網頁清單

2008年5月28日 星期三

* 率先直撃報導 * 蔡瀾歎名菜 @ 鼎泰豐 Din Tai Fung

今晚(2008年5月28日)一交收完部Canon相機, 就即刻飛去尖沙咀幫KaKaMa賀壽... 由於呢間餐要人齊先準入, 所以唔可以遲到!!! 好彩交收順利, 我仲可以早20分鐘到達!!!

 

一去到見到拍緊o野... 睇真D... 原來係拍緊「 蔡瀾歎名菜」 呀, 上個星期日先做第一集喳... 呀... 我係蔡San嘅Fans o黎o架!!!
 


之後拍到出門口...


跟住仲搵咗蔡San同我合照, Yeah!!!


等多一陣, KaKaMa都到埋, 我地就搵美女廚神同Amanda S合照, Yeah Yeah!!!

(Amanda S好搞笑, 我問蘇玉華可唔可以合照時, Amanda S話"我幫你地揸機", KaKaMa好醒目咁話"唔使, 我地搵人幫我地影咪得囉")



我6:08pm已經到咗, 拎咗第一張飛(當時可以直入)... KaKaMa好準時, 6:30pm到, 拎咗第二張飛(當買個保險)... 貓頭隨後到咗, 但係都唔比入, 要等齊4個人先比入... 之後我地頭2張飛都過晒, 6:58pm唯有叫貓頭再拎飛...


連續2個月蟬聯OpenRice好評餐廳十強(2008年2月份及3月份), 入到去一定要試真D先得!!!

 


æ四喜烤麩, 紹興醉雞 -- 烤麩鹹咗D, 醉雞好好味...


æ主角... 小籠麭 -- 唔錯唔錯, 不過唔夠熱, 感覺上都係台北老店好食D(因為熱辣辣到只可以細細啖食)...


æ蟹粉小籠麭 -- 其實我不嬲都怕怕地呢味菜, 不過為咗試菜, 冇計啦... 結果... 都係唔多啱我口味...

æ糯肉燒買 -- 普普通通, 唔太餓又人小的話, 唔建議大家Order呢味...

æ油豆腐粉絲湯, 紅油炒手 -- 個湯幾OK, 個炒手超好味, 未食過咁好味嘅炒手!!!


æ油炸排骨 -- 炸完仲好Juicy, 配埋黑椒, 正!!!


æ紅燒牛肉湯 -- 又一好味之作, 如果有河粉配埋一齊食就一流!!!


æ擔擔麵 -- 好夠花生醬汁, 正!!!


æ香蔥拌麵 -- 驚喜之作, 好味!!!


æ蒜蓉油麥菜, 清炒白菜仔 -- 食台灣菜唔少得嘅油麥菜, 好味... 白菜仔, OK... 大家要"日日記得2+3"呀!!!


æ杏仁豆腐 -- 姊妹們, 味道如何? (杏仁... 怕怕)


æ豆沙小麭 -- 個皮硬咗D... 餡真係勁多... 都幾甜...


æ請大家請估下呢味係咩o黎???



呢間鼎泰豐唔同黃埔個間(franchisee), 呢間係台北店直接經營, 聽講好味好多...

 

是次每人消費約$172元
味道: 4 環境: 3 服務: 3 衛生: 4 抵食: 3


###

地址 : 尖沙咀廣東道30號新港中心三樓130號
電話 : 2730 6928

2008年5月20日 星期二

翰騰閣酒家 House Of Canton

Honey D Friends 上星期五晚11點幾先落機, 星期六即刻就搵我地食晚飯... 可能佢地太耐冇食中菜, 竟然叫到成枱都係餸(7餸1湯), 勁... 真係超誇張...

 

呢個火燒紐西蘭牛仔肉上枱時好有型...


要等佢燒到咁上下, 先剪開張錫紙, 食到尾D火仲燒緊, 夾個時好驚比佢燒到... 味道都幾好...


個泰國虎蝦好好味, 士多啤梨骨都好好味, 招牌叉燒又好好味, 什菜煲就不過不失啦...


仲有半隻好好味嘅XX鴨(唔記得個名)...

DBS咭有8折, 折後過500蚊再送鴨胸伴海蜇燻蹄...

飲埋個花膠湯, 好滿足...

最後... 仲有甜品(麥米粥)送... 好飽...
白馒头MSN表情图片99

 

題外話: 席間佢地帶埋Notebook o黎, 比佢地旅行嘅相我地睇, 全部景點都係我之前揀旅行團有嘅... 之但係... 見到佢地著晒爪毛再加大Jacket, 真係有D驚... (
yoyociciMSN表情图片13
我地8月去咪要帶羽絨... 都係改11月去啦... 9月去一轉台灣4天高鐵遊, 止住咳先)

 


是次每人消費約$175元
味道: 4 環境: 4 服務: 4 衛生: 4 抵食: 3


###

地址 :   鰂魚涌太古城道18號太古城中心506號
電話 : 2886-8861

Beard Papa @ 九龍灣地鐵站

上星期六(2008年5月17日)如常去奶奶屋企午膳... 一出九龍灣地鐵站, 見到飯團變咗泡芙...
 
好好味咁喎... 等我又試下先...

 

睇住佢切開個puff做2份, 跟住用機器加D Cream上去... Cup番好個面, 再灑D糖粉係上面... 嘩... 靚晒!!!


