網頁清單

2016年11月28日 星期一

【台北】亞蘿瑪珈琲屋:菇流素聞

19 April 2016, Tuesday

好怕食素,因為好怕食菇。

今日,又撞正菇店。

不過,唔係只得我1個覺得唔好味,就連喜歡吃菇的Honey都話唔掂。


【台北】肉舖廚房:傷心大發現!電話鏡頭爛咗!

16 April 2016, Saturday

呢舖真係大發現!

食個下午茶,D相自動落晒星星Filter咁神奇?!睇真D,原來部華碩Zenfone Selfie個相機鏡頭爛咗!裂晒!所以影D相D光線咁有規律,無論咩角度影都一樣!

我頂!買咗唔夠2個月咋!


【台北】窩是咖啡:蝙蝠洞穴品嚐冰滴咖啡

30 June 2016, Thursday

去完臺北市立美術館裝懂欣賞畫展的偽文青,又係時候搵地方嘆杯咖啡。

作為一個陌路人,可以點搵?

咪Google Map囉~(唔想咁樣,可以點樣)

近近地Over 4分的有佢,圓山捷運站旁,大直路唔會蕩失路~

門面可謂相當突出~(色彩上)

【台北】臺北市立美術館:裝懂欣賞的偽文青

30 June 2016, Thursday

唔記得咩原因,會來到呢度,只記得。。。

從Annex進入Main Building時,有2位阿姨看守。原來要買入場劵的,是自助的機器。

購票期間,我同Honey用廣東話+英文交談咗2句,阿姨即刻問我地係咪香港人。

我的指定答案:一聽就知道啦,我們的國語這麼爛。

想不到阿姨回覆:不是這麼爛,是「有夠爛」!

嘩咔咔咔。。。大家都當場笑到彎晒腰~

阿姨,你係得嘅!

【台北】彌生軒:高科技鰻魚飯

29 June 2016, Wednesday

上次去開天母高島屋,食咗餐又貴態度又差嘅日本菜,離開時見到對面馬路有間日本餐廳好似幾骨子,今日特登坐車上嚟試下。 入到去先發現,原來係用ipad落單,好高科技呀!玩完一 輪,好快有得食。

2016年11月27日 星期日

【台北】肥前屋:台北4大鰻魚飯。澳牛體驗

12 April 2016, Tuesday

肥前屋,勁多香港朋友推薦,冒名去一試,澳牛式服務,杯清酒難飲到係就算比返錢我轉頭我都唔想飲,貼錢買難受。

下午5:30已經要排10個8個。


【台北】濱松屋:台北4大鰻魚飯之首。鰻活3吃

21 April 2016, Thursday

今次是香港朋友「少林食神」帶我地來見識見識的,事前都唔知濱松屋咁猛料,之後咁啱睇到D網上PO文講開台北4大鰻魚飯,先知佢係其中1間,仲要排頭位!

之後我地有約唔同的朋友再去濱松屋,前後去過5次,100%都是讚好+笑面。

肥前屋都係台北4大鰻魚飯,同濱松屋隔1個街口,勁多香港朋友推薦,早前冒名去一試,澳牛式服務,杯清酒難飲到係就算比返錢我轉頭我都唔想飲,貼錢買難受。無可否認,價錢係平嘅,濱松屋的1/4價錢。
 
11月先再同貓兄去完濱松屋,貓兄原本問我有無聽過肥前屋的,經我痛陳利害後,都係去返濱松屋,比貴少少食得不知幾開心。食完幾日後睇開食尚玩家精選集,原來浩角翔起都有去食過呀~

2016年11月23日 星期三

【台北】MR.BOX袖珍模型創作個展

28 July 2016, Thursday

早上:日清珠寶黏土師資課程II

下午:醫院覆診(南投清境農場之旅後遺症)

黃昏:MR.BOX袖珍模型創作個展


2016年11月22日 星期二

【台北】中山日本料理廳:優質貼心服務

12 November 2016, Saturday

Honey的朋友過來台北公幹順道吃個飯,團長建議到老爺大酒店食日本菜。


【南投】娜嚕彎渡假景觀木屋民宿。觀星一流,設施N流

16 July 2016, Saturday

一生必要去一次的清境農場,我終於來了!

重申:正值暑期旅遊高峰期,幾日前先訂房,有得瞓都偷笑,唔敢有要求,包括晚餐、早餐及房內設施。缺點多多,零晨時分觀星卻是地點一流,Honey的360相機+Planet效果更是誇啦啦~

6:00PM 到達民宿

呢間係民宿入面嘅餐廳,外觀確係幾唔錯嘅~


2016年11月17日 星期四

【台中】南瓜屋紐奧良義式餐館(魔女露露的廚房):熊海策略

16 July 2016, Saturday

清境農場,清境農場... 呵呵呵... I'm coming!

