網頁清單

2015年5月31日 星期日

Green @ Hotel ICON : Buffet本愉快,何處惹蛋糕

24 May 2015, Saturday

朋友DD睇咗網上講Green新推出週末Brunch Semi-Buffet的食評,興緻勃勃咁出盡力約齊人馬去擦餐勁,可惜去到卻未如食評所講可以任食蛋糕櫃內的精美蛋糕,加上職員未有道歉並只懂重複說「每人限1件」,導致佢好失望。

朋友月初找我一起去食週末Brunch Semi-Buffet時,我多番婉拒,理由是自己正在減肥中(舊年6月至今),但佢盛意拳拳說等足我1個月,唔想掃佢興,只好兩脇插刀。

2015年5月28日 星期四

[開箱文] 初試100%韓國直送的香港人網購平台MyDress.com

22 May 2015, Friday

我舊年6-9月成功減咗15磅之前,好少可以係香港買到衫,多數都係網上訂Nissen,貪佢有大尺碼,質料又有返咁上下。就算成功減磅,仍然係大骨架加少肥,而且香港的衫貴唔在講,近年顏色及款式都努力切合某國人口味,我真的買唔落手,買咗都唔敢著出街。

訂Gmarket?韓文我真係搞佢唔掂,而且Gmarket質料只係好淘寶少少。

淘寶訂衫?印象中無試過,因為好多朋友都已經身先士卒,身心荷包均受傷,全部傷者強烈反對我作出嘗試。

近期多咗一個100%韓國直送的網購平台MyDress.com http://www.mydress.com,新張期內免運費,日本同台灣品牌就好似要運費,Honey的朋友送咗d Coupons比佢太太試下,哈哈,我變相攞正免死金牌掃貨。

[新店速遞] 九重鮮 : 韓國9層「桑拿海鮮」蒸氣鍋登陸大坑

5 May 2015, Tuesday

近期在城中討論得最熱哄哄的,非韓國九層海鮮鍋莫屬。其中一間近日正式登陸高檔食店雲集的大坑浣紗街,令我雀躍萬分!

我對大坑是有種莫名的情意結,一聽到大坑有新店就會好興奮想去即刻試,原因是夠膽去大坑浣紗街開餐廳的,一定是對自己出品有百分之一百的信心。

韜老友食家的光,可以「率先試」其友人開設的「九重鮮」(試食邀請),門口的招牌還未貼上呢。

2015年5月24日 星期日

筆遊舊城區 Sketching on A Cultural Walk

17 May 2015, Sunday

早前老友食家發現咗一個免費教畫畫活動,有速寫研習及戶外實習,拎住一張櫈、一本簿、一支筆,將歷史悠久、新舊文化交互的灣仔舊區,充滿魅力的一面印記下來。咁有趣的活動,我當然第一時間報名啦~

今天有點雨,幸好速寫研習在室內進行。

先由導師潘淑珍小姐講解一下速寫的竅門。


2015年5月21日 星期四

台北「尋找他鄉」2015の華華大飯店 x 劉山東牛肉麵

11 May 2015, Monday

對上一次來台北是2005年, 剛好是10年前,今天是人生第2次來台灣/台北,對台北的感覺是既陌生卻又有一份家的感覺,安心又自在。

上次Honey來台北睇展覽,我是抆衫尾跟著來。今次Honey來探望移居台灣多年的好朋友,我當然都是一樣... 死跟,不會放過任何有得「食玩買」的機會,哈哈。

Come some of the music... (背景音樂:喜多郎《Dance Of Sarasvati》)

旁白(King Sir Mode):拉姑版《尋找他鄉的故事》系列第1集... 天母爸爸!3日來走訪1位土生土長香港人,為了孩子學業,決心放棄名利留在台灣重新開始的好爸爸...

《第1集 ~ 完》

2015年5月18日 星期一

[台北] 告別呆叉電! Gogoro智能"電"單車「全球體驗中心」

13 May 2015, Wednesday

♫ 這世界這麼神奇 緣份遊戲 ♪
竟把我記起 也許天知我心意屬妳 ♪
愛得太癡 怎麼我不知? ♪
(今天我知 今天我方知) 原妳也暗中喜歡了我  ♫


緣份真係好奇妙...

出發來台前同朋友飲茶吹水,佢提到台灣出咗一部全新概念的「電」單車,有別於一般要呆係停車場等叉電的電動車,電池是共用的,無電就去換電站換電,好神奇呀!

來到台北,都無話專程去搵,到咗行程最後1日,Lunch Meeting時同當地港人提起,佢竟然話食完Lunch可以行過去間舖睇吓,同餐廳只係隔幾個舖位!嘩?!有無咁巧合呀?!

Gogoro 第一個「全球體驗中心」今年3月尾先係臺北信義威秀揭幕,預計於今年夏天正式登場,初步會係台北市同新北市試行。