![](https://blogger.googleusercontent.com/img/b/R29vZ2xl/AVvXsEihmVQ0tcoDj5sY9iFwW89VZCym6h5UtJqH7BcwwkpSde2BehenRRC_Uvfnr0v8iBFtQ0GNB2PF_2JmZUR-NTfCGI_YEOZU8okhjp9Ee_cp8uA0AkwnKAYNfXO6InDUavxhp3K6GVGFnasm/s200/DSC_0733.jpg)
放工去到吉豬島搵食, 遇著超級減價日吸引咗勁多人去購物兼食埋飯, 間間餐廳都大排長龍... 噢撈!!! 我好肚餓呀!!! 我要食o野呀!!!
Honey靈機一觸, 提議去康怡廣場3樓搵食(其實係4樓, 係假2樓有條好狹窄的樓梯行上去, 無扶手電梯, 又或是係地下乘電梯直達, 所以人流較少)...
拾級而上康怡廣場3樓,見到翡翠門口有張好大的Poster--秋冬三寶 $296 任選其二... 嘩... 又胡椒粉絲肉蟹煲, 又枝竹冬筍羊腩煲, 好吸引喎!!! 天氣咁鬼凍, Holiday mood又濃厚, 食好少少都唔過份啫...
初時店員帶我地去張好細好細的2人枱, 枱面只夠放2碗湯麵, 勉強可以放多1碟小菜... 我瞄咗一眼, 淡淡然咁同個店員講, 張枱咁細點放得落羊腩煲... 之後店員帶我地來梳化坐, 其實都係2人枱, 只係大張小小... 有梳化位坐, 是但啦...
![](https://blogger.googleusercontent.com/img/b/R29vZ2xl/AVvXsEidyh-znpFzjc7A2bUJ9N5kBY9KP3IavU1zgOl_1bb1Vl5tQ71SY6FRD-vmqSSKhFHGZztiPY42s0MM1twk76amYylE81vlx19Rp4f1yic6QQKm9J6XwAWaeDDGSGXm8nWQ3hfDEzC3UuWX/s640/DSC_0724.jpg)
前菜 & 功夫茶
-- 花生鹹到苦, 鹹菜好多根, 又粗又硬, No Good... 功夫茶夜晚唔好飲咁多, 好易失眠, 我只敢飲一杯...
![](https://blogger.googleusercontent.com/img/b/R29vZ2xl/AVvXsEhvhDBthxFwPc_fvfcd-InZpETmZtrjE3TvUtVJDUkyrP0D1OWMO3ynyu2m-rbLxkBTBGw9nbJ_U9vHhL4FDiMEokTgpd-WELkSz4dZCyW-JZ2INmciUyZsFkJ12iVxvhWuF9wG3k6akkcd/s640/DSC_0723.jpg)
胡椒粉絲肉蟹煲 (原價 $168)
-- 份量比想像中多, 肉蟹好大隻, 蟹肉都OK新鮮, 粉絲勁多, 勁重胡椒味, 好辣, 但越食越起勁...
![](https://blogger.googleusercontent.com/img/b/R29vZ2xl/AVvXsEjk_ZtexPGXWGHt8cxyTHyO9JpkfKYR_yf37mfvt5-B2Dc38azDDgGrPY3osLiSB8Fr7BBQ7AuhDLIxHN06fkClsOYu_akofjMVJTUEVL5Kddv075jGdYEJf5LUXeSrgfcR7jiX_UdXlTCA/s640/DSC_0729.jpg)
蟹黃不多不少, 甘香欠奉, 談不上滋味, 還可以吧...
![](https://blogger.googleusercontent.com/img/b/R29vZ2xl/AVvXsEiLRXRuuLEdgmzB_0KVEQnAgJ1rg7h6G9yKRcfwCm5ez-Ocl3weSCVTidGvpM9f_9H0axQEKXuiZw8waycHk7resxmsnk-O-kwt7wY8SZyESx9pWClKKQp1B_4S5NM8ZEqrbwefCDmZOAmX/s640/DSC_0731.jpg)
枝竹冬筍羊腩煲 (原價 $148)
-- 好精緻的煲架...
![](https://blogger.googleusercontent.com/img/b/R29vZ2xl/AVvXsEhQSPI9Nf_VP9IkBurS-q2fk_2upLbXmLpA3ZLYZ4R8OJkSXxeKKYnDaW78J0kZF73dKQ2EXyle1-TxYtF_rtjDvDhYjNWYmPCgIEPD1dh3VDQ-d_FPkJQhFSnbK0a5tomlxOrINuoaNmAG/s640/DSC_0727.jpg)
為了徹徹底底煮熟D生菜, 前後換了3次酒精Jelly... 難得店員弟弟仍笑容滿面, 欣勤地款待, 難得, 難得...
![](https://blogger.googleusercontent.com/img/b/R29vZ2xl/AVvXsEhDSmgBS36zOa_67PtPkQWS1K8w4NWw18Ql9FyyTAY3EAAUqzHnDJ7bS1iHg0SwQ7V07vpFwQUu_V3SWPpYgnBsG0zbUgcB7Z9t7xcjewm07X2OiN8e6_wD6WhARdLWS5vAHvAa1N6i2_3i/s640/DSC_0730.jpg)
移開枝竹冬筍羊腩煲的煲蓋, 嘩!!! 份量好多呀!!! 無論羊腩, 馬蹄, 枝竹, 冬筍都勁多, 近年已經好少見咁足料的羊腩煲, 羊腩少少膻, 正合口味!!! 當然唔少得靈魂人物腐乳醬, 無咗佢, 就好似食薯條無茄汁一樣咁無癮...
![](https://blogger.googleusercontent.com/img/b/R29vZ2xl/AVvXsEihmVQ0tcoDj5sY9iFwW89VZCym6h5UtJqH7BcwwkpSde2BehenRRC_Uvfnr0v8iBFtQ0GNB2PF_2JmZUR-NTfCGI_YEOZU8okhjp9Ee_cp8uA0AkwnKAYNfXO6InDUavxhp3K6GVGFnasm/s640/DSC_0733.jpg)
某某信用卡有9折, 可惜無帶係身, 蝕咗... 回家後先驚覺秋冬三寶的價錢其實只係比原價加起來平20蚊, 早知唔使叫咁多o野啦...
飽到唔郁得, 要慢慢散步回家幫助消化... 走到街上, 外面冷冰冰, 身體暖笠笠, 好舒服呀...
是次每人消費約 $175 元
味道: 3 環境: 3 服務: 4 衛生: 3 抵食: 4
###
地址 : 太古康山道1號康怡廣場3樓T4號舖
電話 : 2554 6338
•★•───•★•───•★•───•★•───•★•───•★•
回覆刪除┏┓┏┓。・゚゚・。。゚♡
┃┗┛ appy♡⌒2Ѽ14╮\(⌒▽⌒)/
┃┏┓┃ ღ開心的心情延續到每一個明天ღ
┗┛┗┛ *゚*°•♩¤。♪.♬。•:。⊹♫*。.•:。
ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı
•★•───•★•───•★•───•★•───•★•───•★•
:)
刪除