網頁清單

2011年11月29日 星期二

微型公仔屋 の 迷你糖果店鋪 (Dollhouse Miniature の Candies Shop)

17 September 2011, Saturday

DaDaDaDa... 大家快Do黎睇吓我嘅「第1間」微型公仔屋啦喂!!!

「微型公仔屋 の 迷你糖果店」 (Dollhouse Miniature の Candies Shop) 隆重登場!!!

2011年11月28日 星期一

Caffe SuperiorE

26 November 2011, Saturday

係HELLO KITTY BACK TO ICE AGE瘋狂迫完影完一輪之後, 又餓又渴又累, 要急急搵地方叉電, 最近莫過於Italian Tomato (原來已經改咗名做Caffe SuperiorE)~


南瓜菠菜忌廉意粉--Honey話好好食喎!!! 南瓜又甜又粉, 忌廉汁味道啱啱好... 配埋菠菜, 健康之選!!!



秋限定の味 嗚門金時甜薯撻--好好味喎!!! 甜薯甘甜清香, 鋪滿整個撻面, 個樣簡直引死人...



Afternoon Tea Set包1杯飲品, 特飲要加10蚊...

熱檸茶--英式早餐茶, 賣飛佛...

Iced Huzelnut Mocha--咖啡味淡, 冇Huzelnut味, Mocha醬完全唔攪,仲唔比匙羹,  D冰有咁大粒得咁大粒, D CREAM攪極都係一舊舊... DISLIKE!!!



 
梳化位尚算舒適, 環境亦頗寧靜, 職員幾有禮貌, 再食無妨~

是次每人消費約$60元
味道: 3  環境: 3 服務: 3 衛生: 3 抵食: 3
###
地址 : 旺角亞皆老街8號朗豪坊4樓11號舖
電話 : 3514 9083

2011年11月27日 星期日

HELLO KITTY BACK TO ICE AGE @ 朗豪坊

26 November 2011, Saturday

Hello Kitty 呀!!! Hello Kitty 呀!!! Hello Kitty 呀!!!

令萬千女士著迷嘅Hello Kitty, 帶埋一班好朋友, 從現代乘坐時空錦囊去咗冰河時期呀!!! (HELLO KITTY BACK TO ICE AGE 吉蒂貓回到冰河世紀)

大家快D去旺角朗豪坊探吓佢啦!!!

































### HELLO KITTY BACK TO ICE AGE 小檔案 ###
 

今個聖誕, HELLO KITTY將踏上時光飛船,穿越時空返回公元前18,000年,展開全球首趟冰河世紀探索之旅!

HELLO KITTY會以多個造型現身冰河世界,包括乘坐時光飛船於7米高的冰山著陸、參與拯救劍齒虎行動,以及乘坐魔鬼魚潛艇及進行冰海探索等。此外,你更可以跟難得一見的史前動物如長毛象一起打雪球,並與HELLO KITTY和DEAR DANIEL在恐龍BONE BAR開派對慶祝佳節!

日期 : 17/11/2011-2/1/2012
時間 : 11:00-23:00
地點 : 旺角朗豪坊4樓通天廣場及地面砵蘭街正門
網址 : http://www.langhamplace.com.hk/tch/events.php

2011年11月25日 星期五

亮亭 Men-Dokoro Ryo Tei

24 November 2011, Thursday

今日無敵去開太古坊搞o野, 約我一齊食Lunch... 就去傳聞中華蘭路新開果間日式拉麵店「亮亭」試吓先... (查實果道係太古城道囉, D人亂報料)...


同無敵傾開, 佢話YAHOO個新BLOG收唔到人地POST BLOG嘅EMAIL, 好唔方便... YAHOO個新BLOG又點止得呢個問題吖!!! 我今晚都見幾次"SERVER HANGUP"字句, D相UPLOAD完又成日出SPINNING, 我想SEARCH番D舊BLOG又SEARCH唔到, 個EDITOR個CURSOR又成日彈o黎彈去, 唉... 好煩呀!!! 好後悔當年冇把心一橫搬去BLOGGER!!! 搬咗就唔使受呢D苦果...