從台北一直殺落清境的路途實在遙遠,一直要搵個地方休息下兼填下肚,週休團長選擇咗我同Honey未去過的台中!(話實我地好多地方都未去過)

無準備功課,又無訂位的情況下,選擇不多。仲要考慮埋有無位泊低架車,最後決定泊入誠品,係草悟道附近搵食。

呢間餐廳外型可愛,仲Full晒要等位,應該幾好啩?!(嘿,等陣你就知)

【南投】清境農場。夜觀星海

16 July 2016, Saturday

** 部Samsung Galaxy S7 Edge 6月中先買,10月尾已經想爆Memory,唔寫Blog唔得啦 **

清境農場-來台前誓言一定要去的地方!

聽就聽得多,去都係第一次,但其實唔知係邊,仲以為係台中,哈哈。(話實,我來台前真係勁無知,我真係以為台灣分3個大區-台北、台中、台南,而家諗起都覺得自己低能)

今天天氣呵呵呵!藍天白雲,非常之好,朋友很貼心,開車過來天母接我地,然後一齊出發。

2016年11月12日 星期六

【台北】談話頭家常菜:覓雷台北

31 May 2016, Tuesday

話說... Honey一位對食非常有要求的朋友來了台北工幹數天,聽說是路過偶遇的...

咁大地方都遇到,咁有緣份,點可能唔一齊食餐晚飯呀?!

餐廳由朋友精心挑選... 朋友來台前做足功課,盛讚網上有心人將阮覓雪推薦的台北餐廳集結成文...

咩話?!又係阮覓雪?!我屋企人復活節果陣先比佢個台北美食節目“扇”咗一o野咋喎。

今次都唔例外!有雷慎入!原來,地雷唔係西門町專利。好彩,係朋友話要來,唔係我地建議。

朋友盡叫餐牌上的特色菜~


乾炒臭豆腐 NT$230
-好臭!救命!隔離枱叫蒸的,更臭,嘔!朋友一食就話唔掂,向服務員提議下次加1樣配料就Wonderful,服務員聽都唔聽望都唔望,有點沒禮貌。

【台北】白木屋:只怕“會”再遇上

21 June 2016, Tuesday

好忙碌的一天!

2016年11月10日 星期四

【台北】MiaCucina:難怪一直座無虛席

26 June 2016, Sunday

每次路過MiaCucina,門外的座位都已被坐得滿滿。有嘗試過入去,Full House,無位!之後一直無醒起要去,擱置至今。睇落大把位,但都要在門外等待。

2016年11月9日 星期三

【台北】華山文創。「吉卜力的動畫世界」特展

28 June 2016, Tuesday

期待已久的「吉卜力的動畫世界」特展!

雖然我一早上網用早鳥優惠訂定飛,Anytime可以去,但都唔敢第一時間衝去睇,怕真係會多人到夾扁自己。

2016年10月20日 星期四

大大鑊:oppa親手做的愛心韓國菜

27 May 2016, Friday

又係韓國菜。
又係尖沙咀。
又係厚福街H8。

就來全座H8比我地食晒!

係公司做到天昏地暗。台山四寶不斷Send相來,找屎嚒?

我趕到過去尖沙咀,排埋隊搭𨋢,佢地已經落完Order。所以,我唔知佢地叫咗咩餸幾錢。總之埋單就夾錢。

【台北】Aunt Stella:午後の純粹時光

15 February 2016, Monday

繼續「十世唔Update」.jpg系列~

2月尾食,10月尾寫,足足8個月!

其實真係每日都好忙,又要上堂又要做功課,仲要飲飲食食,開始羨慕齋食唔寫Blog的人。

長話短說,純粹路過對腳攰攰地,喉嚨渴渴地,咁啱間餐廳又有位。

【台北】下港吔(耶)羊肉爐:瘋膻小綿羊

24 February 2016, Wednesday

真係「有無再耐D呀」.jpg

2月尾食,10月尾寫,足足8個月!

