正所謂……愛情係盲目嘅！
我地真香港人對香港嘅愛有幾深，有幾盲，賣港賊係無可能明白理解到嘅！
近日社會知名人士＆高官爭住仆出黎話「黃色經濟圈」唔乎合經濟利益乜乜乜……
無實質經濟效益，犧牲個人利益？幾好味幾平幾就腳都好，呢啖飯，吞唔落就係吞唔落架啦！
經濟模式不客觀不合理？愛情從來都唔講理由架啦！
市場自由開放？我地而家連平安夜去商場消費嘅自由都無，去餐廳排隊食飯嘅自由都無，隨時被活生生打死再被消失！你學人講「自由」？
錢係我手上，我想比邊個賺就比邊個賺，你理得我啫！呢Ｄ就係我嘅自由！
仲有，佢地話會影響經濟，呢點我真係聽極都聽唔明。
如果大家原本都係打算消費1千萬，不多不少，照樣消費1千萬，請問，對整體經濟有乜影響呢？
身分經濟學……近日好多人提及，係相當值得深入探討嘅議題。
好，終於入正題喇！🤣🤣🤣
餓到胃痛，專程搭車去太古坊食Lunch，繁忙時間已過，幾間黃店都塞滿客人……
太古坊租貴，食店都係細細間，座位窄，Standards嘅啦～