之後又講開我今個月只係POST咗4篇食評咁少... 係呀, 冇計啦, 而家D時間放晒落我D公仔屋度, 好鬼忙呀!!! 食少幾餐大餐, 順便當減吓肥囉...

第一次o黎食, 都唔知有咩好食, 所以亂咁ORDER...

亮亭豬扒咖喱飯--估唔到會比無敵點中亮亭嘅招牌菜吖!!! 睇餐牌見要成76蚊, 覺得好貴!!! 原來好大碟o架, 而且D豬扒炸完仲好JUICY又軟熟, 不愧係招牌菜...


元祖東京拉麵--豉油湯底, 糖心蛋, 大大塊叉燒, 大大塊紫菜, 鳴門卷, 大量芝麻同青荵碎, 賣相同餐牌張相一樣呀!!! 湯底味道一般,  糖心蛋還可以, 叉燒OK喎, D麵最唔得囉, 好多都未散開嘅!!! 我用筷子"了"咗好耐, 都唔散開, 最後要逐條逐條"了", 搞咗好耐先搞開晒, 好失望!!! 我呢碗咁嘅麵都要68蚊... 唉...


麻布蜜糖柚子茶--食物價錢咁貴, 飲品都仲要加8蚊... 仲要問咗幾次先拎o黎, 嘩... 個杯個樣好唔吸引囉!!! 無敵話佢呢個賣相只值3蚊!!! 味道同出面D柚子蜜都係差不多, 只係落多咗水, 冇咁喪甜...


咁嘅價錢, 咁嘅質數... 唔怪得一路行過o黎路經嘅食店門口都迫滿人, 唯獨呢間仲有位...

飲咗一杯柚子茶, 再飲埋佢杯茶, 下午又勁口乾, 不停灌水12小時都仲好口乾, 我覺得佢落嘅味精仲多過尋日間麵店囉, D效力持久咁多...



是次每人消費約$90元
味道: 3  環境: 3 服務: 3 衛生: 3 抵食: 1
###
地址 : 太古城太古城道39號地下A舖 
電話 : 2383 1777 



2011年11月21日 星期一

得龍大飯店 Tak Lung Restaurant

20 November 2011, Sunday


我地今日去朋友新居探新B, 原本打算探完就去米芝蓮一星點心「添好運」, 不過朋友推薦另一米芝蓮菜館「得龍大飯店」, 原因係近佢新居... 係MIKIKI過條馬路穿條冷巷就係...

佢冇星o架, 只係被米芝蓮評為美味而價錢合理...

朋友幫我地BOOK咗6:30PM, 去到門口外面見到好多人排緊隊, 入到去餐廳, 舊式小菜館格局, 仲發現7人要坐4人枱, 仲要有條石柱係度, 大家見到咁嘅環境都冇出聲, 只係LALA聲食完走人... 坐響樹真係危機重重... 連圓櫈都放唔落嘅LA位, 竟然繼續成為上菜通道, D燒到熱騰騰嘅鍋響你塊面側邊擦過, 成排挨PAN櫈係你頭頂飛過, 真係食咗都唔消化...

 

蜜汁叉燒--味道好一般, 肉質乾咗D, 又唔夠幼嫩, 西苑好食好多...

馳名得龍燒鵝皇--味道好一般, 例牌都算幾多肉, 不過上枱時已涼涼地, 唔係熱辣辣...

嘩!!!!!! 咩o黎o架??? 個煲吉嘅入面???

原來D煮熟咗嘅菜係o黎到你面前, 先倒落個鍋度嘅...

蝦乾啫啫唐生菜--好香蝦醬味, 不過可能過多蝦醬, 所以鹹咗D, 菜嘅份量亦少, 2啖就冇晒...


山楂咕嚕肉--食唔到山楂味, 同普通咕嚕肉冇分別!!! 而且炸粉好多, 有幾啖咬落去一D肉都冇, 全口都係炸粉... 咦...

上湯肉鬆浸菜苗--都幾好味喎, 一D菜苗嘅青草味都冇... GOOD!!!

