![](https://blogger.googleusercontent.com/img/b/R29vZ2xl/AVvXsEhOwWp4hTcpu3aQLais_VPPOswHRapsNdrd4pMhvP7Js5Wm1h9LJ6BcDI0qAYBq_cs3P_cIz5kcb7B8D43Pfn9cOhv6TRfGiBKiYe4y9gXckOQZs1H62ejc2VUaCvfbc-_bOCfSujC5NpvJ/s320/img1507260954642.jpg)
Coupon是Conrad的Lobby Lounge...
(一直覺得以前跟台山四寶去過一次)
(寫Blog時才証實跟台山四寶去的是Island Shangri-la個Lobby Lounge)
Coupon話唔包Beverages,睇到有D氣憤。。。Afternoon Tea Set喎。。。無包飲品又算咩Tea Set呀?!
訂位時原本係打算同HONEY去... 諗住點都唔屈服, 唔會加錢叫飲品...
後尾力仔又夾到時間去... 姊妹淘實傾到口乾, 算啦, 屈服啦, 加錢叫飲品...
最後去到職員又話可以揀茶,仲要有12種選擇咁多!!!仲有REFILL, 正晒~
![](https://blogger.googleusercontent.com/img/b/R29vZ2xl/AVvXsEiqE0EUj51eO18fT0ftS0Av8oebEOm5o0jkowNQzjIPHBhz1uSvTxqzZ2y8omkMRRfm2S9QakeR5IcakkvzhLs1xNB_Lr37A-H4qbad6_3MWh3psu3VNMVie6dxF5t1oqZ3HEj4tLcYbgWf/s640/img1507196825002.jpg)
試了職員推薦的Number 12 Tea,壺入面有粒咖啡豆飄吓飄吓。。。杯茶好香,好似飲緊Vanilla奶茶咁...
Scone... 味道還可以... 濕潤度剛好... 果醬的果肉超多...
![](https://blogger.googleusercontent.com/img/b/R29vZ2xl/AVvXsEjlDJhOGMRFOmda0w5O4I7Ox_vm-evSYZ8iEA_nWAB72xb6rPs3M-BbHRttuyAiYG1jswBd1QvHlDVRWSuVGh_A_2nBSQ8teCxolfxFqXDzAmnCiXTQBhWwCnfJ3OY0gPqAR5Fu0WLVC6RD/s640/img1507015142107.jpg)
![](https://blogger.googleusercontent.com/img/b/R29vZ2xl/AVvXsEi5qgXnwZMZ_ozlJ111POkAGVqAkxM5nGw9vmHq8dVc6gTz38NDCJwvboNffB_5UX4rMFA7JSJFwhrwBsyy_vN3925QYzT5sBPUcmQ74-MvM8jJfb3PHEPtN5ot8E1SJ-XVo0vIsXrowgs3/s640/img1507260906257.jpg)
其實張枱咁細,就唔好夾硬做High Tea市場啦,擺埋茶壺茶杯餐具,個High Tea Set迫到差D碌落街咁,食到迫迫夾夾咁,一D都唔High囉~
影呢張相時,上圖碟Scone我要放係自己大脾!
![](https://blogger.googleusercontent.com/img/b/R29vZ2xl/AVvXsEhqQ4gH0fshcFhtbsocymPvV9MWZXWNgJdKlT1Zetashz5i-2j6UAz00c0GPdDGbfOUn0smGKGfcD11ioyY8olQPWnM5zHGdzTel5N9jo8_IU-bjFhjsJaXDR5MKDlQ5ot0WRGtGyH3-EZn/s640/img1507260954642.jpg)
底層:個鴨肝多士上面鋪咗莓果啫喱,清新嘅莓酸抵銷咗鴨肝嘅膩,好有驚喜!
![](https://blogger.googleusercontent.com/img/b/R29vZ2xl/AVvXsEg9bPSexT1WmnWHjyBU6HZemuOSGjnu3LqUOEnraRXXDSQFa1Fgqr_Bbl2zjag_qeXoFgh7-OOmAZw1Se1F6u2MtnHz1vUNNd31FtW_U7CBwG1lz7Q-lJYdvmxDglLk8htzp6f7mDwIaFNp/s640/img1507260992798.jpg)
中層:無乜特別,但味道又OK。。。
![](https://blogger.googleusercontent.com/img/b/R29vZ2xl/AVvXsEhCa-P8eAzYEjltQ2GruZ5_5ejkF1L48dvTV9PELEjp5cINfnf6YWlInaPWVH_-HEGvQadpP4Qc0UC43oCmil7YXimQwbopn4aEv8Vf32BPgo25eMWVl6UsGPixSR37anNowoAmA62nrJno/s640/img1507261051033.jpg)
頂層:最正係粒黑莓,又大又鮮甜。。。梨撻底個檸檬醬酸到盲嘅都開眼。。。支膠Tube液體啜咗少少,苦到我求生不得求死不能!!!診所櫻桃味藥水苦度乘1000!!!
![](https://blogger.googleusercontent.com/img/b/R29vZ2xl/AVvXsEgQpgPpT0FI6V95wzz_ZZfn_OGEEsxohxSUYcUtRXxviDrx9A68AdQ61vxmBybIjUqoQqr2y3jwQg1m9t6SEn58XJxgBezXK6CKJnME8-tgv7Nerx0sE5Cnrox4hvyK8BuQa8UgR9XEPyrC/s640/img1507261145823.jpg)
粒Macaroon... 藍得好恐怖!仲有頭頂朵菊花唔知想點... 放入口需要好大勇氣... 味道... 有D苦...
![](https://blogger.googleusercontent.com/img/b/R29vZ2xl/AVvXsEjgZbX5VCgH8j7uOHA1DKkzwcuXIjVnrix97ysknhEfcYryfFSyhjQPeh6ul1wF33yISBqg5-4GJ3KGKPhnjYcbU6D-T0L7NfEsDHjaIiJkKu5g1RaAy5-uBSwKJmuzndUKRUg4a7CMPuQS/s640/img1507261178685.jpg)
環境... 唔想影... 咪走廊路邊行人通道囉...
入口... 影唔到... 無理由走9里遠去影成間酒店嘅外貌... (Lobby Lounge無外貌可言,咪走廊路邊囉)
由於係用Coupon嘅關係,會形住個套餐都唔慌好食得去邊... Expectation SET低咗,一路食一路話"估唔到又幾OK喎"... 哈哈...
服務員都好有耐性,揀茶時我話力仔唔飲得茶,有無Sparkling Water之類... 服務員好醒目地推薦咗2隻無咖啡因嘅茶,話大肚婆同細蚊仔都飲得...
味道:★★★★☆
環境:★★★☆☆
服務:★★★★☆
衛生:★★★★☆
抵食:★★★★☆
樂聚廊 Lobby Lounge
地址:金鐘 金鐘道88號太古廣場港麗酒店大堂
電話:+852 2521-3838
網址:www.conraddining.com
✨⭐🌟12月12日去金鐘運輸處攞車牌,順便用埋剩返果張COUPON。比起上次坐行人通道,今次坐窗邊光線充足,影起相黎靚好多!
![](https://blogger.googleusercontent.com/img/b/R29vZ2xl/AVvXsEjRLr7RcJy8_Jrp2Alicw5z0SHGVM1RW7MCqg29QvJ-a2sLsvL7881N40tiaYiM4YlD7ngXpSLtsMJyvLBEzAocTeHtLCldc3lDUfkEplW1bKyga6f5i1r16FbGBJNfVdf4eLzaelmWvF9R/s640/img1515173364989.jpg)
沒有留言:
張貼留言