網頁清單

2017年12月26日 星期二

【台中】膳馨民間創作料理:嬌滴滴

26 November 2017, Sunday

2日1夜行程:富狀元豬腳極品餐廳(午餐)⇨宮原眼科(雪糕)⇨日月潭⇨那隻牛(晚餐)⇨百勝村咖啡民宿莊園(住宿+早餐+導賞)⇨李仔哥爌肉飯(午餐)⇨南投酒廠⇨膳馨民間創作料理(晚餐)【台中南投】咖啡莊園の快閃2天


轉眼又落返台中食晚飯,都係團長的朋友揀的餐廳,但尋晚無位食飯的教訓好似無人記得,我唯有自己打電話o黎訂位,好彩有打電話,得7:15分有位咋!

係國立台灣美術館附近D餐廳真係間間都好鬼靚~

【台中】那隻牛:SOSO

25 November 2017, Saturday

2日1夜行程:富狀元豬腳極品餐廳(午餐)⇨宮原眼科(雪糕)⇨日月潭⇨那隻牛(晚餐)⇨百勝村咖啡民宿莊園(住宿+早餐+導賞)⇨李仔哥爌肉飯(午餐)⇨南投酒廠⇨膳馨民間創作料理(晚餐)【台中南投】咖啡莊園


團長的朋友搵嘅餐廳,地方不大,9個人無訂位嘅情況下,就係要係門口呆等。老闆好像愛理不理,無心裝載,令等候緊嘅我地憂心忡忡,結果又真係等到位,錯怪老闆。

味道一般般啦~

店內座位真的不多,一眼睇晒!4位朋友坐入面,我地5個坐係街食,都OK啦,今日天氣涼涼地,加上駛過嘅車唔多,無話狂食塵。

【台中+南投】咖啡莊園民宿の快閃2天

25 November 2017, Saturday

2日1夜行程:富狀元豬腳極品餐廳(午餐)⇨宮原眼科(雪糕)⇨日月潭⇨那隻牛(晚餐)⇨百勝村咖啡民宿莊園(住宿+早餐+導賞)⇨李仔哥爌肉飯(午餐)⇨南投酒廠⇨膳馨民間創作料理(晚餐)


【台北】咖啡展X黏土展の快閃9天... 踏入第7日...

時間真係過得好快...

乜都無做過!
乜都無玩過!
乜都無食過!

咁就無咗6日?

今日終於可以100%玩餐飽食餐飽~

行程重頭戲—【台中+南投】咖啡莊園民宿2天快閃之旅!

@富狀元豬腳極品餐廳
我淨係識o黎呢度o架咋... 台中老師推薦的午餐便當... 唔食豬手嘅我都食到停唔到口...
朝早團長從宜蘭飛車出o黎林口接我地,開車落到台中都已經3點,唔使排隊直接入去坐。

2017年12月21日 星期四

【台北】咖啡展X黏土展の快閃9天

19 November 2017, Sunday

話說... 我只係返咗香港2星期多少少... 又回來了...

以前1年先飛1次... 後來加至1年2次, 已經覺得皇恩浩蕩...

近呢2年個個月都飛實在係人都癲... 今個月仲要1個月內飛2次, 突破人生極限!!!

何解要咁辛苦呢?!

都係興趣害的~

正所謂「一隻手掌拍唔響」... Honey要去睇咖啡展覽, 我就要交貨去黏土展覽... (大家都努力將行程重點推到對方身上... 唔關我事呀, 我陪你過黎順便架咋)

第一站: 【台灣茶酒咖啡展】@南港展覽館

2017年12月13日 星期三

Nun Desserts Cafe:色即是空

17 November 2017, Friday

The Chop House甜品揀唔落手,轉場厚福街更是死路一條!

