網頁清單

2007年12月31日 星期一

Say Goodbye to GO2HK!!!

多得GO2HK, 我先可以將勁多自己冇用嘅o野, 變番做(其他人)有用嘅o野...


最深刻嘅一次係, 交易相機電池(粒電池嘅使用次數小於10次), 個次交易金額係港幣20圓正... 交易時, 我睇得出買家執到筍貨(平o野)勁開心, 我當時都好開心!
之後有朋友問我, 20蚊, 要浪費咁多時間同精神先可以買到20蚊, 值唔值呀?
我答佢:”我唔係要個20蚊, 我係唔想浪費咗粒電池啫!”
當時個位朋友冇再講o野, 可能佢覺得我係傻嘅...
但係, 我會繼續堅持落去, 為嘅係唔想製造咁多電子廢物...


之前用開Yahoo拍賣, 後尾Yahoo要收錢, 就轉咗GO2HK, 都用咗一後日子, 好辛苦先儲咗80分(有d人只肯買唔肯bid, 記唔到分)(有d人bid完買完唔肯比分, 亦記唔到分), 仲要係100%正面信用評級!!!





2007年12月28日... 係GO2HK最後一日... 我感到好難過... 因為以後都唔知可以去邊度放我個d冇用嘅o野...





而家GO2HK已經...





再見啦GO2HK... 我會永遠懷念你...


2007年12月28日 星期五

Cafe Serena

繼22、24、25、26號嘅幾輪狂食之後, 尋日(2007年12月27日)lunch已經唔多消化, 淨係食咗一碗粥, 因為夜晚仲要... 同幾個細妹(早, 力力, 肉酸)去日航博剎!!!

 

12月5號打電話去週圍book位都full晒, 唔係講緊平個d, 而係半島、洲際、都會海逸個d! 日航更係打咗成日都唔通, 好彩, 係我地放棄之際, 終於比我打通咗, 仲要有位個隻, 嗚嗚嗚嗚... 實在太好彩啦!!!

 

而且仲安排我地坐自成一角嘅圓梳化位, 但又勁近buffet枱, 點影相同傾計都唔會嘈到人啦, 嘻嘻...

 

æ燒大蝦--好好味架;

聖誕甜品--好苦呀, 細個睇醫生d藥水味呀... 朱古力蛋糕--好好味;

焗蠔--幾好味, 羊扒--一流, 唔係個胃唔舒服嘅話, 起碼食半打;

Cold Cut (拎拎下, 電話響, 唯有返埋個位先... ) -- 除咗三文魚餅有d腥, 其他都好好味;


æ刺身--好新鮮;

蘇油餅配咖哩--一流, 花生醬薄餅--超超超超好食;

甜品--件件極品, 但最正係咖啡法式燉蛋, 完美嘅化身! 其次係tirumisu(勁重酒味, 正) 同埋 芒果pancake卷(超正芒果味)! 仲有個朱古力香桃蛋糕, 味道係... 一流!!!


仲食咗個紅豆沙, 唔太甜, 勁多沙, 食完飽到上心口!!!

 


其實我仲飲咗中湯同食咗個意式沙律, 不過食得太快, 唔記得咗影相, 哈哈... 沙律bar真係唔錯, 除咗有傳統3種醬汁, 竟然仲有我至愛嘅橄欖油同黑醋, 值得一讚!!!

 

好耐未食過咁好食嘅buffet, 仲有好多野食架, 係我食唔落喳, 例如天婦羅, 關東煮, 牛肉shabu shabu, 雪糕, 沙冰, 即制pancake, 生果, 多款熱盆, 真係數都數唔晒, 咁嘅價錢, 聖誕節喎, 我比90分!!!


食完就黎個交換禮物環節, 我今年大豐收, 收到Yellow Christmas腳趾襪(好得意架), 大蝦天婦羅mouse手枕兼screen mate, crabtree抺手紙, 大口仔碗筷, 呵呵呵呵... 多謝咁多位妹子, 年初一... 我識做架啦!


之後仲去咗睇燈飾同影相, 好多年未試過啦, 即刻成個人後生晒, 嘩哈哈哈...

