不知什麼時候開始, 興起海外婚紗攝影, 有老友2005年結婚時一口氣影了4輯婚紗相, 關島、台灣、深圳、香港, 超誇張!!! 現在海外婚紗攝影已經變得很普遍, 看到有Blog友結婚5週年又影1次10週年又影1次, 更揚言15週年仍會再影... 越看越羨慕... 數年前已開始留長頭髮, 希望有朝一日Honey會耳仔軟被說服... 等了又等... 等到忍受不了果把又長又厚吹10次都唔乾的地拖頭, 日鵝夜鵝要剪短... 終於... 守得雲開見月明!!! 6月尾半信半疑地跟著Honey去了尖沙咀的浪漫一生了解一下, 隔日扑鎚... Yeah!!!
開心得太早, 之後便要開始地獄式減肥, 9月中就要影, 邊夠時間減20磅呀?!! 救命呀!!! (2個月過去, 只減了12磅, Oh No!!!)
又要做運動, 又要趕起公司的緊急工作, 不能吞Pop上網搵料, 只有很少時間準備, 基本上近乎無準備, 直至進入最後半個月, 要的起心肝喇!!!
上網見有Blog友詳細介紹自備的婚紗攝影小道具, 我點都要交D功課, 唔可以零交代的... 選了制作簡單又易於攜帶的結婚日子絲帶... 只要用Printer印出來, Cut出來放在咭紙背面畫邊, 再Cut出來便可, So Easy~
完成後第一時間影相Send給Honey看看, 進知... 被人捉到正, 打錯年份, OMG!!! 點解咁都會錯嘅?!! 係公司做到懵咗?!!
呢張圖係將錯了年份的Workout年月日亂調先影的, 大家唔好當真呀, 哈哈... 最後用紅色絲打串起就大功告成...
由於時間關係, 自制小道具只有1件, 總算有努力過嘛... 另1件道具無可能自制, 反正在香港難以覓得日本二指木屐袜, 要淘回來, 順手淘埋心形氣球...
貪心淘了大碼, 用手Bump Bump 100下都Bump唔漲, 最後問姪女借咗腳Bump先搞得掂...
原本已經要帶好多o野... 又鞋又Girdle又禮服裇衫, 而家仲要加埋腳Bump, 真係「未出發, 先爆篋」...
職員建議帶點有紀念性的小道具, 本想帶扣在花車上的毛公仔, 但太巨型又殘舊, 放棄... 最後帶了註冊時用的戒指盒, 總算有做功課... 哈哈...
日子一日一日逼近, 心情越來越緊張, 希望拍攝當日一切順順利利喇!!!
沖繩「婚紗攝影」2014 の 總匯 http://www.kenmerry.com/2014/11/Okinawa.html
沒有留言:
張貼留言