![](https://blogger.googleusercontent.com/img/b/R29vZ2xl/AVvXsEg4T4uHGsKbebWqBB9umFtlUVDyi0ywTgJbY0o0tgFe_Owf7fhUsRTWfD0YMmJ0PF6QxfWxJJG72HxgYn5NNP8p-P13ZUA_LKSEA45x85n1Fbiyfq22Y3AjvPjwCivQSvBurBPj0MQDO1Ii/s1600/P9150108.jpg)
做吓樣逛咗一陣首里城外圍, 又再去搵食... 食咗無耐咋喎, 又食?!! 有冇再過份D呀?!! 嘩咔咔咔...
再次出動羅庚睇風水(WiFi蛋+Google Map), 真係話咁快就到!!! 行到蝸牛咁慢, 幾分鐘都唔使...
呢間餐廳能夠拎到Honey的Approval Code, 當然有其獨特之處... 重中之中係可以自己動手體驗「琉球茶道」, 沖繩の傳統ぶくぶく茶!!! 其次係可以影相...
「可以影相」都係賣點?!! 唔係呀嘛?!! 我可以答你, 絕對係!!! 位於國際通壺屋1-28-3的ぶくぶく, 真係唔比影相!!! 泡泡仲要係連茶上, 唔係自己動手發打...
好, Let's Go!!! 大家一齊入嘉例山房體驗沖繩具古老特色的ぶくぶく茶!!!
![](https://blogger.googleusercontent.com/img/b/R29vZ2xl/AVvXsEh5lxr1NzHE-1Nk-T0Sd1ZADrRIHkPWeyLtKoju479hpW90kMCWj6jFfy_ymoSa5SzCSq9Tft8PefpXBQ7sSnSQV9nhr2z_O7weQ8te1qnumPDS10iv_x9m3PNiL0xhYZYBqLz226MAz9A-/s1600/DSC09292.jpg)
餐廳入口擺滿了別具沖繩特色的藝術品供客人選購... 想靜靜地享受「琉球茶道」, 請移玉步往閣樓雅座...
![](https://blogger.googleusercontent.com/img/b/R29vZ2xl/AVvXsEgEVSuskD6BNCIvkimD4wAZRDd7BuQqjKsy1MP2aXb-ZloEMwJLBZUHSJQBDCcDWkxuyjWzykno_cI9heKp4dDSzQINwtEbPKF-myLTaKY5UFqcuQIm_B-39vuLBcE4Di56LhdvN1vffx5s/s1600/P9150122.jpg)
![](https://blogger.googleusercontent.com/img/b/R29vZ2xl/AVvXsEhZn0UCQ_qPDQvD_MhOlfCBdbK5CxAQR5iiSc6NzqdJAJcfuSwVPdTSRiRwgMFES7bAHI1VCZcrixci0IToGzClMsCvqT3q6XVEZ8kP09xi1G_-M3A9tu3SJQz07sstyn9tl44iu6BIAemh/s1600/DSC09324.jpg)
接近下午4時, 未有任何客人, 我地可以盡情拍照, 太開心...
閣樓裝潢雅致, 麻雀雖小五臟俱全, 傢具比例上件頭頗大, 卻一點也不侷促, 好有老家的感覺... (老人家總喜歡將大中小擺設堆積如山地展現人前, 連一點讓人喘息的空間也會覺得是浪費)
![](https://blogger.googleusercontent.com/img/b/R29vZ2xl/AVvXsEgjKD9V9zvB2e2Dg9Q7fqljRjjwmSOybVJP2k5Fi75uLKS3A16p3itMs6ASKRqxquF7R3JwYEVwawjNXrvh2GEyv_rOkYVu6cWbbdNEq-hDOQ1U8tcNziPx6iq5F5mWddMy65JKZJ_HOl7q/s1600/P9150092.jpg)
想呼吸新鮮空氣的朋友, 可以選擇無冷氣的露台雅座... 怕悶的朋友, 可以選擇挑戰自己的智慧, 把玩一下店主悉心安排的小玩意...
