14 July 2024, Sunday
2020年9月第1次同送貨機械人見面，已經對佢一見鍾情……肥嘟嘟，好可愛呀！
2022年9月～
2023年7月～
相隔4年，終於扚起心肝，試吓用Starship Delivery Robots App叫外賣！
😱😱😱阿Bot比2架單車跟蹤呀！（小朋友嘅爸爸解釋佢地係由超市門口開始跟蹤阿Bot嘅）
阿Bot打開蓋嘅時候，小朋友好緊張想伸手去攞入面嘅野，雖然佢阿爸爸老遠咁想叫停佢，但係鬼聽到咩～
落單101教學～
第1步……裝返個App先～🤣🤣🤣
輸入送貨地址，就知道有咩店舖選擇……
點加心頭好入購物車應該唔駛教～
13 July 2024, Saturday
Honey約埋幾個朋友一齊去頂尖學府古城--劍橋慢遊1天……
落London再去劍橋嘅火車飛都相當之貴呀吓（星期日第1班車仲顯示Sold Out）……而且時間亦無快到……最後我地選擇坐火車北上Rugby搭順風車……
7點幾起身，衝去劍橋1日遊，攰死……
朝早11點前到達劍橋，凍到震，我地出發前仲驚熱，無帶羽絨夾心……
下午食飽飯開始暖D，都講緊全程著實厚身Wind Stopper個溫度先啱啱好……
好，齊人，出發！！！
聖母暨英格蘭殉道聖人堂
The Church of Our Lady of the Assumption and the English Martyrs, Cambridge
13 July 2024, Saturday
1564年伊莉莎白一世訪問劍橋時曾短暫光顧這裡……餐墊係咁寫……WoW……好勁呀！😱😱😱
誤打誤撞嘅情況下，可以造訪到咁高質數嘅餐廳，品嚐到咁美味嘅佳餚，實屬萬幸！
正所謂：貧窮限制我嘅想像！
邊個話英國無好野食架？人黎！同我掟佢出去打50大板！
8 July 2024, Monday
食完Lunch循例飲埋個Tea先散水……
我地睇住Google Map行都會行到過晒龍嘅？返轉頭再睇真D，原來間餐廳無招牌嘅！
23 June 2024, Sunday
香港 28-33°C 🌦
英國 15-24°C ⛅️（Sunrise 04:44 Sunset 21:27）
💸💸
話說……3月尾某一日開始望吓機票價錢……
睇緊6月～9月飛英國機票，國泰&星航都勁貴（星航轉機貴過國泰直航係咩玩法），國泰來回Premium Economy貴過芬蘭來回Business Class！
芬蘭航空Business Class仲平過芬蘭航空Premium Economy？！我都唔係好敢相信自己對眼！幻覺黎嘅啫，嚇我唔到嘅！保險D，瞓醒先好訂……😆
芬蘭航空 香港✈芬蘭+芬蘭✈英國
Business Class HK$12980 含稅（6月再Check已經3萬幾仲要賣晒）
13 April 2024, Saturday
台山三寶喪食之旅……今日殺到中西區！
第3餐……Afternoon Tea！😂😂😂
食完2餐已經好飽好飽……要行吓先可以繼續食～🤣🤣🤣
一直行，一直行，行咗半個鐘最後，漫無目的，忽然救星出現～
13 April 2024, Saturday
台山三寶喪食之旅……今日殺到中西區！
3:00PM齊人……第2餐……Lunch！😂😂😂
穿梭於希臘藍白小屋，係我人生夢想之一！無得飛都食住先啦～😂😂😂
2 April 2024, Tuesday
11點半去到Uluru，見仲落緊閘，行陣喜帖街先再返黎～
行行吓見到尚青搬咗入喜帖街，仲已經開咗門即刻有得食……嗯……嗯……下次先再去Uluru潮聖啦～😂😂😂
之前話期間限定嘅歪歪郵筒都有搬埋黎新舖喎！
21 March 2024, Thursday
辛勞咗1個月，腳都痛埋，復活＋清明宣佈休息2星期，係時候好好慰勞吓自己～
呢間意大利餐廳幾個月前已經CAP定圖打算去，但次次都就唔啱時間，上星期六食完佢屯門間姊妹店都無為意原來係同一間！😂😂😂
Honey問：米芝蓮(Guide)意大利菜，會唔會食晏都食幾千蚊架？
為咗令佢釋除疑慮，我即刻上網睇睇個餐牌，長通粉都係HK$128之嘛，放心喎！😂😂😂
米芝蓮網頁係有介紹年輕廚師做過3星米芝蓮，負責意粉～
https://guide.michelin.com/hk/en/hong-kong-region/hong-kong/restaurant/involtini
The young chef, an alumnus of Otto e Mezzo, attracts a loyal following with his fresh pasta, handmade in-house daily. Italian eggs and flour are used in the dough which is rested overnight to give it a lovely al dente texture. The signature tagliolini with springy carabineros red prawns boasts a rich sauce loaded with seafood flavours. The pasta menu is updated from time to time to keep it fresh and reflect what’s in season.