其實真係每日都好忙,又要上堂又要做功課,仲要飲飲食食,開始羨慕齋食唔寫Blog的人。

長話短說,天氣涼涼地,朋友約食羊肉爐,係佢公司附近,佢同事推薦,That's all。

貓兄話我揀餐廳係食環境,其實唔係囉,起碼朋友帶到我來呢度,我都肯行入去吖。


2016年10月14日 星期五

【台北】絲路宴互動式餐廳:為了Westin而暴肥的價值何在

30 March 2016, Wednesday

Honey的朋友送了2張Westin的Buffet餐券比佢,好開心呀,我可以奉旨食“暴肥”啦啦啦~

今次真係出路遇貴人喇~(似乎,有人開心得太早)

張餐券聽日到期,仲趕得切今日來吃Lunch,好Lucky呀~(似乎,有人開心得太早)


【台北】萬年排骨芝山:它來自地雷町

2 March 2016, Wednesday

在芝山捷運站旁邊有好多餐廳,不可能逐一去試。

看到這個西門町老店好像很多人在吃,應該不賴吧。


2016年10月7日 星期五

【台北】明星咖啡館:羅宋湯。俄羅斯的傳統

7 June 2016, Tuesday

1949年白俄人喬治艾斯尼(George Elsner)隨國民政府來台,相識台北人簡錦錐,並於北市武昌街一段5號開設「明星西點麵包店」,當時為西門町唯一的西點麵包店,轟動一時,也深受前總統蔣經國夫婦喜愛。

1950年於二樓開設「明星咖啡館」,成為當時外國人首屈一指的西餐廳,尤其是俄國人蔣方良女士,更愛於此會見俄國人士,一解鄉愁,回味俄國料理。聆聽家薌音樂。

以上歷史,轉載自官網。

【台北】臺灣文博會 Creative Expo Taiwan

20-22 April 2016, Wednesday

一年一代創意界的大型展覽-臺灣文博會,今年以「品東風」為題,來自文化沙漠的我,當然要來取經。

一早就上網預先申請定入場證。


文博會有幾大型?咪就係大型到要出動晒「華山 1914 文創園區(工藝領域)」、「松山文創園區(設計領域)」、「花博公園 爭艷館(授權領域)」3大展館!

展覽為期5天:2016 年4月20至24日。

錯過了的朋友可到官網 https://creativexpo.tw/ 密切留意2017年的動向。

【台北】豆腐村:任你食都係1 Round完

3 May 2016, Tuesday

第一次係高島屋搵食,Food Court間間餐廳都好似好吸引,但真係要揀時又唔知點解唔啱心水,結果上咗12樓食街,餐廳有好多間,呢間豆腐村係唯一中午滿人兼排長龍的。


【台北】禪日本料理:沒有預期的差劣服務

26 May 2016, Thursday

今日路經此地,順道醫肚,係大葉高島屋百貨入面見到間裝修幾唔錯嘅日本餐廳,午餐價錢比附近餐廳貴,搞到我誤會咗係好o野o黎,咁就出事喇~


【五股+林口】維格鳳梨酥夢工場DIY體驗+三井OUTLET 半日遊

24 April 2016, Sunday

Honey的朋友Book咗維格鳳梨酥DIY,邀請我地一齊去,我一聽見係烹飪班,不加思索仆到去,點知...


2016年10月6日 星期四

【宜蘭】礁溪庄櫻桃谷:櫻桃鴨六吃。鴨迷滿FUN

18 June 2016, Saturday

遊畢望龍埤,吃罷赤魁屁屁堡,擦埋食光寶盒,去埋宜蘭東森海洋溫泉酒店食Tea Buffet同浸溫泉,宜蘭日食4餐1日遊最後一站來到...都係食!

第5站:礁溪庄櫻桃谷


2016年10月5日 星期三

【宜蘭】宜蘭東森海洋溫泉酒店:最近距離接觸龜山島

18 June 2016, Saturday

遊畢望龍埤,吃罷赤魁屁屁堡,擦埋食光寶盒,宜蘭日食4餐1日遊仍需繼續努力~

第4站:宜蘭東森海洋溫泉酒店


天氣同女人的情緒一樣,變得快過四川變臉。 聽講呢間溫泉酒店係最接近龜山島的陸上建築物,「海底黃金溫泉」係來自海底地下岩層800公尺的氯化物泉,聽講係世界罕見。



【宜蘭】食光寶盒蔬食主題館:清秀脫俗。素中仙子

18 June 2016, Saturday

遊畢望龍埤,吃罷赤魁屁屁堡,繼續宜蘭日食4餐1日遊~

第3站:食光寶盒蔬食主題館

剛才的漢堡仲頂住個胃,而家又食喇~


【宜蘭】窯烤山寨村:整鬼整怪。4人大轎巨型漢堡

18 June 2016, Saturday

遊畢望龍埤,繼續宜蘭日食4餐1日遊~

第2站:窯烤山寨村


【宜蘭】日食4餐1日遊

18 June 2016, Saturday

來台半年,第1次跟1日團,8點未夠要去到台北車站集合,倒塔咁早!唉,無計,宜蘭假日超塞車,唔早D出發只能在高速公路上旅遊。

一早起身,天色非常好,正!


