赤峰街一向係中山區飲食型店重地,每次路過都對各家特色爆燈餐廳行注目禮。今日係雙連站附近做完嘢,有感嗰頭附近冇咩好食,打算沿住赤峰街行去中山站果頭搵食,點知一開始行,離遠見到「港式養生煲湯」六個字,已經口水流。
行近啲睇,原來係之前喺唔知邊度見過關於呢間餐廳嘅報導,係講香港人係巷仔開餐廳無人幫襯,直至有記者食過,覺得好好食,報導過之後先開始多人去。
店主問我拎走定係度食,我只係答咗2隻字:這裡,就比佢發現我係香港人!哈哈,我的國語真是「有夠爛」!
![](https://blogger.googleusercontent.com/img/b/R29vZ2xl/AVvXsEgj5AuwuoZ1Py4EwATWKN1DLUq297v_V0WVrEPRcbAkSUQy7tgTItlFGYnISshp34UvHfqS9TYbMwXJaz9YNQXk12s7Z_QjkHNqc_nGC4zDl9RMcojzkCVETFiB_l5nn3ChdmsogJbZLYbc/s640/DSC_6950.jpg)
![](https://blogger.googleusercontent.com/img/b/R29vZ2xl/AVvXsEje-4vlsbthMd-lo0be4JDHuCUrew2dt-CyooqyJB6P03XlZuoA6PVMtUqB74RY6g0-ea1rYDDNP9MDxC-kwUN5sLg8vZnOuxT8MxvQnzBvtvbSJ3x-k73yze73RBLYJBf5E5R0SAd74bHo/s640/DSC_6954.jpg)
![](https://blogger.googleusercontent.com/img/b/R29vZ2xl/AVvXsEjSTGjZ-teiwLtBQ1iGq587dBD7V08xAol17emr9deTn_ICAywVJCyCbzEsQp8rbZR6RuSjbaEkBtxFrSUzOdJnCl_vHC8C_p-llndASFEJJy8dq5iH2UMwpNJDXhZDOB9FgtMWzFO6HSyI/s640/DSC_6951.jpg)
![](https://blogger.googleusercontent.com/img/b/R29vZ2xl/AVvXsEikubSZufc_Ltnr8WXyptViq6f_tj8wZ5DtNRf0S0a5ComwICY-3vu5YFR0jCbK7fnSba1XIuLI9tcLZyV5WTFatbN63ZZ2IJj8z7WKwYixM9Lpk_zx5R4nt1o7LizCkWAmvlNzxViCtZxc/s640/DSC_6952.jpg)
![](https://blogger.googleusercontent.com/img/b/R29vZ2xl/AVvXsEiCRSqbiBMKoB1e1-lRgcFXFNb7oAHaLdU-5Opci7j2sjWpEA1oXEQbOfWJP7SBoFxipvQIsqIZAfpmAEEDDeaxFot2VO1Un78wNHMxVzttjOkYNlu6pUQUBeRwLagEEqTdaO0-D9nFW5Nw/s640/DSC_6953.jpg)
花膠響螺烏雞湯純湯 NT$300
—500蚊會有花膠,但我唔係太好,有啖湯飲已經好滿足。店主話近醫院,唔敢落咁多鹽,比樽鹽我哋自行決定落幾多,好貼心。最後我同Honey都冇落,因為我慣咗食淡,同埋食太多鹽都無益,平時已經吸收過量。
套餐加NT$140可配「生滾薑蔥滑雞粥」,正到無朋友,好感動,可以係台灣食到碗咁綿嘅粥!
上次黏土老師極力推介話帶我去食粥,一睇,唉,只是湯飯一碗(對香港人而言),對台灣人來講已經係好唔錯嘅粥,呢方面有點落差。
![](https://blogger.googleusercontent.com/img/b/R29vZ2xl/AVvXsEgz44gWCBqEHstWVTTCC1Ht2LiZfOo5mbq5PY56QdVvmO48gV_lMVOH8mFswqHRnBnf2r5WVHHgFszC6OAIIhlxEl9zYZy3dBQuV4UnanXrKjD3964dUHmRP2367Kd9M0mg__vT03HdM42Y/s640/DSC_6955.jpg)
蟲草花響螺雞湯 NT$240
—應該都幾唔錯,見Honey噓噓聲飲晒。
燙青菜加NT$40,雞翼加NT$50,份量少少,明顯針對我呢D貪食鬼。
![](https://blogger.googleusercontent.com/img/b/R29vZ2xl/AVvXsEgVBddZzaM0s8Nbby6HklOvJRHF3GpUA8Q6_R9vsk8PEXYYqSlekd3R0wxz_hsst6dTH6D5vS3kEdYI3ldMka0CitQDOOMJs5FzSo4zEMSnhms-k5RB253sI90VbXw5A3LfiSwiD13xIhNl/s640/DSC_6956.jpg)
雞翼好好食,香得來有點微辣。燙青菜清淡無油也好吃,很神奇。
![](https://blogger.googleusercontent.com/img/b/R29vZ2xl/AVvXsEhnVkVi6gpEEjtmEaMPFFqZnjFTlcM2oOv6ssYnsmFXV_C015QU7s7zmQ_ie8Im_qMo-jGWtI5PX1WV3CwWzXJDBoSrXOd0b0d0JXlXghVLjVygorKoDlnfAja0nmmq7x8LZPE3kaKi5Dts/s640/DSC_6957.jpg)
店主好健談,仲推薦我去試銀戒指同手工皂體驗課程,都中晒我心事,好利害。
謝謝店主,呢餐好有親切感喔!
我回家即LINE黏土老師,推薦佢去試吓,過幾日佢真係去試咗,仲SEND相比我睇,勁讚好正。上課時老師曾經講過,由一個香港人介紹台灣人台北有咩餐廳好食,好奇怪耶,哈哈!
⭐其他PO又話唔記得晒D味道,呢間又寫得咁詳細?鱔稿呀?哈哈,非也,其實我之前都知道自己有失憶問題,食記又積聚太多無力清理,我後期已開始嘗試食完就寫D DRAFT係電話記事簿入面。。。點知電話死埋,渣都無。。。我終於開竅,寫完DRAFT即COPY去GMAIL,SEND個DRAFT落自己EMAIL BOX,先得以保存一點點回憶咋。。。
![](https://blogger.googleusercontent.com/img/b/R29vZ2xl/AVvXsEgaK982tIl9bSxk3n9w-i7cAKGi6F-BPE78F1CcZl5VA7n5bIgb5ipEL1XacH-DARsK12ARGsDW7vfSH-G7JDC_zNIJejNUcl9e1EN_X2_o_egoHdOKfBgaBYLzhmZAcawHXPZbokQZnjo5/s640/DSC_6960.jpg)
味道:★★★★★
環境:★★★☆☆
服務:★★★★☆
衛生:★★★★☆
抵食:★★★★☆
原味湯廚
地址:台北市 大同區 南京西路25巷48號
電話:+886 2 2559-6356
網址:oursoup.com
沒有留言:
張貼留言