![](https://blogger.googleusercontent.com/img/b/R29vZ2xl/AVvXsEjFwHm5aC06djDXnIOKW2hvTW8O8jhJ3VDh0S9KU3vpvvVjMEoVITUSq3XKKIKp78Q18chVIZnU37nThjGqyJrzDCaK-RcPLWSs_osstvYpKzUwY0BoEYm89b0KB9qX0hkWNkxDBT4LU3G4/s200/DSC03774.jpg)
唔付高昂的價錢去西餐廳比人略, 又唔代表我地要食得好Cheap...
步入餐廳時見到隔離枱又大蝦又珍寶帶子, 勁吸引, 睇到流晒口水...
套餐B就有帶子, 套餐C就有大蝦, Oh No... 好難決擇呀!!! Honey話一係叫B餐, 再加大蝦... 嗯... 但係B餐無澳洲M7和牛喎, 同埋得C餐的牛夠膽無醃, 即係牛肉靚先敢唔醃啦... 睇來睇去, 都係C餐啦, 唔加帶子喇, 個C餐都多到食唔晒...
小二, 來一客 MG Set C!!! (2位用 $860)
落單後, 店員奉上走Kawaii路線的粉紅色喜瑪拉雅岩鹽... 嘩嘩嘩!!! 呢隻鹽好貴嘅喎, 我都係第一次食韓燒用喜瑪拉雅岩鹽, 實在唔敢相信眼前所見!!! (悄悄話 : Kenmerry係屋企煮烏冬鍋都係用佢, 煮出來肉味真係特別鮮甜的)
![](https://blogger.googleusercontent.com/img/b/R29vZ2xl/AVvXsEjcLaETTA7dviExL-Go8SzjXcrvFBPlljq1p_HDMLuyT6TS6tEboF61QGhTjEcxZbwlNpt4z6EAbehgY-ejisBZFzNui5o7vQxOtbYE1Nh7yWfnDYdOseXLXuhLoyrutD-x31ZdaVFyMNCv/s640/DSC03770.jpg)
店員奉上6款前菜及套餐的生菜盤(半份)... 跟生菜盤的甜麵醬好香甜好好味呀!!! 前菜中我最鍾意薯仔同南瓜, 好好味...
![](https://blogger.googleusercontent.com/img/b/R29vZ2xl/AVvXsEgDwquAC6jf8EL6-nx8BUSzO15VPPrcnP4W4o82ir4DAYi7Iz6sdMHPMsJvorudb_R93M5tAGC9X50Hl8iu56ezgcsDNbTLUKo2vPT4f-GQoZW6TEFTCZfss0XMVbq2raFo6nABuchX-5MG/s640/DSC03772.jpg)
特級澳洲M7和牛 (無醃)
-- 脂肪分佈不俗, 閃電拍照後, 店員幫忙剪開為8-10片後隨即放了2片落烤爐... 吱吱吱吱... 烤爐不停發出噼嚦啪啦聲, 油脂與肉汁發出閃爍光芒, 烤爐中的和牛正在向我招魂呀... 呀!!!!!!
♫ 我的眼中只有你, 自從我們相遇的那天起, 無論現在還是永遠, 只要有你在我身邊我什麼都不要 ♫
澳洲M7和牛是無醃的, 略燒一會後, 蘸幾粒喜瑪拉雅岩鹽提鮮, 滋味得沒有話說!!! 肉質柔軟, 接近入口即溶, 肉汁豐富, 咀嚼時尤如在口腔中翻騰, 肉味充滿霸氣, 美味得沒有話說!!! 太幸福喇!!! 噹... 噹... 噹... 噹... 幸福的鐘聲響過不停...
![](https://blogger.googleusercontent.com/img/b/R29vZ2xl/AVvXsEjFwHm5aC06djDXnIOKW2hvTW8O8jhJ3VDh0S9KU3vpvvVjMEoVITUSq3XKKIKp78Q18chVIZnU37nThjGqyJrzDCaK-RcPLWSs_osstvYpKzUwY0BoEYm89b0KB9qX0hkWNkxDBT4LU3G4/s640/DSC03774.jpg)
為了好好享受呢一刻, 我每次只燒2片, 絕對唔可以燒過火, 浪費咁美味的牛肉...
正所謂... 歡樂的時光過得特別快!!! 不消一會, 澳洲M7和牛已被消滅了!!! 呀.... 咁快食晒, 我唔制呀!!!
食牛食到欲罷不能, 繼續燒牛!!!
牛肋骨 (無醃)
-- 牛肋骨一向係我們的至愛, 以往吃的是醃得甜甜的, 今晚的牛肋骨雪花亦不錯, 同樣是無醃的, 沒想到... 會被澳洲M7和牛猛猛地比下去!!! 肉味與肉質已是相當不俗, 同樣是略燒一會後, 蘸幾粒喜瑪拉雅岩鹽提鮮, 本是無懈可擊, 可惜剛吃了澳洲M7和牛, 餘韻仍在口中徘徊, 頓時令到牛肋骨遜色不少...
![](https://blogger.googleusercontent.com/img/b/R29vZ2xl/AVvXsEjoq0Y5Gyu62kOK_9Q2Fcb4EKSp1-hzd2s43alY7N-6dUdXEbzJjvSHHyg60zmJFUCGtDZj2ukWrt3yoYYdnheYzt3NM5ZX0AwrCWrzsXQA9Bv5C8z57d0Km8tPDIfgD-Pfx6LMxfQadOyA/s640/DSC03777.jpg)
店員幫忙煎開牛肋骨為10片左右... 今次我地4片4片咁燒, 加快進度...