第一站:望龍埤


【台北】牛店 x 108 Matcha Saro:4日3夜Yummy Girls旅行團閉幕

4 June 2016, Saturday

「4日3夜日食8餐Yummy Girls旅行團」話咁快就來到最後一日~嗚嗚嗚嗚~

話說,我近10年6月4日都會食齋,不過老友食家一場來到,仲Plan好晒所有行程,我咩都唔使準備,我早2日先醒起今日要食齋,唔想掃對方興,所以無出聲。留返今晚先食齋都一樣得嘅啫,其實都係自己一點點心意,無話強制性嘅~

尋晚先西門町完,今朝又西門町?!

乜你D香港遊客真係咁鍾意西門町?!

都係果句,我除咗返學,好少踏足西門町,因為果度真係好遊客區,好似返咗香港旺角咁。

言歸正傳,是日早午餐:台灣牛肉麵!


【台北】蛙咖啡:〝用挖的〞咖啡。妙哉之午後

2 October 2016, Saturday

Yo,躲懶咗1個月嘅小精靈訓練員要再次出動啦~

北投公園已經唔能夠滿足佢嘅野心。

今日目標:紅唇姐!香港又名「你私煙」。

聽聞大稻埕碼頭廣場係佢嘅「蛇竇」,一於去直搗黃龍。

嗯,係直搗紅唇至啱。

欲成大業,糧草先行!一杯CP值高的Coffee免不了。

2016年10月3日 星期一

【台北】熊一頂級燒肉料理:挪用「頂級」之名

3 June 2016, Friday

「4日3夜日食8餐Yummy Girls旅行團」第3天行程:鶯歌老街+陶瓷博物館,Done!!!

一日極速遊完鶯歌,5點左右又要趕火車回台北,為的是... 老友食家一早響香港就訂晒位嘅「吃到飽」烤肉!

「吃到飽」即係我地香港嘅任飲任食。

2016年10月2日 星期日

【鶯歌】陶瓷DIY手作體驗一日遊

3 June 2016, Friday

「4日3夜日食8餐Yummy Girls旅行團」第3天行程:鶯歌老街+陶瓷博物館!

出發前係台北食個飽飽早餐先,然後去台北車站買區間車票。11:00左右上車,車程約1小時,到達已經中午。


2016年9月30日 星期五

【台北】米朗琪咖啡館:美好的一天,由豐富早餐開始

3 June 2016, Friday

「4日3夜日食8餐Yummy Girls旅行團」第3天行程:鶯歌老街+陶瓷博物館!

出發前係台北食個早餐先~


【台北】平安京茶事:青青的我走了

2 June 2016, Thursday

「4日3夜日食8餐Yummy Girls旅行團」第2天行程由桃園大溪花海改為台中市中區走透透!

只逗留台中市3個小時,老友食家急急腳趕回台北的原因是......


2016年9月29日 星期四

【台中】4日3夜Yummy Girls旅行團。桃園水浸的另類選擇

2 June 2016, Thursday

「4日3夜日食8餐Yummy Girls旅行團」第2天行程:桃園大溪花海!

嗯... 係原定行程至真。

去旅行同做人一樣,要看風使利。

見勢色唔對,仲舂個頭埋去咩?!

都係果句,跟呢個旅行團最正係咩?最正咪就係我咩都唔使準備囉~

【台北】LeTAO 小樽洋菓子舖:4日3夜Yummy Girls旅行團掀幕

1 June 2016, Wednesday

好多謝老友食家喺香港坐車過嚟台北搵我去食食食好嘢……

咁犀利,香港有車坐去台北?

唔好問我,佢坐邊架車嚟台北,我都唔知。

「4日3夜日食8餐Yummy Girls旅行團」正式展開~(♫齊鼓掌,歌聲唱今晚開心唱請欣賞♫)

跟呢個旅行團最正係咩?最正咪就係我咩都唔使準備,只要係集合時間係集合地點現身即可!零準備,有食殘廢餐的感覺!

