![](https://blogger.googleusercontent.com/img/b/R29vZ2xl/AVvXsEiSTy8-AFcl3KsvSIyeVhf3hyphenhyphenD-XZd1EsbCAGCQ1KY36U0Erf7H6ydSV-MqLlHpE_l6F05bYfBvwhirAC12F8L5094DnWcu-IgdvN2apzjD73hMOz2M6gaaVBRfmOIGs3iYBLtLF66cN_aH/s1600/DSC09160c.jpg)
亦要多謝上天眷顧, 天氣超讚!!! 藍天+白雲, 無得輸!!!
然後, 要多謝「神乎其技」化妝師, 能將我面部缺點修飾之餘, 4個造型4種不同風格, 人亦好Nice, 幸運就是遇到妳, Honey當日已盛讚佢係我用過的化妝師之中化得最好睇的, 轉髮型又快手, 當日我全日無望過鏡, 都唔知自己個樣係點, 好擔心個樣會勁殘, 返港後睇相, WoW, 真係好靚, 係, 我係自吹自擂緊, 嘩咔咔咔... 我笑Honey帶咗4個老婆過去, 點會4個完全唔同款嘅?!! 多謝妳, 化妝師小姐!!!
一不離二, 二不離三的幸運, 是遇上「忘我瞓身」攝影師, 唔係講笑, 無論係波上宮、教堂、沙灘, 攝影師豪不鍚身, 當眾瞓街, 我初時睇到呆了, 後來也習慣了... 當日只感到佢好博命, 經常要喊破喉嚨比指示, 天氣勁熱, 攝影儀器又重, 佢應該比我地辛苦100倍, 十分配服, 萬分感激... 返港後睇相, WoW, 真係影得好靚呀)))))) 相片完全達到我地出發前傾談的要求, 特別係日落晚霞沙灘剪影照, 比坊間見到的廣告照靚好多(自我陶醉-ing)... 多謝你, 攝影師先生!!!
不可不感謝的, 是事前係香港替我揀衫試衫的「笑逐顏開」服務員, 我呢隻盲頭烏蠅, 連我自己都唔知自己想要咩, 睇相後亂寫咗幾十個婚紗晚裝Numbers, 佢竟然一眼睇清我個心想要咩, 重點係睇清埋我身形上的優劣, 幫我拖尾婚紗、輕盈婚紗、晚裝每樣揀2套出來比我試, 一試就中我紅心, 件晚裝肥C9都變高挑苗條淑女, It's Magic!!! 除了提供揀衫上的專業意見, 仲供應源源不絕的笑聲及笑面, 寫寫吓Blog, 我開始有少少掛住妳添...
頒獎禮嗎? 咁多人要多謝? 呀哈哈哈...
當然, 最幸運的事, 係N+年前遇上「對我愛不完」的Honey啦!!! 嘩, 好曬呀, 哦呵呵呵~~~
離題 : 回港後, 第1件要做的事... 剪頭髮!!!
無聊 : 為咗儲Priority Pass, 係攝影公司扑鎚時好樣衰咁問人可唔可以比住少少訂金先, 過2日到咗1號先來比埋個大訂金(碌卡)... 人地唔知可能以為我要等出咗糧先有錢比囉...
終於... 入正題...
出發前每一天早午晚都望天打卦, 狂Cap 7日預報圖... 大家睇睇個變化... 出發前1星期, 話影婚紗相呢日係落雨的, 心情跌至谷底...
![](https://blogger.googleusercontent.com/img/b/R29vZ2xl/AVvXsEhPr08hzmyfv_hwthvMHOknZnHstIfUQ9FLpzUge0_sfnc0w8UpIvM3kCKoypCaVgvF4dFlVa212bnTraK2RNLXISH0visG_DjdLz_fkpf5m9fXRrYGR9gjn-NzvdquwJfD9Hq9g1ILyw7h/s1600/Screenshot_2014-09-08-01-04-39.jpg)
到咗尋日飛到來沖繩, 都仲話今日Cloudy無太陽... 咁點都好過落雨多多聲... 仲話之後3日都落雨... 點知...
