Min 16oC, Max 25oC, Partly Cloud, Mild
![](https://blogger.googleusercontent.com/img/b/R29vZ2xl/AVvXsEijveyYluDFhu90QnI34PxcwbJMjMIGpS0QkrAL296bnre-M22lPZSgUj91ukDvY4g8sZbA9_bGgkWeN3eF5I8f4FdZujYTRa8RAHkpiTkVr4APbQfdrjKvEX5iKJwQbzzRZbTef8bvfZj1/s200/DSC06960.jpg)
Go West Local Tour會係11:50AM集合, 我地10:40AM已準備就緒, Anytime出得門口...
有了前日大洋路之旅的歡樂體驗, 對今天的旅程充滿期待, 可惜... 有時候... 就算係同一間旅行社, 只要係唔同導遊, 原來擦出的火花都可以有好大出入... 加上今日不時下雨... 唔通... 連個天都唔鐘意我?!!
今天的司機兼導遊是非常有型的Frank, 長相有點像白髮蒼蒼的德斯汀荷夫曼(Dustin Hoffman), 只是Frank較Dustin廋一點...
前天在Great Ocean Road的旅遊車上借用iPod 翻譯機是需要扣留旅遊証件的, 但今天卻不需要, 真奇怪, Frank更豪氣地將整包iPod交給我, 包包內有3隻iPod之多呀... 今天更不需要填問卷, Frank又較為沉默寡言不太說話, Honey同我都懷疑佢係老細...
![](https://blogger.googleusercontent.com/img/b/R29vZ2xl/AVvXsEgLcvV6G9AFjHK8PHlcyVozx8PTP1dUwAa1ysof1WmvYN1xCiBaPjqtsamf6zZPdRZO__74V36DUZZqq6-AvUuc5rRF6jVbSvwJRf7KgglWCM03ySF7QHm8yi6VCM2T3izCA92WYe2SigWq/s640/DSC06904.jpg)
由墨爾本去Phillip Island要2小時車程... 好遠喔!!! 我趁呢段時間已經聽完所有廣東話版的導覽...
![](https://blogger.googleusercontent.com/img/b/R29vZ2xl/AVvXsEhK5Bl1JcfckTCSORJ9JQzNzk9Am9tw1jF6Vpd-gNIxK15qovxPNvhkT9xNTsPU4noIqIo4VS2oi7LIFOxtuJE-buc2F_qgjXMdteOUwAcIJid8rI6xV6h27TlzDpklX7Mv4HLpejgBKmHU/s640/DSC06897.jpg)
旅行車20個座位全數爆滿, 今日又係2架Go West Buses一齊出動...
有9個聯合國學生坐係車尾, 全日11小時未靜過, 嘈到拆天, 嘈到我帶住耳機都抗衡唔到, 噪音震到入心, 初期都有少少厭惡, 後來耳膜都穿埋, 麻木了...
沿途沒事可做, 又不想睡覺白白浪費光陰, 只有靠影下牛牛來打發... (電腦的harddisk又多了幾千張千篇一律的無謂相)
![](https://blogger.googleusercontent.com/img/b/R29vZ2xl/AVvXsEiRtZ3cVMyYaFZhElHMKmkZEkeYfzQDLQqipBWgfgw4LdnX-k5-qjVhQYikd6gfimwzCbOVRS0-aueQNGtU3VCl79Sz01bBO_3LvFsVT5LsilrZq024W3RAH3s3HsAEYxIVnASPrt2gRrpq/s640/DSC06913.jpg)
2:00PM 第一站 San Remo
San Remo 乃通往 Phillip Island 的必經之地, 地道的小漁村, 是買魚或自己捉魚的好地方!!! 相中之橋是 Phillip Island Road 的一部分, 如果唔行橋, 就要游水先去到 Phillip Island 嘅喇...
