失望地行完宜家家C, 失望地食完Maza Crepe, 打道回府, 時間有點尷尬, 吃晚飯好像早了一點呢... 但買了的東西實在太重, 不便到處逛, 最後決定到Ruby Tuesday吃些少東西...
![](https://blogger.googleusercontent.com/img/b/R29vZ2xl/AVvXsEjCXiNUznAh_OnGZRHmVSJDRSTD9WIQQMEPKHjoy9rUrvt6-bQ8Pg-Yz0nYFMujO6q-J9RYLJIQDcO7mVrafaWcbE3Tb7LzeIO_wZTBLgafkpT23QXnhUbY9fdUc4Bw-Yr1FQ0-nLajYjZk/s640/DSC_1122.jpg)
5:30pm入座, 接待員說7:30pm要交枱... 2個小時對我地來講已很足夠... 唔好睇佢而家咁吉以為無生意, 6:30pm已Full House, 我地離開時已經有人等緊位...
餐廳內的環境異常昏暗...
![](https://blogger.googleusercontent.com/img/b/R29vZ2xl/AVvXsEiOdFAKfivT5XqADpSYWiAhQ7VmlDzwkw_DjA2KOEuJgdGsMJn4SKAnF5HUNqZN8GddJkanQ1ediiz_4KAsKV-PZ5oMAW0PkVIJqgFdeFP1Z65TQI-DV1KHCG0r81POXXKSYPI1P_VBhFqx/s640/DSC_1132.jpg)
![](https://blogger.googleusercontent.com/img/b/R29vZ2xl/AVvXsEjcD8yos2ZFHZpwtt6c8jKUhuQv57EnDJ9sraAl1mOR1LlvOt_rH8SEP8G03Copl57W6K71JWg8SPNksho1BgaChr72-sKBpvVfpl2YjUOJ0XzlbFffcGnjNQvjWdcC-RBRkX76TyNl3ZBc/s640/DSC_1131.jpg)
在店員帶領下, 穿過自助Salad Bar... 幫襯1個Main Course可加$108自取1次...
![](https://blogger.googleusercontent.com/img/b/R29vZ2xl/AVvXsEiMk0IPlCOccSdeLQI-bSctLOnoS1BnbMQs0E6kAWYo67P9MZ7QYC-gNDU4R2zWHFXivB7qUxDW0-WPkdmHTPrBlFWJu1L4uQHXrHGIs-_FoIVnQMQzwhl0zKFIDBq2iNRspGpJ4CsI-lNv/s640/DSC_1127.jpg)
到達2人卡位專區, 2人卡位枱面異常狹窄, 幸好梳化都幾好坐...
![](https://blogger.googleusercontent.com/img/b/R29vZ2xl/AVvXsEhblhqE2cZMyPV739zlGCwW2xGmweWxr-0-HJVtL4lty-TLnHqX_d-8udaB2a5xaq6-YF984v_BTmBcmUOWNNv3msGmJma4ybiJv4iEhmAnwYrYKcKrOqz0-9JWFqbbHMW5Xv1inYCWvQuu/s640/DSC_1149.jpg)
未坐暖張梳化, 店員已開始推銷會籍, 成為會員可於720日內以半價享用食物, 會費竟高達$1500!!! 嘩嘩嘩!!! 我係度咁多年先第2次來食(第1次隨時係10年前, 當時朋友就係有呢張卡), $1500夠我用正價食3-4餐啦... 再加上申請咗就一定會怕蝕底密密來狂食, 到時我肯定增高不少(高血壓、高血糖、高血脂), 唉, 免喇...
![](https://blogger.googleusercontent.com/img/b/R29vZ2xl/AVvXsEg_G3-YqNhrwpOaG5A-BJ5F1ctsuJstMi8H8NtgohBR7VzvTnhGMiizeQGpJPusykei1WGGO7SlIZTdDAyAD75qKXQgqd3rCBxzbnuEVdR9IYvRsTX44OsQcUGLvfNlSVH9Nuvb965JjCP3/s640/DSC_1133.jpg)
燒排骨雞翼拼盤 Ribs & Wings $278
-- 燒雞翼有2款醬汁揀 (Teriyaki or Buffalo), 我地揀咗Teriyaki照燒汁, 要辣的... 燒排骨就有3款醬汁揀(經典燒烤汁、蜜糖燒烤汁、香辣汁), 我地揀咗蜜糖燒烤汁... 落單時都無為意有Side Dish跟, 初時驚唔飽夜晚要搵食, 而家唔使囉...
![](https://blogger.googleusercontent.com/img/b/R29vZ2xl/AVvXsEj2L5OdamrXZLKZoHOrqNYGsKYI0hKAC1q46O0uSJGyjQSXdPbfUQz-lSy3hoTdSs4CfWZiaGB3j51J58Vv_HOvT9AOJ7YFcJSMNJNz3ixgX8GWfPsg0up7LYk5GLv9DBAInMwi897PQL7V/s640/DSC_1144.jpg)
燒排骨
-- 可以切到6件, 我一向嗜甜, 必選蜜糖燒烤汁, 甜甜的, 加上燒排骨的焦香, 好惹味... 難道燒排骨也學忌廉貓一齊跳鄭多燕?!! 好像Join了廋身療程呢, 廋得有點接近皮包骨... 慶幸清減了不少後風彩依然...