 



是次每人消費約$340元
味道: 4 環境: 4 服務: 4 衛生: 4 抵食: 4



###

地址 : 尖沙咀麼地道72號香港日航酒店
電話 : 2313-4222

2007年12月25日 星期二

Cafe Einstein

尋日(2007年12月24日)平安夜老細請咗我地成班同事落太古坊食lunch, 感受下露天用膳嘅氣氛... (好彩冇落雨)


 

今日只供應Christmas Lunch, 勁鐘意揸麵麭d牛油, 唔係因為佢好味, 而係因為佢好cute... 聽聞香草麭勁好食... 嗚嗚... 到我拎時得番黑麥麭喳...


 

青菜沙律配法式沙律醬 -- ok合格;

闊麵條配蟹肉香草忌廉汁 -- 第一啖好好味, 食到尾都幾咸, 分量勁多, 分咗d比同事都差d食唔晒;

精選聖誕甜品 -- 不知所謂, 一堆垃圾(麵麭頭頭尾尾)咁, 好後悔冇揀餐茶

 

大家可以一試, 但緊記... 食呢餐o野要預2個鐘, 因為佢上菜真係好好好... 慢!!!

 


是次每人消費約$115元
味道: 2 環境: 3 服務: 1 衛生: 2 抵食: 1



###

地址 : 側魚涌糖廠街33號地下
電話 : 2960-0994

 

後記:

夜晚去咗長頸鹿屋企開"扒地", 交換禮物時我就抽中咗支Hand Cream, 之後見高廋平好苦惱咁, 原來佢抽中朱古力火鍋, 嘩嘩嘩嘩, 好正呀, 我見佢咁慘, 即時同佢交換啦, 哈哈哈哈... 姊妹們, 下次黎我屋企, 可以一次過食晒瑞士芝士火鍋同朱古力火鍋啦...

之後返到屋企仲收到honey d friend送嘅什錦果仁, 正!!!


2007年12月16日 星期日

山田屋台和食料理 Yamada Japanese Restaurant

星期四(2007年12月13日)同咗兩個妹(冇肉酸份)去大角咀試菜... (因為力力成日話屋企附近間新開嘅日本菜好多人排隊, 好想試)

 

呢間日本菜唔接受訂位, 排隊又要過半數人已到, 先比你入座, 咁巴閉, 所以點餸時充滿憧憬...

 

æ秋日5品刺身盛合--個樣都幾靚, 不過唔甜, 有d靱, 亦唔算得上好新鮮;


æ霜燒吞拿魚沙律--呢味算係我地order咗咁多樣之中最好食架啦;


æ大蝦雜錦天婦羅--合格;

軟殼蟹手卷--0分, 軟殼蟹冰凍, 仲要有d勁辣粉係入面, 唔知攪咩;


æ蟹羔蟹皇粥--失望, 放咗1茶匙蟹子咁大把, 就夠膽叫自己做"蟹羔蟹皇", 而且d蟹肉仲腥嘅;

鹽燒雞翼--OK;

稻庭烏冬--OK


我地坐4人卡位, 都幾舒適... 待應妹妹嘅服務質數就真係...

 

外傳:

食飽飽之後, 早安啦帶咗我地去附近嘅紅盒唱K Buffet(加埋一先九十幾蚊可以玩成5個鐘)... 玩到12點幾先鬆人... 咁夜, 唯有坐忘命小巴返屋企(15分鐘就由旺角去到魚則魚涌), 之後轉的士, 早2日先比持刀的士司機嚇親, 今次個司機竟然拒載... 佢講咗好多廢話, 我只答咗一句"即係咩? 即係拒載? 我打999囉", 個司機即刻開車... 所以大家遇到呢d敗類, 千祈唔好讓步呀!!!

 

後記:

今日去咗屋台屋食lunch, 佢個大蝦雜錦天婦羅簡直係完美, 即刻覺得山田屋好一般, 咁嘅價錢, 唔值得特登去食!!!

