網頁清單

2010年12月31日 星期五

3D Tron Legacy 創戰記

25 December 2010, Saturday


聖誕節睇咗套一D都唔3D, 質數比美VCD嘅鬆郁矇3D電影... 電影本身冇問題...


我帶去的REAL3D眼鏡不適用... 原來唔同戲院個3D眼鏡係唔一樣架...


呢間戲院D(左綠右紅)眼鏡又矇又反光... 唔好話3D效果, 睇普通嘅畫面都成問題, 絕對係朦查查...


D座位竟然係普通2D座位... 唔似其他戲院咁, 已經改裝成座位好寬敞舒適嘅3D影院...

怪唔得3點幾都仲買到5點幾嘅戲飛啦... 我唔制呀... 浪費咗套戲呀~



~~~ 搞笑外傳一則 ~~~


等候入場期間, 竟然見到顯示屏出現咗句咁嘅野... 請稍後??? 你想叫人企後D呀??? 唔會係想叫人耐心等候啩???


2010年12月30日 星期四

平安2010夜

24 December 2010, Friday


今年平安夜同屋企人渡過, 美酒佳餚缺一不可!!!


唔知大家有冇咁嘅經驗, 就係偷懶, 全部食物ORDER同一間到會!!! 坦白講, 已經食到會食咗十幾年, 真係冇一次係好食架, D野食凍冰冰乾爭爭, 仲要經常遲起貨... 今年由老大操刀, 剩係ORDER壽司, PIZZA, 鹵水鵝... 其餘小吃自家制... 食得安心又開心...


祝大家2011年快快樂樂, 健健康康!!! 食得瞓得, 哈哈哈哈~


2010年12月29日 星期三

Feast (Food by EAST)

21 December 2010, Tuesday  

呢個12月真係好忙, 食唔停咁... 今日公司請食飯, o黎咗太古城新開嘅酒店「東隅」食半自助午餐...






餐包--呢款薄脆好香好好味...


自助頭盤--造型超精緻, 呢個蛋批都幾好味...


豬脾釀咗西梅, 好好味呀... 仲有我至愛嘅南瓜, 忌廉薯仔, 焗蕃茄... 未食主菜已經飽到唔郁得...


香煎龍脷柳、煙肉青豆蓉--我的主菜, 龍脷淡咗D, 青豆蓉好好味...


燒火雞、栗子釀餡、金巴利籽汁--同事的主菜, 份量超大...


印式羊肉咖哩配乾菓烤包--同事嘅羊咖哩超正, 我見佢食完D包都仲係咁食D咖哩, 可想而知有幾好食...


燜燒牛肉、鮮茄、星型意粉--平時練仙嘅同事食完2大碟頭盤都可以幹掉全碟, 味道可想而知... 聽服務員講, D意粉未煮之前仲細過粒米, 好KAWAII呀...


自助甜品--蘋果批好好味, 平時我唔多食, 今次都食得晒, 朱古力CUP CAKE上面嘅咖啡慕士超超超好味, 又香又濃...


我出去拎甜品時, Tiramisu已經冇晒... 因為比同事拎咗一大碟, 見佢全部幹掉, 肯定好好味啦...


其實我未食晒所有款式, 奈何太飽, 真係食唔落啦...


餐飲--食到咁飽, 一杯熱檸檬茶就至FIT...


坐係落地大玻璃側邊, 配合柔和嘅陽光, 寬闊嘅空間, 寧靜嘅環境, 真係好嘆好嘆...


是次每人消費約$207元
味道: 4 環境: 4 服務: 4 衛生: 5 抵食: 4
###
地址 : 太古太古城道29號東隅1樓
電話 : 3968 3777


2010年12月28日 星期二

福臨門 Fook Lam Moon [少林食神の推介(三)]

20 December 2010, Monday  

之前少林食神帶我地去完桃花源小廚 Tim's KitchenOlala搵食之後, 真係食過番尋味... 今次佢再邀請我地一齊去連續三年都係《米芝蓮指南》(Michelin Guide)上榜嘅富豪飯堂「福臨門」進膳...


照舊係由佢係唔使睇餐牌嘅情況下落Order, 由於佢係熟客, 所以都好好Service... 仲開咗壺私家茶--紫茶(95年嘅生普洱)--比我地品嚐, 真係幾好飲, 唔似平時D普洱咁黑蚊蚊...


餐廳內裝修簡潔鮮明, 好過灣仔分店好多, 起碼感覺上都乾淨D...


酸薑皮蛋--D酸薑好好味呀!!! 唔辣又冇根, 要用5-6月份嘅子薑先可以做到咁嘅效果, 聽講剩係供應比佢、鏞記酒家、大班樓... 皮蛋好好味, 冇皮蛋果D怪味, 我平時唔鐘意食皮蛋, 今晚都食到唔停得口...


椒鹽田雞脾--好好好味呀!!! 比平時食到嘅多肉好多, D肉又嫩, D骨仲好細, 上枱熱辣辣, 好正呀!!!


老火湯--D材料好似有成10種, 好夠味, 最利害係, 煲完D豬肉依然好味, 仲要成碗湯1滴油都冇, Very Good呀!!!


羊腩煲+唐蒿--超超超好味!!! 羊腩起晒肥膏, 3斤起剩1斤, 好彈牙, 又唔硬, 好得呀!!! 我自己一個人食咗半煲, 哈哈哈~


脆皮炸子雞--又一好味之作, 平時我食雞一定唔食皮, 但係今晚食晒, 因為佢真係一D肥膏都冇, 肉嫩多汁, 好有雞味, 正正正!!!


馬仔--好重蛋味, 又唔粘牙, 好正呀!!!
合桃露--好重合桃味, 重有粒粒合桃碎, Good!!!
美點雙輝--少林食神話可以不理, 不過我包咗返屋企做宵夜, 我都覺得好好味喎, 皆因紅豆係我至愛, 佢香得o黎又唔會過甜, 正!!!


今晚呢一餐我照滿意!!!


原本我地今晚係想去大班樓, 不過FULL咗, 去稻菊又驚唔夠時間慢慢嘆, 希望下次有機會去啦~


是次每人消費約$540元
味道: 5 環境: 5 服務: 5 衛生: 5 抵食: 2
###
地址 : 尖沙咀金巴利道53號8號舖1樓
電話 : 2366 0286


2010年12月27日 星期一

黑加倫子香檳半圓球蛋糕 Cassis Champagne Creme Brulee Cake @ COUP KITCHEN

16 December 2010, Thursday


第3次黎Coup Kitchen上堂, 今次冇人生日, 冇野要慶祝, 只係為咗試下眾BLOG友都讚不絕口, 連續幾個月都報唔到嘅皇牌Course--黑加倫子香檳半圓球蛋糕 Cassis Champagne Creme Brulee Cake!!!


有一半以上失手變咗花面貓, 有1隻除模時直情由高處隋下Certify, 點解??? 點解我咁失敗??? 心情直插谷底...