都排咗幾耐吓,見咁多人仲以為好好味。。。

The Chop House : 冷暖夜

17 November 2017, Friday

前文提要: 食完餐無咩特別嘅免費午餐,立即收到台北黏土展覽的壞消息!話呢件主打作品太大(大咗1CM),唔PASS,唔可以放入袖珍博物館的「黏土創作的奇幻世界」展覽!OH NO!!!晴天霹靂!!!我已經PACK好晒行李準備飛過台北交作品,書枱仲執到史無前例咁乾淨!今晚仲約咗台山四寶係尖沙咀食晚飯,諗住食完午餐係附近嘆個下午茶就直落晚飯!!!

無得再猶豫,立馬飛身返屋企開工!做得1粒鐘得1粒鐘!

6點幾再趕返過海,金鐘地鐵塞人塞到咁係咩玩法!!!

晚飯完要趕返屋企繼續開夜車!!!

後日早機呀,陰公!!!

睇真D,遲到咗17分鐘……啫!(平時KaKaMa次次扮盪失路都遲半個鐘甚至1個鐘)

2017年12月10日 星期日

東來順:免費午餐

17 November 2017, Friday

FREE LUNCH! FREE LUNCH!! FREE LUNCH!!!

唔知點解Smartone送咗會員優惠但又唔會同你講唔會提你去拎,我只係喺APP亂咁撳先發現呢個member coupon!

有幾間餐廳可以揀,好難揀,都幾多限制,11月尾到期,自己忙到爆燈,想放棄,最後抽到今日黎。

食完先收到台北黏土展覽的壞消息,如果一早收到email,就會放棄張coupon,由得佢過期算啦~

由於要預先訂位,去到D職員都知道係食Smartone套餐。


冷盤的龍井煙燻蛋好吃~

永合成馳名煲仔飯:惹味醬爆雞翼+洋蔥沙嗲牛肉

7 November 2017, Tuesday

係台灣專程搬返來,三十日就會過期嘅麗馨姐養生核桃棗,原先一番美意,結果搞出好大風波,化成爛攤子!大家唔想事情再惡化,搞到我要分幾次送貨!


上星期五晚約咗貓兄送貨,今日就輪到龍媽。

龍媽抱恙在身,龍爸護駕出席,推薦大家去佢最愛之一嘅煲仔飯同埋土匪雞翼。

煲仔飯係蒸嘅,可以加錢過爐烤飯焦。

2017年12月9日 星期六

#24 Foodstation :逢星期二休息?價廉物美的Burger小店

3 November 2017, Friday

係台灣專程搬返來,三十日就會過期嘅麗馨姐養生核桃棗,原先一番美意,結果搞出好大風波,化成爛攤子!

大家唔想事情再惡化,搞到我要分幾次送貨!

今晚就約咗貓兄送貨,難得佢建議去港島區食,仲要去我未到過嘅地鐵站—香港大學站,緊係拍手叫好!


香港大學站過馬路行幾分鐘就到,好方便!

2017年12月3日 星期日

【林口】J.S. FOODIES TOKYO:東京人氣梳乎厘班戟店—FLIPPER'S「奇跡之班戟」

1 November 2017, Wednesday

今次旅程的最後一餐,聽日就要上機囉~

返到香港就要開始為袖珍博物館的黏土展博命囉~

搵食期間見到剛登陸香港無幾耐,聽講排隊要排2粒鐘的FLIPPER'S「奇跡之班戟」!無人排緊隊喎,唔係唔入去試吓下話?!

【林口】Happiness.遇見幸福.:Balanced Life

31 October 2017, Thursday

前晚搵極都搵唔到間舖,原來無開,今晚途經就再去過~


Google Map莫名其妙地Rating好高分。

今次我就罕有地唔提食物的味道吧~

【台北】平安京茶事:三顧草廬

30 October 2017, Monday



【林口】辣中間麻辣火鍋:吃到飽火鍋街坊店

29 October 2017, Sunday

尋晚睇完皮膚科醫生,被訓示一頓後,呢2日都唔敢行咁多路,近近地搵啖食好喇~

天氣涼浸浸,食火鍋最好,剛發現一間火鍋吃到飽,平平地又試吓囉~

【林口】Nana's green tea:暫別前的午餐快聚

27 October 2017, Friday

完美結束【嘉義+雲林+南投】3個文叔去旅行。尋覓阿里山咖啡王子之旅,又品嚐過食神御廚的特技私房菜,係時間同團友們暫時道別~~~(嗚嗚嗚,MISS UU)