 



是次每人消費約$155元
味道: 2 環境: 3 服務: 2 衛生: 4 抵食: 2



###

地址 : 大角咀大角咀道199號
電話 : 2989 1383

超超超靚年曆~~迪士尼雪亮聖誕 A Sparkling Christmas @ HK Disneyland

第一日(2007年12月10日)入去迪士尼, 見到人地拎住呢個封面嘅印刷品, 已經覺得好靚, 但又唔知係邊樹拎, 亦唔知自己走咗寶...


第二日(2007年12月12日)再去時, 係入口度拎完地圖同時間表, 就見到KaKa拎住一份, 我先知原來呢份印刷品係放係地圖同時間表隔離... 我自己去拎咗一份之後, 打開中間一睇... 嘩嘩嘩嘩... 好好好好靚呀... 原來係年曆o黎o架...


我見咁正, 緊係即刻走去拎多幾份比d小朋友同同事啦...

 

後來貓頭返到公司貼咗出o黎, d同事見到, 個個都話好靚... 佢先至識讚我醒喳... 我仲醒嘅就係, 即刻叫佢揾鑽媽下星期四幫佢拎多幾份益下d同事啦, 哈哈哈哈...

註: 呢篇係應鑽媽要求而寫嘅... 問題o黎喇... 點解佢自己唔寫呢?

2007年12月14日 星期五

隔日再戰~~迪士尼雪亮聖誕 A Sparkling Christmas @ HK Disneyland

係呀! 隔咗一日(2007年12月12日)又再去迪士尼呀! 哈哈哈哈......

 

今次係"4風塵俠"日, 哈哈哈哈...... 個名係咪好勁呢, 係鑽媽改o架!

 

呢張"馬姐賓賓"合照真係期待已久... (原本9月貓頭陪我帶童童去既)

你睇鑽鑽幾cute!!!


DD, 我星期一差chip & dale未影喳, 今次即刻第一時間去補番...

 

我仲差d比chip & dale五馬分屍... KaKaMa話呢張咁經典, 我唔買唔得... 好似開幕個次佢又係咁講喎, 哈哈...


 

影完相, 貓頭請我食Cheese Cake呀, Surprise!!! 好開心呀, 多謝貓頭!!!


 

我地玩到9點幾先捨得走, 好攰呀, 如果第二日唔使返工就好啦, 哈哈...

2007年12月10日 星期一

迪士尼雪亮聖誕 A Sparkling Christmas @ HK Disneyland

今日(2007年12月10日)係8週年大日子, 本來係去Venetian Macao嘅, 不過book嘅時候Non-Smoking Rooms full咗, 所以唸都唔使唸就改咗o黎迪士尼... 呵呵... 因為比咗錢o架啦o痳張全年通...

朝早11點先出發, 上咗的士先發現冇帶全年通, 即刻要番轉頭...

11點半去到香港站醫肚, d湯真係唔錯o架, 成樽保溫壺上o架...


 

1點去到, 即刻同班迪士尼朋友合照先...


 

然後就去「聖誕老人開心總部」揾聖誕老人攞禮物...


 

之後當然唔小得shopping時間啦, 呵呵呵呵...


 

「雪映舞動巡遊」好有聖誕氣氛, 你睇我右手個便舊飄雪幾大...


 

6點去River View Cafe醫下肚先... 超飽, 味道仲唔錯, 有驚喜...


 

7點要去城堡前面欣賞「星閃城堡協奏曲」, 大家記得用立體光影眼鏡呀, 靚好多o架...


 

順道同埋南瓜車影相, 當然唔小得廸士尼"4朵金花"啦... 哈哈...


 

好倦啦, 唔睇煙花啦, 係時候打道回府...


 

後記: 回程時去咗天后"晶晶糖水"食甜品, 搭的士返屋企時, 有客上咗車又落番車, 我已經唔想上... 之後個司機不停嘴咁講o野... 去到東區走廊仲拎把刀仔(但點睇都係一個錐)出o黎嚇我地(佢講緊佢點拒賊), 差不多去到屋企又再出刀, 好恐怖呀... 好彩最後安全返到屋企喳...