【台北】一鷺Express日式燒物專門店：驚喜欠奉

26 May 2025, Monday

落雨被迫轉戰大商場，係台北車站Station Hall嘆完下午茶，轉到京站食搵食～

我地同京站嘅時辰八字應該唔係幾夾，食過幾間餐廳味道都好一般……（還可以吧，未至於踩到地雷的程度）

係地鐵出口睇水牌，見有日式串燒……好喎，飽到咩咁，食串燒可以少少地唔駛太飽～

【台北】豆花莊：「黃仁勳美食地圖」滑嘟嘟豆腐花

16 November 2025, Saturday

「黃仁勳美食地圖」系列！

黃仁勳效應，搞到好多間餐廳都爆晒無枱訂……呢間係最易食到同最低消費架啦～🤣🤣🤣

Who is 黃仁勳？

AI晶片龍頭Nvidia共同創辦人暨執行長，今個月市值漲至3.43萬億美元，超越蘋果成為全球市值最高的上市企業。 

其實豆花莊我好多年前一家十幾口逛完寧夏夜市食過1次架啦～今次再認真寫多1次Blog啦～

【台北】中伏回憶。少帥禪園 x Vis cafe x 風來坊串串

18 October 2022, Tuesday

星期日夜晚返到酒店睇新聞D雨勢係誇張到……台灣北部受尼莎颱風影響加上東北季風共伴效應，迎來大雨多地遇山泥傾瀉……因豪雨導致水位上漲，市政府關閉水門，防止河水沖入市區。惟士林區百齡橋附近停車場水浸情況嚴重下變成「大型泡水場」，50輛私家車泡水中，車主轟通知太慢！台北市的大同、中山、士林區大範圍水浸，水利署通報多個地區淹水一級戒備。

原先Plan落台中避雨（行程好無聊架咋，去吓宮原眼科食雪糕，去吓世界珍珠奶茶發源地，去埋台中最美書店--蔦屋書店），奈何……睇新聞雖然台中唔係太大雨，但係……D風大到好恐怖！！！睇新聞係架車停係紅綠燈等，成盞紅綠燈BOOM一聲吹跌落車頭蓋度，好恐怖！！！

都係留係台北算啦～

天氣涼涼地，同朋友去少帥禪園食吓龍蝦浸吓腳都好吖～

（原本係約咗另1個朋友去嘅早幾日，位都BOOK埋，可惜佢中咗COVID-19，唔出得街食飯，我仲以為今次台灣之旅無機會黎食架啦，誰知計劃總趕不上變化）

回憶總是美好的？NO NO！！！

食過好幾次少帥禪園，每次總是開心滿意，可惜今次賣相同味道都大大跌WATT！！！仲要瘋狂加價，我地食到唔敢出聲，唉，咁鬼貴，又咁鬼偏僻，又落雨路又窄行上行落鬼咁呢HEA，朋友2公婆第1次黎食到粒聲都唔出，我地真係勁唔好意思囉！！！

無！下！次！

【台北】魚兵衛太春和食處：赤峰街。求其食

8 January 2020, Wednesday

同朋友食完Lunch，返Service Apartment 曬衫順便再洗多1機衫……

5點幾……又係時候開始為晚飯張羅……

想近近地……一於行去赤峰街逛吓……行咗一輪，不如試吓呢間和食處啦，個樣睇落都坐得幾舒服～

【台北】桔梗燉飯：赤峰街聚腳點

6 January 2020, Monday

一早起身幫個洗衣機消完毒，開機洗衫，順便Google Map下附近有咩好食……睇到一個最近全香港人都好熟識嘅名字－桔梗！

行十幾分鐘啫～

赤峰街出咗名係型格小店嘅聚腳點，呢間餐廳門口連中文名都冇個，果然夠玩味！門口再擺放埋文青兩大呃Like元素－單車、結他……Okay，你贏！

【台北】德樂咖啡：沉澱。下雨的週末

13 April 2019, Saturday

前２日暴走北海岸跑足１日，攰死～

尋日上足１日師資研修課，攰死～

從藝術修行得到的快樂，非金錢可以衡量～

晚上對著那些滿口錢錢錢，發達發達發達，為排場浪費大量食物的腥港人，實在反差太大～

聽日就要返香港～

我都需要沉澱一下～

係時候收拾心情……同埋行李！🤣

一路執執執，轉眼又到咗午飯時間，假期怕外面人多，附近又暫時無乜心水餐廳，索性「熝」碗杯裝米粉食就算啦～

執咗一個朝早，終於有D起色～

坐低抖抖順便Google吓附近有咩Coffee Shop可以嘆吓下午茶……

細細聲話你知，Google Map好有堅持，點都唔Show附近D好餐廳，要我自己逐條街逐個刀叉Logo Click落去睇卟咩料，相當費時！不過，係咁先會搵到好野～

好，出發！

很隱蔽的咖啡店，行過見到地下個牌寫住"Slower, Happier"……都唔知自己到咗，仲繼續向前行……

【台北】拉力早世紀溫泉喪食之旅（下）

15-19 December 2016

✪行程✪
【第１天】晴光紅豆餅(晴光市場)⇨Dazzling Cafe Pink (1號店)⇨胡同燒肉(1號店)
【第２天】濱松屋⇨文房Chapter⇨華山1914文創園區⇨鮮芋仙⇨台北繽紛聖誕季(台北101水舞廣場)⇨無老鍋
【第３天】三宜咖啡館⇨日勝生加賀屋國際溫泉飯店（浸溫泉＋下午茶）⇨女娘的店⇨MAJI MAJI集食行樂
【第４天】⇨時代1931⇨珠寶黏土DIY體驗⇨林口三井MITSUI OUTLET PARK
【第５天】⇨平安京茶事⇨美好年代


