20 November 2011, Sunday
我地今日去朋友新居探新B, 原本打算探完就去米芝蓮一星點心「添好運」, 不過朋友推薦另一米芝蓮菜館「得龍大飯店」, 原因係近佢新居... 係MIKIKI過條馬路穿條冷巷就係...
佢冇星o架, 只係被米芝蓮評為美味而價錢合理...
朋友幫我地BOOK咗6:30PM, 去到門口外面見到好多人排緊隊, 入到去餐廳, 舊式小菜館格局, 仲發現7人要坐4人枱, 仲要有條石柱係度, 大家見到咁嘅環境都冇出聲, 只係LALA聲食完走人... 坐響樹真係危機重重... 連圓櫈都放唔落嘅LA位, 竟然繼續成為上菜通道, D燒到熱騰騰嘅鍋響你塊面側邊擦過, 成排挨PAN櫈係你頭頂飛過, 真係食咗都唔消化...
![](https://googledrive.com/host/0B1o5dMkLtKdLODdEVVh4cUE1bWM/Um_9v9WG5bwM1nHSR3aFdw.jpg)
蜜汁叉燒--味道好一般, 肉質乾咗D, 又唔夠幼嫩, 西苑好食好多...
![](https://googledrive.com/host/0B1o5dMkLtKdLODdEVVh4cUE1bWM/BeWtsVajxmsPxndZAeLLiw.jpg)
馳名得龍燒鵝皇--味道好一般, 例牌都算幾多肉, 不過上枱時已涼涼地, 唔係熱辣辣...
![](https://googledrive.com/host/0B1o5dMkLtKdLODdEVVh4cUE1bWM/4aH3IB8d.0r0JunXSEBnGw.jpg)
嘩!!!!!! 咩o黎o架??? 個煲吉嘅入面???
![](https://googledrive.com/host/0B1o5dMkLtKdLODdEVVh4cUE1bWM/Tl10qoEhAdnWa2WjBpBPPA.jpg)
原來D煮熟咗嘅菜係o黎到你面前, 先倒落個鍋度嘅...
蝦乾啫啫唐生菜--好香蝦醬味, 不過可能過多蝦醬, 所以鹹咗D, 菜嘅份量亦少, 2啖就冇晒...
![](https://googledrive.com/host/0B1o5dMkLtKdLODdEVVh4cUE1bWM/xhdb5mg.Ym3MuWT90cFE7Q.jpg)
山楂咕嚕肉--食唔到山楂味, 同普通咕嚕肉冇分別!!! 而且炸粉好多, 有幾啖咬落去一D肉都冇, 全口都係炸粉... 咦...
![](https://googledrive.com/host/0B1o5dMkLtKdLODdEVVh4cUE1bWM/bEpUcWQ91jmFoBHRVpBgXw.jpg)
上湯肉鬆浸菜苗--都幾好味喎, 一D菜苗嘅青草味都冇... GOOD!!!
![](https://googledrive.com/host/0B1o5dMkLtKdLODdEVVh4cUE1bWM/p5EanCdZf_PldRIMFpRwpw.jpg)
原籠金蒜糯米蝦--開邊蝦有D腥, 食一粒已經唔想再食... 糯米飯淋PAT PAT, 濕淋淋, 唔係一粒粒, 食剩一半都冇人願意打包, 服務員問咗幾次, 唯有比佢包起, 不過最後都唔覺有人拎走囉...
![](https://googledrive.com/host/0B1o5dMkLtKdLODdEVVh4cUE1bWM/Zw39lRMSlINYbHPSZZX4cQ.jpg)
桂花糕, 紅豆沙(送)--桂花糕好香桂花味, 好得, 同埋足料到呢, 竟然冇紅棗係入面, 仲好冰凍添呀... 紅豆沙起沙又唔太甜, 味道都OK, 起碼冇打獻吖...
![](https://googledrive.com/host/0B1o5dMkLtKdLODdEVVh4cUE1bWM/T78goNvIao.bOO0JV683lA.jpg)
唔試過又點知麻麻呢... 評語 : 價錢的確便宜, 一試無妨!!!
是次每人消費約$130元
味道: 2 環境: 1 服務: 2 衛生: 1 抵食: 3
###
地址 : 新蒲崗康強街25-29號地下
電話 : 2320 7020 / 2322 3783
沒有留言:
張貼留言