![](https://blogger.googleusercontent.com/img/b/R29vZ2xl/AVvXsEhI2EVIgOdnAQNam3SAVSJMuCwG7wBF256JG-4Ko2aDj-6Aj1HHPm9wvYWtg4gzkSneftZr3Ymi8_oqNCdshj3CUtt4U7OBYVBr4XT_dAttTCrzf_qvuca1JIatr2Npty5FQQhyMV3zQm6k/s1600/Screenshot_2014-09-13-21-41-27.jpg)
今日同之後幾日都係曬死無命賠... 人人都話日本天氣預報準到不得了, 準確到以每小時計, 但觀乎呢幾日, 沖繩天文台都拍得住香港天文台...
![](https://blogger.googleusercontent.com/img/b/R29vZ2xl/AVvXsEj7MMmjOgOjVHJ0g900HcS4VNW7cBwYuVDUmCIntw-v-_sb67y83rjueGkfts1dH9owOW-KQigIDvC-KZiWEVg4tIKs2EtrmkCazKLPKpkGAXmZFk2CTfSpP0MFmwkOR4R0kRQEOtvr0bhp/s1600/Screenshot_2014-09-16-08-42-54.jpg)
太陽伯伯, 我愛你!!! 鍚曬你!!!
喂)))))) 夠啦喎, 入正題未呀?!!
哦... 係嘅... 係嘅...
尋晚完全瞓唔到, 今朝8點正就要到化妝師間房, Honey陪完我去到化妝師間房, 佢就輕輕鬆鬆落Lobby食Free Breakfast, 9點半先帶埋2袋禮服返來... (唔制呀!!! 我今日蝕咗個早餐呀!!!)
我著便服落去, 帶埋Tablet去, 將預先係網上搵好的新娘髮型相比化妝師過一過目, 化完妝Set完頭就係化妝師間房換埋和服...
Honey就白恤衫+白西褲到來, 到佢化妝Set頭... (我地仲以為男仔唔使化妝Set頭嘅添, 超低能)
10點正可以返房放低便服... 順便偷影咗1張相, 呵呵~ (與攝影團隊住同一間酒店的好處)
![](https://blogger.googleusercontent.com/img/b/R29vZ2xl/AVvXsEjL3Um9qhsd5zqG-k8GnBG67LYVGfJ5lhyphenhyphen7kGjz-CWPqX_J-e5z71YfuqE8aGivjkSEmET3qd81XRnKl8IuW8fQuJug7Yopfk4r4chavANVYDJ4zswizgUYoGI-7XLnLiVWsxO5x58lAvpT/s1600/DSC_3380.jpg)
然後落Lobby同攝影師傾吓我地想要的景點同埋想要咩"Mood"... 又係預先係網上搵好人地影的婚紗相放落Tablet比攝影師過一過目... 佢只說了一句"嘩, 咁多張都係剪影?!!"...
好, 出發!!!
一上車我就9秒9進入閉目養神Mode, 攝影師一上車即轉身想同我講幾句已經趕唔切, 合埋眼都Feel到佢有少少O咀咁話"咁快瞓咗?!!"
今次化妝師、攝影師、攝影助手都係台灣人, 雖然佢地講普通話我地講廣東話, 但基本上都溝通到8-9成, 唯一係搞爛Gag時大家要畫公仔畫出腸先識笑囉, 我唔識笑有負佢地一番心血... (我的有限公司普通話係間中睇台劇望住字幕聽返來的)
首站... 波上宮!!! 未落車已見到2架大旅遊巴 -- 東XX同美XX, 場面墟冚到暈... 我地唯有係牌坊影住相先...
有疑似X國人, 面無表情甚至有點兇, 問都唔問就舉機影相, 我即時用手掩面, 係唔鍾意比你影吖, 嘿... (全日只此一單)
去手水舍影相時, 有香港姨姨問攝影師邊度來, 攝影師答佢地台灣我地香港, 香港姨姨又問攝影師影唔影得(我地), 攝影師竟然答"可以"... (又一例證, 廣東話同普通話係溝通到的)
我感到有點錯愕, 心諗"喂, 你2位有無問過我感受呀?!! 我自己部相機都無得影喎!!!"...