![](https://blogger.googleusercontent.com/img/b/R29vZ2xl/AVvXsEjjEM1xSsAA6sTtyOKuYGP5vSQItejFmjRsajsBwla_QRowIkAj_LGvHDeED6G5Vc0z3lmzUkVMP7v9GE69dpLcFshoNbk2zWFwyhXuVVXawP4OAMd-WIgHaeLnqfIMQ3ZYxfuO-KgGZt-T/s1600/DSC09323.jpg)
服務員姨姨只得自己1個, 要比少少耐性等候... 店內的餐牌別出心裁, 將十多款茶名雕刻在原木上, 很美... 還有多國語言, Tourist Friendly... 茶餐一律800円...
![](https://blogger.googleusercontent.com/img/b/R29vZ2xl/AVvXsEg3ICcgRnUlLdbmFnFlCR_ny8JzZ6hZbCgGBJbiHKOKwGG_4MDQTJA6XIUySZHYp61R0hOmYB4MXJvY29JmEPTvoOKTVvO69NJp8YyXIDe-g-AbFHYLX_FcVvalKLX3aplmoR9sh41K1_47/s1600/DSC09301.jpg)
Tourist Friendly呢個Terms唔係隨口講的, 店內的說明書有多國語言, 日文英文中文韓文, 真係好齊全... 由入門口到落單到如何飲用泡泡茶到埋單講Bye Bye, 整個過程都翻譯好晒, 未免太強!!!服務員姨姨還會說一點英語, 例如我猶豫月桃茶是否桃茶時, 服務員姨姨答我Not Peach, 哈哈, 的確有點Suprise...
![](https://blogger.googleusercontent.com/img/b/R29vZ2xl/AVvXsEhAZ6JP3HkSyr8RzEfPyJY6rQVfduReaIYFAqtKrU7JjTIWjC3qIa02emu0p3SuyC4ZUn8fNESohVDW4nh_rW_n3JkKsdZ6Sdb-uiKnDosbMeDHVm5d3JpxfU3q4X8vL7_NI273rPhyOuPv/s1600/DSC09296.jpg)
![](https://blogger.googleusercontent.com/img/b/R29vZ2xl/AVvXsEhVfcWvUgq9oF0t5ULS2LRIKdMKNTxUYQF7Ff8rYBOU3oKKcILS7WMMyQwuh3HJ6oEILzejn_e50NIxn2CudIwf4Z20nNXPzSWPRNAI3TNrd5UelBDeycgshWtV15VvN5HyYOeLhWFzPZ0K/s1600/DSC09297.jpg)
服務員姨姨先奉上用來發打泡泡的液體, 記緊, 絕對不可飲用!!!
![](https://blogger.googleusercontent.com/img/b/R29vZ2xl/AVvXsEhgeQ0aj2nz34LPt_QZ8xYdQ7BAxrTLojyYFrXNw0xtRwNtY_ar8temrCc3dkbtNpGft9KJah-odYIgBPVS8nj0JHodw_2CA43bAP-X5OCZ12Q9gel-H0OIrtBO-T94gHn1eNI25md7i48k/s1600/P9150103.jpg)
沖繩古老傳統特色ぶくぶく茶有好多種叫法... BuKuBuKuCha、泡泡茶、福福茶... 18世紀初, Bukubukucha被稱為琉球茶道, 從戰前的明治已在那霸盛行, 是古代歷史上的茶, 在戰後40年一度絕跡, 來到嘉例山房可以體驗既傳統又獨特的歷史, 認識重新普及的Bukubukucha...
據說Bukubukucha冒泡是因為使用了沖繩的水是硬水, 是一種罕見的茶, 泡沫纏綿, 喝氣泡如軟冰淇淋...
Bukubukucha的制法看似簡單但頗費時... 混合茶和用烤白米飯煮出來的熱水, 重點是要用硬水... 以竹拂快速發打, 發出噼噼啪啪的聲音, Bukubukucha福福茶便會冒起泡沫,冒起的泡沫不會消失, 用竹拂撥起泡沫, 放在其他預先準備好的飲用茶/咖啡上, 灑上花生碎即成...
