Here with Years：色彩繽紛素食

19 September 2024, Thursday 

素年居然登陸太古區！！！🎉🎉🎉

好感動，終於唔駛為咗食1餐飯千山萬水咁走去深水埗～😭😭😭

近幾年太古區真係無乜選擇，無啖好食……舊年開咗壽司郎叫做多1個選擇……

去旅行前見佢圍咗木板，一落機唔夠1個禮拜即刻黎朝聖～

素來素往：初一齋BUFFET

6 January 2023, Friday

鬼門關就開，台山三寶趕緊食多次飯先，貓兄話起碼2-3個月都唔會再出黎食飯～

撞正年初一，龍媽話要食齋……嘩！好高難度啫！早幾日又係你話要食大角嘴，越加越多限制，知唔知幾難搵到啱大家食嘅餐廳～

最後去返走肉朋友舊舖位新開嘅素來素往……（網上話係頂手）

90分鐘晚市自助餐平日 $128～

素年：轉眼已1年

27 October 2020, Tuesday

12點先食Lunch，3點幾又食Tea，Pat Pat都未坐熱，5點又話要食埋Dinner，好Crazy呀！！！

出賣年齡系列！😂😂😂

走肉蔬食硏究所：前菜無限REFILL。免費愛心例湯限量供應

26 June 2020, Friday

下晝同Honey講：講個驚喜比你聽吖……我今晚同D FRIENDS食飯～

前日先食完咋喎！😂😂😂

早2日貓兄最後1日NO PAY LEAVE，大家急急腳趕住出黎食飯……今日公司開大會，又話要放多3個月……😰😰😰

龍媽今日出城簽約，下星期開始就出唔到黎食飯LU～

我D輕黏土未開封就已經縮晒水硬晒，CREAM黏土仲發晒霉，唉，究竟我幾耐無掂過佢地？！想過黎D2補貨好耐，但係咁鬼熱要戴住口罩去咁鬼遠真係無勇氣，咁今日啱晒啦～

外面咁熱，近近地係D2入面食埋吧啦～

走肉朋友：疫情自助餐

19 June 2020, Friday

台山三寶聚餐聚開有條路！

龍媽話要食齋BUFFET～我地又黎啦～６８蚊都幾抵食～

素年：Fake肉素漢堡

28 November 2019, Thursday

去完幾日台灣，大把代購要送貨……

佢地send黎嘅menu，佢地揀咗咖喱飯&不可能漢堡……

【台北】淚遊8+1天（上）

12 November 2019, Tuesday

台北8日7夜嘅行程……係無行程！😔

（臨尾果日想去烏來住1晚浸溫泉，但係太多展覽太多外國商務遊客，搞到住開果間溫泉都Full晒，算啦，下次請早！我地又係遲嘅，臨出發1星期先訂機票酒店，連住開果間Service Apartment 都無房，一度搞到要中途搬酒店驚魂，好彩後尾有人Cancel，先唔駛自己1個人搬4件行李坐車去第2間酒店）

以往未出發先興奮喪食喪買喪玩嘅澎湃心情……絕跡！😔

食慾故然無，以往出發前2星期就Book定晒餐廳嘅瘋狂行徑，已成絕響！（近2日連吞嚥都出現困難）😔

星期二出發，星期六先開始執行李，我份人對於出遊呢件事真係越黎越Hea！😔

原先訂咗0605機場車，網傳第2朝0600會有封路行動，臨時改做0530，要加100蚊附加費（早過6點的話）。

走肉朋友：雨後春筍。冰點食慾

16 May 2019, Thursday

任食素菜開到成行成市，猶如雨後春筍，似乎好難逃出佢嘅魔掌～

今晚又再素暴肥！（台山三寶分贓晚宴）

每日蔬食自助餐：不似預期

10 October 2018, Wednesday

素食自助餐近年開到成巷成市，仍然爆晒棚，估唔到香港咁多人咁鍾意食齋喎～

【林口】熱浪島南洋蔬食茶堂：素上癮

14 January 2018, Sunday

星期四晚上展開不可能的任務，星期日中午就擺平晒？好勁呀我地！（更恐怖嘅任務，將會係明天１０時委派，人生確係充滿挑戰）

唔慶功就勢係假！

慶得功啦喎，當然要一不離二！啱啱先飲完龍貓拉花咖啡，都未落格，又去食晚飯喇！

今日有人揸車，去遠啲都唔驚啦！

唔知點解，今晚好想食齋。搵嚟搵去，桃園嗰邊都冇乜邊間齋舖似樣，所以就試下林口呢一間。位置好獨特，勁近Ａ９捷運站，但又四野荒蕪。入到鐵皮屋入面，Ｏ晒咀！估唔到餐廳入面又大又靚！