不過咁, 見香港姨姨咁有修養識得問咗先影, 又笑晒口執到金咁, 我係好Welcome的, 非常配合地擺晒Pose+四萬咁嘅笑容比佢影...
人潮消散, 繼續努力... 咔嚓... 咔嚓... 咔嚓...
攝影團隊話今日係佢地來到沖繩影到第9日以來最好天氣的一日, 亦係最熱的一日...
好曬呀!!! 標晒汗啦已經!!! 第一站已經想暈低, 究竟今日有幾多個站o架?!! 仲要得教堂有冷氣咋, 救命呀!!! (化妝師要不停幫我抺汗, 佢話我好誇張, 未見過人眼袋都標汗)
影完和服相就換拖尾婚紗, 換埋妝同頭, 上車出發去位於沖繩中部的教堂...
今日係星期日, 人多車多, 係公路收費站前塞車塞咗好耐呀, 救命!!!
第2站... Chapel Diamond Ocean @ Okinawa Kariyushi Beach Resort Ocean Spa... 呢3張相唔知Honey幾時影的, 真叻仔...
![](https://blogger.googleusercontent.com/img/b/R29vZ2xl/AVvXsEi0ah6LAPwuERx4fSMqQxo0fn5uEe-Tn1eNiUXVwcrKJDsSI-LQT3xyjUbvV29VOp8zqs3LPKmTPVE2XYUmSvlB6W_gIy_J-IWpS91UPZrWSOsF34CFgYMwF_LB304Fyqs3D7FaqgGj9_KK/s1600/DSC09166.jpg)
![](https://blogger.googleusercontent.com/img/b/R29vZ2xl/AVvXsEgEPs5fjaf2OKbmTER8FplXQNq2qIoEBwCqCsf5TgZEkQYRsHn9JzHmChyK7CdvIUnVGSFSShhW9CqIi408qdpi-X52JVDUVPk6Re-IUKmt2b_iHm3QWoFm2rAesOpZ36VNWRqkuvU7vrMy/s1600/DSC09164.jpg)
![](https://blogger.googleusercontent.com/img/b/R29vZ2xl/AVvXsEiCOIKu3MqxEUuupU9ihhenQ9l1JsfC5Kr0Ra5Tc7_ZlUBVMQhhaKNXZWBpiJl2kE6ztPjJ0LbgusudRRYfLm4igF60hCa58_APkvjG-sGi4qa14jjixOVtxKUIj3KIi8ClhrHcMu-mvswg/s1600/DSC09163c.jpg)
臨離開教堂時, Honey問攝影師我地可唔可以用自己部相機影1張相(Contract係話明唔得的), 攝影師竟然答應, 太太太開心啦!!! 今晚有得Upload上Facebook開心Share喇~~~ Yo Ho~~~
![](https://blogger.googleusercontent.com/img/b/R29vZ2xl/AVvXsEiSTy8-AFcl3KsvSIyeVhf3hyphenhyphenD-XZd1EsbCAGCQ1KY36U0Erf7H6ydSV-MqLlHpE_l6F05bYfBvwhirAC12F8L5094DnWcu-IgdvN2apzjD73hMOz2M6gaaVBRfmOIGs3iYBLtLF66cN_aH/s1600/DSC09160c.jpg)
☆鑑於近日有Blog友於大板影的婚紗相被盜用於八卦雜誌的旅遊廣告, 盜相者毫無悔意, 世風日下, 道德淪亡, 本人在無奈下只好在整張照片狂加水印, 影響相片美感也在所難免☆
更開心的是, 攝影師同我講"我地而家可以去食飯啦", 嘩, 簡直開心到彈起... (原來而家已接近3點啦)
點知... 人算不如天算, 點解今日係星期日, 週圍D餐廳都閂晒門嘅?!! Oh No...
