Happy Friday!!! 早2日收到之前用信用卡幫朋友預訂的SoftHard演唱會門票, 急不及待要出來進行交收... 吃了一頓豐富的韓國菜後, 已飽得肚皮也快爆了... 但我地仍然照原定計劃來吃甜品... 因為聽很多人說排隊要排好耐, 我地嘅如意算盤係排得耐仲好, 可以消化兼傾計, 點知... 排咗5分鐘就入得...
看, 9點未到, 門外已擠滿了等候的人...
![](https://blogger.googleusercontent.com/img/b/R29vZ2xl/AVvXsEhXInk3rZDl_4HqBs_4LzFNRqFhlkMAtfnEva_ZJNKnP3KtnoMKSVTa2ZUpPIQVflW2OWQckpfMGVTAcqv6G-ld3U0kcmfZqpi8EuWR6TkDjChSMUVIJird5n8-9pc0RuY6vmtGi99LvGqJ/s1600/DSC04062.jpg)
大家記得先取籌後排隊... 我地唔知要取籌, 否則更快入座...
店內座位非常擠迫...
![](https://blogger.googleusercontent.com/img/b/R29vZ2xl/AVvXsEg-g0MsbgsnErRPsM_F9rhBw08Slptt9tttlZ2ISGE9VLAeprXBv__6ojRvKiWbRQDIKAoNG79KmJhLXvKf3FvC7mCqUEMdD6MGPpZVtAj25OPkFwMnDAdFVPt1dPJ5zzRqjGyijNyu29Td/s1600/DSC_1102.jpg)
![](https://blogger.googleusercontent.com/img/b/R29vZ2xl/AVvXsEjitPTObjTdf4U3pZ5CHuFEtLpKfMKLmCxOql4vOToICwMigE-p0kZBEAUbDPm1hxH4900ktwmNeI_ZR2h1TrKLwxGbSYKrf1dK37lIgg2RyPNgazydbCaPXHoAIBVCEYydQBpe_P4hFceY/s1600/DSC_1098.jpg)
牆上掛了華仔的字帖及報紙雜誌的剪報...
![](https://blogger.googleusercontent.com/img/b/R29vZ2xl/AVvXsEiY0ZN3gD6SXRU55Fefp4eSamJBEukkKSYoW69oy6dh495PLszVagqfDeKc4-GYgqYpliwOBP3VUSnl6BaSXWuW_RRFWgIjUifYpMw3uUYUOc3tz9NG36kDe1eqUbRb2nfrYKrjK71ZUFY3/s1600/DSC_1101.jpg)
龍眼椰果冰 $29
-- 我的, 我也舀了一湯匙給朋友試, 我倆均大讚好好好味呀!!! 真係好似食緊龍眼咁呀, 有時真的龍眼都無佢咁清甜呀, 100%龍眼味, 仲有龍眼肉碎片, 有咬口的!!! 嗚嗚嗚嗚, 我以後食唔返咁好味的甜品咁點算呀?!!
![](https://blogger.googleusercontent.com/img/b/R29vZ2xl/AVvXsEiYTS6RxREvdi7A4bnYJXCMv4lx0L5j-HWFVGRQodfUl_6wJbXCvw509A6msRWwED2NulFM9A74N_HM-E1cLizEN4e0x3wgH9-h9pjFHJo-jW7As3AeZM1RBLqdPB_v2oGqEgod-XuFcg1i/s1600/DSC04063.jpg)
紅豆茸西米冰 $23
-- 朋友的, 我舀了一湯匙來試, 我倆均大讚好好好味呀!!! 紅豆茸含量非常高, 好香好甜, 奶味又濃, 像小時候食到的紅豆雪條, 很懷念哦!!! (現在的紅豆雪條只是紅色+沒有味道+沒有紅豆的冰條)
![](https://blogger.googleusercontent.com/img/b/R29vZ2xl/AVvXsEjb8LaoLo122QCsKVRcw9aXb2FmqBAYBSy9GO0LdKbFM87buYZ60T3debJLXUjqltTrEvUx-g_nAD8SkIo8tanWSq-qyBoYNNOn0r3w2S789sKxCfMCX7kNN86XK0CpBOE9GgOBDGvNoDKM/s1600/DSC04064.jpg)
平時狼吞虎嚥的我, 吃得非常慢, 朋友吃完我還剩一半, 終於給她發現了我的弱點, 哈哈... 我的牙齒對冰冰很敏感, 要慢慢地慢慢地慢慢地進食, 否則感到會很麻痺, 不好受呢...
入座後20分鐘, 朋友再落單叫外賣交她的另一半...
生磨合桃露$19
-- 看樣子非常對板...
![](https://blogger.googleusercontent.com/img/b/R29vZ2xl/AVvXsEjWGVDjHfxwaCSjVXJx4Brrtn09l43DHhJsdZoyjiwpkJXtjq8eqaDOpfz-QHgIRC-IEPNfUsTeOK6GhKlCB2quxGup7a-sY9Asmc_l9ukijRrKPu-A_9k2IdgKTDjgSAjwgj8ZX7nmlRsB/s1600/DSC_1106.jpg)
Q果 $21
-- 可選紅綠豆雙拼, 呵呵, 我順手牽羊, 取了一粒紅豆味的, 果皮晶瑩剔透, 微微地黏著我的手指, 咬開果然是QQ的, 軟糯有彈性, 紅豆蓉味道略淡, 給完美的紅豆茸西米冰狠狠地比下去...
![](https://blogger.googleusercontent.com/img/b/R29vZ2xl/AVvXsEjg9rFdcokLRd_koCv5259eZvi2-zJm-yrhyphenhyphenI0VDUhcD-WjauDUNyGWb_0CL2NToOrGX5VbeZnVymzVr2aOwh2CN14uU9KlgXOUZVRHL4_Dqfj_u_cKj-XO-UNKew8RveH2W0olYCVEKLLM/s1600/DSC_1105.jpg)
價錢相宜, 真材實料, 味道一流, 環境就要張就一下... 第2日已心思思想再來, 點算好, 嘿嘿...
是次每人消費約 $45 元
味道: 5 環境: 2 服務: 3 衛生: 4 抵食: 5
###
地址 : 銅鑼灣耀華街11號地舖
電話 : 2278 2622
沒有留言:
張貼留言