網頁清單

2016年10月7日 星期五

【五股+林口】維格鳳梨酥夢工場DIY體驗+三井OUTLET 半日遊

24 April 2016, Sunday

Honey的朋友Book咗維格鳳梨酥DIY,邀請我地一齊去,我一聽見係烹飪班,不加思索仆到去,點知...




去到見到呢個畫面,個心即刻沉晒。


我可以做嘅,就只有... 將皮同餡搓長,切做相約份量,將皮包餡,搓圓,塞入焗模,洗手走人。







我好後悔,今朝倒塔咁早起身來呢度。

期間,教我地步驟個男職員不斷催促,又唔肯幫我地影大合照,語氣極度差劣!後來我先知,佢原來係一個"Sell屎"。

我地果盤鳳梨酥秒間已被職員攞咗去焗,個男職員不斷催促我地去參觀夢工場。


菠蘿之旅正式展開~


進入菠蘿肚之後,真心覺得呢個鳳梨酥DIY體驗同埋夢工場係設計比小學生玩~





參觀夢工場尾聲,一人派一粒新鮮滾熱辣啱啱出爐嘅鳳梨酥。


直到目前為止,一切只是虛招。戲肉而家先到!一人一張,拎實D!


試食活動!


除咗食物,仲有一堆公仔。





好有計劃的購物區~唔夠台幣咩?多多都有得唱~拎張Form去比完錢先可以取貨,連埋剛才DIY體驗被焗好的鳳梨酥。




我剛才話教我地鳳梨酥DIY步驟個男職員,不斷催促我地,又唔肯幫我地影大合照,語氣極度差劣果個呢,Suddenly賴熱心囉,前後判若兩人!

"Sell屎"先生,你剛才點對我地,我仲記憶猶新!

但基於唔想失禮朋友,所以都象徵式買咗2盒特產。


完成鳳梨酥DIY體驗,下一站:林口三井OUTLET!

上個月開張時來過,當時完全無Discount!

今日再來,叫做開始有返D折扣,不過唔記得帶Passport同入台証係身,無得退稅,所以都係忍手。



間間餐廳都排長龍,最後揀咗春水堂,雖然我覺得D食物麻麻,但係佢杯珍珠奶茶係真係得,反正Honey朋友太太點名要飲,有位坐有野食大家開心咪好囉。

離開時,Honey朋友佢地直接去桃園機場返香港,我地就試坐OUTLET嘅免費Shuttle Bus走,都相當方便,又唔使排好耐,架車又唔滿人,返到捷運三重站轉一轉車就得。

2 則留言:

  1. 都好啦.叫做睇過佢哋個工場同食咗個新鮮出爐鳳梨酥

    回覆刪除
    回覆
    1. 哈哈, 叫做果日有出過吓屋企個門口鬆吓D筋骨咁啦~ (無節目嘅話真係可以懶到幾日唔出街)

      刪除