✪行程✪
【第１天】松山機場⇨臺東航空站⇨榕樹下米苔目（午餐）⇨鐵道藝術村⇨米國學校（關山鎮農會休閒旅遊中心）⇨池上九號咖啡（下午茶）⇨巴歌浪船屋民宿（晚餐）⇨聖地牙哥-山海景日出民宿（住宿）
【第２天】緩慢民宿（早餐）⇨北迴歸線地標／靜浦北迴歸線界標⇨都蘭印度咖哩（午餐）⇨安通溫泉飯店⇨舞鶴觀光茶園（下午茶）⇨北回歸線標誌公園⇨瑞穗牧場⇨松邑莊園（晚餐＋住宿）
【第３天】松邑莊園（早餐）⇨台鐵車河⇨花蓮火車站⇨台北車站
20日內玩轉台南、台中、台東、台北！
是咪黐線架？！
今個月已經去咗3日2夜高雄+墾丁+屏東+台南，跟手又落咗１日苗栗，２日１夜台中，再１日台中，加埋５日台北拉力早世紀溫泉喪食之旅。。。仲未玩夠？仲要去埋台東／花蓮？唔攰嘅咩？！
攰，好攰，攰到虛脫！頂埋呢個ＴＲＩＰ就返香港過聖誕繼續虛脫。。。
尋日同力仔飲返個下午茶，佢同佢ＨＯＮＥＹ飛咗返香港，我先有少少時間返宿舍執行李咋！
３個文叔去旅行の台東／花蓮玩３日２夜溫泉喪食之旅，正式展開！（之前５日都係溫泉喪食之旅喎，究竟大家幾時先肯放過我。。。個肚腩）
１０：００ＡＭ 臺北松山機場 (TSA)
好驚。。。咁細架機。。。印象中十幾年前巴黎飛都柏林坐過１次。。。
個國內機場細到。。。連接駁巴士都慳返，係登機閘口直接行上機。
