20 March 2010, Saturday
舊年去唔成法國, 下定決心今年一定要去, 已經計劃好晒, 準備報6月尾出發嘅團... 可惜... 最後發現撞正同事放產假, Oh No......
所有之前Research好嘅資料同Plan好晒嘅o野, 一下子冇晒用, 激死人啦......
無計可施嘅情況下, 唯有搵舊年帶我地隊嘅導遊, 問下佢5月有咩團推介... 咁啱原來佢地公司呢個星期六有新團發報會, 就叫咗我地去睇下...
發報會係船上面舉行, 係北角瑪頭上船... 我咁大個女, 都係第1次去北角瑪頭咋, 平時坐小巴係出面條路路過就試過...![](https://googledrive.com/host/0B1o5dMkLtKdLODdEVVh4cUE1bWM/rVrZPsEPhZwgeeA3DUWjNg.jpg)
我地早咗半個鐘到, Honey話大把時間, 不如影下相先啦... 好... 等我補補妝先...
![](https://googledrive.com/host/0B1o5dMkLtKdLODdEVVh4cUE1bWM/O0ne05FUu_Fi4arj9DVd9A.jpg)
OK! Camera, Take One...
![](https://googledrive.com/host/0B1o5dMkLtKdLODdEVVh4cUE1bWM/JmMdthdI4bciJq.aZOTQWw.jpg)
嘩, 原來船上面好大o架, 足足擺咗26張枱... 超過250個翠明之友聚首一堂...
![](https://googledrive.com/host/0B1o5dMkLtKdLODdEVVh4cUE1bWM/t_wLE0RVj6wBxQbl8YPcgw.jpg)
![](https://googledrive.com/host/0B1o5dMkLtKdLODdEVVh4cUE1bWM/h9Wk7qGc0RtT0LkghsHTJw.jpg)
小吃同飲品以自助形式無限量供應... 仲有三文治同炸春卷炸咖哩角之類...
![](https://googledrive.com/host/0B1o5dMkLtKdLODdEVVh4cUE1bWM/omPsnFaMf5zs8mhQxBnt5A.jpg)
開船啦...
![](https://googledrive.com/host/0B1o5dMkLtKdLODdEVVh4cUE1bWM/LUoHLn7UmGODIs_Bdeg6Tg.jpg)
![](https://googledrive.com/host/0B1o5dMkLtKdLODdEVVh4cUE1bWM/KQUClKWI1ZsmOnvNo6bYfA.jpg)
![](https://googledrive.com/host/0B1o5dMkLtKdLODdEVVh4cUE1bWM/8T5pcHvI5L7ZIGZAnUvSbw.jpg)
發報會主要講解郵輪旅遊... 嘩... 去25日要8萬幾蚊呀... 好Crazy呀!!! 之後會有小小時間講解下其他皇牌行程, 我地就睇啱咗東歐10天, 5月中出發, 貪佢已經成咗團, 唔使臨出發前7日先知唔成團又要煩餐死!!!
發報會完成後, 我地就即場報埋名... 原來係發報會即場報名, 除咗有"早報名"優惠, 仲有不定額嘅"私人醒"優惠o架!!! Yeah!!! 慳唔小呀!!!
報完名都仲有D時間剩, 可以上夾板吹下海風, 影下相, 欣賞下風景... 呢個免費嘅假日節目真係唔錯!!! 係唔記得食暈浪丸, 又冇帶話梅, 搞到有小小暈船浪啫....
![](https://googledrive.com/host/0B1o5dMkLtKdLODdEVVh4cUE1bWM/cz79ZturBvuvpNnt0ber7g.jpg)
沒有留言:
張貼留言