結果... 要影埋大獅子先放午飯... (接近5時) (清注意, 我今朝7點幾食咗1條燕麥Bar咋)
![](https://blogger.googleusercontent.com/img/b/R29vZ2xl/AVvXsEi7hwNCT0WH0hHBulh1tPCDURHUpwvm5hQfc6JXooqSmJroQbdL-ycRpQg83cOnbTCjN-PjBHMt8daAqZh5J3sAgvNgQYUspyVatj59DmYoQcwpW1EQnBRLpuvtX7a2Cd3JrESKqlkMYD6J/s1600/DSC09171.jpg)
![](https://blogger.googleusercontent.com/img/b/R29vZ2xl/AVvXsEgLDjjsPje6cgDqoX6BBK10ALRj0ughEhUsmXlXmMPpkabwglVxgdxtDWracizeb1WecwHjBeYU9ElE5nQJkykyQn5aYOT4WZ-7TppKn5Uqg-dAZ5j23PLhxPSlsJ1vg7QtozDwLGlpx6vU/s1600/DSC09170.jpg)
Honey的午晚餐... (税込 735円)
![](https://blogger.googleusercontent.com/img/b/R29vZ2xl/AVvXsEhSM65-k5sn4_CwOFdLHIppNPV0JRv0a2o6s6mR3cmtpflBX8WuycGoiQBogJpIm55J1IrxxZQnRfFGyBXJ8SChExxXyH5dM2Ab2upz4cqEC5Ra28KVidkx5S15fU-OSo4Q7UcRM_jpjRQO/s1600/DSC_3383.jpg)
我的午晚餐... (税込 789円)... 食唔夠一半已被Girdle紮到透唔到氣, 有得睇無得食... 浪費了食物, 對不起...
![](https://blogger.googleusercontent.com/img/b/R29vZ2xl/AVvXsEg9MhP14gxCFX_cozElxTxrE7SRB3s71Lwp5QspUygy9gfLsEvjJHxAdxDWx4l2X6aJmXAui4qNoqkM_RC_wrseDGOkTyYopa7YztgLCV2B3kEFX0MjYubdz3SqKCPPDNNLZ5HNqfsVjyd1/s1600/DSC_3386.jpg)
食食吓飯, 有位貌似外國人的日本人走埋來握手說"Congratulations"仲知道我地係結婚N週年, 我好詫異問"Who tell you?"... 之後佢走了, Honey返埋位講返我知, 原來呢位Gentlemen已離開餐廳, 但覺得應該要當面說句恭喜, 又走返入來餐廳... 真係好有修養...
其實呢... 今日所到之處, 除了波上宮, 9成以上見到的都係日本人, 佢地非常Nice, 含蓄一點的會報以微笑同點頭, 熱情一點的會興奮莫明地說Congratulations (攝影師翻譯), 我全部都會報以微笑及點頭, 有說Thank you但唔知對方明唔明, 哈哈... 相比起早上在波上宮所遇到的, 感覺良好得多...
臨離開前, 換埋輕巧婚紗+妝+頭, 原來之後幾個景點先係最高難度的, 又跑又跳, 爬高爬低...
![](https://blogger.googleusercontent.com/img/b/R29vZ2xl/AVvXsEgEZ-lwJ4lW802X1YDcWOOZ-Whn_UCOv8OBlr_bMjtv31whRnga8uThhQy1k6GXtsbtCGYQn2XIgq390DImbTLj1AXR9ZLeb9DKzulrzRemvT5jrKFGzwLofZ14VgP_WqMW6Wa_wRrrVI8F/s1600/DSC09169.jpg)
此時3位男士在停車場好努力地Bump緊巨型心心汽球... 白色紫色粉紅色各3個... 去到Uza Beach Yomitan Village 攝影師舉高汽球一馬當先穿過草叢, 居然自爆咗2個, 我忍唔住大笑咗出來, 好衰呀, 唔知佢聽唔聽到, 哈哈...
之後行程應該係咁上下啩... 塗鴉牆, 殘波岬, Aquagrace Chapel外沙灘影日落, 美國村... 今日除咗美國村, 所有取景地點我地都未去過, 當埋觀光, 賺咗...
臨去美國村前換晚裝+妝+頭的地方... 唔好問我係邊, 我自己都唔知... 帶去的GPS又壞壞地, 之後果幾日又正常, 激un...
