30 September 2022, Friday
貴人出門招風雨……機場接送司機一黎到就落雨……2把遮由英國濕到泰國再濕到台灣幾日後先醒起要攞出黎晾乾～😂😂😂
Heathrow 機場同香港一樣，Pirority Pass已經無得入Lounge……改為去餐廳叫餐，免你15磅……（間間餐廳都無乜人，得呢間排長龍）
我係英國終於有得Order長通粉食啦，我淨係想要唔想再食熱氣野啫，都咁難嘅，要黎到機場先見到！
Yummy，可能太耐無食過！BBQ Rib都好味呀！
咁鬼正嘅Baby Area，D細路會唔會玩到過晒時唔記得上機架？😂😂😂
架機爆爆爆爆爆到七彩，唔敢影內籠相，影咩角度都會影到人……
目測9成都係東南亞人，台灣人應該得1成左右～
頭先餐飯太滿足，飽到唔要飛機餐(Dinner)，影Honey果份記錄吓算啦……淨係要杯熱綠茶……隔咗好耐，以為空姐唔記得，估唔到佢做完野之後再之後再之後又真係記得斟比我，抵讚！💖💖💖
十幾個鐘頭機，連煲3套心水戲，正！
斷斷續續瞓吓醒吓，個人都好攰……
早餐個樣同晚餐個樣我真係唔識分……味道方面……好彩我仲飽緊，了2啖試吓味可以停手～
訂位時話停泰國2個鐘入油無得落機，唔明點解又要落機，又要再過安檢，突如其來嘅變化，時間又短，又要執過晒D酒精搓手液、HAND Cream果D，又要除厚衫，好呢Hea……
又無裝飾比人影吓相，想記錄自己去過泰國嘅紙板都無1塊……
我以後都唔會再坐呢班機！
一上機又食晚餐……唉……食咗意粉同個包就可以停手……（仲以為會有泰式風味嘅飛機餐，妄想症）
短時間升升降降，食晒藥都Ear Block勁痛！（唔食藥應該仲恐怖）
落機機場工作人員多過旅客，大部分關卡都免排隊，除咗等行李……
台灣每日都4-5萬人確診～
機場會派每人4包快測，第1357天做……
台灣朋友好好人，借間吉屋比我地家居檢疫，仲搵朋友車我地……
另1個台灣朋友就為我地準備救命包，咁大盒海邊走走，仲有佢自己親手做嘅果仁撻同鳥結糖，太奢侈！3日邊食得晒呀咁多野！
考你眼力……可以見到101架！🤣🤣🤣
耍癈嘅入境隔離3+4天……唔係食就係瞓，完全擺脫唔到Jetlagged，到咗出關之Midnight仍然係5am先瞓到覺，瞓到3pm先醒……
食瞓食瞓食瞓……
DAY 1-3 唔出得門口，只可以日日叫Ubereats~
Day 4 即刻狗衝去買麵包再喪買家樂褔～（全靠朋友個救命包咋，看似好多野，咋一聲就食晒）
狗衝前一刻，好彩我試吓張開門卡先啫，頂，無電呀把鎖！！！😱😱😱
好彩果晚落機仲開到門啫，如果唔係都唔知點算！臨時臨急去邊度搵地方隔離呀！！！
家樂褔日本麝香葡萄 TWD399，好抵呀！！！唔係唔買呀嘛！！！（10年前私私縮爬賣5百幾蚊港幣買過1次咋用Coupon換）
DAY 4-7 可以出門口，但唔可以出街食野，除非包房，所以都只可以日日叫Ubereats~
DAY 5 : 金山老街
DAY 6 : Meeting Meeting Meeting，好有效率呀今日，超額完成！
台灣人真係好有愛，我地到埗前買咗咁大箱救命包預先送上門都仲唔夠，今日又送上自家種植紅肉柚子，佢話係佢朋友自己繁殖出黎嘅，收成數量好少，出面無得賣架～
DAY 7 : 落雨去唔到鶯歌，瞓到3pm先停一停雨，近近地去大學Campus行個圈散散步～
被困咗7日，D肌肉都無晒力，行幾步路就腳軟軟咁～
台灣入境旅客檢疫規定天天在變，舊年最誇張嘅時候係有朋友返台灣奔喪要係酒店隔離28日，夫婦住防疫旅館仲要分房，又唔可以坐其他車離開機場，只可以機場防疫計程車～
跟住今年夏天慢慢放寬……
2022年6月15日起，台灣入境檢疫措施改為3天居家檢疫及4天自主防疫（簡稱「3 +4」）。
2022年9月29日起，取消入境時於機場/港口執行之唾液PCR檢測。
2022年10月13日起，取消原3天居家檢疫，改採「0+7自主防疫」措施。
今日係10月8號，過多幾日，10月13日就台灣「0+7」免隔離入境！（DAY 1已經可以去餐廳堂食）
有朋友問我地做乜唔改機票遲D黎，唉，搞唔掂啦係英國4G都上唔到，要重新訂過晒D機票酒店幾煩先得架！同埋朋友間屋我地出關果日就即刻有另一對夫婦入住，無得褪啦～（果對夫婦最後就真係改咗機票遲D黎喇）
雖然我地被困咗7日，但都輕鬆咗好多架啦比之前要入台嘅朋友，都係唔出得門口3日啫，都可以接受嘅勉強～
唔好講咩吖，免咗起飛前PCR我已經覺得好幸運啦～煩少好多架～
臨尾又取消埋入境PCR，又再輕鬆D～（之前王喜比人篤鼻，流到成個口罩都係鼻血，搞到滿城風雨，見到都咪話唔恐懼，話晒我到呢刻都從未做過PCR）
檢疫規定天天在變，改到3+4我已經好慶幸架啦～
0+7咪過2個月再黎玩過囉！！！😂😂😂
好，做定晒功課，聽朝一早就狗衝去對面街Coffee Shop堂食！！！YEAH！！！
沒有留言:
張貼留言