~~~~~~~~~~~~~~~~~~~~ 制作過程 ~~~~~~~~~~~~~~~~~~~~



報讀皇牌Course嘅後果係... 準時上堂, 都只係剩番最尾最入咩都執輸過人嘅死位...







呢... 左上角果件就係除模時由高處隋下嘅復生者, 原來阿Sir嘅助手見到呢位死者, 唔忍心, 放入雪櫃前幫佢做深切治療, 令佢可以繼續生存落去... 不過都毀咗容...


~~~~~~~~~~~~~~ 導師 Alfred 的示範及作品 ~~~~~~~~~~~~~~




~~~~~~~~~~~~~~ 免費試食 雙層雲石芝士蛋糕 ~~~~~~~~~~~~~~


我地上堂之前一晚係教"雙層雲石芝士蛋糕 Double Layer Marble Cheese Cake", 焗緊D餅底期間, 阿Sir請大家試食, 唔使大家企係響樹呆等... 都幾好味架, 下次都可以試下Take呢個Course...


2010年12月26日 星期日

海景咖啡廊 Café on M

15 December 2010, Wednesday


一年一度嘅拉力早聖誕"暴肥"終於來臨... 之前一日先啱啱去完澳門食食食, 今日又即刻食暴肥, 真係想唔肥都難... 今年有早兄做東, 食得特別起勁...


張枱對住個景可謂有辣有唔辣... 有維港無敵夜景, 仲加個地盤, D射燈幾乎整盲我對眼...


開頭仲諗, 點解食BUFFET都有簽求... 之後就聯想到係出去拎食物時, 可以放低支簽, 唔使企係外面等...


海鮮不錯, 不過隔離枱之前曾經幫襯嘅客人, 好似勁不滿D生蠔質數差咗好多...


凍肉都OK...


蒸魚好正, 係用蒸籠上... 咖哩都好得...


甜品好得, 特別係朱古力Cream Brulee, 正正正... HD 雪糕又係冇得彈...


壽司質數一般啦...


BBQ就好一般...


生果唔甜嘅...


再戰 HD雪糕, 呵呵呵呵...


交換聖誕禮物時間... 早兄制作嘅SAMPLE, 我一定會整得好過佢, 好有信心, 哈哈哈~


轉眼就10PM, 雖然我7PM開始食, 但係都勁唔夠時間比我試食晒所有食物, 唔制呀, 食得咁小, 蝕底呀!!! 


是次每人消費約$403元
味道: 4 環境: 4 服務: 4 衛生: 4 抵食: 3
###
地址 : 尖沙咀麼地道70號海景嘉福酒店M層
電話 : 2731 2860


2010年12月25日 星期六

D D B 澳門「食食食」一日遊の波爾圖 Est. de Comida Portuguesa "Porto"

14 December 2010, Tuesday


18:45PM 波爾圖 Est. de Comida Portuguesa "Porto"


我地係官也街買完手信, 又再食食食啦, 哈哈哈哈... 由於趕船期, 又對D出名食店大失所望, 唔過呢間鋪頭見到$34一個晚餐, 好抵喎, 雖然唔識佢, 不過都要入去了解下先...


雜菜沙律--D黑醋沙律汁味道好奇怪, 蔬菜本身尚算新鮮...


葡式乳豬釀飯--見到D貌似本地人嘅客人食緊, 好似好正咁, 所以ORDER黎試下, 真係好好好味呀D乳豬, 全日唯一驚喜!!! 不過呢個唔係$34, 而係$128...


香草燒牛仔肉--$34蚊, 分量唔細, 唔難食嘅, 總之食得飽你啦...


我地好快食完就去趕船, 竟然好快有的士, 去到碼頭仲竟然可以搭早一班船(7:30PM), 爽呀!!!


次次都話唔買咁多手信, 結果都係買咗一大堆, 不過... 全部都係比我自己食架, 冇你地份, 呵呵呵呵~


是次每人消費約$100元
味道: 3 環境: 3 服務: 3 衛生: 3 抵食: 4
###
地址 : 氹仔舊城區地堡街泉福新村第1期第4M座喜開閣地下
電話 : (853) 2882 3318