【台北】我們這一家。復活大旅行。Day 5

29 March 2016, Tuesday

行程:陽明山(花鐘→採海芋→吉園葡花園野菜餐廳→小油坑→夢幻湖→擎天崗大草原)→阿里郎村落

行程第五日,A隊B隊繼續租9人車(連司機),走更遠的路!今日全日陽明山,齋食玩無得買。

第一站:花鐘

天氣繼續靚到暈~


2016年9月22日 星期四

【萬里+瑞芳+平溪】我們這一家。復活大旅行。Day 4

28 March 2016, Monday

行程:野柳地質公園→九份老街→金瓜石→十分瀑布→十分老街→靜岡勝政日式豬排

行程第四日,終於唔使驚塞車,可以走得更遠。A隊B隊租咗9人車(連司機)繼續努力食玩買!

原定行程無野柳地質公園,司機見天氣好,臨時建議增加行程,That's Great!

第一站:野柳地質公園

天氣靚到暈,逗留時間再多也覺得不足夠~

2016年9月17日 星期六

【台北】我們這一家。復活大旅行。Day 3

27 March 2016, Sunday

行程:華山1914文創園區→誠品書店/101/LineFriends專門店→西門町→女娘的店

行程第三日,C隊先行撤退,A隊B隊繼續努力食玩買!

星期日四圍都人多車多,唔想浪費時間係塞車上,選擇係市區坐捷運四處行下,係驚長輩級辛苦D啫,所以行程比較少。

第一站:Syntrend Food Court

首先填飽個肚先。

第二站:華山1914文創園區

後生嗰啲開心到四圍跑,時間有限,唔可以入去睇展覽,只可以走馬看花式咁影下相。

2016年9月9日 星期五

【台北】陶板屋:CP值高的PMG小精靈套餐

22 August 2016, Monday

係PMG小精靈訓練員聖域北投公園捉小精靈捉到日日嘗試新餐廳,早幾日嚟呢間陶板屋Walk-in一早就冇曬位,今日出發前打定電話Book位,終於有得食。


【台北】窩是咖啡:旅人歇腳點

29 August 2016, Monday


上次去圓山無意中搵到呢間Vis Cafe窩是咖啡,覺得幾好,今日路過士林,想坐低歇腳飲杯嘢,第一時間就諗到佢哋士林間分店。(嘿,原來連上次嗰篇都未寫)


【台北】Kuma Cafe:支持熊本熊故鄉

23 August 2016, Tuesday

今日路過中山區,見到之前熊本地震時,會捐出營業額20%作為地震支援金的Kumacafe,食完午餐雖然好飽,都想支持下,結果都上咗去飲杯嘢。

2016年9月1日 星期四

【台北】春乃家:很好抓小精靈的日本餐廳

25 August 2016, Thursday

為咗捉小精靈,你可以去到幾盡?

自從Pokémon Go(寶可夢)登錄台灣,我哋每日都早出晚歸,自然要順便搵下新餐廳慰勞一下辛勞嘅小精靈訓練員啦~

呢幾日都係來傳說中非常非常非常之多小精靈嘅北投公園,捕捉小精靈之前當然要醫飽個肚先啦!

要成為一個專業嘅小精靈訓練員,當然要知道邊間餐廳多小精靈補給站同埋多小精靈出現。經過連日嚟嘅調查,我哋發現呢間日本餐廳,可以去到小精靈聖域北投公園三個補給站咁多,一路食一路捉,短短一餐飯時間,真係捉到手軟。

2016年8月26日 星期五

【台北】掬月亭:很好抓小精靈的美味日本餐廳

18 August 2016, Thursday

為咗捉小精靈,你可以去到幾盡?

自從Pokémon Go(寶可夢)登錄台灣,我哋每日都早出晚歸,自然要順便搵下新餐廳慰勞一下辛勞嘅小精靈訓練員啦~

呢幾日都係來傳說中非常非常非常之多小精靈嘅北投公園,捕捉小精靈之前當然要醫飽個肚先啦!尋晚中伏於不少遊客向我推薦過蓬萊精緻台菜,今晚都係靠自己吧啦~

係Google Map搵到呢間Rating 4分的日本餐廳,係正北投公園對面,大熱天時,唔想再行咁遠,就呢度啦~

係星巴巴樓上,樓梯好窄好斜,僅僅夠1個人上落,從大街上抬頭秈到的餐廳招牌好簡單唔多吸引,時間尚早,進入餐廳時僅得我地1枱客,阿姨見到我地的手機已經知道我地嘅職業-小精靈訓練員!就帶我地去窗邊笑住話:這裡很好抓!

簡單的一句說話,就輕易打破了隔膜,大家都忍不住哈哈大笑。