暫別秋波前,趕緊在OUTLET吃個午餐,再魔鬼上身迫人SHOPPING。(嘿嘿)

搵食時見呢間日本野新開又唔使排隊,LALA聲舂咗入去。

有幾分姿色果位女店員態度超級臭,呼呼喝喝無禮貌,又掉餐牌,臉色非常黑,我地只係坐低1秒咩都未做過,你係唔想做嘅快D返屋企休息唔好勉強辛苦自己啦~

2017年12月2日 星期六

【南投】沙里仙溫泉渡假:赤裸裸的深山仙景住宿

24 October 2017, Tuesday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(住宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨山城小吃(晚餐)⇨沙里仙溫泉渡假(住宿+早餐)⇨鶯歌老街


今日完成咗幾個黃金行程: 阿里山咖啡王子、 玉山國家公園、鱘龍魚5吃,人生如此,夫復何求?

飲飽食醉後,回到下榻飯店,驚喜再接一浪。

獨立木屋+露天溫泉!!!

2017年11月11日 星期六

【嘉義+雲林+南投】山城小吃:踏玉鱘龍

24 October 2017, Tuesday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(住宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨山城小吃(晚餐)⇨沙里仙溫泉渡假(住宿+早餐)⇨鶯歌老街


拜訪完阿里山咖啡王子,行程就此完滿結束了嗎?No Way!

團長夫人交遊廣闊,去到玉山國家公園附近都識人!利害!

2017年11月9日 星期四

【嘉義+雲林+南投】3個文叔去旅行。尋覓阿里山咖啡王子(下)

24 October 2017, Tuesday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(住宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨山城小吃(晚餐)⇨沙里仙溫泉渡假(住宿+早餐)⇨鶯歌老街


吃過酒店的豐富早餐,驅車直闖阿里山玉山!

(全日在車上不斷食么鳳話梅,1粒駁住1粒,臨尾有一下噁胃氣真係差D嘔咗出黎)

第1餐:石桌羊肉店

2017年11月6日 星期一

【嘉義】承億文旅桃城茶樣子:滿滿的文藝氣息

23 October 2017, Monday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(住宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨山城小吃(晚餐)⇨沙里仙溫泉渡假(住宿+早餐)⇨鶯歌老街


上阿里山之前,先係嘉義瞓一晚~

團長揀酒店獨具慧眼,今晚間酒店正到痺!(講緊個MOOD 啫)(型格外觀絕對係我杯茶)

【嘉義+雲林+南投】3個文叔去旅行。尋覓阿里山咖啡王子(上)

22 October 2017, Sunday

3日2夜行程:大同火雞肉飯(午餐)⇨檜意森活村⇨56號藍色公路咖啡(下午茶)⇨日日興現宰羊肉爐(晚餐)⇨承億文旅桃城茶樣子(住宿+早餐)⇨石桌羊肉店(午餐)⇨鄒築園觀光休閒農莊(下午茶)⇨玉山國家公園—塔塔加夫妻神木⇨山城小吃(晚餐)⇨沙里仙溫泉渡假(住宿+早餐)⇨鶯歌老街


超強颱風「蘭恩」趨向日本,尋日港日航班局部取消延誤。

幸好今日航班無受超強颱風「蘭恩」影響,準時起飛~(一出門口個旅行喼就甩轆)

2017年10月19日 星期四

Passion by Gerard Dubois:High "Price" Tea

16 October 2017, Monday

話說,食完低調高手大街小食嘅格仔餅,正常係會去華星冰室吹吓水嘅。。。

之但係而家落緊毛毛雨,萬一走果陣落9C,跣親咁就弊喇!!!

都係去D出入都唔使淋雨嘅地方安全D~

就係咁,就返咗太古城~(宅)

低調高手大街小食:發哥早幾日先幫襯過

16 October 2017, Monday

力仔仲要2日就要離港,要把握時間回味老香港!

重點行程:格仔餅!