Tea Set是1人1份的, 800円包括生果及佐茶糕點, 還有大大碗花生碎...
Honey點了熱的葯草茶(混合13種葯草), 我點了凍的茉莉花茶... 氣泡喝起來有點玄米茶的香氣, 花生碎香味十足, 泡沫細膩柔滑... 冰凍的茉莉花茶清香怡神又解渴, 真想一啖飲晒... 以黑糖制作的糕點口感軟軟糯糯, 淡淡滲出黑糖的甘香甜味, 沒有搶去泡泡茶的風頭... 飲的時候泡泡會沾到鼻子及面頰, 有點傻氣...
![](https://blogger.googleusercontent.com/img/b/R29vZ2xl/AVvXsEg4T4uHGsKbebWqBB9umFtlUVDyi0ywTgJbY0o0tgFe_Owf7fhUsRTWfD0YMmJ0PF6QxfWxJJG72HxgYn5NNP8p-P13ZUA_LKSEA45x85n1Fbiyfq22Y3AjvPjwCivQSvBurBPj0MQDO1Ii/s1600/P9150108.jpg)
我發打得比較慢, 不夠泡泡... 服務員姨姨示範一次何謂強勢泡泡...
![](https://blogger.googleusercontent.com/img/b/R29vZ2xl/AVvXsEjFU-L4FjN_gK61SHm08-ciy1GNJGKsZvc1vnszj9LYnIlZ3C-0kip0ZAqnK40cLPj4nsqULxDzHPKALhCxiohnnyaZL_2VqNMrW8v9K1VE81duuKF9T27lT0YMX-F8D6XSwBYgV7wMm0jf/s1600/DSC09304.jpg)
嘩!!!!!! 好高呀!!! 有無倒塌危機o架?!!
![](https://blogger.googleusercontent.com/img/b/R29vZ2xl/AVvXsEgMz4zBTt3491ubuY0CihGbWi8Za5PUlOitVmaemUor49WXXbURAVZdzKVPHZSfoSpGP0rpw-p5ZOZ8BahQU-a4zUNmDmnl30xL9v7_gp6jxvUEBkVrTu-xrNJJt76Q1su45qO_Gny_cwpX/s1600/DSC09303.jpg)
等我同小虎搶吓鏡先... 哈哈...
![](https://blogger.googleusercontent.com/img/b/R29vZ2xl/AVvXsEgGoPMC45autEi9l_UHa1_ZvA9ICGT5VVY2C_57k3B0waqKouy3oIsdw0gfgIwaX0GW5tHqUIAnmnXBDE_BSCFaHgINnhm2MmqoxdPbq6bjs3ztm6Ps1dRf3ovLpJmCClxLYMDAAJqb-5b6/s1600/P9150112.jpg)
![](https://blogger.googleusercontent.com/img/b/R29vZ2xl/AVvXsEiFEL_G1SrVLPKQ7kruW3plPQxksDXMnmOr2uPaKeu0Y_Ef__G3JFvtq-xqqpLw3Koi8o0VE9JKcygyxN0GcEe9APV6ErQmwMcYYmslKeUxlPnLXi3NIdmguYaL11ZkUU5pbeofdJzIQdSH/s1600/DSC09312.jpg)
及後陸續有其他客人慕名前來, 氣氛開始熱鬧起來...
我地好認真地慢慢慢慢慢慢品嚐, 足足逗留了接近1個小時, 抵玩...
餐廳相關網址 : -
http://tabelog.com/okinawa/A4701/A470102/47000295
是次每人消費約 JPY$ 800 元 (約HK$60)
味道: 4 環境: 5 服務: 4 衛生: 4 抵食:4
###
地址 : 沖縄県那覇市首里池端町9
電話 : 098-885-5017
沖繩「婚紗攝影」2014 の 總匯 http://www.kenmerry.com/2014/11/Okinawa.html
沒有留言:
張貼留言