
今次出發前好努力咁上網搵定沖繩有咩餐廳好食... 我同Honey都無車牌, 遠的地方去唔到了, 只可以沿著Monorail單軌電車路線搵食...
在網上見到≪1972年創業≫多年來一直保持人氣的沖繩宮廷料理店, 鄰近安里單軌車站... 剩係呢幾隻字已經深深地吸引住我... 明天一大清早就要去化妝師間房化妝, 今晚唔想週圍去搞到個人攰晒, 近近地係酒店附近食好喇... 就呢間!!! Perfect!!!
Google Map 顯示8分鐘, 所言非虛... 係酒店行返出Monorail電車路軌, 沿國道330號線一直向著安里駅(Asato Station)方向行就會見到間餐廳... 我地開住WiFi蛋同Google Map, 好似攞住個羅庚睇風水咁週圍行, 途人見到都忍唔住望多幾眼...