![](https://blogger.googleusercontent.com/img/b/R29vZ2xl/AVvXsEgThY7fOc-R-_lSZBLyPy4WiVVGvClqUzfETHuV73B2UzbbSHVH3H70HAQ1VMg1QzvWW_1jgPD4IL1d7t3Ig_muxy3Y2r3o-YkojJ6sjAyvPuJddFtt-lzqaZrx9jbh0u69OwVn_rn50EHz/s640/IMG_2090.jpg)
對岸是位於Phillip Island東南面的Newhaven海濱村莊... 嘩... 呢度好勁大風呀!!! 件T-Shirt吹到啪啪聲呀...
![](https://blogger.googleusercontent.com/img/b/R29vZ2xl/AVvXsEgN35scqie22OAmFUah7vyoAWlO3Jhd0Njq98QBIGhZ4CQwJE3-hmCPQkTZGKEg3D03YsdRv5uhddginKrHAoN1BtEO-KfbHk4JfV4qVGz_5_KOlYQHzF2aeTA05iBzKhMboiY_wpWTfIEb/s640/IMG_2067.jpg)
又到點唱時間... ♫ 冷得我騰騰震呀... 呀... 呀... 呀... 呀... 呀... ♫
開始落雨啦, 好凍呀!!! 著咗件Windstopper都頂唔順, 強顏V手勢... 連Frank都擔心我會凍親, 忍唔住伸手去搣下我隻手袖, 見到佢面色一沉, 示意我件風褸太單薄, 今晚Penguin Parade會更更更凍... 嘻嘻嘻嘻... 佢唔知到我仲有秘密武器會壓軸登場囉...
![](https://blogger.googleusercontent.com/img/b/R29vZ2xl/AVvXsEidj3sh2mgJ0jy0dF9YyDckir5Sg9o4hChjLshILwbyGvqW2KnM8wNdIaDlee55DqjkNN4zm_DHOhJh3jWzs90uOD5xctk0HnsYFWo3EM2ZeIZGEppLOHtl5e188pAbMFwoEzS6sHBNhXNE/s640/IMG_2101.jpg)
唔知點解團友們落車咁耐都仲未返, 我地唯有繼續週圍影下相...
![](https://blogger.googleusercontent.com/img/b/R29vZ2xl/AVvXsEj-dXFJGFP1p3JPVhIf6xuD3nQzYHaqEv3MQYnW1hxfgRasw4_6CSiKpckBXpmYtM689neYuHI1KLWfLIFcb3UBvSjnKJPq_XSskw8QnwL2R1wXTbEyQaa5Fz2b4MAz83xfrajtcAgVbz8B/s640/IMG_2098.jpg)
黑色的花, 質地看似木, 我摸過, 應該是真的, 唔係木雕... 好特別呀...
![](https://blogger.googleusercontent.com/img/b/R29vZ2xl/AVvXsEhp6hUhwtFvBS95dFT2NdpD1lM420ebahSEJogbsM_gj4icHXCs1HyhX6SAWIC3c2E5nJwQhu5LlQPm5OGW2mFWCxussM7m-CrccSndBZaULImBu8fSqP09h5oRZQPPm4Z78LnUQmFnLpxC/s640/IMG_2097.jpg)
外型好古典的建築物, 紅磚綠瓦, 離遠一睇已令人聯想到中國餐廳...
![](https://blogger.googleusercontent.com/img/b/R29vZ2xl/AVvXsEivWzM6oNHhvgcIFbBlC5T7xjMS3s6sQvKmUAT48T0lF4pe-tbKRcV0F1VI92z4C7jBB8neyx0UFPptTUKDV7ADJ5HjigVffp5fjyLKBmHjceOBRMbqH2ttI_EqOIFKX-nIoY5I17s21JHX/s640/IMG_2085.jpg)
2:15PM 到達第二站 (其實係第一站)... Pannys 菲利普島朱古力工廠 (Pannys Phillip Island Chocolate Factory)
![](https://blogger.googleusercontent.com/img/b/R29vZ2xl/AVvXsEgY7QesU88fu98juwpusOgNcycyPvO9TUM3N2G0o_9fhdz_xIF2iHMOlYpBLESTDqyrRFLW28TWqUo2xZsDj5VfNjuBBajgOdguuYD-a-2gZpCv2OMIKzJOVrLPFu3Ew_P7A19v3eU2sEc6/s640/IMG_2109.jpg)
來到呢度, 我地已經要著羽絨外套...