我從小對格仔餅無咩興趣,只愛雞蛋仔!

對上一次為力仔引路「全港最好味」雞蛋仔,格仔餅只係順便食埋,卻驚為天人!

今日重遊舊地只為格仔餅(棄雞蛋仔),曾經覺得「全港最好味」格仔餅,今日。。。非常失望!!!

2017年10月18日 星期三

豚王:曾經長龍

4 October 2017, Wednesday

黃昏時係灣仔食咗個Late Lunch,迫完入藍月亮,人生路不熟,兼且仲好飽,唔知去邊樹食好嘅情況下,最後又返返太古區。。。(宅到出汁)

出站後,一眼就見到豚王,聽聞曾經人龍長到嚇屎你,今晚人月兩團圓嘅中秋佳節,居然完全唔使排,大把位,正!去試吓先~


2017年10月14日 星期六

【BLACK FRIDAY】

13 October 2017, Friday

黑色星期五!!!!!!!!

唔信邪!!!!

*考車再次肥佬!!!!(明明呢2日都開始揸得唔太差,一考試頭3條街太順利,第4條就出事)

2017年10月12日 星期四

Just Cafe:中秋夜不想做生意是理解的

4 October 2017, Wednesday

上星期五99已在酒樓做節,農曆8月15日我可以話閒在家沒事做~

好耐都無專登同HONEY出去八卦/影相。。。連之前TIMES SQUARE微型展我都無時間去。。。(無事忙+年頭病足4個月+7月再入醫院抽咗7樽血)

HONEY話近排好多人影藍月亮,好雀躍咁話要同我去,我真係1日推1日囉。。。(原本想再推到追月夜,應該最後會不了了之,哈哈)

未入黑,先到灣仔地鐵站一帶飲個下午茶HEA夠鐘~

搵到最近嘅1間,出地面行1分鐘就到,但入口好難搵!(皆因GOOGLE MAP都無寫CAFE係書店入面)

CAFE入面都有D客,見仲有座位當然開心~飛奔去落ORDER,誰知。。。

態度極極極極奇惡劣!!!!!!

收銀女店員站在廚房內高了一級,臭面+眼神厭煩的俯視食客,我問幾句佢先答1句,最後更加咩都唔答,不發一言!

其實呢,唔想撈嘅,就返歸啦!!!做人真係唔好難為自己,要過得自己過得人~

離開時發現通告收7點。。。現在報時訊號一響,只係16:45PM!距離收店時間仲有2小時耶~

中秋夜不想做生意?!理性上係可以理解的~

但感性上,心裡仍是很難受!

2017年10月9日 星期一

Conrad Lobby Lounge:比預期中好吃

3 October 2017, Tuesday

日前收到銀行寄來的Coupon -- 2人Afternoon Tea Set...

Coupon是Conrad的Lobby Lounge...

(一直覺得以前跟台山四寶去過一次)

(寫Blog時才証實跟台山四寶去的是Island Shangri-la個Lobby Lounge)

Coupon話唔包Beverages,睇到有D氣憤。。。Afternoon Tea Set喎。。。無包飲品又算咩Tea Set呀?!

訂位時原本係打算同HONEY去... 諗住點都唔屈服, 唔會加錢叫飲品...

後尾力仔又夾到時間去... 姊妹淘實傾到口乾, 算啦, 屈服啦, 加錢叫飲品...

最後去到職員又話可以揀茶,仲要有12種選擇咁多!!!仲有REFILL, 正晒~

2017年10月2日 星期一

Return Coffee House:熱鬧的工廠區假期

1 October 2017, Sunday

平時很少到觀塘。。。

10月1日紅色假期走入觀塘工廠區係咩玩法。。。

行完文創市集,HONEY話帶我去1間好出名嘅COFFEE SHOP。。。

工廠區會有好出名嘅咖啡室?!

行咗幾條冷清到冰點的工廠街,突然FEEL到好似溶爐咁高溫。。。

門口細細,裡面別有洞天!

重點係:FULL HOUSE!!!(咩料呀?D人響邊樹黎架?)