![](https://blogger.googleusercontent.com/img/b/R29vZ2xl/AVvXsEjIz4xYwSEKdBlzeUYdh8EdsK_8XYngtXncIHBX_5EwSMIYBd93b2MLBfwQbO8MHp_TiOlDoePhBzZH2GQ5kUTdzMUF0VFhkem7Mm1J6-h-ZB_8NPEuNUcCXl_nEy1Ht_7o50v9jgorzylT/s640/DSC_1143.jpg)
雞翼
-- 雞皮頗厚的, 醬汁也非常厚身, 醬汁味道有點酸辣, 頗惹味的...
![](https://blogger.googleusercontent.com/img/b/R29vZ2xl/AVvXsEg7YuzgXO5-uLY3JRJK2XjZ2XAMNSk4iSuZgcABynKnoEHFEzxNoqtfXQBTQVdRDBsQ9QH7wZzKZWnrdC3lvb04LOW8FwfbCUfAI11t-JcX9wkVWncqGZBEHQnpJdxXZYM4vlMN0ZZNq9oX/s640/DSC_1142.jpg)
薯蓉
-- 好重牛油味, 仲有香草味, 好好味呀!!! 入口順滑, 吃一球已足以飽到午夜...
![](https://blogger.googleusercontent.com/img/b/R29vZ2xl/AVvXsEhWVJ_7oBWjFA_tsSUfrgyT5vhJrXbtZkINBOx4wTcrtwaTjdMsnZ_jwyEdAQQOvzvWgE07iKft8sNkUlIK0WjfwONfv4ntFtkQii2vS4I7D_XWZRuaOGXb3c84gTuVT4ZrXJNeOaE1w02G/s640/DSC_1140.jpg)
Honey笑說邪惡的食物總是特別美味...
要將邪惡指數再推高一個層次, 必定要有邪惡的拍擋... 啤酒!!!
Guinness Draught Surger (Pint) $62
-- 濃郁順滑的Guinness, 味道像烤過的咖啡&黑麥芽&黑巧克力的混合體, 帶一點點苦, 與Ribs & Wings 是絕配...
![](https://blogger.googleusercontent.com/img/b/R29vZ2xl/AVvXsEh8H_j-iOBFSrVSHGWx7_1K54Mp8GVAoo0Ay3b3Yb1tsAoB269iJ5m8fzHxL-74rATRUgOyTonFc6a3zKmx003pBJp_haihSXDC_TJe2QMYiYV1EH949ukY4J94LMfZWrSxbP8BKZfviy-w/s640/DSC_1138.jpg)
邪惡拍擋2號... 凍檸茶!!!
-- 我忍住好耐都唔飲凍檸茶嘅啦, 因為好多糖, 加上凍飲對胃部無益, 但一見到"免費添飲"4隻字, 不用考慮, 哈哈... 意外收穫係... 好香濃好有茶味, 相比起OutBa的無味茶, 簡直天堂與地獄...
![](https://blogger.googleusercontent.com/img/b/R29vZ2xl/AVvXsEh9rOfYBH7Q_7dxViTyXVg-LywFsxNuqYnFk0_1PlWy0HsuNuq_0NFoZNCEKAM2BW85Aw4u4l9OcU6f1irlRUIjQa8NtW618XTsGeFBFabUba_irUrUGJm5HUtTOuNeEtMZX7Tz7au1c25c/s640/DSC_1137.jpg)
咕嚕咕嚕... 飲晒, 唔該Refill吖... 大家見唔見到舊檸檬仲幾飽滿吓, 因為我驚第1杯已經插到溶晒, 第2杯會無晒檸檬味, 慳住用... 點知... 懶醒咗...
![](https://blogger.googleusercontent.com/img/b/R29vZ2xl/AVvXsEjUKXyt_bQKH37neobV5Kwn2R0rOWyCfoNSDzF8-iq0gq9pKZV7sIUIm0jYTiYlAlZE5KpJvF8uX_8__0Xu2GfA1BEqK6zSfKlTr7mDTUg_axb9uUM26mA-6O1V-eWTdVPhPu0u1zKFgHLC/s640/DSC_1146.jpg)
原來呢度Refill係收走隻杯, 比過1杯全新, 連檸檬都有... WoW... 太驚喜喇!!! 第2杯同第1杯一樣咁茶味香濃, 好好飲呀, 好幸福呀...
![](https://blogger.googleusercontent.com/img/b/R29vZ2xl/AVvXsEha3OVEvm7GW3PZLXs6oTKfcesBXHAJ_2r7RfTNBvvW9ZNXJ3NJIzTDTRhuH5WQiWLqf5T8TpOudSGo0z8mXS3UQVHAyKIvDzznHAJpkhFkw1RA6G37CXBeHxKDzrIAwfcCIQ4rWKGWSiqC/s640/DSC_1151.jpg)
我今餐聽咗好多次"邪惡的食物總是特別美味"... 我同Honey講"我地要2-3年先好食1次", 我唔想再增高呀, 嘩咔咔咔...
是次每人消費約 $215 元
味道: 3 環境: 4 服務: 3 衛生: 3 抵食: 2
###
地址 : 太古太古城道18號太古城中心一期5樓505號舖
電話 : 2907 1133
這間好像很吸引啊! 芬妮以前就知道, 但一直沒去過......
回覆刪除我咁耐以黎都係第2次去咋, 少吃多滋味 :)
刪除