![](https://blogger.googleusercontent.com/img/b/R29vZ2xl/AVvXsEgNRnFQSSwZOILknbEWysCv6MXSoDIq2YrjkK_6G7LBy-9sWSoRk0px4FDa-iAAhg5irVzvCd4EmZmpdR_YbJepgy8GvLhOm77jLKVpiCTzw8JoZ7uJ_zQyk4xnIUiftu_zT9mC5J0OMTIi/s640/DSC03790.jpg)
鮮大蝦
-- 大蝦真係好大隻呀!!! 以生抽醃一醃已好夠味, 蝦肉鮮味十足, 爽脆彈牙到不得了, 真係超好味呀!!! 當然, 大前提係店員幫我地燒的, 可能佢叫我地雞手鴨腳, 驚我地浪費咗咁靚嘅大蝦...
![](https://blogger.googleusercontent.com/img/b/R29vZ2xl/AVvXsEij_WNAG2ncZSxzzk5XZggjqaqT_59Qau111lsXTqdO_l-PrcVR8w96_gsmW2Di6NFsXz5c9trmwR3TdURVLi8ah_zaL_ikz6ugjANljMGArK8Zb4smaO7AulhY1jbrp23rNdUNygylZKzs/s640/DSC03780.jpg)
有圖有真相, 大蝦巨型到差不多擺滿個燒烤爐...
![](https://blogger.googleusercontent.com/img/b/R29vZ2xl/AVvXsEhAZsPDa9FkgoIXl2gs6FO2Oy7jC2THYlxbegRnVJiLof7Rnh6NvgdRoLANY1RMRApFVwFQ4EkPMHqcCJUCBM7UGjcr4woo0B36H-AfctgbOykRK8nEAfSwnfS3OS7vF-jsESYKDXRaKwJ1/s640/DSC03797.jpg)
傳統韓式辣炒年糕
-- 救命!!! 真係辣到無朋友!!! 但係食落又幾好味喎, 之後仲食到唔停得口, 哈哈... 魚餅好好味呀, 年糕軟糯煙韌, 隻蛋切開後仲要喪蘸辣汁, 我硬係辣傻咗, 哈哈...
![](https://blogger.googleusercontent.com/img/b/R29vZ2xl/AVvXsEgWDZhnniPueiv7fCIvUBDaflMSxlMRlwEoKfEgpTy0kcLNjhTY5UDzsw2Gk3IsIv_QYnplHblHLCUaTIqHBE7MWHfI4xyvwZVlNA4Dqz6UBRGmAsg_eEy94JvCB3wOSojkKft5aAgMWfFh/s640/DSC03782.jpg)
石鍋雜錦拌飯 (可選牛肉, 雞肉 或 辣八爪魚)
-- 辣八爪魚石頭飯?!! 未試過喎, 好吸引呀!!! 上菜時, 見到有隻生雞蛋係飯中心, 好驚, H7N9大爆發呀, 仲食生雞蛋, 未死過?!! 驚魂未定, 店員已快手快腳拌勻個飯, 我連相都未影嘅呢... 唯有影拌勻後一點也不吸引的版本... 是否有點噁心, 哈哈...
![](https://blogger.googleusercontent.com/img/b/R29vZ2xl/AVvXsEj3_mJnqpDZwnFqeaASVUgx17pvtqIqw638QthDhTmhrXCEx4HmexBApoY_8-Gnw-O1lA34GiIxpJ35UGTxuTR6NBCeffgTYd9xdsvYTrQT1HyHBVqx5lbHjb2qKCzl_DCvTojjj_rpwVc3/s640/DSC03786.jpg)
等我挑出辣八爪魚來拍照給大家看看吧... 源自海洋的鹹鮮味充斥整鍋石頭飯, 好特別, 從未嚐過這種滋味, 可惜飯身太濕軟, 辣味亦不明顯, 有點扣分...
![](https://blogger.googleusercontent.com/img/b/R29vZ2xl/AVvXsEiGp-ypHCakeVeLfl2PbWZMNJOWlyVbFHM-HmGhqKJMb9Z5e_nzmyfAMHev7zdCV6dOPrjohRSQojz2yf0l0FYyBH7Qu0Ayxf9DatV9ig7RjSQzzVfOm4u3SIzH9IheuSDRRnt5PsDHsUKO/s640/DSC03788.jpg)
澳洲M7和牛加上喜瑪拉雅岩鹽, 真係無得輸!!! 足以回味上好幾天... 大滿足!!!
今晚限時1.5小時, 我地1小時已吃完, 利害!!!
好飽, 勁飽, 超級飽!!! 埋單時送上酸橙2角, 可以幫助下消化... 秒殺!!! 轉頭店員又再奉上酸橙2角, 哈哈, 再食...
寒冷天氣警告生效中, 但我身心感溫暖, 決定慢慢散步回家, 幫助一下消化...
是次每人消費約 $470 元
味道: 5 環境: 4 服務: 4 衛生: 4 抵食: 5
###
地址 : 太古太古城道20號元宮閣G402-03舖
電話 : 2539 6398
我多數响呢間食lunch, 但必定要book 位, 因為超full, 但好好食.
回覆刪除我都鍾意食Lunch, 有時Book咗位都要等呀 T_T
刪除