![](https://blogger.googleusercontent.com/img/b/R29vZ2xl/AVvXsEh-neRyXNJ3r3QZ4jhWbXR9IO_XDleju835ttD50MYxZFsV_f5l5LzC_ZXSfBS1fzvMhV9DbZRFHiPabnwkc2o0MD9BSwS8gVtclmJATL3y-pQSrH5-AuMVy5CWMRocZCd46o-fjIti-fc7/s1600/DSC09175.jpg)
返到酒店大約9點, 散晒!!! 進入Lobby時有外籍一家四口勁好奇, 小朋友不斷追問媽媽呢個外星人點解會係度(當眾拆假眼睫毛-ing, we're crazy, 哈哈)... 臨上房前, 向一眾攝影團隊致謝, 辛苦大家, Thank You... 亦不忘同外籍媽媽講聲Good Night... (拆咗假眼睫毛, 對眼應該好奇怪, 哈哈)
攰到爆, 都唔再出去食o野喇, 返到房第一時間落妝, 洗頭沖涼, 唯一一晚係呢間酒店瞓得著...
亦係唯一一晚上錯網, 用自己Data, 明明酒店有WiFi (長期Connect唔到), 明明自己有租WiFi蛋, 就係咁都攪得錯, 發現時嚇到成個人彈起, 只係用咗3分鐘, 咁就收我HK$168, 天呀!!! 點會咁o架?!! 我真係攰到傻咗喇)))
zzzZZZ... zzzZZZ... zzzZZZ...
後記 : 返港後1天, 上浪漫一生還衫, 職員話10月1日就有相睇... 吓?!! 咁快嘅?!! 好興奮呀!!!
到咗10月1日... D相真係超超超超超超超靚呀!!!
我之前不知幾擔心呀, 果日鏡都無咩望過, 都唔知自己咩貓樣, 之前一晚完全瞓唔到理論上應該殘爆, 估唔到影出來效果咁好...好感動呀!!! 我好想喊呀!!! 嗚嗚嗚嗚...
揀咗2個幾鐘先由400張Filter到做200張, 幾時得來Filter幾十張落相薄?!! 太難取捨, 1張都不能少, 結果加錢買晒... 10月9日已拎到DVD, 快到無人有, 咁多相, 有排揀落相薄呀!!!
返港後一直忙到透不過氣, 接近1個月先得閒拎2對鞋出來抺沙... 一睇... 嘩嘩嘩!!! 2對鞋果日都係新鞋落地, 個鞋頭傷到吖!!! 證明我地果日真係好辛勞呀!!!
![](https://blogger.googleusercontent.com/img/b/R29vZ2xl/AVvXsEiTDO3EUDh-VYarShJtGWYfZlZqpU7Tl9DJujaOTopkTXb67verKANtnRyG2mesYvWAQ9e9_orx5s9yxjgb5VD7uvzeErQkQqkdHkmK_oy5kwDX4FLX1dssMJ0r0sEFQUMjJ5MYsmQYEx9X/s1600/DSC_3689.jpg)
<< 待續 >>
沖繩「婚紗攝影」2014 の 總匯 http://www.kenmerry.com/2014/11/Okinawa.html
嘩﹗,嘩﹗好靚呀,個教堂靚,天氣超好,藍天白雲靚,再加上你的造型背影,更加靚,簡直是完美的組合﹗
回覆刪除多謝羊羊, 今次真係好幸運, 要感謝的人和事實在太多 :)
刪除嘩!超靚,主角+天氣+環境+藍天+白雲,無得頂呀!
回覆刪除多謝Grace, 你的大板婚紗照都超靚 :)
刪除見完你早2日個POST, 我而家開始好擔心, 可能之後出的婚紗相都要加超大水印, 影響美感都無辦法~
妳老公真好!
回覆刪除千奇唔好俾我老婆知:-P
你要俾驚喜老婆嘛!
刪除嘻…
刪除但佢未喜時:-P
我先驚:-)
哈哈哈哈... 你地想笑死我咩, 好肚痛呀))) 暫時遇到的男士們都係同路霸兄意見一致 XD
刪除教堂超靚呀,呢度影d相一定勁靚~~ ^^ 期待你地d sweet sweet 相呀
回覆刪除嘻嘻... 多謝... 會盡快Upload婚紗相 :)
刪除