16 March 2024, Saturday
大長Jump！
入屯門食餐飯車程要2小時，到底要有幾大決心先可以令一條懶蟲躝出屋企門口，仲要走得咁遠？！😂😂😂
Da Da……台山三寶拜年飯！！！🥳🥳🥳
屯門真係變晒，點會想像到屯門都會有米芝蓮餐廳……仲要個環境咁Chill……
屯門牛好幸福呀！💖💖💖
23 February 2024, Friday
嘩！太古酒店同Starbucks爭飯食？！
唔信？睇埋佢個價錢先啦……
差唔多價錢，酒店喎呢度，我得閒行多幾步多D過黎Chill吓，山雞都變鳳凰呀！🤣🤣🤣
P&S Paris Brest $58
—好味到無朋友！賣相又靚，平到咁，太離譜！（自己揞荷包都讚到鱔稿咁🤣🤣🤣）
27 January 2024, Saturday
台山三寶真係好犀利，食完4個鐘頭任食雞煲火鍋，隊咗幾大杯特飲，都仲飲得落咖啡！
But，呢篇Blog嘅重點係……雪糕！😂😂😂
之前係黃埔Aeon品嚐過嘅黃金組合，1杯有齊咖啡+啫喱+軟雪糕，今日竟然無咗～😱😱😱
抱持極力不放棄嘅精神，打爛砂盆問到篤，個店員忽然爆咗1句：有個軟雪糕好抵食……What？！
貓兄用QR Code落單嘅時候，更神奇嘅事發生啦～
買某D食物，例如1個軟雪糕$35，加$20可以多1個軟雪糕……
成班友名偵探柯南上身……猜疑L：無咁抵嘅，$35有5個圈（App入面幅相），$20可能得2圈半呢……冒險L：唔得，我要試吓，開黎見我！
結果……
加$20都係5個圈！😍😍😍
～完～
22 January 2024, Monday
波鞋街重建後起咗個靚靚商場，我都係第1次入去～
朋友Send咗篇咩打卡15大餐廳過黎，不如就試吓呢間啦～好耐無食過泰國菜啦～
泰國菜黎講佢都裝修得好少女好優雅，似食High Tea嘅Cafe多D～
8 Jan 2024, Monday
9日8夜「復常出遊」台灣～
住咁多晚，萬一間酒店唔好住，都咪話唔慘！
講缺點先……
唯一缺點（對我黎講）係「房內」無洗衣乾衣機！🤣🤣🤣
仲有仲有，地氈地！
係呢2樣啫，其他都住得好舒服！
首先，每晚都好好瞓，一覺瞓到天光！（間房應該無02野👻👻👻）
間房又大又新又無霉味，又有浴缸又有企缸，廁所又獨立間隔開換氣功能強勁，有2個洗面盆先最誇張！
16 January 2024, February
仲有2個鐘頭就要出發去機場，我地勢要博盡佢～😂😂😂
要搭飛機其實就唔係咁適宜飲咖啡嘅，不過都唔理得咁多啦～😂😂😂
咖啡店係酒店附近，嘆完咖啡行幾分鐘就可以返到酒店拎行李sss～
樓高3層，廣場牌好搶眼～
16 January 2024, February
今晚返香港啦～
朝早11點半Checkout擺低行李係Lobby，唔走咁遠啦，近近地係Hotel附近食埋個Lunch就準備去機場～
大安旨意，諗住有得食越南河……妖，原來開5:30pm呀！早知尋晚唔好留係SynTrend食果個咁難食嘅炸豬扒啦～
急急再搵附近餐廳……
近近地有間日式家庭料理……好！又膽粗粗試新野！😂😂😂（尋晚先中完伏，又勇字當頭）
15 January 2024, Monday
好後悔！好後悔！好後悔！點解我唔理Honey嘅不斷訴求，返Hotel附近食得獎美味Pizza～
逛完華山文創「HELLO KITTY 50週年特展」＆Rilakkuma 20TH Anniversary Tour in Taipei，仲落緊雨，落足全日，濕淋淋最好就過隔離SynTrend逛吓再落Food Court食埋晚飯啦～
Food Court有幾個舖位封木板裝修緊，選擇大大減少，見有呢間日式炸豬扒，妄想都有返咁上下質數架啦～
15 January 2024, Monday
落雨濕濕，唔知去邊好，行吓行吓去咗華山文創……
居然有HELLO KITTY 50週年特展？！
入場費2個人加埋210蚊港幣，唔係盲粉都唔會攞真金白銀入去啦吓話～😂😂😂
「HELLO KITTY 50週年特展：與未來做朋友吧」
展覽日期：2023/12/30（六）-2024/4/7（日）
展覽地點：華山1914文創產業園區 中4B館
營業時間：每日10:00-18:00
15 January 2024, Monday
落雨濕濕，食完早餐，飲埋中午啡，仍然繼續拼命衝～😂😂😂
行咗半個鐘，去到回憶之地，失望極致～
