18 October 2022, Tuesday
星期日夜晚返到酒店睇新聞D雨勢係誇張到……台灣北部受尼莎颱風影響加上東北季風共伴效應，迎來大雨多地遇山泥傾瀉……因豪雨導致水位上漲，市政府關閉水門，防止河水沖入市區。惟士林區百齡橋附近停車場水浸情況嚴重下變成「大型泡水場」，50輛私家車泡水中，車主轟通知太慢！台北市的大同、中山、士林區大範圍水浸，水利署通報多個地區淹水一級戒備。
都係留係台北算啦～
天氣涼涼地，同朋友去少帥禪園食吓龍蝦浸吓腳都好吖～
（原本係約咗另1個朋友去嘅早幾日，位都BOOK埋，可惜佢中咗COVID-19，唔出得街食飯，我仲以為今次台灣之旅無機會黎食架啦，誰知計劃總趕不上變化）
回憶總是美好的？NO NO！！！
食過好幾次少帥禪園，每次總是開心滿意，可惜今次賣相同味道都大大跌WATT！！！仲要瘋狂加價，我地食到唔敢出聲，唉，咁鬼貴，又咁鬼偏僻，又落雨路又窄行上行落鬼咁呢HEA，朋友2公婆第1次黎食到粒聲都唔出，我地真係勁唔好意思囉！！！
無！下！次！
大帥府宴套餐 NT$3500（另加10％服務費與每人茶水資费NT $80）
禪園季節套餐 NT$2500（另加10％服務費與每人茶水資费NT $80）
仲要SHUTTLE BUS以前係免費，而家要收錢！！！
長壽三寶……頭盤賣相已經跌WATT，味道更不是味兒～
幽禁歲月百歲湯……未飲望一望都眉頭深鎖！！！已經加晒價，都仲偷工減料到咁？！
當年大帥私房套餐每位NT$2,500+10%服務費(內含茶資、泡腳券、接駁車)， 少帥府傳套餐每位NT$1,500+10%服務費……
今日4個人已經加咗NT$4,752坐接駁車仲要再另外比錢！！！
大帥府傳龍蝦……加價事少，貴都比得起，最慘係唔好味囉！！！當年係好好味架！！！好嬲呀！！！
少帥最愛蝦……HONEY嘅無龍蝦餐更慘烈！！！
隱食第一鮮……造型HORRIBLE！！！味道無記憶（唔慌好味）……
漢卿趙四玫瑰醋飮……
大帥府傳香煎牛……唯一叫有D造型，但都係偏HEA……味道無記憶（唔慌好味BUT唔難食）……
山居好野味……HONEY嘅無牛餐好似又NOT BAD喎！！！
黎到呢度，已經徹底失望架啦！！！
伙房養生麵……造型係咪有D恐怖呢？
趙四獨門蔬食……WHO ARE YOU？
寶島四季鮮果，趙四私房甜品……個甜品個賣相都幾離譜吓！似超市急凍翻熱貨色～
全餐都等緊朋友投訴我地好帶佢地黎D咁嘅地方，又無出過聲喎，仲搶住埋單請埋我地食～知唔知我地內心有幾愧疚！！！😂😂😂
食完就例牌浸吓腳～
今次台灣之旅有SLOGAN架～
入住天閣，共赴磺泉！！！
真係大吉佢個利是！！！
（未知是否酒店終於有人發現酒店個名唔老黎，所以裡裡外外都無顯示中文名，除咗LIFT入面個樓層顯示屏）
味道：★★★☆☆
環境：★★★★★
服務：★★★★☆
衛生：★★★★☆
抵食：★☆☆☆☆
少帥禪園
地址：臺北市 北投區 幽雅路34號
電話：+886 2 2893-5336
網址：http://www.sgarden.com.tw/
☕☕☕
中伏嘅野，總係一不離二嘅～
唔知點解，咁多間COFFEE SHOP唔去，會揀咗去ENCORE呢間……似係朋友突然想飲咖啡但又唔願意排隊，加上落緊雨，我地架捷運又可能剛經過，就落咗車……
簡單D 4隻字，神推鬼擁～
去到門口，改咗名……深夜咖啡……入面簡陋咗好多，同之前間有HEART咖啡店完全兩樣！！！應該要轉身走嘅……神推鬼擁……又落咗樓下……嘩，似學生溫習室多D囉！！！以前D好有氣質好文青嘅擺設消失晒，梳化又霉霉爛爛，完全係第2間咖啡室咁～
人多，好焗，缺氧，有一刻諗過會唔會所有人暈低晒，係嚴重到咁嘅程度～
行上地面落ORDER嘅時候，問職員，佢話都仲係之前個老細，只係改咗名～
（咩叫只係改咗名，個餐牌都唔同晒啦）
唉，是但啦，都係搵個地方坐吓傾吓計啫～
味道：★★★☆☆
環境：★★☆☆☆
服務：★★★☆☆
衛生：★★☆☆☆
抵食：★★★☆☆
窩是咖啡 Vis cafe
地址：台北市 大同區 酒泉街34-3號
電話：+886 2 2586-2321
網址：www.facebook.com/Vis2013
☕☕☕
今日嘅午餐同下午啡絕對係影衰晒我地！！！
朋友見過鬼未怕黑，繼續話一齊食晚飯，我地建議行去附近這一鍋打邊爐，呢個應該唔會再出事，我地早幾日有食過～點知……
人衰行路打倒褪～
火鍋都會賣晒！！！好早咋喎而家！！！OMG！！！
無晒符，唯有再行前少少，博吓以前SERVICE APARTMENT附近間日本居酒屋希望佢無執笠啦～
好彩我係農安街都住過唔少日子，對附近環境都有一定嘅認識～
我至愛嘅菠菜卷～水準不變！！！好彩！！！
餐廳招牌雞翼～
串燒樣樣叫D咁啦～
嘩！！！幾快無晒呀D食物，我都無食過D乜就清晒啦張枱～
又係我至愛嘅明太子鮮淮山～
係我負責落單架嘛，緊係全部都係我嘅至愛～😂😂😂
食飽咗先食返轉頭，叫D開胃小菜～😂😂😂
終於聽到朋友兩公婆話呢個好味果個好味～簡簡單單醃蕃茄同醃蓮藕咋嘛，今日晏晝餐少帥禪園真係死得，又貴又唔好味！！！
跟住朋友飲大咗話食野最高境界係無味滋味，好，我就叫個茭白筍沙律比你地試吓！！！BUT佢地一路話好味一路蘸BB醬囉！！！嗱，我緊係齋食，係好味嘅！！！😂😂😂
餐廳送嘅甜品，係幾清甜，不過日本都興煲滋潤糖水嘅咩？
我地都好識做呀，搶返埋單，呢餐抵過少帥禪園好多架～錢都係其他，食得開心嘛～
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
風來坊串串晴店
地址：台北市 中山區 民權東路一段7巷18號
電話：+886 2 2597-3121
網址：www.facebook.com/FuraiboKK/
☕☕☕
又記錄吓我多日黎食滯咗，只敢食半碗粥嘅酒店早餐先～
沒有留言:
張貼留言