入口的小企鵝場景竟然係100%用朱古力做, 連雪地都係, 好勁呀!!! 仲要每隻都有名牌, 制作好認真...
![](https://blogger.googleusercontent.com/img/b/R29vZ2xl/AVvXsEi0uByqSWCenEwMzXU0wOualH47V_8G9OotPtDu2ekOIZzncGSx7ZCESUSmHty7MD0pZHi2AI5lOhyphenhyphenZt1m9sMWtp4BM4J3b4p-MRaFcysPlaMBXXkLD3ZBI3v40oacdSN_1yFYxYu_0sq-I/s640/IMG_2110.jpg)
好, 大家準備好未?!! 我地要一齊穿越朱古力隧道, 進入朱古力的奇妙世界(Pannys Amazing World of Chocolate)喇!!! 餐廳同商店免費入場, 入Pannys Amazing World of Chocolate要買入場劵, 大人AU$15, 小童AU$10, 家庭(2大2小)AU$45.00, 4歲以下小童免費... 入場時會派粒朱古力比你食下...
![](https://blogger.googleusercontent.com/img/b/R29vZ2xl/AVvXsEhjnCPITVCJhL8PVjvy6u1GsCh9V654J6f9RPMpa99qHhSbDbKLMBD0CwFRQTP_LvuAdLpi_khU2VP5zIWwaUZH0liXNUu4nEz60FxwLQWzu9DYzvYMvZHshhqwM_X_MbfMMyWGqDbI1y8w/s640/IMG_2113.jpg)
通向朱古力世界的第一關, 係要學習朱古力如何由可可樹一步一步演變而成... 工作人員流水作業的講解, 零交流, 也不會理會有多少人可以聽得到他的聲音...
![](https://blogger.googleusercontent.com/img/b/R29vZ2xl/AVvXsEjGeukHZCZO5HbY76ECm40gpMi7ojCshhVRSF4UsoskmH6aanaenP_olmgMJDW3rqE_mYd739JMW9PNf4eQ1f9WaizcucDa-8tYGFc0jlfsbBh2xGFAQGFZPJIIzMdA2xEPGl_w03qWhhId/s640/DSC06929.jpg)
朱古力大衛像(Michelangelos David in chocolate)都要用樹葉遮住?!!
![](https://blogger.googleusercontent.com/img/b/R29vZ2xl/AVvXsEgtEqMl6qxz-8Ev_vkNxFnl9bXG7jIRXgxI0KZETeMda5n3bYvqIDx75LoBv3wMK91YhOu1K6GxregCFV2Swx2LOcWiYw5i27SVpIOmjhl1Nbhx1e0RLNFNY81h7-QECk5A37O-GC50-LCi/s640/DSC06937.jpg)
以1萬2千粒朱古力拼湊出埃德娜·埃弗烈治夫人的樣貌 (12,000 chocolates in the mosaic of Dame Edna Everage...
![](https://blogger.googleusercontent.com/img/b/R29vZ2xl/AVvXsEgL_nukIqM9IlJQ1IfiedQekpQfx3zjlL_QtuZ1UqUN9WPe9v4BqyGDQcj0qXd6PitFjs4kV89Tw4CiyfKaTquqlCMNd4kijZGdssywzJRaOh7CLvj_g2gFCychWD-0x61OJjx5QnpnESDP/s640/IMG_2131.jpg)
在朱古力村落中行走的小火車 (Train in Chocolate Village)... 好想變身哥師奶, 摧毀呢個村落, 第一樣想踩扁的, 係個燈塔, 好唔抵得佢做得咁神似... 嘩咔咔咔...