2017年10月1日 星期日

京林屋:京都抹茶老字號

16 September 2017, Saturday

今日約咗黃毛仔同學上UV手工班,上課前先到Sensory Zero食個All Day Breakfast...

食飽飽就轉移陣地,帶呢位白老鼠同學仔到寒舍努力加把勁~(正式教室未裝修好)

黃同學單人匹馬努力咗5個HOURS之後。。。(我全程靠把口,翹埋雙手,WAKAKAKA)

夠鐘放飯!!!YEAH!!!

唔知食咩好。。。

諗諗吓。。。太古好似開咗間抹茶甜品店,裝修期間店外木板標榜自己係日本京都宇治擁有2百幾年歷史嘅抹茶老字號。。。開店後LUNCH路過都見到人係入面食麵,就去試吓~

星期六晚飯時間都唔使排隊,剛好有1張枱剩。。。

抹茶蕎麥麵(單品)HK$78
—一場黎到,當然要食抹茶嘢。。。我走咗菇。。。個價錢。。。都幾貴吓。。。


2017年9月30日 星期六

蘇浙滙:鹽水湯都推薦

27 September 2017, Wednesday

心情好沉重。。。

食龍肉都無味。。。

再加上咁難食嘅一餐。。。

情緒直沉北冰洋海底。。。

唔想咬文嚼字,玩吓#Hashtag算吧啦~

2017年9月27日 星期三

瀛素食:突破素食領域

15 September 2017, Friday

今日對我地黎講,係好重要嘅日子!!!

到咗約定之日都可以無聲無氣,當無發生過一樣。。。唔想出嘅,咪唔好出囉~

相見不如不見!!!
哀莫大於心死!!!

晚飯前,跟貓兄去見識吓世界美好嘅一面。。。油麻地果欄!!!(嘿)

佢居然睇死我自己一個唔會去。。。好,今次又比你鐵板神算批中!!!

2017年9月26日 星期二

蓮花素食:擺烏龍去錯地方

6 September 2017, Thursday

貓兄快閃首爾一轉,估唔到咁仲有時間買手信比我地,抵錫,嘴啖先~

都多謝KAKAMA的高雄手信,太客氣啦,連我都有份~嘿嘿~

鑽媽慣例唔出現。。。可知大家有好多情深說話未曾講。。。佢都算鬼馬喇,居然聽日約咗8B食飯提都唔提咁口密,8B變5B,E5變E4,數字遊戲,人生如夢。。。

係我人生低谷遇到咁嘅事情,係咪應該多謝佢地,令我及早清醒過黎。。。

醒吓啦!!!一早已經唔屬於你嘅,就唔好再傻痴痴當自己仲擁有緊啦。。。

呢7日實在太傷心,你地揀係呢日落毒手,我竟然一D感覺都無,可謂揀啱時機~

鑽媽,我地已經約過你好多次喇,係你唔比機會我地講心事,將來唔好倒轉頭怪我地~

講返餐飯。。。

個人比黑色音符附身,就緊係食龍肉都無味。。。

餐廳門口同入面都無咩好影。。。

明明見到網上面話有原個南瓜乜乜必吃,店員話無,可能我睇錯元朗同名果間啦,未食已經咩心機都無晒~

明明海報條芋頭魚靚到飛起,上枱咪又係幾十年同一款模,原本已經咩心機都無晒,而家直頭谷底再挖深多幾層。。。

銀杏館:鼓勵長者就業

3 September 2017, Sunday

9月1日開學日,對好多莘莘學子黎講,係難忘嘅。。。

對我地一家廿幾口黎講,就更難忘。。。

身心俱疲+病菌入侵+吃不好睡不好, 傷痛過後,累上加累。。。

咩都提唔起勁,腦海一閃,想去新搬黎嘅銀杏館試吓。。。(係呀,就係舊年10月係美孚饒宗頤文化館「被結業」果間鼓勵長者就業嘅社企餐廳呀)

2017年9月25日 星期一

Bathers Restaurant:沐浴於愛海之中

12 August 2017, Saturday

今日去團長位於大嶼山的別墅參觀,爆嘈咗一個下午之後,當然要食返個Soft Opening的晚餐慶祝一番。

團長推薦的海邊餐廳,情調浪漫到影相極需要打燈,而且個海近到我好驚食食吓飯個浪會打埋黎。

【台北】等一個人咖啡:等3個人咖啡

6 July 2017, Thursday

一直好想去「等一個人咖啡」的拍攝場地- 等一個人咖啡!

