網頁清單

2010年3月30日 星期二

Wildfire

28 March 2010, Sunday

天氣回暖咗小小, 又有太陽, 去赤柱食Lunch一流...


去到美利樓, 4間餐廳有2間食過, 又唔想食西班牙Buffet, 所以就揀咗呢間...


門口Receptionist力Sell我地有早餐又有Set Lunch, 但係入到去, D侍應淨係比貴價Menu比我地睇... 要問佢拎先拎到呢2個餐牌... 大家留意下, 佢印住Unlimited Bloody Mary...


Soup of the day--竟然係蘑菇湯... 早知就要Tuna Nicoise Salad好過...



Roasted Beef Rib Eye Steak--我地要Well Done, 好Un呀...



Daily Dessert--布丁... 唔係我杯茶... 不過粒士多啤梨好多汁...


Big Hungry Man's Breakfast--薯仔粒好香口, 沙律都唔錯, 煙肉都好好味...


 又話Unlimited Bloody Mary... 得杯餐飲... 呃錢呀... 問咗個侍應, 佢又走去問其他人, 冇人答到佢, 佢就閃埋, 冇再出現, 太離譜啦!!!


我地選擇坐Balcony, 可以一邊進餐一邊欣賞風景... 代價係... 吹到頭都赤...



可能天氣實在太好, 竟然有最小6對新人去赤柱影婚紗相, 仲要企到咁近影, 可想而知, 有幾迫人...


行完赤柱大街, 返屋企前去咗順興潮汕滷味專門店買滷水鵝返屋企開餐, 正!!!


 Wildfire又貴又唔好食, 仲要唔老實, D侍應全部好似第一日返工咁, 仲要笑容欠奉, 廁所仲要係商場公廁, 冇下次呀!!!


是次每人消費約$125元
味道: 2 環境: 4 服務: 2 衛生: 3 抵食: 1
###
地址 : 赤柱赤柱廣場美利樓號201舖
電話 : 2813 6161


2010年3月27日 星期六

丸子頭

27 March 2010, Saturday

農曆年前見到好多美少女都紮住呢個頭, 自己又好想試下, 可惜一直失敗...


之前有嘗試上網搵, 但D料唔多實用... 繼續失敗...


去鑽媽屋企拜年, 諗住有專家教路, 冇理由唔得架... 可惜, 佢似乎唔係好明我想要D咩... 好正常嘅... 因為我當時形容個頭好似噴泉咁... 哈哈哈...


今日響屋企無無聊聊, 又再上網搵, 終於都比我搵到啦!!! 有D人會叫佢做"包包頭", 又有人會叫佢做"丸子頭"!!! 原來要整得靚, 係要買好多道具架...


睇完一個好有用嘅YouTube短片, 係唔用道具嘅情況下, 我終於都整到啦, Yeah!!!







2010年3月21日 星期日

洋紫荊維港遊

20 March 2010, Saturday

舊年去唔成法國, 下定決心今年一定要去, 已經計劃好晒, 準備報6月尾出發嘅團... 可惜... 最後發現撞正同事放產假,  Oh No......


所有之前Research好嘅資料同Plan好晒嘅o野, 一下子冇晒用, 激死人啦......


無計可施嘅情況下, 唯有搵舊年帶我地隊嘅導遊, 問下佢5月有咩團推介... 咁啱原來佢地公司呢個星期六有新團發報會, 就叫咗我地去睇下...

發報會係船上面舉行, 係北角瑪頭上船... 我咁大個女, 都係第1次去北角瑪頭咋, 平時坐小巴係出面條路路過就試過...

我地早咗半個鐘到, Honey話大把時間, 不如影下相先啦... 好... 等我補補妝先...


OK! Camera, Take One...


嘩, 原來船上面好大o架, 足足擺咗26張枱... 超過250個翠明之友聚首一堂...


小吃同飲品以自助形式無限量供應... 仲有三文治同炸春卷炸咖哩角之類...


開船啦...


發報會主要講解郵輪旅遊... 嘩... 去25日要8萬幾蚊呀... 好Crazy呀!!! 之後會有小小時間講解下其他皇牌行程, 我地就睇啱咗東歐10天, 5月中出發, 貪佢已經成咗團, 唔使臨出發前7日先知唔成團又要煩餐死!!!


發報會完成後, 我地就即場報埋名... 原來係發報會即場報名, 除咗有"早報名"優惠, 仲有不定額嘅"私人醒"優惠o架!!! Yeah!!! 慳唔小呀!!!


報完名都仲有D時間剩, 可以上夾板吹下海風, 影下相, 欣賞下風景... 呢個免費嘅假日節目真係唔錯!!! 係唔記得食暈浪丸, 又冇帶話梅, 搞到有小小暈船浪啫....


2010年3月19日 星期五

IMAX 3D AVATAR

17 March 2010, Wednesday

12月果時想去睇, 可惜D飛買到2月尾都買晒... 見週圍都落晒畫, 仲以為已經冇得睇... 點知... 上星期五同貓兄去睇3D Alice, 上網買飛時, 發現阿凡達仲有得睇... 可惜去到3月尾都係Full晒... 但係如果平日Office Hour就有大把位揀... 咁... 唯有掉假啦...


我地坐尾二個行, 一D都唔覺得暈, 係個眼鏡太緊, 整到塊面好多紅印, 過咗半個鐘先退晒...



呢間戲院嘅等候區好正, 好多位, 仲有空中花園, Very Good!!!


