深得我心, 多D都食得晒...

æ乾炒牛柳河粉--見隔離枱個碟好正咁, 照樣Order一碟, 好夠鑊氣...

我地訂咗枱, 遲咗一陣又比咗枱人, 要我地坐係廚房加廁所門口, 廚房D聲嘈過高速公路, D熱氣又攻到頭頂條8呎長冷氣槽狂滴水落我地個身上面, D侍應叫極唔應, 又唔酙茶...

如果話佢係一間五星級嘅茶餐廳都尚算可以... 咁嘅價錢... 我可以有大把選擇...

 

是次每人消費約$120元
味道： 3 環境： 2 服務： 2 衛生： 2 抵食： 2

###

地址 : 側魚涌太古城衛星閣地下1008-1009號舖
電話 : 2513 8886

味竹燒肉店 Mitake Yakiniku

尋晚(2008年4月20日)掛緊3號風球, 最啱搵埋D朋友食下飯吹下水, 咁最佳選擇緊係開番場『志X飯局』啦... 目標就係舊年7月剛開業, 當時唔係好掂嘅日式燒肉店, 今次比個機會佢平反...

æ前菜--免費?! 咁大隻蛤蟆隨街跳?!

æ鹽燒厚切牛舌--都好彈牙下, 不過本身冇咩味!

æ黑椒蒜鹽雞胸軟骨--幾特別吖, 外面通常係淨雞軟骨, 呢樹有埋雞胸肉! (冇咩味again)

æ香草牛油蕃茄--健康之選

æ北海道松葉蟹石鍋飯--好咸, 唔知係咪D蟹嘅海水味呢?!

æ特選厚切美國頂肉眼--入口好淋身, 好味!

æ魷魚--原隻燒都係第一次, 一路燒一路好香魷魚味, 配埋朝日啤酒仲會好味好多添...

諗起以前舊式戲院門口買燒魷魚咁, 即買即剪... 好搞笑

æ柚子雪葩--食完日式燒烤, 緊要食番個雪葩清一清個種飽飽滯滯嘅感覺, 食完仲好涼快...

抽風系統非常強勁, 對眼一D都唔覺得刧, 抵讚!!!

食物嘅質數就幾好, 都值得一食嘅, 不過在座4個有3個鐘意哈魯邦多D, 佢都應該比多D心機落D食物嘅味道上面...

食完返到屋企先知我地由紅雨食到黑雨, 好彩行番屋企唔使開遮啫...

是次每人消費約$165元
味道： 4 環境： 4 服務： 3 衛生： 4 抵食： 4

###

地址 : 側魚涌太古城太豐路3號金星閣地下1019舖
電話 : 2513 8886

盛八日式燒肉店 Morihachi Yakiniku

尋晚(2008年4月14日)拉力早有重要任務... 就係... 開餐啦... 呵呵呵呵...

 

今次力仔揀嘅呢一間食店, 榮銜真係多鑼鑼, 包括: -

. 十大好評開飯熱店

. 最優秀開飯日本料理

. 最優秀旺角開飯熱店

 

會燶咭有個特價二人套餐好抵食, HK$488, 三個人加小小o野都好夠食...

 

æ(套餐)韓式牛肉刺身--見到都覺得恐怖... 但係力仔同早兄食得津津有味...

æ(套餐)盛八四小碟(盛八豆腐、泡菜、目黑茄子、溫室青瓜)--D茄子好好味呀...

æ(套餐)燒虎蝦、山形縣尾花澤和牛、半殼香草牛油帶子、燒蜆、果味牛胸腹、鹿兒島鹽燒黑豚、法式芥末籽牛舌、義大利香草雞腿肉--和牛同帶子滋味到不得了, 虎蝦又新鮮, 其他都好正...

æ(套餐)什箘拚盤--成個錫紙盤放落個爐度燒, 再加埋舊香草牛油, 嘩, 好吸引呀... 不過... 佢係我嘅黑星... 有得睇冇得食...

æ(套餐)盛八泡飯--好味, 但係好多菇菇, 唔係我杯茶...

æ(散叫)盛八特式野菜沙律--食燒肉加D沙律都幾好, 清一清味蕾, 最佳選擇...