15 January 2024, Monday
阿樹Hotel都真係幾方便，Shopping就無架啦，小確幸餐廳就唔少，唔明顯架喎，就好似十大武器之首（摺櫈）咁，藏於民間之中～😂😂😂
食完早餐，12點正隨即開始下午啡，馬不停蹄衝衝衝～😂😂😂
落雨濕濕，近近地又有間自己炒豆嘅咖啡店，唔好理咁多啦，試吓先啦，過咗今日就無得試架啦……
15 January 2024, Monday
歡樂嘅時間過得特別快，又係時候講Bye Bye～😭😭😭
聽日就要飛返香港啦啦啦～嗚嗚嗚嗚～😭😭😭
🤣去旅行真係好攰，尋晚11點正就挨唔住瞓著咗，今朝9點半都唔係幾情願起身～
不過已經最後1日Full Day，點攰都要頂埋去繼續衝衝衝～（真心旅行攰過返工）
台北今日落大雨，好彩已經無所事事～
佢係正阿樹Hotel旁邊，過條斑馬線行幾個舖位咋喎，唔係唔去吖～🤣🤣🤣
我知……黃埔同尖沙咀Aeon都有啦，咁港島區無吖嘛！仲有呀，我返到香港邊有咁神心神咁早仆出去食早餐呀！
14 January 2024, Sunday
呢間Pizza店超班到Honey講咗幾次飛返香港之前要再食多1次……係我唔好，懶勁，係都要試新野，搞到臨尾果晚係SynTrend中大伏，衰收尾，好後悔！
埋單時店員問食物啱唔啱口味，我9唔搭8話牛肚＆甜品都未見過好特別呀，完全唔記得提個Pizza超掂囉！
出到門口再睇張得獎Banner（Campionato Mondiale del Pizzaiuolo 2023），應該係剛才位店員囉！（我地真係有眼不識泰山🤣🤣🤣）
14 January 2024, Sunday
啱啱先食完大山無價，朋友提議黎碧潭風景區行吓消化吓，結果又係食～🤣🤣🤣
（朋友話要隊杯咖啡先可以繼續揸到車）（安全第一，飲就飲啦）
（朋友建議行吊橋過老街好多鋪頭，我有努力過踏出第1步，但係真係唔得）
（Search過呢邊係無乜幾多間似樣嘅餐廳，近近地唔好再行冤枉路）
間餐廳好紫好Lady，可以望到碧潭吊橋～
14 January 2024, Sunday
Honey朋友太太極力推薦！
我地飛台灣前佢就已經Book定枱！
無餐牌，唔知食乜，唔知幾錢，膽粗粗就跟人去！🤣🤣🤣
預約制x無菜單x懷石料理！
餐廳係深山入面，最好自己有車，朋友第1次去時係新店站Call到車去Call唔到車走，夜麻麻呆等1小時最後係職員放工車佢埋地走～
13 January 2024, Saturday
朋友推薦去「點點甜甜」嘅，我地去到時仲大把位，懶老定，行多個圈返黎已經爆晒，職員話因為全部客都啱啱坐低，最快都要50分鐘先有位……唔係化？！（無奈轉身走）
行去Global Mall又唔啱食……終於行啱去車站2樓露天餐廳區……
入座時講到明我地坐梳化位4人枱都可以，但有人時一樣會拆枱……最後佢又真係爆喎……拆嘅時候好彩我地都差不多食完咁濟……
揀佢係因為比門口D Banners 吸引咗啫，同埋佢趟開晒D窗，有自然風都幾舒服……
13 January 2024, Saturday
酒店附近想搵似樣少少坐得舒服嘅早餐店其實唔多……所以呢間早餐店真係超多人！其實9成都係本地人，好似得我地1枱係遊客～
等位等咗10分鐘……等餐等咗20分鐘！OMG！
永遠都有2組人排緊隊等位……職員妹妹又好犀利，佢記得晒邊個黎先，有無排隊嘅人一見有吉位就插入黎都比職員妹妹叫返晒去餐廳外面等……
有個阿姐就醒啦，應該係熟客，佢見到我清晒枱面D餐具，狂啜緊杯豆漿，佢就同我講：先掃一下（枱面落單個QR Code），我就點頭，咁佢等陣就快D有得食啦，唔駛等我走咗先落單～
12 January 2024, Friday
Honey朋友太太話想Book另1間台菜但Full晒，呢間佢都未食過都係博一鋪……
門面就好古色古香嘅……入面仲有Lift架……（不其然令我諗起褔臨門囉）
入面D職員阿姐都幾霸氣……
一時唔確定係用咩名Book，其實我2個姓氏都有講，不過可能阿姐自己無聽到，就兇我：我頭先咪問你係咪乜小姐囉！（我心諗我有講過乜小姐你又叫我睇吓房入面個女人係咪）
落單阿姐又兇我，樣樣餸都話唔加大就每人得果1啖，等陣人多要加餸就好耐，你而家好叫定晒……（冒汗中😓）（我第1次黎咋喎，點知你D餸有幾大碟啫，成枱老人家邊食得落咁多野呀）（最後Honey朋友太太話蔬菜可以加大其他就唔好啦）