原籠金蒜糯米蝦--開邊蝦有D腥, 食一粒已經唔想再食... 糯米飯淋PAT PAT, 濕淋淋, 唔係一粒粒, 食剩一半都冇人願意打包, 服務員問咗幾次, 唯有比佢包起, 不過最後都唔覺有人拎走囉...

桂花糕, 紅豆沙(送)--桂花糕好香桂花味, 好得, 同埋足料到呢, 竟然冇紅棗係入面, 仲好冰凍添呀... 紅豆沙起沙又唔太甜, 味道都OK, 起碼冇打獻吖...
 

唔試過又點知麻麻呢... 評語 : 價錢的確便宜, 一試無妨!!!

是次每人消費約$130元
味道: 2 環境: 1 服務: 2 衛生: 1 抵食: 3
###
地址 : 新蒲崗康強街25-29號地下
電話 : 2320 7020 / 2322 3783


2011年11月20日 星期日

雅敍一堂 Lis Kitchen (IV)

18 November 2011, Friday

介紹過「雅敍一堂 Lis Kitchen」幾次啦... 又再介紹??? 嘻嘻... 係呀, 因為今次有免費太后雞食嘛...

繼續幫襯任選二款小菜嘅晚市套餐...

今日前菜轉咗中華沙律... 都幾大碟o架...

家廚老火湯--今晚係霸王花煲唐排... 味道都OK吖...




椒鹽鮮魷--乾咗少少, 同埋唔夠熱, D炸粉都比軟硬... (最好味始終係奇味小廚) 



金瑤蝦干豆豉鯪魚油麥菜--上次食過翻尋味... 今次依然好味!!! 


啦啦... 啦啦啦啦啦啦... 啦... 啦...

集齊4張COUPON送古法太后雞半隻!!!

我覺得最抵嘅方法係... 去屋台屋食4次LUNCH, 咁就有4張COUPON, 哈哈...





古法太后雞(半隻)--豉油雞是也!!! 加咗幾粒玫瑰花點綴吓... 材料足, 不過香味欠奉, 有D過鹹... 都係太爺雞好味D...

實在係唔錯嘅"家常便飯"選擇!!!


是次每人消費約$120元
味道: 3 環境: 3 服務: 3 衛生: 3 抵食: 4
###
地址 : 太古太古城衛星閣地下1008-1009號舖
電話 : 2967 0777


2011年11月18日 星期五

麻布茶房 Azabusabo Tokyo

14 November 2011, Monday

食完「陣屋」唔飽, 轉戰飯後甜品勝地--「麻布茶房」!!!

大家唔知係咪太耐冇食, 不約而同覺得佢份量細咗好多...

(左) 巧克力聖代
(右) 燒蕃薯霜淇淋
 


(左) 抺茶布甸芭菲--點解我個軟雪糕好似比薩斜塔咁o架?!! 軟雪糕依然滑溜, 綠茶雪糕好綠茶呀!!! 呢個甜品真係百吃不厭!!!
(右) 紅酒汁燴牛舌--有職員係門口派COUPON, 食滿$100就送... 個樣好唔掂, 食落冇咩味, 最後要浪費食物了...


雖然都係卡位, 但係就迫到坐咗半個身出路度, 唔好講舒唔舒適, 直頭坐都坐唔穩... DISLIKE!!!

服務員一如以往, 都係一步一步一步... 行動慢到離奇!!! 如果我可以學到佢地咁慢就好啦... 條命應該會長好多...

是次每人消費約$50元
味道: 3 環境: 3 服務: 3 衛生: 3 抵食: 3
###

地址 : 旺角太子道西193號新世紀廣場1樓139A-B號舖
電話 : 2918 1361

2011年11月17日 星期四

陣屋 Jinya

14 November 2011, Monday

今日肉酸生日, 有拉力早同佢賀壽, 認真星光熠熠... 可惜最後早兄不敵病魔, 要留家休養...