4個以上有盒送...


一口氣買咗6個(Tiramisu, 朱古力脆皮, 士多啤梨, 原味卷卷... 仲有2個Oreo冇上鏡)... 埋單好似80幾蚊...


食飽飯拎出o黎當飯後甜品... 隻隻都鬼咁好味!!! 最好味係Tiramisu, Oreo, 士多啤梨, 朱古力脆皮... 不過食完1件夜晚可以唔使食飯, 皆因好鬼滯...
 

 

個朝報紙先講完"反式脂肪", 仲話一日一個K.K.Donut已超標1倍(上次我一口氣食咗2個, 驚-ing當時)... 話口未完, 下晏即刻實行"無懼反式脂肪"行動!!! WaHaHaHa!!!
 

2008年5月17日 星期六

盛八日式燒肉店 Morihachi Yakiniku (II)

5月之星唔知係咪睇咗我個Blog, 竟然將晚宴地點揀咗去盛八...

上個月連續食咗2餐日式燒肉, 塊面D暗瘡多過9大恆星... 5月之星晚宴約好咗星期二(2008年5月13日)晚, 之前一晚我仲係屋企咇咗一粒黃豆咁大嘅暗瘡, 痛死人...

DD感冒o黎唔到... 龍媽家有要事亦出席唔到, 但係佢又好想試呢間, 竟然叫我遲D陪佢再去...
yoyociciMSN表情图片32
龍媽, 唔好玩我啦, 到時我D暗瘡咪仲多過天上繁星!!!

 


æ會燶咭二人套餐--盛八四小碟(盛八豆腐、泡菜、目黑茄子、溫室青瓜), 韓式牛肉刺身, 什箘拚盤, 盛八泡飯...


æ會燶咭二人套餐--燒虎蝦、山形縣尾花澤和牛、半殼香草牛油帶子、燒蜆、果味牛胸腹、鹿兒島鹽燒黑豚、法式芥末籽牛舌、義大利香草雞腿肉...

æ海鮮拼盤--燒虎蝦、蜆、長腳蟹、半殼香草牛油帶子... 無敵話"會燶咭個帶子好食D", 我都覺... 長腳蟹燒完好乾身...


æ黑七味豬腩肉--燒完好似煙肉咁...


æ白菜泡菜--個樣咁辣, 唔敢掂...


æ泰式肉碎石鍋飯--出奇地好味, 口感好特別...


æ和風地雞豆腐--一到就比鑽媽整勻咗隻生蛋, 我唔食得啦...


我地仲食咗盛八特式野菜沙律...

無敵食咗會燶咭二人套餐嘅da dolce意大利番石榴雪芭, 話太甜... 奇怪喇... 我明明上次食好好味o架... 可能口味唔同啩...

 

號外 : 無敵話想寫Blog, 但係覺得冇公仔好齋喎... 試下去下面D Links睇下啦, 我平時都係用呢2個...



 

是次每人消費約$145元
味道: 5 環境: 4 服務: 3 衛生: 4 抵食: 3


###

地址 : 旺角山東街38號38廣場3樓
電話 : 2382 3338

2008年5月13日 星期二

順興潮汕滷味專門店

之前坐車路過好多次, 都見到好多人排隊, 真係好想試下, 但係每次都唔記得就上咗車...

 

今日去完赤柱, 等小巴等耐咗, 忽然醒起呢間滷水鵝, 實在機不可失, ...

 

照舊有人龍...


門口有飲食雜誌嘅剪報... 據報李超人都係佢嘅食客...


咩都有得買... 4分1滷水鵝, 鵝頭連頸, 鵝翼, ...


仲有自家Logo飯盒...


我幫襯咗4分1隻滷水鵝(下身), 4隻鵝翼, 成為84蚊...


返到屋企叮熱咗先食都好好味, d肉好淋, 唔點醋仲好味, 正到暈! honey仲誇張到話"入口即溶", 又話"真係一分錢一分貨", 笑死我! 可能啲口味適合「加啲能」!

 


味道: 5 環境: N/A 服務: 3 衛生: 3 抵食: 4

###

地址 :   西灣河筲箕灣道72號

電話 : 2904-6188

Jenny Bakery

過年個陣聽同事講呢間o野好掂, 仲要D人訂o黎送禮都話訂唔到, D Order爆晒喎...

 

今日入到o黎赤柱就心郁郁想試下, 食飽晏就去"目及目及"...
 
 嘩!!! 點解成個貨架吉晒o架?! 唔係咁早買晒呀? 有D唔甘心, 死都要入去問"唔該, 仲有冇杏仁片?", 店員答"有", 一手就隊一鑵埋o黎... 原來個貨架係空城計!



我買咗杏仁片... 好脆好香, honey問"你唔食杏仁, 做咩買杏仁片?", 我答佢"人地話好食吖嘛, 緊係要買o黎試下有幾好食, 如果我食唔到咪你食晒去囉"... 嘩哈哈哈哈...


仲買咗8 Mix 果仁曲奇... 真係好鬆化喎, 好香牛油味, 正!!!


2鑵成為"一路發"... 店員阿姐講嘅...

 

味道: 5 環境: N/A 服務: 3 衛生: 3 抵食: 3

###

地址 :   赤柱新街11號1/F
電話 : 2813-8568