由於套戲D時間好咔啦, 所以我地去睇之前, 食咗個豐富早餐, 睇完戲就係番iSquare食下午茶... 呢間餐廳, 我懷疑得3個員工... 經理就同人開緊會... 男侍應長期消失, 只會係上菜時出現... 女侍應更加有一段長時間比男侍應CALL咗入廚房, 店面完全進入真空狀態... 我Order嘅呢個士多啤梨吐司, 塊麵包仲燶過日本卡通人物"烘燶麵包", 仲要半粒鐘先上到, 我勁懷疑係個男侍應(貌似16歳)整嘅囉... 咁究竟廚房有冇請人架... 我地入去坐時, 全店得1枱客, 仲要係1個人食緊, 另1個人等緊, 點解我個餐都要等咁耐架...
呢間野, 絕對冇下次!!!


食飽飽去咗旺角報名去旅行, 不過最後都未報, 等星期六先報...


之後去埋MK1換銀行禮品, 全日行程極之緊密!!!


晚飯係佐敦醉X樓食客家菜... 同幾年前食果陣, 實在差太遠...
侍應迫我地Order 2-4人餐, 結果我地要打包2大盒餸走...
仲要當晚食完勁口渴, 肯定落咗味精!!!
仲要第二日Lunch叮黎食完之後, 飲咗10杯水依然口渴, 更更更肯定落咗好多味精!!!
結果, 第二日Dinner要煲D清水, 滾熱D食物, 將D味精迫番出黎, 呢餐食完終於冇勁口渴...


為咗健康著想, 我唔會再去醉X樓食飯架啦, 好恐怖呀!!!


2010年3月18日 星期四

嚐越 Deli Viet

15 March 2010, Monday

上星期五先同貓兄見完, 今日又再見啦!!! 我地一齊嘆完咖啡, 然後就去IKEA行街街, 多謝貓兄杯咖啡先...


行到8點就去餐廳同KaKaMa會合... 印象中... 已經好耐冇一齊食飯...


我地Order咗1個2人餐, 再散叫小小野, 已經放到張枱爆晒... 睇到坐係附近嘅幾對小情侶眼突突...


(餐)串燒沙嗲豬牛伴水晶粉沙律--唔好食!!! 冇肉味, 亦冇燒味!!! 水晶粉個樣勁唔吸引, 冇嘗試去食...


(餐)法國牛油焗大頭蝦伴濱海--個蝦都OK!!! 嘩... 個濱海... 冇味嘅...


(餐)馬拉盞炒海鮮--呢味出奇地美味...


(餐)嫩湯野菜鍋--貓兄話好正喎, 我就覺得同清水冇分別...


(餐)嫩菜湯粉--完全冇味!!!


(餐)蕉葉椰香甜米卷--都唔知自己食緊咩...


(1蚊小食)青瓜雞絲沙律--嘩!!! 好苦呀!!! 好難食!!!


嚐越脆春卷--OK!!!


翠苗酥炸軟殼蟹--OK!!! 好足料!!!


嚐越咖哩牛腩--好味!!!


煙肉蒜茸包--唔覺有煙肉, 蒜茸味好勁!!!


總括黎講, 散叫嘅食物OK, 但信用卡套餐同1蚊食物好唔掂!!!


是次每人消費約$180元
味道: 2 環境: 3 服務: 3 衛生: 3 抵食: 4
###
地址 : 九龍灣偉業街33號(港鐵九龍灣站上蓋)德福廣場第二期510-513舖
電話 : 3694 0329


2010年3月13日 星期六

愛麗絲夢遊千両 Alice in Sen-ryo

12 March 2010, Friday

我的第一次... 就咁就比咗貓兄啦!!! 哈哈... 唔好諗錯隔離, 我係講緊第一次睇3D電影... 同埋第一次去The Grand Cinema... 同埋第一次去千両...


睇戲前去咗千両醫肚, 因為D網友講到起碼要排1個鐘以上, 所以我地都係諗住見機行事... 點知... 6點半去到, 排咗一陣就入得啦, 好o野...


吉列炸蝦卷--哈哈哈... 實在太肚餓啦, 攪到一人隊咗一舊炸蝦卷先醒起未影相... 熱辣辣... 正!!!



日本特大帶子壽司(左)--好鮮甜呀, 冇得彈...
劍魚腩壽司(右)--唔記得問貓兄嘅意見添...



鱈場蟹壽司--人間極品, 啖啖肉, 好新鮮, Ichiban!!!



海蟃壽司--又一人間極品, 淡淡的蟃魚味, 超幼細嘅魚骨, 軟棉棉嘅肉, Yummy!!!



左口魚鰭軍艦--店員極力推介!!! 食落煙煙韌韌, 有D似魷魚... 有小小小小腥... 貓兄話好正!!!



三色軍艦--我食咗中間嘅帶子軍艦, 好鮮甜, I Like It!!!



厚燒甜蛋--燒得好乾身, 唔散, 不過我鐘意甜D...



鰻魚壽司--個皮燒得好香, 強勁嘅鰻魚, 買飛佛!!!



慘啦, 佢好食過X氣好多呀, 點算呀... 我驚我第時會忍唔住成日去呀... 貴咁多, 成日食唔多掂喎...


是次每人消費約$180元
味道: 4 環境: 4 服務: 3 衛生: 4 抵食: 3
###
地址 : 尖沙咀柯士甸道西1號九龍站圓方1樓1086號舖
電話 : 2196 8209


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


食飽飽仲有廿分鐘就開場, 時間啱啱好!!! 我地今晚去The Grand Cinema睇3D愛麗絲夢遊仙境... 坐最後一行嘅中間位置, 套戲好正好好睇呀!!! 不過睇完個頭有小小痛, 同埋胸口有小小翳悶, 要快D瞓教教豬先得啦...