網頁清單

2017年8月22日 星期二

【台北】新東南海鮮餐廳:不近人情

23 June 2017, Friday

探病食呢D?!(๑•́ ₃ •̀๑)

哈哈,Why NOT?!!!

朋友整親隻腳,只可以用另1隻腳單腳行路,要靠拐杖幫手,餐廳職員硬要迫佢上2樓(明明訂枱時話要樓下),理論不果後,我地又未到,佢係單腳跳上2樓,完全無職員幫過忙甚至無職員傍住佢上樓,說好的人情味呢?

樓上係幾間廂房……無我地份!

我地坐係房外樓梯口,都幾牙煙。

食物是好OK的,仲帶點港式火喉,價錢唔算搶錢,合理啦。

服務接近零,不過唔會惡劣,因大家都忙到甩轆。

2017年8月21日 星期一

【台北】三隻獅子英國餐廳:適合一家大細的酒池肉林+舞池

21 June 2017, Wednesday

終於落完晒雨,可以同陽光玩遊戲啦~~~

約咗朋友去圓山花博一齊踩單車食晚飯,Yeah~~~



終於食到呢3隻獅子,之前每次來都座無虛席。我地今晚早咋,太陽都未落山!佢最Signature果桶大啤酒都未出場,放係枱上面高過1個人。我地2位男丁點可能飲得晒,只Order了小杯裝,無得影相Lu~

【林口】BREADNA:醫生的私人飯堂

20 June 2017, Tuesday

初o黎步到,對附近環境非常陌生,前幾日咁啱有時間圍住個社區行1圈,比我地發現咗呢間餐廳,睇落幾唔錯,搵日有機會來試試。

今日一試,驚為天人!

好味到Honey食完上網調查,原來餐廳係附近醫院工作的醫生開設,想自己同同事有安心健康的優質食物可選擇。

彩虹莓果優格沙拉認真到離奇,又新鮮,勁大碟,味道仲要好好味,out of expectation!

【林口】溫野菜:午間吃到飽火鍋

20 June 2017, Tuesday

大熱天時,吃了多餐燒肉,熱氣沖腦,牙肉/喉嚨發炎在即,有個唔打邊爐嘅人,竟然話要中午打邊爐,仲要任飲任食果隻!真係慌我唔死?

有個唔食菜嘅人話,可以食菜喎,好多日無食過菜。

好,想大我?我大你1百萬,再曬你冷!

【林口】Hello Kitty Red Carpet:我為貓狂

16 June 2017, Friday

Hello Kitty Coffee Shop... 飯後隨便逛逛才發現這家店( 剛在乾杯食完晚飯)... 好想入去!好想入去!好想入去!

2017年8月19日 星期六

【林口】乾杯:莫名奇妙的推薦

16 June 2017, Friday

今次台灣之旅的第1餐...

到朋友家中放低行李,身心疲累,不想走太遠吃晚飯,林口Outlet是不二之選!

逛吓逛吓,見到乾杯燒肉,記起好多香港Food Bloggers都超推薦,決定一試!

我錯了!我真的錯了!我真的真的錯了!點會信果D友講嘅o野o架?!又一次中伏!

嘥晒我D熱氣Quota!!!

咁又唔係話好難食,但唔係話好好食囉,可能有問題果個係我啩!我比胡同燒肉種壞晒,一定係,除非唔係!

【台北】初試香港航空桃園機捷

16 June 2017, Friday

出發前2天...

梅雨月,開始特大豪雨1星期...

想改機票同LIMOUSINE,又怕麻煩,又怕改完更大雨,最後索性乜都唔做,聽天由命。

最慘係... 死洗衣機!!! Erro Code : D07... D衫拖出來滴晒水,第二朝要攞去洗衣店再洗...

回家進門有黑色蟲(水滴形)在眼鏡上照高速跑來跑去,幾似銀魚,幾毫米長,十幾隻腳,吹極都吹唔走,沖水又沖唔走,最後要加洗手液再沖水。

~ 回到出發當天 ~

Limousine 早15分鐘到,行東隧,舊機場,旺角,南昌。全新路線,雙倍時間,架車又焗。

第一次坐香港航空,原因唔係因為平,而係套票可免費改航班,又可最長留3個月,價錢比國泰唔改得機票最長留7日果隻平1百蚊左右。

香港航空Self Check-in大排長龍(4行以上),我地走時得返1行。

Lounge外面仲要排咗十幾人,入去極速食個魚蛋河+拎支水食藥,出o黎又無咗人龍。

第一次去Number超出80的閘口,大鄉里,唔識路。要提早55分鐘離開Lounge,好懷念CX的Gate 1-4。


2017年8月16日 星期三

六榕仙館:人生中 Top 3 難食

7 April 2017, Friday

人生中,食過最難食嘅齋菜,佢應該入TOP 3!!!

四寶飯局,龍媽推薦呢間齋舖嘅芙蓉蛋飯好食,叫大家去試吓。。。

去到先話芙蓉蛋飯係LUNCH碟頭飯,玩野!

齋滷味還可以,其他極之唔掂。

Freshness Coffee:北歐烘焙。回甘莓香

4 April 2017, Tuesday

團長話我地去見識吓半山嘅COFFEE。。。

估唔到香港半山而家變化咁大,開咗好多特色小店,久違了的多元文化,默默萌芽。

今日正值假期,好多咖啡店都爆滿,好彩呢間仲有位,初時大家要分開坐,之後有位先坐返埋一齊。

Wheatfield Kitchen:漢堡神偷

3 August 2017, Thursday

貓兄吹雞去新開嘅法國運動用品店掃貨,我當然撲到去啦!

只係開張第2日,個貨架好似畀暴徒搶掠完一樣,有冇咁搶手呀?!


雖然買唔到19蚊背囊,但都買到啲心頭好,4件產品加埋唔過200蚊,實在抵到爛!

喪平完又到咗每次出街最頭痛嘅時候 ,特別係銅鑼灣區 ,人又多價錢又貴 ,今日我推薦貓兄去富豪酒店後邊嗰條街試一試。我覺得嗰條街冇咁多人,食物都比較用心制作,價錢亦冇咁瘋狂劏客。

漢拏山烤肉:拖鞋鮑魚

2 June 2017, Friday

六月之星壽宴。

大熱天時,仲要食韓燒?!之前秋冬就算啦,1年365日都要食韓燒,面對住個火爐,未食已心火盛!

更何況冷氣喉滴水。

得我同貓兄時,咁啱滴中我隻手,先發現成隻杯都係水。飲咗真係不得了。

套餐價錢唔貴,肉大大件,可惜無牛肋骨,其他肉肉質都唔靚。(韓燒的話,肉質唔靚都幾致命)

喬妃齋:熱誠待客

9 August 2017, Wednesday 

四寶飯局食齋的次數越來越密,難度有人做得多陰質事?嘿嘿~

月亮報話:前電視藝員蘇杏璇開設的喬妃齋...如果係咁,N年前係西九龍中心FOOD COURT應該有食過, 唔記得係咪同名。

芋頭魚好正!


2017年8月11日 星期五

Café&Meal MUJI : 宵夜綠茶甜品

9 August 2017, Wednesday 

新登場的MUJI CAFE, 飲後食甜品一流, 人又少, 野又好味, 價錢唔貴, 服務員又欣勤, 8:30PM後仲有8折...

大家為綠茶甜品而來, 最後卻愛上柚子蛋糕... (聽講綠茶奶凍都好正)