哈哈。。。電影沒看過,解釋唔到點解要去潮聖。。。

今日去開新店區做手工皂,咁啱老師的母校就在咖啡室附近,正好可以跟著老師去懷緬一下過去。。。

我地仲整緊手工皂,驚整完先去咖啡店會好FULL白行一趟,決定派遣HONEY做先頭部隊去攞位,結果變成等3個人咖啡。。。

2017年9月24日 星期日

【新店】手工皂初體驗

6 July 2017, Thursday

朋友考取了手工皂的師資,當然要來玩轉個教室!!!

第一次做手工皂,好緊張呀!!!

所需工具表面簡單,皂模亦是一條買不完的不歸路~(今天用最簡單的長方型)


2017年9月22日 星期五

【台中】劍道初體驗。2日1夜尋珍之旅(下)

1 July 2017, Saturday

✪行程✪
【第1天】桃園火車站⇨台中火車站⇨春水堂(午餐)⇨道禾六藝文化館-台中刑務所演武場(劍道+下午茶)⇨綠光計畫范特喜文創聚落⇨Isabella's(下午茶+晚餐)⇨雙星大飯店/台中車站快捷旅店(住宿)
【第2天】台中車站快捷旅店(早餐)⇨東海大學-路思義教堂⇨秋紅谷生態公園⇨台中歌劇院⇨VVG Play Play(午餐)⇨老樹咖啡(下午茶)⇨田樂(晚餐)⇨台灣太陽餅博物館⇨台中火車站⇨桃園火車站


尋晚無覺好瞓,今朝食咗份垃圾早餐,麵包都難食過人,倒塔咁早就出發!無辦法再留多1秒鐘係呢間酒店。

第1站:東海大學

2017年9月14日 星期四

【台中】雙星大飯店:房內不能呼吸,眼痛,咳嗽

30 June 2017, Friday

✪行程✪
【第1天】桃園火車站⇨台中火車站⇨春水堂(午餐)⇨道禾六藝文化館-台中刑務所演武場(劍道+下午茶)⇨綠光計畫范特喜文創聚落⇨Isabella's(下午茶+晚餐)⇨雙星大飯店/台中車站快捷旅店(住宿)
【第2天】台中車站快捷旅店(早餐)⇨東海大學-路思義教堂⇨秋紅谷生態公園⇨台中歌劇院⇨VVG Play Play(午餐)⇨老樹咖啡(下午茶)⇨田樂(晚餐)⇨台灣太陽餅博物館⇨台中火車站⇨桃園火車站


九份十分飽受殘酷風雨虐待的鐵三角組合。。。又再聚頭!

結局當然是。。。

人生最慘唔係去旅行落暴雨寸步難行。。。

人生最慘係去旅行住著間差到無人有的酒店!我,全晚無一刻瞓著過!

呼吸都成問題,根本呼吸唔到!


好恐怖?未算!

2017年9月10日 星期日

【台中】Isabella's:美麗庭園角落

30 June 2017, Friday

✪行程✪
【第1天】桃園火車站⇨台中火車站⇨春水堂(午餐)⇨道禾六藝文化館-台中刑務所演武場(劍道+下午茶)⇨綠光計畫范特喜文創聚落⇨Isabella's(下午茶+晚餐)⇨雙星大飯店/台中車站快捷旅店(住宿)
【第2天】台中車站快捷旅店(早餐)⇨東海大學-路思義教堂⇨秋紅谷生態公園⇨台中歌劇院⇨VVG Play Play(午餐)⇨老樹咖啡(下午茶)⇨田樂(晚餐)⇨台灣太陽餅博物館⇨台中火車站⇨桃園火車站


九份十分飽受殘酷風雨虐待的鐵三角組合。。。又再聚頭!

