8 July 2026, Wednesday
由始至終，都無諗過寫呢篇Blog，張門口相都係後尾先補影～🤣
廿幾年都好似未行過入呢個舖位……
5月中補完鐘戚起條根第1次行入去幫襯……（🚗💨💨💨我覺得我有命係寶馬山＆渣甸山落返黎大球場，我應該去到全世界都揸到車無問題架啦）
6月尾第2次去幫襯嘅時候，應該係下午茶時段，我只記得我地坐係大禮堂紅色Stage上面，1人1碗燒味米線，好鬼大碗，完全食唔晒……最欣賞佢有個大蒸籠點心，入面有5款點心每款1粒，得1個人也可以盡興～
但我好好好記得，職員A同職員B講「個男人帶埋平板電腦黎煲劇，由朝早10點坐到下晝4點」……吓？咁都得？我聽到都O晒嘴！
今日，我淪為「有家歸不得」人士……腦海突然響起呢段對話，LaLa聲執埋Tablet同67W Charger踏正9點衝落去！（快叉係For轉場去Komeda用嘅，我都唔好意思同1間餐廳坐足朝9晚5啦）🤣🤣🤣
最後我地連續落去呆坐咗3日囉！🤣🤣🤣
8 February 2026, Sunday
篇Blog拖咁耐都無Mood寫就Sense到我有幾鍾意食啦……（我都係想清咗電話入面嘅相簿，唔想成日食到呢堆相，先屎屎地氣寫埋去）
佢真係唔難食嘅，人夾人緣啫……
裝修又有特色，呢區又好似無其他潮州菜同佢競爭，見佢都多人食架～
20 December 2024, Friday
尋晚先落機，今日阿姐黎清潔，清潔完我地就9衝落吉🐷島掃煲！
望穿秋水，コメダ珈琲店終於降臨康怡AEON！💖💖💖
好開心呀～以後可以成日借D意走黎食雪糕啦～Yeah～🥳🥳🥳
攞咗飛一陣就有位，今日感謝日喎，點解嘅……（以為自己有位就好Lucky？）
所有意粉都售罄，好多野都售罄……仲要落咗單足足1粒鐘先有得食！後尾聽到原來佢地今日第1日開業咋！唔怪得之啦！😱😱😱
軟雪糕又無得用20蚊加……唔通打算黎康怡搶錢？（過幾日再去終於正常返，有得用20蚊加）
23 December 2024, Monday
係歐洲過完1個悠長假期，太古區嘅餐廳起咗好多變化，比起過去5年，多咗好多更加適合我嘅優質餐廳湧現，唔駛再食黎食去都得果2-3間啦～💖💖💖
前空姐東京藍帶學藝3年後開設JOMO～聽落都好有保證啦～
19 September 2024, Thursday
素年居然登陸太古區！！！🎉🎉🎉
好感動，終於唔駛為咗食1餐飯千山萬水咁走去深水埗～😭😭😭
近幾年太古區真係無乜選擇，無啖好食……舊年開咗壽司郎叫做多1個選擇……
去旅行前見佢圍咗木板，一落機唔夠1個禮拜即刻黎朝聖～
23 February 2024, Friday
嘩！太古酒店同Starbucks爭飯食？！
唔信？睇埋佢個價錢先啦……
差唔多價錢，酒店喎呢度，我得閒行多幾步多D過黎Chill吓，山雞都變鳳凰呀！🤣🤣🤣
P&S Paris Brest $58
—好味到無朋友！賣相又靚，平到咁，太離譜！（自己揞荷包都讚到鱔稿咁🤣🤣🤣）
25 June 2023, Sunday
出發在即，最後衝刺！ 💪🏻💪🏻💪🏻
貓兄話：唔好講到要去埃賽俄比亞……🤣🤣🤣
話雖如此，大英帝國郊區D日本菜真係好難食，Honey話唔通食果間「乜家媽媽」咩～
4月16日最後1次幫襯食咗廿幾年嘅屋台屋（基利路）拉閘後，若有所失……近日的起心肝，行遠D，走去太古城入面間狸屋台屋。
8 November 2022, Tuesday
對Kubrick嘅認識，緣於油麻地分店～
習書籍﹑電影﹑咖啡﹑小型聚餐﹑精品美食﹑文化藝術﹑出版﹑發行﹑展覽講座﹑迷你音樂會於一身，係香港屬於少數～
難得佢開到黎太古，點都要去泡吓沾染吓真文青嘅氣息～
12 April 2022, Tuesday
香港人餓咗好耐……2年幾無得去旅行……我要飛呀))))))😭😭😭
2年幾以黎無乜出過街食飯……更惶恐話掃街啦~
睇住玩具舖執笠……封木板……然後……嘩嘩嘩!!! 開台式芋圓甜品店!!! 好興奮呀!!!
興奮還興奮, 隔離2間旅行社相繼執笠, 封木板, 沙塵滾滾, 我都唔敢逗留咁耐……
然後……嘩嘩嘩!!! 開台式炸雞店!!! 好興奮呀!!!
興奮還興奮again, 中間間舖仲封緊木板, 沙塵滾滾, 我都唔敢逗留咁耐again……
再再再然後……嘩嘩嘩!!! 開台式麵包店!!! 好興奮呀!!!
我終於可以爆(買)啦~
11 March 2021, Thursday
10月尾同朋友食完飯之後，我地就無係外面坐低食過1餐飯，足足4個半月啦！！！（間唔中都會買吓外賣返屋企食嘅，但一定會叮吓先食囉）
尋晚新聞開始回顧311，轉眼已十週年，眼淚仍然係忍唔住留出黎……
搬Office進入最後倒數，搬埋今日呢一車去迷你倉，終於見到家鄉啦啦啦～😭😭😭
眼見搬遷成功在望，近日確診數字又偏低，個人嘅戒心都低咗，係街外面食飯嘅慾望大爆發，遇啱311走難紀念日，仲唔即刻比個藉口自己咩。
30 October 2020, Friday
數以億計病毒將會免檢免隔離殺港！我地都係早Ｄ聚埋呢餐先啦～（自從舞癈之後都無同黏土同學聚過餐啦）
佢地真係太太太好人喇，主動提出要黎太古城食，驚我食完飯無車搭返屋企喎～😂😂😂
呢間餐廳食過１次下午茶，印象係又貴又無話特別好味，所以都無再黎過～（估唔到連ＢＬＯＧ都無寫，我以為自己有架）
同學打電話訂位，店員話星期五晚只可以門口排隊Walk-in…7:30PM黎到，條隊呢請問？