æ(散叫)法式小羊排配意大利香草--估唔到咁啖啖肉, 好足料... 早兄燒得好好食呀...

æ(套餐)da dolce意大利番石榴雪芭--好清新, 食完燒肉食, 一流...

 

食物味道無懈可擊, 真係一分錢一分貨!!!

 

原本服務都算唔錯, 但係食到最尾我地實在太飽, 所以個小羊排燒好咗之後放左好耐都未食, 個侍應竟然成碟收咗去, 叫住佢都叫唔切, 最後攪到要喝停佢, 激死!!!

 

是次每人消費約$220元
味道： 5 環境： 4 服務： 3 衛生： 4 抵食： 3

###

地址 : 旺角山東街38號38廣場3樓
電話 : 2382 3338

LG KS20 被盜了... 嗚嗚嗚嗚...

3月19號先買... 今日先4月11號... 都未玩夠一個月就... 嗚嗚嗚嗚...

之前去門市問, 週圍都冇貨, 要託人幫手先拎到, 但係當時accessories(額外原廠電池, 1GB Memory Card, 保護貼)冇貨, 要d貨返咗先有得拎... 遲d數碼燶打黎話有貨都唔知去唔去拎好... 嗚嗚嗚嗚...

 

而家人去樓空... 部機新到連遺照都冇張... 嗚嗚嗚嗚... 我對你唔住呀... 

 

案發經過：
係羅湖過關前, 打了一通電話給honey的友人, 通知佢"我地準備過關啦, 我地係購物公園站等啦"...
之後坐地鐵, 過咗2-3個站, 同事D打電話o黎問埋D無關重要嘅o野, 跟住有個人跌咗張車票落地係honey腳邊, 我見佢捉住honey嘅小腿一下, 以為佢想推開佢隻腳, 跟住見佢隻手摸下摸下個地, 但又唔執起張車票, 我仲以為佢係盲嘅, 我係咁望住佢, 跟住佢係咁咳又唔按口, 嚇到我彈開幾步, 之後就見佢衝咗出車...
跟住honey想再打多一次電話比佢友人, 已經發現個電話唔見咗... 我地先開始懷疑呢個人...
最慘係我地去到購物公園站等咗好耐, honey友人都冇出現, 都唔知佢係咪再call我地call唔到唔o黎, 又冇咗佢個電話號碼(儲咗係電話入面就唔會用個腦去記o架啦), 又唔知返唔返香港好... 好彩, 最後honey友人都出現咗... 起碼唔使玩失散先啦!!!

大家唔好阻住我, 我要打到個隻偷我地電話嘅o野有氣冇掟透...

 

 (查實由honey第一日拎隻機番o黎開始, 我不知幾想老笠咗去... 呢個衰人竟然老笠咗我想老笠嘅o野, 你地話抵唔抵打...)

而家唯一可以做嘅就只有...

 

破財擋災... 破財擋災... 破財擋災... 比人偷點都好過比人搶加隊幾刀... (自我安慰-ing)

註：好彩我地冇好似猩猩王咁變態, 鐘意影埋d變態相, 只係o係巴士玩過2張自拍同埋玩加超低能相框功能, 唔係真係出晒街都唔知...

 

California Pizza Kitchen

尋日(2008年4月9日)貓頭約我同暈妮去食飯... 暈妮返咗呢份工咁耐, 我都未去搵過佢, 仲要個個以為我同佢成日食飯, 真係好搞笑囉, 又有d內疚...

 

放咗工係地鐵接咗暈妮就去會合貓頭, 行完街街先開餐!!!  

 

æMedi. Salad 地中海沙律 -- 都ok嘅, d配搭都幾特別, 不過唔配麭食會咸咗d...

 

æSupremo 意式薄餅 -- 呢種又薄又脆最啱我, 好怕食厚厚嘅個種, 配埋我至愛辣肉腸加茄汁底, 正!!! 但係都係偏咸...

 

æChicken Piccata 檸汁雞柳意粉--出奇地好味喎, 個感覺好清新... 又係偏咸...

 

是次每人消費約$130元
味道： 4 環境： 4 服務： 4 衛生： 4 抵食： 4

戰鬥指數

###

地址 : 尖沙咀廣東道17號海港城海運大廈 LCX 三樓 OT309R 號舖
電話 : 3102 0375