係台灣專程搬返來，三十日就會過期嘅麗馨姐養生核桃棗，原先一番美意，結果搞出好大風波，化成爛攤子！大家唔想事情再惡化，搞到我要分幾次送貨！
上星期五晚約咗貓兄送貨，今日就輪到龍媽。
龍媽抱恙在身，龍爸護駕出席，推薦大家去佢最愛之一嘅煲仔飯同埋土匪雞翼。
煲仔飯係蒸嘅，可以加錢過爐烤飯焦。
醬爆雞翼用薑蔥醬炒，洋蔥沙嗲牛肉長通粉口味似京式蔥爆牛肉，2款都勁惹味，堅好食，重口味人士必定喜愛。
誤打誤撞叫咗碗例湯，好飲到呢，足料過酒樓百幾蚊煲嘅例湯。
龍爸介紹我食咗咁好味嘅快餐，當然要投桃報李，帶佢哋去早幾日同貓兄去嘅百年甜品店嘆桑寄生蓮子蛋茶！好食到龍媽唔記得留返幾粒蓮子畀龍爸試下，哈哈～
空運麗馨姐養生核桃棗順利送出，希望事件盡快告一段落。
（12月頭空運花花邦妮再遇波折！坦白說，我不一定要每次坐飛機每次都費盡心思送好禮，我可是一年飛很多次耶！你接二連三討厭我精心挑選的台灣最人氣手信，露出極之嫌棄及厭惡表情，我心也灰了，也搬累了，花了不少錢就不計算了，以後就不再買吧，免得又要害你不高興。）
味道：★★★★☆
環境：★★★☆☆
服務：★★★☆☆
衛生：★★★☆☆
抵食：★★★★★
永合成馳名煲仔飯
地址：西環德輔道西360號
電話：+852 2850-5723
網址：
沒有留言:
張貼留言