跟著週休團長去旅行系列！
期待已久的高雄、墾丁、台南之旅終於來臨！
✪行程✪
第一天⇨熊家萬巒豬腳（午餐）⇨最南點⇨鵝鑾鼻公園⇨墾丁夏都沙灘酒店（日落）⇨四重溪清泉日式溫泉館
第二天⇨阿裕牛肉涮涮鍋（午餐）⇨奇美博物館⇨正興街⇨慶平海產（晚餐）⇨長悅旅棧
第三天⇨六千牛肉湯（早餐）⇨成功大學⇨樹有風⇨阿美飯店（午餐）⇨台南市農會超市／假日農市
我哋終於衝出台灣上半Part，直搗台灣最南端，只差花蓮、台東就完成所有願望。
響台北坐高鐵，唔使兩個鐘就到左營站，一行6人，朋友預先上網租咗架9人車，全程坐得好舒服。
近期台北天氣唔多好，今日台中、高雄都Keep住多雲，去到墾丁即刻藍天白雲，世外桃源果然不同凡響。
第一站：午餐於萬巒豬腳
真係好鬼好食，軟中帶Q彈，點埋醬更惹味。
朋友的美國朋友來ＪＯＩＮ我地午餐，８個大人，埋單２千５台幣，承為７５蚊港幣。。。救命。。。飽到呢。。。仲要咁好味。。。個價錢係香港係無可能！
味道：★★★★☆
環境：★★★☆☆
服務：★★★☆☆
衛生：★★★☆☆
抵食：★★★★★
熊家萬巒豬腳
地址：屏東縣 車城鄉 保新路105號
電話：+886 8 882-5656
網址：wl-bear.com.tw
午餐後驅車前往墾丁。
第二站：最南點
其實我地係想去燈塔，不過就去錯咗台南最南端，最慘係撞正維修封閉！
爬又爬唔到過燈塔嗰度，因為有度閘閂咗，結果兜兜轉轉先搵到國家公園停車場入口。
第三站：鵝鑾鼻公園
鵝鑾鼻國家公園好大風，有5個台灣阿姨係咁叫我幫佢哋影大合照，離九條街大大聲美女前美女後，仲識用英文講Thank you，想拒絕佢哋都難。
真人示範：開心到飛起！！！
臨走飲返個冰椰王，好味到冇朋友。
第四站：墾丁夏都沙灘酒店
日落緊見個鹹蛋黃靚到爆，即刻買飲品搵個沙灘睇日落。好好好大風，D沙打到背脊好痛，全身包括眼耳口鼻都入晒沙，影左幾張日落沙龍就急急鬆人，直驅溫泉酒店。
注意：沙灘似係夏都酒店區域，外人應該唔入得，美國朋友尋晚住呢度今朝先Check-out，所以膽粗粗帶我地入黎。
第五站：四重溪清泉日式溫泉館
四重溪溫泉與陽明山、北投、關子嶺並稱為台灣四大名泉。
高松宮宣仁親王（日王明仁的叔叔）於１９３０年都同太太黎呢間溫泉館ＨＯＮＥＹＭＯＯＮ。
由於得３間位於一樓的日式房間（可以望住日式庭園，個浴室又大，仲有冷熱池），咁當然無人願意放棄啦。。。結果４位女士要猜包剪揼解決！（男士們全部擔天望地扮唔關自己事）
寵愛風華之沁呂房（睇相都知我贏啦～哦呵呵呵～）
大家分配好房間後，稍事休息，午餐都未消化，7點又話食晚餐。壽喜燒價錢好平，質數ＯＫ。宇治金時好味到暈，ＨＯＮＥＹ自己又唔ＯＲＤＥＲ，係度搶人地果杯黎食！
味道：★★★☆☆
環境：★★★☆☆
服務：★★★☆☆
衛生：★★★☆☆
抵食：★★★★☆
四重溪清泉日式溫泉館
地址：屏東縣 車城鄉 文化路5號
電話：+886 8 882-4120
網址：www.since100hotspring.com.tw
食飽行出酒店幾分鐘，無咩街行又超強風，大家凍一凍個身即刻返房浸溫泉，梳乎也。溫泉水好滑溜，仲正過我係日本浸過果Ｄ，第一次有衝動想第二朝再浸下先離開。
夜晚超強陣風一直未停過，吹到呼呼聲，D木門嘭嘭聲，所以我1：30都未瞓，用電話寫埋今日篇Blog。
溫泉館早上又是另一種美貌哦～緊記收看下集哦～
Good night~
呢張相多次出現，皆因怨氣好重。。。等人地黎旅行大把靚相要影嘅時候先黎壞，激屎！！！
＝＿＝）所以呢，大家會有機會留意到，鵝鑾鼻燈塔直身相係有３種ＲＥＳＯＬＵＴＩＯＮ，今次旅程係用咗ＡＳＵＳ ＳＥＬＦＩＥ，ＳＯＮＹ Ｚ１同埋ＳＯＮＹ ＲＸ１００。換機換到自己都唔知Ｄ相影咗未，影咗響邊部機。
沒有留言:
張貼留言