![](https://blogger.googleusercontent.com/img/b/R29vZ2xl/AVvXsEiUOZEC6ZoxRAM_9m7rtAT3qYfljTYLuDf9ox0FLoEY02WzakkSDwGlZJ0DWwoOSYRHn6bqHx_TUDM1kyc_irv6bpQ-1DXMmMcZwA6ChiJVeshG5EbIdqfpVSo2u-WYTOBi9mILFvsPtPaL/s640/DSC06939.jpg)
按鈕啟動西洋鏡 (Zoetrope), 看看企鵝如何由蛋變成小企鵝, 然後再慢慢成長...
![](https://blogger.googleusercontent.com/img/b/R29vZ2xl/AVvXsEg8p0vUs79P8yxw7GHHm0cvVyWVpeve8lUHZDVo4Qg-x_utizRi9pUFFRVwktWb6V6VUxGAWMRC3pK82NLE1gqu1aQw2TBbOZc8AesYdDXVXmfVXvfi9feKueFSovm84Zhy0l1GiJkAk_LL/s640/DSC06946.jpg)
攤位遊戲(Side Show Alley), 好似去咗冒險樂園咁, 不過呢度任玩, 唔使入錢, 贏咗會有朱古力碌出來, 玩果時係好興奮, 到粒朱古力到手又開始擔心衛生問題...
![](https://blogger.googleusercontent.com/img/b/R29vZ2xl/AVvXsEjHhqFGzK3BOnKoIDHnn0ihnQMsJefWp0BplAffHZ_OYU1RRRNUDc0aOwwePoqYv4TzSsHoRp9xg2XvtTUMxK1b8ErPqrYYos-2gwDKUE-HALYxAXN-BFZjvBySmnqdC5Bu0epsXyLEJVdC/s640/IMG_2176.jpg)
留多一陣都會暈的空間Aroma Centre... 你睇下個地下... 轉轉轉...
![](https://blogger.googleusercontent.com/img/b/R29vZ2xl/AVvXsEhd1STeixvbxXzUxc_FTz8FNIvGW2f0v5f9MdWroUIp2VowpG9s55z900k4GpYLgsWTRzyp2l3BPWAxm4G49lq5BdIurjAIzRS_hGCWISRu4NMChU8IxbiWMtrqJI22SAATS_SMpW7x91th/s640/IMG_2181.jpg)
每3分鐘有400kg朱古力流出的瀑布(thunderous chocolate waterfall)... Crazy...
![](https://blogger.googleusercontent.com/img/b/R29vZ2xl/AVvXsEijveyYluDFhu90QnI34PxcwbJMjMIGpS0QkrAL296bnre-M22lPZSgUj91ukDvY4g8sZbA9_bGgkWeN3eF5I8f4FdZujYTRa8RAHkpiTkVr4APbQfdrjKvEX5iKJwQbzzRZbTef8bvfZj1/s640/DSC06960.jpg)
1噸的朱古力磚 (lift the ONE TONNE block of chocolate)!!! 果9個聯合國學生企晒入個磅度, 舊朱古力磚郁都唔郁下, 其中1個女學生叫埋我地同2位意大利藉女士入去, 都係亳無動靜, 呢D咪叫做食力囉...
![](https://blogger.googleusercontent.com/img/b/R29vZ2xl/AVvXsEgbfekCDLhsP6tyHaHM0qsTzPQEJ2vAO0k3c8e_HrqWPn__k1HMeZczxlOqvJN9N0wzDZLpN3fP5KgzpG2ks9cJnC6rHInzpSmqDw8qCzEDBQuPpNPIessOH9cWHc6CyzCwazMpA73q7aZz/s640/IMG_2197.jpg)
照貼心的巨型朱古力拍照區 (photo taking in giant chocolate display)... 入去拍照區時先按扭, 會有時間顯示, 等你可以睇時間慢慢擺好pose, 影完出返來, 係kiosk搵返自己張相, 輸入自己的email, 就會即時send比你, 真係諗得好週到... giant唔係得把口講, 果2塊朱古力仲高過我囉, 真係唔講得笑...