籌備經年，無懼時差及地域嘅界限，隔住半個地球，經過不斷的磋商及不斷的修訂，排好區域，仲要ＣＨＥＣＫ埋餐廳公休日，再提早２星期以上逐一打電話去訂位。。。緊張到不行。。。務必食到最多最好！（觀光只是用來攝牙罅，哈哈哈）

【第４天】

第１餐：時代1931

【台北】原味湯廚：一粥解鄉愁

29 November 2016, Tuesday

赤峰街一向係中山區飲食型店重地，每次路過都對各家特色爆燈餐廳行注目禮。今日係雙連站附近做完嘢，有感嗰頭附近冇咩好食，打算沿住赤峰街行去中山站果頭搵食，點知一開始行，離遠見到「港式養生煲湯」六個字，已經口水流。

行近啲睇，原來係之前喺唔知邊度見過關於呢間餐廳嘅報導，係講香港人係巷仔開餐廳無人幫襯，直至有記者食過，覺得好好食，報導過之後先開始多人去。

店主問我拎走定係度食，我只係答咗2隻字：這裡，就比佢發現我係香港人！哈哈，我的國語真是「有夠爛」！

【台北】啡創工廠：客人要遵守好多規條耶

17 November 2016, Thursday

去圓山花博睇完展覽，又係時間搵地方飲下午茶。。。定應該改叫飲下午啡？

已經習慣咗依賴ＧＯＯＧＬＥ　ＭＡＰ嘅我，搵咗附近４.６分的ＣＯＦＦＥＥ　ＳＨＯＰ。。。

【台北】誠屋拉麵：豉油碟請用下一個

2 October 2016, Sunday

今日好有雅興，轉車去大稻埕捉紅唇姐！（香港又名「你私煙」）

一個鐘就捉咗差不多１０隻，呢度果然係紅唇姐私竇。

更正嘅係大戰ＰＯＫＥＭＯＮ前嘆咗杯蛙咖啡，諗起都流口水。
舊食評：http://www.kenmerry.com/2016/10/frog-cafe.html

雙重驚喜後，晚餐頓時有點落寞。

從北門坐捷運到台北車站，步行至京站Ｆｏｏｄ　Ｃｏｕｒｔ，見有間拉麵店唔使等位，就試下啦。

半熟蛋牛骨白湯拉麵 NT$230

【台北】窩是咖啡：蝙蝠洞穴品嚐冰滴咖啡

30 June 2016, Thursday

去完臺北市立美術館裝懂欣賞畫展的偽文青，又係時候搵地方嘆杯咖啡。

作為一個陌路人，可以點搵？

咪Google Map囉～（唔想咁樣，可以點樣）

近近地Over 4分的有佢，圓山捷運站旁，大直路唔會蕩失路～

門面可謂相當突出～（色彩上）

【台北】蛙咖啡：〝用挖的〞咖啡。妙哉之午後

2 October 2016, Saturday

Yo，躲懶咗1個月嘅小精靈訓練員要再次出動啦～

北投公園已經唔能夠滿足佢嘅野心。

今日目標：紅唇姐！香港又名「你私煙」。

聽聞大稻埕碼頭廣場係佢嘅「蛇竇」，一於去直搗黃龍。

嗯，係直搗紅唇至啱。

欲成大業，糧草先行！一杯CP值高的Coffee免不了。

【台北】姊妹淘の境外飯聚篇(下集)

28 February 2016, Sunday

姊妹淘の境外飯聚篇,5日台北「食、食、食、食、食」行程已經來到第4日喇, 已經飽到唔郁得...

就算係咁, 都唔可以比佢停... 繼續飽住瞓醒, 飽住出門口, 飽住去餐廳, 飽住食清光...

今日係重頭戲!!! 各位觀眾... 北投!!!

※ Day 4 第1餐 ※ (幸福指數：★★★★★)
少帥禪園 @ 北投區 http://www.kenmerry.com/2015/06/taipei-03.html


天公造美=藍天白雲+櫻花盛放... 靚到喊!!!

【台北】打鉄町49番地：環境又好又唔好

30 January 2016, Saturday

已經唔記得咗, 點解會路經此地, 只記得呢條街好多特色小店... 差不多行到捷運雙連站, 最後我地揀咗呢間日式居酒屋...

【台北】吵嚷三寶雨中一日遊

23 January 2016, Saturday

昨天吵嚷三寶大鬧宜蘭一日, 總算天公造美, 大部分行程順便完成, 當中有驚無險, 還得神落... (玩到夜市先開始落大雨, 都算係咁啦)


今天繼續吵吵嚷嚷, 轉移陣地, 留守台北...

原定的行程...

Option A > 松山文創區 > 誠品生活松菸文化園區 > 東區地下街 > 五分埔 >饒河街夜市

Option B > 松山文創區 > 誠品生活松菸文化園區  > 微風松高 > ATT 4 FUN > 幾米月亮公車 > 臨江街夜市

因為落大雨+天氣凍, 轉Plan C!!! 唔玩室外玩室內!!!

台北「尋找他鄉」2015の老董牛肉麵 X 欣葉台菜雙城會館：驚喜前，中伏後

5 October 2015, Monday

再度向台北進發...

上星期二開始咳咗3日, 咳到痰都有血絲, 3晚都無瞓過, 早餐咬2啖麵包想嘔... 今日出發去台北, 上星期五仲唔急急腳去睇醫生咩... 要食5日抗生素, 醫生話驚唔食2日後會發燒... 咁... 即係係台北頭2日都要食藥?!! 唉... 我仲有得揀咩?!! 

第1次出發前2天先開始執行李, 食藥食到迷迷濛濛, 都唔知有無執溜...