路過上次間「
峇里園印尼餐廳, 見到入面得幾丁客, 如果我地上次食係咁就好啦...

o黎到「陣屋」門口, 見到件護甲好有型呀!!! 我地3個人坐6人卡位, 勁寬敞, 而且餐廳唔多客, 好寧靜, 我地可以暢所欲言...


餐牌好似好多o野揀咁... 揀咗好耐, 終於落到單啦...

三文魚親子飯(陣屋迷你飯)--真係好迷你呀!!!!!! D魚生尚算新鮮...


什锦刺身3種--甜蝦有D腥, 三文魚OK, 帶子都唔錯...


(左上) 鹽燒蘆筍豬肉串, 芝士燒免冶雞肉串, 汁燒安格斯牛肉串--蘆筍豬肉串都幾清新, 唔錯... 免冶雞肉串都OK, 安格斯牛肉串好得...
(右上) 炸芝士年糕--好好味呀!!! 我地放咗好耐先食, 好香芝士味, 軟綿綿熱辣辣, 點D BB醬感覺冇咁膩...
(左下) 蒜片炒雞腎--雞腎有D腥, 食1粒就怕怕...
(右下) 迷你蕃薯天婦羅--味道OK甜喎, 外層薄脆, 內裡軟熟, 不過個樣好似... 咦... (反胃-ing)


D食物碟碟都咁的骰, 食完第1 ROUND, 好似咩都冇落過肚咁... 點搞... 唔通等陣真係要去麥當當整個"足3兩"???

好, 第2 ROUND!!!

赤麵豉湯鍋燒烏冬--嘩!!! 又係咁細碗嘅... 不過好味喎個湯底... 等我返屋企都試吓用赤麵豉煮烏冬先...


照燒雞薄餅--嘩!!! PIZZA都係咁細嘅... 直徑同部手機差不多... 點食得飽呀??? 味道都只係OK程度...


我地一路大大聲話食唔飽, 又話唔知自己前世係咪耕田, 點解可以咁食得... 唔知係咪廚師聽到, 所以燒魷魚嘅SIZE終於變番正常...

原隻魷魚燒--好好味呀!!! 外皮有少少燒焦, 好香口... 魷魚好彈牙, 仲好有魷魚味, ICHIBAN呀!!! 食完隻魷魚終於覺得冇咁餓, 不過同"飽"仲有一段距離...
 



肉酸話好彩早兄冇o黎, 如果唔係, 我地成個餐牌食一轉都唔會飽...

食唔飽... 唯有轉戰甜品... 用我部新出嘅iPhone 4S搵吓附近有咩甜品食先... 呵呵呵呵~

是次每人消費約$190元
味道: 3 環境: 4 服務: 3 衛生: 3 抵食: 3
###
地址 : 旺角太子道西193號新世紀廣場8樓802號舖
電話 : 2393 8355


2011年11月13日 星期日

iPhone 4S到手


13 November 2011,  Sunday

我部白色iPhone 4S今日終於到手啦!!!

Honey果部黑色2日前就拎咗, 仲要係11年11月11日11時11分11秒一齊去"薯嘜通"排隊拎, 好有紀念價值o架!!!


未買到心水外殼, 都要第一時間去買個臨時套包住部iPhone 4S先, 以免刮花肉都痛埋~


終於投入智能電話嘅懷抱, 希望唔會日玩夜玩, 玩到好似D人咁要睇醫生啦~

2011年11月12日 星期六

Outback Steakhouse @ 111111

11 November 2011,  Friday

是日乃11月之星飯局!!! 約時間果陣都冇為意今日係特別日子, 世紀6條1「111111」, 人地唔知以為我地特登慶祝添呀, 哈哈~

因為今日嘅日子太特別啦, 所以攪到D私房菜全部都FULL BOOKING, 最後轉戰BABY RIBS~ WOW... 賣飛佛~



由於尖東OUTBACK太深入民心, 搞到DD去錯咗尖沙咀中心... DD, 下次記得留心人地SEND出o黎個地址啦~

長頸鹿遲到超過半粒鐘, DD好緊張咁話要對錶, 仲話一定要係BLOG度寫出o黎先公平喎... 嗱, 今次唔關我事呀, 我係奉命插大家遲到o架咋, 爽呀, 呵呵呵呵~

「遲到大王」鑽媽今日竟然仲早過我, 好o野!!! 比你洗底, 重新做人!!!

