網頁清單

2014年1月13日 星期一

地中海舍 Taverna Del Mar : 有飯焦的西班牙海鮮飯

8 January 2014, Wednesday

每日放工後的指定動作... 搵食!!!

一般來說, 不會天天嘗試新餐廳, 但要為幻想世界繼續努力作出新嘗試... Fighting Fighting...



不知何解, 從沒考慮進入這開業已一年多的餐廳, 可能係門面太暗吧, 我怕黑呢, 哈哈...


在店外注足研究時, 有店員遞上晚飯套餐的餐牌, 熱心講解, 更說可以供應之前做過的團購套餐, $3xx, 多點食物... 我一聽到團購2字, 心裡一沉, 坊間流傳再好的餐廳, 一做團購就會變得很差, 團購在大家的搵食指標中已與質數差味道差畫上等號...

店內擺放了魚網及小船, 充斥西班牙漁村風情...




唯一較奇怪的是, 為何用雞皮紙袋充當燭台, 不怕火災嗎?!!


餐前小吃
-- 男店員放下時, 我話無叫, 男店員話大廚話係Complimentary(免費)的... 咁著數?!! 但我見到疑似生蒜頭的物體, 向男店員了解一下, 佢捧著一大瓶Olive Cocktail Mix來給我看, 這種西班牙餐前小吃混合了青橄欖+黑橄欖+小黃瓜+醃洋蔥, 以醋及橄欖油浸醃, 是非常開胃的有營小吃(橄欖不含膽固醇, 維生素及營養價值高)...


西班牙傳統高湯海鮮飯 $288 (推廣價, 每天只限25份)
-- 大大的黑鐵鍋擺放了各式各樣的海產, 大蝦, 青口, 墨魚, 魚柳... 熱騰騰的海鮮飯表面竟然像港式煲仔飯一樣有飯焦?!! 很神奇呀!!! 脆脆的很香口... 餘下的飯則濕濕軟軟的, 青口肉很細粒但飽滿有彈性, 墨魚柔韌, 魚柳有彈性, 較差的是大蝦, 肉質較鬆散... 整個飯瞬間給我倆吃得清光, 好味!!!


有圖有真相, 仲刮緊鍋底... 哈哈...


附送西式濃湯或前菜
-- 女店員說Soup of the Day係Pumpkin, 喝一口味道卻像帶點酸的薯蓉湯, 到隔離枱落單時, 女店員又話係Potato... 究竟... 我飲緊咩呢?!! 照我推斷, 應該係南瓜+薯仔+蕃茄...


附送茶或咖啡
-- 熱檸檬茶普普通通的...


Chocolate Truffle $45
-- Chocolate Truffle 並非指朱古力內有松露, 只係指不同形狀的朱古力, 餡料可加入酒或果醬之類, 表面以果仁碎餅碎可可粉之類來包裹... 這兒的Chocolate Truffle賣相不錯, 看似平平無奇, 切開時有點彈性, 切開後流出芒果熱情果醬, 放了少許入口, 非常有驚喜!!! 黑朱古力質優, 味道香濃, 甜中帶苦, 微微的酸, 幼滑細密, 狀態處於固體與液體之間, 在口腔中遊走, 柔軟卻帶有質感, 甜美的味道歷久不散, 不禁嘆一句"好味過Godixx"...



今晚人客不多, 大約4枱左右, 大廚好得閒, 經常離開廚房, 在客人用餐區穿梭, 客人剛下單, 女店員還未轉身, 大廚已急不及待問女店員客人Order了什麼... 嘿, 我都係斷估, 佢地唔係用英語交談, 懷疑係西班牙文...

我地結賬離開時, 大廚還親自送客, 向我們點頭同Say Goodbye, 有點受寵若驚呢...

是次每人消費約 $180 元
味道: 4 環境: 4 服務: 4 衛生: 4 抵食: 3
###
地址 : 鰂魚涌海光街11號漢威大厦地下1A號鋪
電話 : 9311 5005 / 2813 6355


6 則留言:

  1. 好味貴D都要試呀! 個海鮮飯, 正!

    回覆刪除
  2. 團購,餐價本身己很低,價低之餘仲要被團購商抽一筆,唯有將貨就價。>_<不過不是團購餐,都OK的

    回覆刪除