11 October 2022, Tuesday
我地對上1次去漁人碼頭已經係好耐好耐之前嘅事！
去過1次都怕怕啦，無論坐巴士又好坐私家車又好，出返淡水站都起碼塞車塞1個鐘，行都快過佢～
巴士果次先恐怖，災難片咁，過千人係巴士總站等1架只可以載到幾十人嘅單層短身巴士，30分鐘1班車……咁嘅體驗，1次就夠！
淡水輕軌通車之後，都未有機會試吓，接近3年無黎過台灣，一於去八卦吓～
係酒店食個豐富早餐，開埋2個會，就出發喇～
係淡水線紅樹林站轉車，總站去總站，都要35分鐘先嶅到入去漁人碼頭站，沿途風光？樓、地盤、樓、地盤、樓、地盤……
總站漁人碼頭站落車都唔夠10個人，應該話，成個漁人碼頭都唔夠10個人！好恐怖！
唔通以前人山人海全部都係遊客？
更恐怖係，成個漁人碼頭得1間餐廳有開門……
更恐怖係，專賣手信土產嘅淡水魚市CLOSED！OMG！我仲諗住行過黎瘋狂掃貨架～
新開嘅……幾年前黎未有……
黎緊會落十幾日雨，好厚雲，日落又影唔到……
我地黎呢度做乜呀？
HEA食完個Lunch好LaLa聲走啦～
午餐＠漁村拉麵屋
我地無P圖，真係無人～
走果陣選擇用腳離開～
興建中嘅淡江大橋，第時通咗車可以直接由八里揸車入淡水，再唔係踏單車或者用腳行都得～
雲層SO厚～
過咗紅毛城行到避風塘一帶（馬偕街X中正路）開咗好多特色小店，影相打卡一流～
提醒大家戰爭嘅可怕～
晚餐＠淡水紅樓咖啡館
食飽飽就行去淡水站坐捷運走人LU～
以前熱鬧到嚇死人嘅公明街，冷清到嚇死人！！！
仲有幾日，世界各地嘅遊客就可以免隔離湧入黎架啦！！！
沒有留言:
張貼留言