【淡水】uBike炒車記。騙人的「金色水岸自行車道」

14 November 2016, Monday

Honey練咗幾日單車，就充滿信心話要挑戰外面嘅世界！！！

上網睇到淡水有條「金色水岸自行車道」，個名幾咁響噹噹！！！

又聽過天母朋友話放假會帶２個仔去踩，好似難度幾Family Friendly咁。。。

就係咁，就闖禍喇！！！

奉勸大家，千祈千祈千祈唔好唔好唔好由淡水捷運站踩單車去漁人碼頭！！！

Ｄ路又細又多人，連行都成問題，全程都唔係單車徑，根本得行人路，中段到尾段仲要窄到爆，１架車行都窄，Honey就係咁就炒咗車喇！




先睇傷勢。。。


再睇踩單車前食咗Ｄ咩。。。

真食。手作
http://www.kenmerry.com/2017/05/handmade-kitchen.html

開車！！！


大熱天時，見到有西裝友路過，認得係電視劇男主角，咩名？我點會知呀！（附近有大ＴＥＡＭ人ＳＥＴＵＰ緊拍攝儀器）


途中堅係有指示，笨唔係我地亂踩入行人路。



我唔記得係去程定回程食下午茶。。。食評後上吖，唔該！


交車慘過咩！！！

因為唔想踩入淡水老街，中途去個唔知咩停車場還車。。。（YouBike 文化機車立體停車場）

嘩！！！ＰＫ囉！！！無路架！！！單線行車路，４５度斜，我地要逆線推上山，仲要Ｄ車高速轉彎衝埋來，果２００米斜路，我有諗過自己會死係呢度！！！

台灣人做事的隨性態度，係呢段路表現無遺！！！

好重怨氣！！！好重怨氣！！！好重怨氣！！！嗚）））

回捷運站途中順路買D名物先。。。海邊走走花生卷果然名不虛傳，好味到停唔到口，好容易會一個唔留神自己一個人一晚隊晒一盒。。。邪惡指數１００％！！！


回到天母ＳＯＧＯ，１２０年一遇的大月亮！！！多人影就緊架啦～