林口Ｄ餐廳職員每次見到香港人都會覺得好奇怪，９９％都會問我哋係點搵到嚟。。。

答案：Google大神！

疑似老闆見到香港人好開心，佢話佢成日去香港，香港有間齋舖都好好食。（吓？！）（我哋梗係半信半疑）

佢仲話選址係呢度，係因為方便客人泊車。（咁呀真，巷頭巷尾任你通街泊）

瀛素食：突破素食領域

15 September 2017, Friday

今日對我地黎講，係好重要嘅日子！！！

到咗約定之日都可以無聲無氣，當無發生過一樣。。。唔想出嘅，咪唔好出囉～

相見不如不見！！！
哀莫大於心死！！！

晚飯前，跟貓兄去見識吓世界美好嘅一面。。。油麻地果欄！！！（嘿）

佢居然睇死我自己一個唔會去。。。好，今次又比你鐵板神算批中！！！

蓮花素食：擺烏龍去錯地方

6 September 2017, Thursday

貓兄快閃首爾一轉，估唔到咁仲有時間買手信比我地，抵錫，嘴啖先～

都多謝ＫＡＫＡＭＡ的高雄手信，太客氣啦，連我都有份～嘿嘿～

鑽媽慣例唔出現。。。可知大家有好多情深說話未曾講。。。佢都算鬼馬喇，居然聽日約咗８Ｂ食飯提都唔提咁口密，８Ｂ變５Ｂ，Ｅ５變Ｅ４，數字遊戲，人生如夢。。。

係我人生低谷遇到咁嘅事情，係咪應該多謝佢地，令我及早清醒過黎。。。

醒吓啦！！！一早已經唔屬於你嘅，就唔好再傻痴痴當自己仲擁有緊啦。。。

呢７日實在太傷心，你地揀係呢日落毒手，我竟然一Ｄ感覺都無，可謂揀啱時機～

鑽媽，我地已經約過你好多次喇，係你唔比機會我地講心事，將來唔好倒轉頭怪我地～

講返餐飯。。。

個人比黑色音符附身，就緊係食龍肉都無味。。。

餐廳門口同入面都無咩好影。。。

明明見到網上面話有原個南瓜乜乜必吃，店員話無，可能我睇錯元朗同名果間啦，未食已經咩心機都無晒～

明明海報條芋頭魚靚到飛起，上枱咪又係幾十年同一款模，原本已經咩心機都無晒，而家直頭谷底再挖深多幾層。。。

銀杏館：鼓勵長者就業

3 September 2017, Sunday

9月1日開學日，對好多莘莘學子黎講，係難忘嘅。。。

對我地一家廿幾口黎講，就更難忘。。。

身心俱疲+病菌入侵+吃不好睡不好， 傷痛過後，累上加累。。。

咩都提唔起勁，腦海一閃，想去新搬黎嘅銀杏館試吓。。。（係呀，就係舊年10月係美孚饒宗頤文化館「被結業」果間鼓勵長者就業嘅社企餐廳呀）

六榕仙館：人生中 Top 3 難食

7 April 2017, Friday

人生中，食過最難食嘅齋菜，佢應該入ＴＯＰ　３！！！

四寶飯局，龍媽推薦呢間齋舖嘅芙蓉蛋飯好食，叫大家去試吓。。。

去到先話芙蓉蛋飯係ＬＵＮＣＨ碟頭飯，玩野！

齋滷味還可以，其他極之唔掂。

喬妃齋：熱誠待客

9 August 2017, Wednesday 

四寶飯局食齋的次數越來越密，難度有人做得多陰質事？嘿嘿～

月亮報話：前電視藝員蘇杏璇開設的喬妃齋...如果係咁，N年前係西九龍中心FOOD COURT應該有食過, 唔記得係咪同名。

芋頭魚好正！

【台北】亞蘿瑪珈琲屋：菇流素聞

19 April 2016, Tuesday

好怕食素，因為好怕食菇。

今日，又撞正菇店。

不過，唔係只得我１個覺得唔好味，就連喜歡吃菇的Honey都話唔掂。

【台北】MiaCucina：難怪一直座無虛席

26 June 2016, Sunday

每次路過MiaCucina，門外的座位都已被坐得滿滿。有嘗試過入去，Full House，無位！之後一直無醒起要去，擱置至今。睇落大把位，但都要在門外等待。

【宜蘭】食光寶盒蔬食主題館：清秀脫俗。素中仙子

18 June 2016, Saturday

遊畢望龍埤，吃罷赤魁屁屁堡，繼續宜蘭日食４餐１日遊～

第３站：食光寶盒蔬食主題館

剛才的漢堡仲頂住個胃，而家又食喇～

【台北】Su蔬食料理：唔鍾意食紅蘿蔔嘅小朋友會從此愛上紅蘿蔔

14 August 2016, Sunday

捉小精靈捉到攰攰地開始想搵地方坐下，喺北投公園隔離有間素食料理係Google Map嘅評分唔錯，近近哋就試下啦。

【台北】蓮池閣素菜餐廳：佛口不佛心。真是素菜嗎？

4 June 2016, Saturday


每年6月4日都會選擇食素。不過今晚去錯咗1間只供應buffet的素菜館--蓮池閣素菜餐廳，豐富得有點過份，罪過罪過。

魚生像真度好高下，有腥腥地味果下恐怖，仲有焗田螺(芝士栗子)、天婦羅、佛跳牆、臭豆腐... 仲有其他，不能盡錄。

做到咁認真，都只係收NT$600免加一，真係大開眼界，出家人仲有半價，難怪Google Map search素菜within台北區會係最高分。