![](https://blogger.googleusercontent.com/img/b/R29vZ2xl/AVvXsEhKdDSDeqBRk2UDDWbzmgDTi9PTiPFUIOYvRPHdWW_MCIjh3tXl80MK8kurCazPbGZ5c3QwAsAKvWq_i11ZZGhs8lUyCAv9sDrKfuam4n6Ixhjl7WcY_ypS6YRLzS4YGTiyQmc3mBn8ybrI/s640/DSC06972.jpg)
我覺得最好玩係呢個朱古力扶乩(Create your own chocolate patterns)!!! 玩完又玩, 玩到唔捨得走呀!!!
![](https://blogger.googleusercontent.com/img/b/R29vZ2xl/AVvXsEg4vZdCmJ25DqKPj8n995DYtuBGjp2QxMuVkTcKgPkou1UGU1alxX_5LHit2hLU5q_zAWOHIen626eQKUBFrdaJ5lqxdwTlA0QCqVNl3sPHLnbM0k-DMZR5-TbsV5NNcTvbD3gUkdqdZsUT/s640/IMG_2214.jpg)
四大文明古國的人都有好多令人接受唔到的共通點, 個心心明明係我畫出來的, 個印度女人居然走來搶, 趕都唔走, 最後我唯有用手封死個出口, 佢唔死心但無奈唔夠我強悍...
![](https://blogger.googleusercontent.com/img/b/R29vZ2xl/AVvXsEgHUdmZ9H4ThxRtqHm_CDUE6oDDq6qwcEEVll-x1nemsWRkmJfmnHlJFUt3GNuaeOAGv14NTvxK2GE0Itr80eooQzTEfQ4ESf1WjU5zPxtcUfmAt8K6ifldxkKiO7_TxKSAeiY_gJpdqKO6/s640/IMG_2242.jpg)
工場內仲可以睇到由朱古力磚變為到不同款式的朱古力的制作過程, 包裝工序都展示埋, 好詳細... 呢位澳洲可人兒, 工作中不忘展露甜美笑容, 誠意可嘉...
![](https://blogger.googleusercontent.com/img/b/R29vZ2xl/AVvXsEhBI7Jb9BAt1ck7Mj8qjGoVA0l2ow-dU5vww4f1zmucPM-ARnNgYD2NNc6xwwWlfky88O2XluuOLjAqYiLnXpLtgqAu8BWA5WsmybKEiKYhQe2iM6kp5axNx8EAsYNSf_BsCB_-lHoYHyB9/s640/DSC06966.jpg)
我唯一有衝動想買的東西, 朱古力高跟鞋!!! 堅靚!!! 堅貴!!!
![](https://blogger.googleusercontent.com/img/b/R29vZ2xl/AVvXsEjf3fxZA0U4-8BdJwzplnweIPqyuF0t2YDCLU1TBB216-SiniHnGK_VhgpxcdNI-XBB8tDOArWZjPgzltQuZz9ode4ujSOoJt1roK6do2-BicolFWPeIw-Xy2ObYtWpRNQCUqpsn1f3vTLP/s640/DSC06970.jpg)
朱古力工廠的出口是餐廳及紀念品商店, 人頭湧湧...
門外的仿朱古力牛牛都值得一拍的... 弊!!! 又落雨啦!!! 個鏡頭入晒水啦!!! 快D返上車啦!!! (上演一幕奪命狂奔)
![](https://blogger.googleusercontent.com/img/b/R29vZ2xl/AVvXsEgws13gShhyphenhyphenqN-ZB4cPTr5lpLsKeFf5jM2dq54QIZIsyRWni7JzX89hccVrq9MqQtVSBjq5CN7RKRHEENGtKgPsIpziJx45odHsdctlQTNnszuEC5hszLNCkDJupjs8856l5J_dZ0aFu69G/s640/IMG_2258.jpg)
係TripAdvisor好多人批評朱古力工廠的行程是浪費時間, 但我又OK Enjoy喎, 而且有小朋友的家庭都好適合來玩, 相信狠批的人應該少少童心都無...