遊覽完綠光計畫范特喜文創聚落,HONEY推薦去Isabella's嘆下午茶,佢話全個范特喜入面最似樣,後尾因為超特強大雷雨,飲完下午茶走唔甩,結果原地食埋晚飯!連桄老師推薦的田樂都去唔到要打電話取消Booking...

九份十分飽受殘酷風雨虐待的鐵三角組合喎,你估流架!

間餐廳靚到揼一聲,唔信?跟我入黎睇下先啦~

【台中】劍道初體驗。2日1夜尋珍之旅(上)

30 June 2017, Friday

✪行程✪
【第1天】桃園火車站⇨台中火車站⇨春水堂(午餐)⇨道禾六藝文化館-台中刑務所演武場(劍道+下午茶)⇨綠光計畫范特喜文創聚落⇨Isabella's(下午茶+晚餐)⇨雙星大飯店/台中車站快捷旅店(住宿)
【第2天】台中車站快捷旅店(早餐)⇨東海大學-路思義教堂⇨秋紅谷生態公園⇨台中歌劇院⇨VVG Play Play(午餐)⇨老樹咖啡(下午茶)⇨田樂(晚餐)⇨台灣太陽餅博物館⇨台中火車站⇨桃園火車站


九份十分飽受殘酷風雨虐待的鐵三角組合。。。又再聚頭!

從林口坐UBER到桃園火車站,台灣UBER之前停了2個月,現在司機都是R車牌字頭的合法出租車。巧合地,司機住過油麻地半年(台灣公司派過來駐香港分公司),仲識講幾句廣東話,好利害喔。

2017年9月3日 星期日

【台北】冰果甜心:澱粉質甜點吃到飽

28 June 2017, Wednesday

HONEY今日約咗朋友去信義區新開的花神咖啡(鼎鼎大名,來自水鄉威尼斯的Caffé Florian)嘆下午茶。。。

我都不甘示弱,即刻約吓台北的黏土老師。。。好野,得咗!

老師話唔夠時間比佢準備,霎時間諗唔到有邊間餐廳必吃,所以揀咗呢間裝修女性化,價錢公道,又必定吃得飽的。老師話下次要比多D時間佢準備,老師同我食飯似乎好大壓力,哈哈~

【林口】TTL桃園酒廠半天遊

27 June 2017, Tuesday

說是半天遊,實則沒有~

在網上無意中發現桃園酒廠有觀光工廠廠區預約導覽,仲要係全台灣唯一生產日式清酒嘅酒廠,仲要有DIY酒粕手工皂、DIY鹽麴工作坊~

2017年8月22日 星期二

【台北】新東南海鮮餐廳:不近人情

23 June 2017, Friday

探病食呢D?!(๑•́ ₃ •̀๑)

哈哈,Why NOT?!!!

朋友整親隻腳,只可以用另1隻腳單腳行路,要靠拐杖幫手,餐廳職員硬要迫佢上2樓(明明訂枱時話要樓下),理論不果後,我地又未到,佢係單腳跳上2樓,完全無職員幫過忙甚至無職員傍住佢上樓,說好的人情味呢?

樓上係幾間廂房……無我地份!

我地坐係房外樓梯口,都幾牙煙。

食物是好OK的,仲帶點港式火喉,價錢唔算搶錢,合理啦。

服務接近零,不過唔會惡劣,因大家都忙到甩轆。

2017年8月21日 星期一

【台北】三隻獅子英國餐廳:適合一家大細的酒池肉林+舞池

21 June 2017, Wednesday

終於落完晒雨,可以同陽光玩遊戲啦~~~

約咗朋友去圓山花博一齊踩單車食晚飯,Yeah~~~



終於食到呢3隻獅子,之前每次來都座無虛席。我地今晚早咋,太陽都未落山!佢最Signature果桶大啤酒都未出場,放係枱上面高過1個人。我地2位男丁點可能飲得晒,只Order了小杯裝,無得影相Lu~