12 April 2022, Tuesday
香港人餓咗好耐……2年幾無得去旅行……我要飛呀))))))😭😭😭
2年幾以黎無乜出過街食飯……更惶恐話掃街啦~
睇住玩具舖執笠……封木板……然後……嘩嘩嘩!!! 開台式芋圓甜品店!!! 好興奮呀!!!
興奮還興奮, 隔離2間旅行社相繼執笠, 封木板, 沙塵滾滾, 我都唔敢逗留咁耐……
然後……嘩嘩嘩!!! 開台式炸雞店!!! 好興奮呀!!!
興奮還興奮again, 中間間舖仲封緊木板, 沙塵滾滾, 我都唔敢逗留咁耐again……
再再再然後……嘩嘩嘩!!! 開台式麵包店!!! 好興奮呀!!!
我終於可以爆(買)啦~
成條康怡廣場天橋比佢地3間台灣菜霸晒, 形成1條蚊型台式夜市街, 好有掃街FEEL呀!!! 行一轉幻想吓自己去咗1轉台式夜市先啦~~~
不過, 我減緊肥(精神上減咗幾廿年), 都唔可以太放肆嘅, 唯有分開3日1日每日掃1間好喇~~~自認年輕貌美嘅你地, 可以放膽一次過連環掃晒3間嘅~~~
疫情仍然嚴峻, 我都係買外賣返屋企叮翻熱黎食穩陣D~
一連3日食盡3間台式小食店……馬上去片!!!
第3位出場嘅佳麗……犀牛犀牛!!!
其實佢係最遲開嘅, 就係因為要等佢都開埋, 唔再沙塵滾滾, 我先敢黎幫襯囉~~~
查實應該試台式早餐最強之捲蛋, 不過, 而家下午茶時間喎……試咗個花生醬棉花糖厚多士先都得啩~賣相滿分, 落花生醬毫不手軟, 多士煙韌有咬口, 非常正, 無得輸~
最離奇係加錢換嘅紅豆餅居然異常美味~係食咖喱果種千層薄餅, 紅豆餡濃香而不死甜, WONDERFUL~
杯鮮奶加咗岩鹽先至無得頂!!! 好抗拒飲奶嘅我同HONEY都搶住飲, HONEY不停讚岩鹽同鮮奶好夾!!! 個黑珍珠Q彈到離譜, 有黑糖嘅香BUT唔死甜, 重點係咬得開又消化到~~~(如果你食過假珍珠你會明我講乜)
唯一缺點就係我無得一路行一路食囉~~~希望疫情快D完結, 還我真掃街!!!
一定會ENCORE!!!
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
犀牛犀牛 Rhino Rhino
地址：太古康山道1號康怡廣場北2樓S12號舖
電話：+852 60928901
網址：www.facebook.com/RHINOHKG/
第1位出場嘅佳麗……嚐仙 !!!
台灣過江龍, 難怪味道正宗到無得再正宗!!!
3間新店得佢有堂食座位, 其餘2間都係(站)立食~
張相影唔到咋, 舊芋泥好味到不得之了~~~芋💖300!!!😂😂😂
芋圓都好Q彈, again咬得開消化到~~~😂😂😂
紅豆大大粒豆味濃, 份量不少~~~
黑糖微甜, 同薑味平分天下, 誰也搶不了誰的風頭~~~
至於豆腐花呢... 唔知關唔關我叮過事, 有D鞋囉, 要搵次落舖頭食真D先~~~😂😂😂
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
嚐仙 T-Fresh
地址：太古康山道1號康怡廣場北2樓S13-S14號舖
電話：+852 59153046
網址：https://t-fresh.com.hk/
第2位出場嘅佳麗……巷口炸雞!!!
台灣過江龍again, 夜市味最濃!!!😂😂😂
美乃滋(BB醬)係我地自己加嘅~~~😂😂😂
叫咗份B餐, 杏鮑菇夠JUICY, 炸雞調味一流, 肉質柔軟, 好味!!!
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
巷口炸雞專門店 Alley Fried Chicken
地址：太古康山道1號康怡廣場北2樓S11號舖
電話：+852 91093828
網址：www.facebook.com/alleyfriedchickenhk
沒有留言:
張貼留言