今日的行程仲未完的, 待續...
### 菲利普島朱古力工廠小檔案 ###
The Phillip Island Chocolate Factory
Address : 930 Phillip Island Rd, Newhaven VIC 3925
Phone : 03 5956 6600
Fax : 03 5956 7697
Email : info@phillipislandchocolatefactory.com.au
Website : http://www.phillipislandchocolatefactory.com.au/
朱古力扶乩,正喎!仲有佢既照相服務,冇監人俾錢,都值得讚。可能大家覺得交通時間太長,所以覺得晒時間啦。拿,當你係香港,花來回四粒鐘,只係上山頂凌宵閣行個圈,咁就冇左一日,或者你都會覺得唔值。
回覆刪除的確, 95%照相服務都收每張相HK$100-$150, 呢度仲要任影, 當然係要排隊的, 初時都排咗一陣, 人潮散退後我地狂影...
刪除來回四粒鐘主要係入夜後睇企鵝, 所以有D人覺得朱古力工廠係浪費時間 :(
黑色的花, ... 好特別呀...以前只聽過罌粟花是黑色的!
回覆刪除我只聽過黑玫瑰對黑玫瑰, 馮寶寶, wakakaka...
刪除對鞋真係超靚!
回覆刪除靚到第一眼見到時, 瞳孔放大+O咀...
刪除我呢度都有好多朱古力工廠,但好似你介紹的那間就認真吸引了,估唔到可以做出咁多花款,真是不錯的旅程呀!
回覆刪除我已經無貼晒所有相, 店主真係好有熱誠 :)
刪除D 鞋好靚呀!!!
回覆刪除鎮店之寶 ^^b
刪除朱古力工廠好正,對鞋咁靚點捨得食?
回覆刪除咪係囉, 所以我忍手無買, 眼甘甘望多幾眼就算... 內心當然想Honey話鐘意就買啦, 不過佢無囉 :(
刪除簡直係大開眼界呀!~
回覆刪除黑色的花應該是多肉植物, 名字叫: 黑法師!~
小雲好利害, 對植物好有研究呀!!!
刪除呀, 我好想去朱古力工廠呀!!!!!!!!!!
回覆刪除好精彩的活動呀!
南非好似都有嗰款黑色花, 好似木造咁。
我真係玩得幾開心, 都唔明點解有部分網民會狠批話浪費時間 :(
刪除南非都有黑色花? 會唔會係同科植物呢?
真是有間 Chocolate Factory? Owner is Charlie??
回覆刪除入面真係有朱古力工廠, 我都有影相, 不過影得唔係太靚, 所以無貼出來... Owner應該是Panny~
刪除去過幾次 Philip island ,不過冇見過朱古力工廠
回覆刪除朱古力工廠係"Newhaven"區域, 可到以下網站主頁左下角"Explore our interactive map"有張地圖"Phillip Island Spotlight", click入去見到張地圖, click下地圖放大右下角, 可看到Phillip Island Chocolate Factory, 係直昇機上少少...
刪除Official Tourism Website recognised by Phillip Island Visitor Information Centre
http://www.visitphillipislandmap.com.au/
朱古力工廠好得意呀~~~~
回覆刪除d花真係未見過~~~
大人細路都啱玩 :)
刪除好大塊CHOCOLATE *0*/ (咬一口~^^~)
回覆刪除Circle都好鐘意d人030做緊野姐比人影相~系真誠笑笑口:D(多數外國人先會有=_=) 好有專業精神, 做好公司形象, 又令影相果個張相有美好回憶^3^,,, 好欣賞!!! ==b讚
Feel到佢想我影得佢靚女D~
刪除朱古力廠真係睇到我目不暇給,大開眼介呢。
回覆刪除就係囉, 我已經無住部相貼出來, 都唔明點解會有地球人批評呢個景點浪費時間~
刪除