近日溫度驟降, 搞到好多人都病咗, 好少病嘅龍媽都病埋一份, 要留響屋企休養... 何超就病到塊面都白晒都o黎, 仲要樣樣都有得睇冇得食, 陰公... 鑽媽仔女都發燒, 佢都話作感冒, 仲坐我隔離, 我好驚呀, 我出名潺仔強o黎o架嘛, 食完會唔會病埋一份o架?!!

人未齊, 鑽媽話好肚餓, 叫服務員比舊麵包佢食住先... 我同服務員講笑話"你比舊麵包佢食完佢就飽晒o架啦喎", 服務員O晒嘴囉, 嘩咔咔咔...

黑糖麵包--無人不讚嘅黑色麵包, 軟綿綿, 甜甜地, 搽D白色CREAM, 真係好好好好味呀!!! 我地好似REFILL咗最少4次囉, 回本, 呵呵呵呵~

 

Soup N' Salad 餐湯及沙律--是日餐湯係忌廉湯, 何超話飲完都飽晒, 食唔落其他o野... 凱撒沙律好新鮮, 唔錯...




Aussie Cheese Fries 香脆薯條混芝士--大家都為呢碟薯條而著迷, 熱辣辣嘅薯條, 淋上溶咗蒙特萊克芝士+車打芝士+煙肉粒, 香味濃郁, 滋味無窮, 點埋自家制農村沙律醬, 簡直冇得彈, 真係食多幾碟都得呀!!! 不過鑽媽竟然要食齋薯條, 真係唔識貨... 仲好, 冇人同我地掙, 呵呵~


Bloomin ’ Onion 特製洋蔥花球伴芥末醬--聽聞而家其他幾間RIBS都冇再供應洋蔥花, 想食洋蔥花就只此一家!!! 以前真係覺得好好食, 不過尋晚再食,頭幾啖都仲OK, 之後就覺得好似好油, 同埋又乾又硬而唔係脆, 所以有7個大人都可以食剩一半, 有D失望...


Atlantic Salmon 燒三文扒配牛油什菜及特色飯--熟三文魚一向怕怕, 連帶D飯都唔想食... 好唔好味就要等貓兄補充...


Chicken and Rib Combo 燒肉醬味豬肋骨及烤雞拼盤伴薯條及菜絲沙律--RIBS份量唔多, 同埋乾咗少少, 而且醬唔多, 好似唔係幾夠味... 燒雞冇機會試, 因為咁細舊都唔知點SHARE...
 

Grilled Lamb Chops 燒羊扒伴雞味香飯及什菜--份量好足, 之但係鑽媽話冇咩羊味, 都唔知自己食緊羊定牛, 呢層我絕對同意... 黑椒汁好辣, 但係點咗又好味D...
 

Baby Back Ribs 燒肉醬味豬肋骨伴薯條及菜絲沙律--大家食拼盤果份RIBS唔夠喉, 要再ORDER多1份RIBS, 今次呢份RIBS又好過拼盤果份好多喎, D肉又JUICY又軟綿, 濃濃嘅燒烤醬, 表面燒到少少焦, 好香呀, 好好味呀!!! 好彩有加單啫...
加埋6杯不停REFILL嘅SOFT DRINKS, 都唔使千2蚊, 都算抵食啦... (之前上網申請咗VIP卡, 有9折之餘, 仲送50蚊儲值可以今晚用)

SERVICE好好, 服務員態度友善勤快...

環境就比較嘈雜, 大家都要放大喉嚨講o野, 好彩有不停REFILL嘅SOFT DRINKS, 唔使搞到喉嚨都拆晒...

是次每人消費約$170元
味道: 3 環境: 3 服務: 3 衛生: 3 抵食: 3
###
地址 : 尖沙咀彌敦道26號東企業廣場2樓1號舖
電話 : 3741 1728